حامل ... ولا لا ؟؟؟؟

[نورا الامورة]

السلام عليكم ورحمة الله وبركاته

كيفكم ايش اخباركم ...

ابغى اسالكم مره محتاره ... اليوم رابع يوم ماجتني فيه الدورة كلمت دكتوري طلع مسافر كلمني الدكتور اللي بداله وقلتله قال انتظري كمان يومين لو ماجت تعالي نسويلك تحليل ( انا ساكنه بجده لكني في زياره عند اهلي في الجنوب) المهم قلتله طيب اخذ دوفستون ؟؟؟ قالي لا عشان اذا مافي حمل مانبغى تتاخر عليك الدورة لوقت تخلصي حبوبك !!! ... قلت طيب .. وفي الاام في اسفل ظهري خفيف يروح ويجي وبرضو في مكان المبايض يروح ويجي ... ومن اسبوعين للان معدتي تحرقني بعض الاوقات خصوصا امس حرقه وحمووووضه بشكل مو طبيعي ومررره متضايقه منها ... جا زوجي اخذني عند اهله قلتله خلنا نمر الصيدليه اخذ تحليل منزلي ... اخذته ورحت البيت طلع سلبييييييييي ... طيب كيف كذا ؟؟؟ وهذه اول مره ماتجيني الدورة من وقت تعالجت من 7 شهور عند دكتوري كان عندي ارتفاع بهرمون الحليب ومن وقت اخذت الحبوب صار تجي باليووووم 31 الا وهي جايه .... طيب ايش العمل خواتي زوجي مسافر اليوم جده وانا بقعد هنا اسبوع عند امي والدكاتره هنا ما اثق فيهم ابدا من زمان يوم كنت احلل دم مره يطلع دمي a+ ومره a- بالله ايش رايكم فيهم ؟؟؟؟ وبنت اختي من كم شهر حملت ونزل عليها شوي دم راحت الدكتورة قاااالو انها شااااطره وقالت بس ارتاحي !!! ماعطتها لا مثبت ولا شي ابدا بعد يومين سقطت ؟؟؟ انتظر كمان اسبوع ولا كيف ؟؟؟؟ من كثر مافكرت حلمت اليوم انه جتني الدورة هههههه ... ايش تنصحوني خوااتي

[ريح المسك]

كلام الدكتور صحيح انتظري بعد موعد الدورة اسبوع بعدها حللي عشان يكون التحليل واضح
وان شاء الله ربي يكتبلك الحمل
الحين خليك مرتاحة ولا تتوترين

[نورا الامورة]

اختي لازم الدورة تجيني قبل 4 ايام يعني فاتتني 4 ايام عرفتي ...
قاعده احاااول قدر الامكان اكون مرتاحه الله يعين

[دلوعة ح ـبيبي]

..

إذآ حآبه تطمني أكثر أخذني تحليل منزلي ثآني نوعيه غير وحللي

وحللي في الصبآح أفضل ’’ وإن شآء الله خير ’’

ترى في نآس مآيبين عندهم الحمل الآ بعد شهر وأكثر ,,

آن شآآآء الله يآآآآآآآآآآرب تبشرينآ =)

..

[اثير الصمت]

انتظري احسن لك ولاتتوترين تري اذا كانت دورة وانتي متوترة ماتنزل انا هيك صار لي

وانشاءالله انك حامل لان الحلم يطلع عكسه

[نورا الامورة]

يااااارب .. الله ييسر اللي فيه الخير والله قاعده احاااول اني انسى الموضوع واشغل نفسي في اي شي ... الله يكتب اللي فيه الخير

[لن أيئس]

الله يفرح قلبك بما تتمني بحق من خلق هااليوم الفضيل ..
اللهم آآآآآآآآآآآآآآآمين

[حوريه السعوديه]

الله يفرح قلبج واذا مستعجله سوي تحليل دم رقمي يأكد لج الحمل ومهما كان مستوى الدكاتره عندكم هذا تحليل ماله دخل

[دمعة شقا]

سوي تحليل دم عند اي مستوصف اهلي
طلبي تحليل حمل مو الازم تتدخلي على دكتوره وشوفي النتيجه..
ان شاء الله تكوني حاااامل
الله يرزقك يااااااارب ..
ويرزق كل محرومه

[عيون حنونه]

السلام عليكم أختي نورا الاموره ,,,,,,,,,, أنا عضوه جديده وانشالله أكون ضيفة خفيفة الظل عليش، يا رب تكوني حامل والله أنا الدوره متأخره عندي 13 وفحصت دم ومنزلي طلع سلبي نفسيتي تعبانه وما أدري ايش اسوي

[عيون حنونه]

وسمحوني اخواتي ع أي خطىء انا بعدني جديده وهذه أول مشاركه لي في حياتي ، ولما لفتني ها الموقع حبيت اشترك معكم وأخبرك عني وعن تأخري حملي لانه هالموضوع محطمني كثيييييير ويارب نكون قريب كلنا حوامل،،،،،،،،، فيارب ترحبوا فيني وتعتبروني اخت من خواتكم

[عيون حنونه]

يا ليت حد يرد عليhwaml7

[عيون حنونه]

بليز ليش ما حد يرد علييييي ولا انا ما اعرفت اشترك ساعدوني بنات هذه اول مشاركه لي

[ana4122009]

حبيبتى يمكن تبويضك متأخر وما يبان فى التحليل الحمل انتظرى لحين ما تكملى عشر ايام على فوات الدورة وحللى دم وان شاء الله تكونى حامل وتبشرينا ولا تجهدى نفسك وحاولى لا تشغلى بالك لان النفسية لها عامل كبير ، ربنا يرزقنا جميعا بالذرية الصالحة ان شاء الله

[عيون حنونه]

شكرا عزيزتي ع الرد بس انا شهر مايو الماضي عملت فحص للهرمونات وطلع معي ارتفاع بسيط في هرمون الحليب والبويضات عندي صغيره مما سبب لي تكيس في المبيضين وهذا اللي يسبب لي تاخير في موعد الدوره بالعاده وخذيت حبوب تنظيم الدوره بالاضافه للعلاجات الاخرى بس حصلت لي ظروف وما كملت العلاج والشاطره اقصد الدوره انتظمت من نفسها لشهرين متتابعين وصارت تجي كل 28 بس هالشهر المفترض تجي 5 من هذا الشهر بس لحد الحين ما شرفت ..... صارلي سنه متزوجه
ومش عارفه ايش اسوي’’’’’ زوجي رافض اني اتعالج واروح عند دكاتره ولما اقوله اريد افحص ليش تأخرت الدوره يقول خليها ع الله

[عيون حنونه]

بنات حد يرد

[لن أيئس]

ياعيون حنونه ربي يرزقك من حيث لا تحتسبي ويفرحك عاجلا غير آآآآجل

[عيون حنونه]

امييييييييين أنتي وأنا وكل من تأخر حملها يارب كلنا نحمل هالشهر اااااامين

[عيون حنونه]

أبغى أسئل حد جرب جهاز كلير بلو وعطاها نتيجة موجبة وهمية؟؟؟؟؟

[نورا الامورة]

مشكورات حبايبي على ردودكم اللي تشرح الصدر ونفسي اروح احلل لكن زوجي مسافر بس بشوف اذا قدر ابوي يوديني ...

[عيون حنونه]

هلا نورا الاموره ،،،،،، انشالله تحللي وتبشرينا يارب تكوني حامل بتوم قولي امييييييين

[اللؤلؤة اللامعة]

سبحـــــــــــــــــان الله

[نورا الامورة]

امين ياااارب تسلمو حبايبي الله ييسر يارب ويرزقنا جميعا عاجل غير اجل ياااارب ...

[نورا الامورة]

كلمت الوالد الله يحفظه وبكرا الصبح ان شاء الله بروح احلل دم ... ادعولي الله ييسرلي ويكتبلي اللي فيه الخير يارب

[#ام جوان#]

اسأل الله عزوجل ان يكتب لك اللي فيه الخير
وان يرزقنا واياك بالذريه الصالحه يارب]

[نورا الامورة]

امين اختي ام جواان ... الله يرزقنا جميعا بالذريه الصالحه عاجلا غير اجل

[نورا الامورة]

كيفكم خواتي .....

اليوم رحت الصباح على المستوصف اللي جنب بيتنا دخلت عند الدكتورة وقلتلها كل شي قالت اوكى نعملك تحليل بول ؟؟؟؟؟ قلتلها ما ابغى تحليل بول ابغى دم!!! قالت هنا مافي الا تحليل بول !!! قلتلها انا امس حللت بالبيت وطلع سلبي ابغى دم ؟؟؟ طيب حوليني بنك الدم ... قالت حتى بنك الدم تحليل الحمل عندهم بول !!!!!!!!!!!!!!!!
بالله ايش رايكم ؟؟؟؟؟ بنك دممممممممم وعالحمل يحللون بول ؟؟؟؟؟؟ قلتلها طيب والعمل قالت مالك الا خاااااص .............. قلت طيب
وطلعت عند الوالد الله يحفظه وقلتله كذا كذا قال طيب ورحنا الخاص ... ونطلع وننزل اشغلونا حسبي الله عليهم ( ماحزنت الا على ابوي عمره 77 سنه وسحبته معاي ) لكن ماشاء الله عليه الله يقويه ويطول بعمره يوصل لاعلى الدرج وانا باقي تحت فحمااانه خخخخخخخخخخ
المهم حللت دم ورحت عند الدكتورة وقلتلها كل شي من طقطق للسلام عليكم ...
وانا عندها جا تحليل الدم : سلبييييييييييييييي
قلت طيب ليه مانزلت الدوره قالت :حريم كثير يكونو حوامل ومايطلع نتيجه تحليل الدم انهم حامل الا بعد شهرين لان يكون نسبه هرمون الحمل في الدم ضعيف جدا ..
قالت لاتستخدمي ولا شي ابدا .. تقول تعرف وحده تاخرت دورتها شهرين وكل ماحللت يقولو سلبي مافي حمل تقول راحت دكتورة ثانيه عطتها حبوب تنزل الدورة فسقطت اتاري حامل لكن مابان بالتحليل سبحان الله ....
سوتلي سونار وفحص من تحت قالتلي في 3 بويضات وحجمها كويس بس ما ادري مخصبه ولا لا ... المهم عطتني فيتامين وقالتلي متى بترجعين جده قلتلها الاسبوع الجاي يوم الاربعاء ان شاء الله ... قالت طيب عندك ليوم الثلاثاء اذا جتك الدورة بس تروحي لجده عند دكتورك خليه يسويلك تحاليل لهرموناتك يمكن رجعت لخبطت ... واذا ماجت تعالي اسويلك مره ثانيه تحليل دم وسونار واذا مافي حمل نسوي اشعه صبغه (ما اعرف عنها شي باقي ادور بالمنتدى عنها اشوف ايش هي) وزوجك يسوي تحليل ....
الله يعين عاللخبطه اللي صارتلي اليوم ... مع اني احس الاعراض اعراض حمل الم بسيط في اسفل ظهري واسفل بطني عند المبايض .. معدتي لها 3 اسابيع تعباااانه حموووضه على حرقه على سوماااا ومالي مرتاحه منها ... وفي افرازات وانتو بكرامه شفافه او على بياض شوي مو لزجه لا سااائله ... لكن ما ادري ايش القصه حتى اني ما افكر بالموضوع لاني مشغوله بقصه البعثه والدراسه فما ادري .... الله ييسر اللي فيه الخير يااااارب
اسفه طولت عليكم بس حبيت اقول اللي عندي وارتاح