سلام سؤال بخصوص العسكري بجده

[أم منوله]

كيفكم ؟
حابه اسالكم مين قد ولدت في العسكري في جده قيصري ؟
كيف خياطتهم ومعاملتهم ؟؟ والنظافه ؟؟
وكم يوم يخلوكي متنومه بالمستشفى ؟؟
ياريت تطمنوني قلقانه لأني راح اولد هناك..

[أم منوله]

ماااحد يقدر يفيدني

[ام دحومي]

ام منوله اسفه ماشفت المووضع والا كان افدتك بالتفصيل الممل ^_^
انا ولدت هناك راجعت عندهم من الشهر التاسع والباقي كنت بخاص اراجع اما الولاده انا رحت وقالوا لي الجنني نبضه ضعيف لازم عمليه قيصريه وطلعوني الساعه10 وطلبت ابره ظهر مابي اي الم لانهم قالوا بيستنوا علي شويه المهم جاء دكتور البنج 1الظهر وطرد القابله الله لايربحها كرهتها هنديه معفنه استغفرالله المهم ولدت عمليه الساعه 5وخرجت 6ونص
مره عمليتهم حلوه ماكنت اعرف شي تجميل او غيره بس هم عرفوا اني بكريه وسوا لي تجميل تقدرين تطلبينهم وتقولين ابي تجميل اصلا ماتبين زي الخيط بس
وتقعدين اربع ايام انا ولدت الاثنين وخرجت المغرب يوم الخميس مره السسترات يهتمون فيك بس بقششيهم لو 10 يدلعونك ويخلون امك او اي احد يبات معك غير زوجك
ويعلمونك اذا جاء المدير يلف عليهم لانه ممنوع المرافق والمولد عنايه واهتمام وهو الاهم ولايطلعونه لاي احد
الله يسرلك واذا بغيتي شي انا حاضرة

[Tota Baby]

اسعار الولادة فيها كااااام وبيستقبلوا اجانب ولا لا؟؟؟؟ حد يفيدنا بليييز

[hndosa]

انا ولدت ولادتي الاولى فيه عمليه قيصريه ممتازين جدا واهتمام ولي قرايب ولدو فيه طبيعي كمان يمدحونه وانشاءالله اذا الله اراد راح اولد فيه الولاده الثانيه
مستشفى العسكري من افضل المستشفيات لانه مش تابع لوزارة الصحه عشان تابع لوزارة الدفاع والطيران
وحبيت اوضح للأخت الي بتسأل توتا بيبي انه مستشفى يخدم منسوبي وزارة الدفاع والطيران يعني مستشفى علاج مجاني للجيش وعوائلهم
واي سؤال انا حاضره وانشاءالله اكون افدتك
ملاحظه كل الممرضات ما يمشوا الا بالبقشيش في كل المستشفيات

[Tota Baby]

يعني مش بيستقبلو اي حد غير الجيش وعاوئلهم ولو بيستقبلو اي حد عادي بيكون بكام طبيعي وقيصري لو تعرفي ياريت تفيديني لاني بجد محتارة شكرا يا قمر

[hndosa]

هلا اختي زي ما قلتلك المستشفى علاج مجاني لمنسوبي وزارة الدفاع والطيران مش بفلوس بس بيتحول عليه حالات تحويل من مستشفيات ثانيه بس بيكونو مواطنين والاجانب اذا كانو بيعملو في نفس المستشفى بيتعالج ببلاش فهمتي علي يعني ما يستقبل مراجع الا ببطاقه عسكريه حتي لو كان سعودي

[أم منوله]

يسلمووو على الردود

[ام الخير]

اولا العسكريبصراحه لا يعلى عليه في التعامل والنظافه والاهتمام سواء بالام او الجنين بس عيبهم ما يطمنوك يقولون لككل شي تمام الين التاسع واذا في شي يا اما طلق صناعي اوعمليه وينقذوك وينقذو البيبي والعمليه ممتازة تجميليه ما تبان وتجلسي اربه ايام لخمس ايام حسب الحالة اما البيبي حطي ببطنك بطيخه صيفي نظافه وعنايه ويشبعوهم بالساعات ارلرضعات والطبيعي نفسه بس نف اليوم اللي ولدتي فيهواللي بعده تطلعي
بالنسبه لسؤال الاخت اذا بيقبلو اجانب طبعا لا اجانب ولا سعوديين الا اللي ازواجهم او ابوها يكون عسكري سواء البحريه او الجويه او البريه والدفاع والطيران بس يعني لازم يكون عسكري في القطاعات اللي مذكوره سابقا او اجنبي من كل الجنسيات للي بيشتغلو في المستشفى سواء دكتور مهندس كهربائي فني اي عامل لو نظافه له ولعياله وامه وابوه فقط وللحالات المحوله المستعصيه مثل الحوادث الصعبه او الحروووووق وحالات اللي تحتاج عنايه مشدده وكمان بواااااسطه وهو مجانا للقطاعات المذكوره اتمنى يا قلبي اكون افدتك ووحبيت افصل لك عشان تفهمي ياقلبي

[Tota Baby]

شكرا لردودكم واهتمامكم طيب عاوزة حد يقولي على مستشفى كويسة اولد فيها لاني محتارة وغير كدة مش عاوزة حاجة تكون سعرها عالي
ومستشفى الولادة العام القيصرية عندهم كويسة ولا لا؟؟؟

[أم منوله]

اتمنى البنات يفيدوكي لأنو ماعندي فكره ..
الله يسهلك امورك يارب..