ساعدوني بكريه ولا اعرف شي

[خواطر مكسوره]

السلام عليكم ورحمة الله وبركاته

شلونكم حوامل انا بكريه ولا اعرف شي

وداشه التاسع لي 15 يوم واحس بألم مثل الم الدوره واليوم جاني افرازات بيضى

والالم مو مستمر يجيني باليوم مرتين او ثلاث هل هذا طلق ولا شنو

لأني والله مااعرف شي بس اذا مشيت ولا شي احس شي بينزل مني واحيانن احس

بمغص واروح الحمام الله يكرمكم ولا يطلع شي تكفون قولولي اذا جت الولاده شنو

اول شي احس فيه انتظر ردكم على احر من الجمر الله يجعل الجنه داركم

[خواطر مكسوره]

ردو علي تكفووووووووووووووووون

[خواطر مكسوره]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أيوش الحلوة]

حبيبتي انا بكرية بس ما حبيت اطلع من غير ما أدعيلك الله يقومك بالسلامة يا قلبي .. يقولون ان الافرازات البيضاء هي علامة الولادة وهي سدادة الرحم ولو نزلت معناها الرحم بلش يتوسع يعني الولادة باذن الله قريبة ... الله يقومك بالسلامة
أنا ما عندي خبرة بس أقولك شو قرات بالمنتدى

[همووووسه]

ياقلبي الولاده علامتها ينزل عليك خيوط دم بسيط


اذا نزلت اعرفي ان الولاده خلال ال12 ساعه القادمه


بس نصيحتي لك اذا نزلت

حاولي تمشين كثير عشان المشي الكثير يسهل الولاده بعدالله

ولاتروحين للمستشفى على طول

لاتروحي الا لما ماتقدري تتحملي الالم عشان الولاده للبكريه تطول شوي


واذا رحتي بدري يطفشوك بالمغذي ويحطون على بطنك تخطيط وماتقدري تمشين الا لما يشيلووووه


واذا قالولك الرحم فاتح 10 سم الحمدلله اعرفي ان الولاده خلال عشر دقايق وترتاحي

وعلى فكره علامات الولاده ان يجيك الم الطلق كل خمس دقايق يجيك فااعرفي انه ولااااده

[خواطر مكسوره]

الله يسلمكم يارب ويوفقكم

يعني ماتجيني الولاده الا لازم تنزل خيوط دم عشان اعرف انها ولاده يعني الافرازات البيضى عادي اهم شي الدم اذا جا اعرف انها ولاده صح

[همووووسه]

ايوووه ينزل معك خيوط دم

وبعضهم تنزل عليهم مووويه كثيرزي الصنبور

والله يسهل عليك يارب اكثري من الاستغفار والدعاء بتسهيل ولادتك

عاد اذا جيتي في غرفة الولاده ادعي لاهلك ونفسك وللمسلمين

في هذه اللحظات الدعاء مستجاب فاادعيلي الله يسهل علي الحمل والولاده ويرزقني بطفل يفرحني

[ريونه]

الله يهون عليك ياقلبي
مثل ماقالو البنات

[خواطر مكسوره]

الله يجزاكم خير


هموسه الله يوفقك ويرزقك ماتمنيتيه ويسخر زوجك لك يارب