هل وزن جنيني طبيعي ؟؟؟

[هدوء الليل]

السلام عليكم ورحمة الله وبركاته

شخباركم اخواتي ..
اني حامل بالاسبوع 35 وامس رحت عملت سونار وقالت لي وزنه 1850 قالت لي صغير البيببي ومن اجيت خايفه وحاتي واجد ... ومعي سكر الحمل والكل اقول انه اكون البيبي كبير بس اجوف العكس...

طمنوني اخواتي تكفون هل اهو طبيعي ؟؟؟؟

[كليجه]

الي أعرفه إن وزن الجنين يكون صغير إذا كانت الأم تعاني من الزلال
وان شاء الله الأخوات يفيدونك أكثر

[Alih]

يعني هاذا الاسبوع تدخلين الشهر التاسع لان الشهر التاسع 5 اسابيع
وبالشهر التاسع يزيد الجنين من 700 غرام الئ كيلو يعني ان شاء الله ولادتة
راح يكون وزنة قرب ل3 كيلو وبيكون كذا الوزن الطبيعي
انا بحملي الاول خوفوني وقالو وزنة صغير وولدتة وزنة 3 والحمدلله

[أم ريـم]

الاخوات ما قصروا الله يجيبه سالم معافى ياااارب

[هدوء الليل]

الله يطمنكم ان شاء .. وسهل عليكم
ماقصرتو جزاكم الله خير
وان شاء الله راح ازور عياده خاصة بعد اسبوع عشان اطمن عدل والي فيه الخير اقدمه رب العالمين
تحياتي لكم اخواتي

[شجون انثى]

اعتقد الوزن قليل بس مو زياااادة
يعني شوية فيتامينات على حليب وفواكة بتولدينة 3 كيلو انشاء الله
بس روحي عند دكتورة ثانية وسوي سونار ثاني عشان تتاكدي

[زوزوعليوه]

انا الحين صار لي 31 اسبوع بالحمل ووزن البيبي بس كيلو والله اني خفت وقمت اكل طول اليوم عشان يكبر انتي تغذي كويس وان شاء الله يزيد وزنه لاتخافي