سؤال اذا اللي معي طلق ولا لاء ؟؟

[ابنائي حياتي]

السلام عليكم ورحمة الله وبركاته
بدخل بالموضوع بدون مقدمات
بنات انا ولدت مرتين في السابع والحمد لله الولاد يطلعو معي بصحة منيحة
وهاد حملي الثالث وكمان اسبوع بدخل الثامن عملت عملية ربط عنق الرحم عشان ما اولد بدري
الي فترة بحس بانقباضات وتحجر ببطني
رحت لدكتورتي حكتلي هاد طلق خفيف واذا اشتد بتيجي اوقفلك اياه
ولسة البيبي راسها مو نازل عالجنب والرحم مسكر شافتو عالسونار

مبارح بالليل صار عندي وجع اسفل بطني اول العانة لدرجة حسيت شي بنزل مني وكل شوي عالحمام من الثقل وبطني يتحجر
سالت حماتي بتؤلي هادا طلق وانا ناسية وجع الطلق فشو رايكم بنات ؟؟
واليوم لسة في تحجر والالم اسفل بطني وضهري ( متل وجع الدورة ) بس بتحملو وما في شي بنزل مني لا دم ولا افرازات ولا مي
شو رايكم بنات ؟؟؟

[نبض قلب]

احسن شي روحي لدكتورتك توقفلك الطلق لخوف تولدي بدري

[ابنائي حياتي]

نبض قلب شكرا حبيبتي عردك بس اتحمليني معليش باسئلتي
يعني هادا طلق حتى وجع اليوم اللي متل الدورة ؟؟
وبعدين اذا ما في اي شي بنزل هل في خوف ؟؟ التوسع استحالة يصير وفي ربط عنق الرحم
ولو ضل معي وجع متل الدورة وما في علامات ولادة عادي اسكت عحالي
ولا ممكن يصير شي ؟؟

[Mقمة البرااااائهM]

أنا منزله موضووووع نفس حااالتج بشوووفه وبرجعلج حبيبتي أوووكييييييييييييه..

[ابنائي حياتي]

بانتظارك حبيبتي

[Mقمة البرااااائهM]

تفضلي أختي,,,,,,,,,,

http://forum.hwaml.com/t68372.html

[سفانه]

ربي يسهل عليكـ...بس افضل الدكتوره هي اللي تعرف وضعك::ان شاءالله

[ام الهادي]

وعليكم السلام ورحمة الله وبركاته
في الم يجيك كل فترة ومنتظم يعني كل 10 دقايق او اقل انا كدا كان طلقي

[ابنائي حياتي]

شكرا لك قمة البراءة
قرات الموضوع وساحاول بالنصائح المذكورة لتخفيف آلام الطلق واذا لم تخف ساتصل على دكتورتي فورا

[ابنائي حياتي]

ام الهادي
الالم عطول معاي مثل الدورة بس مبارح اشتد وصار ضغط لتحت
وتحجر دائم
انا اخدت ابرة من كم يوم عشان رئتين البيبي تحسبا لولادة مبكرة
وبعدها اشتد الالم كتير وخاصة مبارح بالليل

[ام الهادي]

الله يعينك يا رب طيب كلمتي الدكتورة؟؟؟؟؟؟؟؟

[ابنائي حياتي]

كنت عندها من كم يوم وحكتلي هاي انقباضات بس كان الوجع خفيف مو زي مبارح ضغط لتحت
وحكتلي ارتاحي وكتبتلي عابر الرئتين واطمنت على عنق الرحم مسكر لسة والبيبي راسها عالجنب مو نازلة
وكمان 10 ايام موعدي بس بحالة ضل عندي وجع كل يوم ولو ما نزل اي شي
عادي ما اروح ؟؟
ولا لازم الطلق يوقف ؟؟
لاني مو عارفة عشان عملية الربط يعني الرحم مسكر اصلا عشان مربوط

[نونـي]

ربي يسهل عليك

[أيوش الحلوة]

حبيبتي أستحلفك بالله شوفي الدكتورة لا سمح الله أحسن ما يصيبر شي للجنين تندمي عليه و تقولي راريتني ما ماطلت بالموضوع ... كل و حدة و حملها شكل و طلقها شكل ... تخافي تحجر البطن يسوي شي للجنين
أستحلفك بالله شوفي دكتورة أحسن تندمين لا سمح الله
الله يفرحك بشوفة النونو

[ابنائي حياتي]

مشكورة اختي ايوش
اليوم ما في وجع بس اذا رجع راح احكي مع دكتورتي
انا حكيت معها وحكتلي اي شي اطلعلي عالمستشفى