المساعد الشخصي الرقمي

مشاهدة النسخة كاملة : ادعو لليان فهي الحين بحاجتكم ..

الغلا
10-09-2009, 03:49 PM
بسم الله الرحمن الرحيم

ما أدري شلوون أقول لكم الخبر

بس أنا عن نفسي ما أدري شلون تحملت الصدمة

أنا قاعدة اكتب لكم و دمعتي على خدي


طبعا أنا قبل كم يوم دخلت وشفت موضوع ليان >بنت خالتي<

بالمنتدى وهو عن انها جاها نزيف لكن بعدين الله ستر ووقف .....

طبعا هي كانت مسافرة لدبي مع زوجها لدواعي شغله وجاها النزيف

هناك يعني بعيد عنا وطبعا << بالفترة الي هي مناك جاها خبر وفاة

صديقتها .... الي هي يمكن قالتلكم عنه << وحالته النفسية والصحية

الي تدهورت بعده <<

الموضووع وما فيه انها أمس وصلت بالسلامة مطار الكويت الفجر

و كان ما فيها الا العافية

لكن أمس بالليل اتصل زوجها علينا وخبرنا انها بالعناية المركزة وكان يصيح بعد عمري

وهذي المرة الأولى الي نشووفه بهذي الحالة المكسورة لأنه شخص له مكانته بالمجتمع

و مو سهل عليه انه يظهر جدام الناس بهذي الحالة الي بينت ضعفه كله << لكن معاه حق

حال ليان الغالية ما تسر لا عدو ولا صديق <<

لأني أدري علاقتكم بليان الطويلة ولأنها دايما ما تجيب سيرتكم بالخير ولأني ما أدخل المنتدى

وايد لكن صدقوني أعرفكم كلكم من كثر ما هي تتكلم عنكم <<

أدري اني أنا لفيت بالموضووع كثير بس ما أدري شلوون أقوله ,, وانا ما كنت راح أكتبه

الا بعد ما عرفق ان حالتها خطيرة و محتاجه لدعاءكم بشدة ,,


بعد عمري الحين هي بالعناية المركزة جاها نزيف حاد فقدت عن أثره الجنين

الي كانت منتظرته و دم وايد ودخلت بغيبوبة الله العالم بتخرج منها ولا لأ

الدكتوور يقول كل هذا ناتج عن صدمة عصبية وارهاق شديد وظروف نفسية سيئةعلى العلم انها بعد ما وصلت الكويت الفجر ,, جت الزوارة الي ببيت جدتي

العصر وما بينت لنا انها تعبانة لأن الدكتور يقول انها كانت تعاني من انقباضات تشبه الولادة

وما قالت حق احد ,, بعدين جاها النزيف وصار الي صار

فهي بأمس الحاجة لكم << وخالتي بعد عمري ما وقفت عن الصياح

من أمس << ربي يثبتها ويعطيها الصبر و السلوان

ولدعائكم .. والله لو المعزة الي كانت تكنها لكم جان ما قتلكم هذا الخبر

تراها ما تهنت بحمالها هذا بالأول سقطت جنين واحد من التوأم و هذي المرة الثانية الي تصير لها

سالفة بسبب هذا الحمل الواحد << ربي يعينها

و بس الي أبيه منكم انكم تدعون ان ربي يقومها بالسلامه

وترجع مثل الأول ليان المزيونة الي كل من يشوفها يحبها

و السلام عليكم و رحمة الله و بركاته ...
زهرة اللوتس
10-09-2009, 04:59 PM
لاحول ولا قوة الابالله اش فيهم البنات شكلها عين وصابت بنات المنتدى الله يقومها بالسلامه وترجع مثل اول واحسن اللهم ارفع عنها البلاء وعافيها ..طمنينا عليها بالله..اللة يجعله شافع لها ويعوضها يارب..
غلا الشوق
10-09-2009, 05:13 PM
الله يقومها لكم بالسلامة طمنينا عليها بالله
يارب ترجع ليان احسن من اول
الغلا
10-09-2009, 05:25 PM
ربي يسمع منكم

آمييين
**سماسم**
10-09-2009, 05:38 PM
لا حول ولا قوة إلا بالله العلي العظيم
اسأل الله العلي العظيم أن يشفيها ويكتب لها الشفاء العاجل
ويعوضها خير إن شاء الله
والله أنها ماتستاهل الي حصلها
أمانه طمنينا عليها
الحب لك وحدك
10-09-2009, 05:38 PM
يابعد عمري ليونه
الله يقومها بالسلامة
ويعوضها بجنينها اللي راح
الله يخليك يالغلا
طمنينا عنها اول بااول تكفييييييين
ماتعرفين وش قد اغليها
يارب ياقيوم اشفي ليان وفرحنا برجعتها
اللهم اميييييييييييين
طمنينا لاتنسين
مشتاقة للأمومة
10-09-2009, 07:45 PM
الله يقومها بسلامة

ويعوضها بلي فقدتة

اللهم أميييييييييييييييييييييييييييييييييييييييييييييييي يييييييييييييييييييييييييين
سموة الشوق
10-09-2009, 07:46 PM
لاحول ولاقوة إلا بالله

ماني مصدقه الخبر
بصراحه فحعتيني والله

معقول

ليونه حبيبتي
والله المنتدى ماله داعي بدونها

يارب يارب يارب تقومها بالسلامه وترفع مابها وتحفظها بحفظك ياكريم ياذا العرش المجيد ياحي ياقيوم

أرجووووووووووووووووووكي يالغلا رجاء خاص إنك تطمنينا عليها

الله يخليكي
والله إن قلبي انقبض يوم شفت الموضوع

رجاء خاص يالغلا
والله ليونه حبيبة الكل
وأنا حاسه فيها يوم قالت بخبر وفاة صديقتها الروح

وكانت نفسيتها مرررررررررررررررة متحطمه
الله يحفظها يارب يارب يارب
اللهم ياجامع الناس ليوم لاريب فيه اجمع أختي ليان بصحتها يارب يارب يارب
سماء الحب
10-09-2009, 08:49 PM
مع اني ما اعرفها

الا ان الخبر اثر في

الله يشفيها ويعوضها خير

ان شاء الله انه يكون شفيع لها

طمنينا عنها

تحياتي
عزيزة النفس
10-09-2009, 09:16 PM
اللهم اني اسالك باسمائك الحسنى وبصفاتك العلي انك تعافي وتشفي اختنا ليان شفاء لا يغادر سقما
اللهم اني اساللك انك تعوضها عما فقدت وتجعلهم شفعاء لها يوم القيامه
اللهم ارحم صديقتها واغفر لها ونقها من الذنوب والخطايا كما تنقي الثوب الابيض من الدنس
عزيزة النفس
10-09-2009, 09:17 PM
ارجوك يا اختي الغلا طمنينا عليها اول ماتسمعين عنها اخبار جديده
ارجوووووووووووووووووووووووووووووووووووك ارجووووووووووووووووووووووووك
ترا انشغل بالي عليها
سماء الحب
10-09-2009, 10:16 PM
ان شاء الله تقوم بالسلامه
الحب لك وحدك
10-10-2009, 12:37 AM
الغلا شخبار ليان
طمنيني عليها
وربي ضيقتي صدري بهالخبر
ماتستاهل وربي
الله يقومها بالسلامه
وترجع لزوجها واهلها
امين يااااااارب
الغلا
10-10-2009, 02:49 AM
ربي يحفظكم

ليان الى الن مافي تحسن بصحتها

لأنها فقدت دم وايد وهي الى الآن في الغيبوبة

وربي ما فارقت المستشفى من أمس بليل

ولا النوم قرب من جفن عيني

يا الله ياغفور يا منان ياكريم

انك تقوم بنت خالتي بالسلامة

ونشوفها مثل الأول يا رحم يا رحيم

مو المهم الجنين المهم هي

مشكوورين على سؤالكم

وراح أطمنكم أول بأول اذا في تحسنات ان شاء الله

والسموحة
ام ريتال
10-10-2009, 04:47 AM
والله من جد ضاااق صدري عليها

الله يقومها بالسلامه ويعوضها الجنين اللي فقدته وعلى ما اعتقد انها صغيرة عمرها 19 سنة

انشالله العمر قدامها ويرزقها ربي الذرية الصالحة اللي تسر عينها يااااارب



آآآمين يااارب العااالمين ..
الشوق عطري
10-10-2009, 05:09 AM
يا بعد عمري ليونه والله ما تستاهلين الي يصير اليك


الله يعوض عليك وترجعي بالسلامه يارب

الغلا تكفي طلبتك ادخلي كل يوم وطمننيناعنها

والله ماتستاهل


بس ان شاء الخير هذا خير اليها

الله يعوض
فجر
10-10-2009, 12:00 PM
اللهم رب الناس اذهب الباس واشف انت الشافي لاشفاء الاشفائك شفاء لايغادر سقما
ياحي ياقيوم اسالك باسمك الاعظم الذي اذا دعيت به اجبت ان تشفي ليان وتقومها بالسلامه وتعوضها وترزقها الصبر وتجعل اولادها شفعاء لها وتصبر اهلها وزوجها وترحم صديقتها وتغفرلها يارب العالمييييييييين

والله كدرتي خاطري بالحييييييييييييييييييييييييل ارجوك طمنينا عليها اذا قامت ان شالله
لاحول ولا قوة الا بالله
حوامل
10-10-2009, 01:50 PM
لا حول ولا قوة إلا بالله العلي العظيم
اسأل الله العلي العظيم أن يشفيها ويكتب لها الشفاء العاجل
ويعوضها خير إن شاء الله ونعم الإنسانه أخلاق الله يقومها بالسلامة ان شاء الله وتقر عين والديها وتطمنا ان شاء الله انها بخير وقلوبنا معها

اختي لاتنسين تطمنينا اول باول عن حالتها
الله يشفيها ان شاء الله الله يشفيها الله يشفيها ان شاء الله
الغلا
10-10-2009, 06:05 PM
مشكورين على هذا الاهتمام فيها

اهي الحين خفت حالتها ,, و عطوها الدم الي ناقصها

بس لو تشوفونها كلها أجهزة تعور القلب

بس الى الآن ما طلعت من الغيبوبة

وحاطين بيدها مال التغذية لأن ناقصها وايد

وممنوع أحد يدخل عليها

وان شاء الله اذا قدرت راح أدخل كل يوم وأطمنكم

عليها << ربي يشافيها قولوا آميين
الحب لك وحدك
10-10-2009, 06:30 PM
الله يقومها بالسلامة
امين يارب
سموة الشوق
10-10-2009, 06:30 PM
آمييييييييييييييييييييييييييييييييييييين

الله يخليكي يالغلا

لاتطولين علينا

والله منتظرينك على أحر من الجمر

يارب تقوم بألف سلامه

وتبشرينا يالغلا
بالمره الجايه
يارب يارب يارب تقوم ليان بالسلامه
يارب تعافيها وترجع صحتها زي ماكانت وأحسن يارب

يالغلا لو فاقت أرجوووووووووووووووكي سلميلي عليها كثييييييييييييييييييير

والله وحشتني
وحشتني موووووووووووووووووووووووووت
يارب لاتخيب رجانا
يارب
يارب
سموة الشوق
10-10-2009, 06:34 PM
آمييييييييييييييييييييييييييين
كحيلة العين
10-10-2009, 06:38 PM
الله يقومها بالسلامه ويبعدها عن كل شر ..

ويطول بعمرها اميين يارب ..

طمنينا عنها ..
سماء الحب
10-10-2009, 08:35 PM
الحمد لله ودمها شوي رجع بدل اللي نزفته

وعقبال ما تقوم بالسلامه ياارب

طمنينا

تحياتي
الغلا
10-10-2009, 08:53 PM
آمييييين ربي يسمع منكم

وطيف ان شاء الله بوصلها سلامك

بس هي خليها تفوق من الغيبوبة

والله هي كانت تحبك << وانتي من الأشخاص الي عرفتهم أنا منها من قبل لا

لا أدخل المنتدى وما تجيب سيرتك الا بالخير

انتي و الحب لك وحدك وعزيزة النفس و شوق عطري ودلوعة الكون

اكثر الأشخاص الي كلمتني عنهم

الله يقومها بالسلامة و ترد نفس أول

الى الآن ممنوعة عنها الزيارة وما قالو شو السبب ؟؟
الشوق عطري
10-10-2009, 09:18 PM
الله يقومها بالسلامه


بليز يا الغلا طمننينا عنها دائما


وقولي الينا اذا تحسنت والله ما تستاهل الي يصير اليها
الغلا
10-10-2009, 09:40 PM
اي والله ما تستاهل الي يصير لها

ان شاء الله بطمنكم اذا في أي تحسن

ربي يحفظكم
راجيه ربها
10-10-2009, 10:51 PM
لاحول ولاقوه الابالله والله يقوومها بالسلامه
نعومه
10-10-2009, 11:20 PM
لاحول ولاقوه الا بالله
والله افجعتيني بالخبريه وماني مصدقه توووني قبل كم يوووم ارد على موضوعه وادعي لها يوم جاها نزيف
يااااااااااااااااااااااااااااااارب شاااافيه وعاافيه ودفع عنها كل بلاء 0ياااارب شافيها وعافيها وعوضها خير
اارجووك طمنييناااااااااا عليهااااا
الحب لك وحدك
10-11-2009, 12:21 AM
ارجوووووووووك
يالغلا
طمنيني عنها
هل هي تحسنت صحتها
وربي قلبي معها ودعاي بصلاتي
الغلا
ليش مانعين الزيارة عنها

امااااااااااانه طمنيني اول باول
لاتخليني ترا وربي على احر من الجمر انطرك تدخلين عشان تطمنينا عنها
الله يقومها بالسلامه وترجع ليااان اللي يغليها القلب باخلاقها وطيبة قلبها
وترجع لنا
ولاهلها سالمة معفاه
امييييييين يارب ياااارب
غلا الشوق
10-11-2009, 02:12 AM
الله يقومها بالسلامه وترجع ليااان
ويارب شافيه وعافيه
بسوم
10-11-2009, 04:24 AM
لاحول ولاقوة الابالله الله يشفيها ويعوضها خير
والله اني ادعيلها من قلبي
أم ملوكي
10-11-2009, 05:35 AM
مع اني ما اعرفها

الا ان الخبر اثر فيني

الله يشفيها ويعوضها خير

ان شاء الله انه يكون شفيع لها
دلوعه عبدالله
10-11-2009, 06:55 AM
لا حول ولا قوه الا بالله


الله يشفيها ويقومها باسلامه ان شااء الله


ويعوضها قريب بحوله وقوته
الغلا
10-11-2009, 09:14 PM
أبشركم يا الغاليات والله ربي ما ضيع دعائنا ودعائكم

اليوم الساعه 5 تقريبا فاقت ليان وهي ماهي دريانه بالي حولها


والي كان معاها خالتي <أمها> وزوجها :: والله خالتي من الفرحة

قعدت تبجي ولا اسكتت , وطلع زوجها من العناية

و هو قاعد يصارخ حقنا : قعدت قعدت والفرحة باينه على وجهه

وراح بسرعة حق الدكتور عشان يقوله بعدين انقلوها حق غرفة

بدل العناية , وهني سمحوا لنا ان ندخل عليها والله قعدت اضمها حيل

من الفرحة , و كانت عليها علامات التعب واضحة

بس ليما اسألتنا على الي صار لها ,, قال لها زوجها

انها طاحت عليه وانزفت نزيف حاد وسقطت الجنين

هو بس قال لها انها فقدت الجنين قعدت تصيح بعد عمري

بحضن خالتي ,,بعدين الدكتور عطاها منوم عشان تهدأ لأن الانفعال

يمكن يخرب كل التقدم الي صار بحالتها واهي الحين بعد عمري

نايمة وراح يخلونها جم يوم بالمستشفى ليما تستقر حالتها على الآخر

<< بس خلوها تقوم راح أقولها عنكم وعن وقفتكم الأصيلة معاها

بمحنتها بينتم معدنكم الأصيل يا خواتي ربي يحفظكم من أي شر

ويرزقكم من حيث لا تحتسبون

آآمييين ...آآميين ....آآميين ...

وسامحوني اذا طولت عليكم لكني قتلكم الي صار بالتفصيل الممل لما شفت منكم اهتمام

بليوونة الغالية << وسامحوني على القصوور

والله ماأدري شنو أقول لكم
سموة الشوق
10-11-2009, 09:27 PM
الحمد لله لك يارب
الحمد لله لك يارب
الحمد لله لك يارب
الحمد لله كما ينبغي لجلال وجهك وعظيم سلطانك

الله يبشرك بالخير يالغلا على الخبريه الغاليه والله

يووووووووووووووو ماني قادره أوصف لك فرحتي

نفسي أصارخ للعالم كله وأقول لهم

ياهوووووووووووووووووووووووووو ياعالم ليان قامت بالسلامه

الله يسعدك يالغلا وينور طريقك ويرزقك كل ماتتمنينه يارب

أنا عارفه إنه ثقلنا عليكي بأسئلتنا الكثييييييييره عن ليون
وأنا عارفه إنه وقتك غالي ومانتي فاضية لنا
بس والله العالم مكانة ليان بقلبي والله كبييييييييير وماخذة كل تفكيرررري
ونبغى هالبشاره منك من زمان

والحمد لله
يالله شدة وتزول وربي بيعوضها

وأجنتها اللي ماتوا عليها تشوفهم يوم القيامه على أبواب الجنه شفعاء يارب


ألف ألف شكر يالغلا على هالخبريه
وماننحرم منك ومن خيرك......
الحب لك وحدك
10-11-2009, 09:36 PM
الحمد لله الحمد لله الحمدلله
على سلامة الغاليه
وربي فرحاااااااااااانه لها الله يسعدها وين ماكانت
امانة عليك يالغلا سلميلي عليها كثيييييييييييييييير

الحمد لله يارب الحمد لله والشكر
الشوق عطري
10-11-2009, 09:56 PM
الحمد لله على سلامه

وما تشوف شر ان شاء الله

ويارب ان شاء الله اخر سوء

واني اليوم دخلت بالرغم الضروف بس كل هذا علشان ليونه

يا الغلا تكفي وصلي اليها سلام

والله يعوضها
**سماسم**
10-11-2009, 10:02 PM
الله يبشرك بالخير
والحمد الله على سلامتها
والله يعزضها بلي فقتدته
زهرة اللوتس
10-11-2009, 10:05 PM
الحمد لله على سلامتها وبلغيها سلامي
زهرة اللوتس
10-11-2009, 10:07 PM
والله لونقدر نجي الكويت كان جينا نسلم عليها
الغلا
10-11-2009, 10:34 PM
يسلموو يا الغالين

كل هذا من طيب أصلكم

راح أوصل سلامكم لها

وان شاء الله هي الي راح ترد

عليكم بنفسها ان قدرت
الحب لك وحدك
10-11-2009, 10:46 PM
لالالالالالا يالغلا
لاتعبينها خليها ترتاح
امانه عليك انتبهي عليها
الله يخليها ويحفظها انشالله
ام ريتال
10-11-2009, 10:54 PM
الف الف الف الف الحمدلله على سلامتها

والله من جد اني ارتحت لما قريت انها قامت بالسلامة

الله يطلعها بالسلامة من هالازمه وترجع لكم مثل اول واحسن ..

وسلميلي عليها يالغلا ..
الغلا
10-11-2009, 11:01 PM
يوصل يا الغالييين

وان شاء الله يا الحب لك وحدك بخليها ترتاح

هو ليان تسمع كلام أحد ؟؟ والله هالبنت عنودية وتحب تسوي الي براسها بس

بس هالمرة مو بكيفها كانت يمكن تروح من ايدنا راح يسير كل شي غصبا عنها ههه

وان شاء الله ترد لكم وهي بكامل عافيتها

تحب اللوية وايد <<< يسلموووو اهتمامك يا الغالية

حفظكم ربي من أي سوء
غلا الشوق
10-12-2009, 02:36 AM
الحمد الله على السلامة
والله من جد اني ارتحت لما قريت انها قامت بالسلامة
الغلا وصل السلام ليان
الله يطلعها وصير احسن
الغلا
10-12-2009, 08:22 PM
اليوم ليان راح تطلع من المستشفى

وراح تقعد عند خالتي

وقتلها عنكم وعن وقفتكم معاها

والله انها فرحت كثير وسالت دمعتها على خدها

وقالت كلمة وحدة :: فديتهم خواتي <<

حفظكم ربي من أي مكرووه
سموة الشوق
10-12-2009, 10:25 PM
الله يحفظها ويصونها ويخليها لزوجها ولأهلها ولنا يارب

كيف صحتها ؟؟

وكيف نفسيتها الآن؟؟؟

عساها بخييييييييييييييييييييييييير

الحمد لله بيطلعوها اليوم

الحمد لله على سلامتها

وماتشوف شر ياربي

يالله عساها على القوة

وشدتها تزول يارب
الحب لك وحدك
10-12-2009, 10:49 PM
الحمد لله على سلامتها قرت عينكم برجعتها يالغلا
ولا اوصييييك عليها
الغلا
10-12-2009, 10:58 PM
آميين يا رب طييوفه
هي الحين الحمد لله صحتها زينة بس أغلب الوقت نايمة

ونفسيتها الحمد لله زينة << وان شاء الله راح تتحسن مع الوقت

وانتي يا الحب لك وحدك

الله يسلمك يا الغلا

هي بعيووني لا توصيين

تسلمين يا الغالية
فجر
10-12-2009, 11:02 PM
الحمد لله يارب
الله يبشرك بالخيييييييييييييييييييييييييير
اني ادعيلها بصلاتي الحمد لله على قومتها بالسلامه
وان شالله ربي يعوضها اهم شي صحتها وتوها صغيرة ان شالله العمر قدامها وتملا بيتها بزارين
قرت عينكم بشوفتها ويخليها ربي لنا
شـكــ وبارك الله فيك ـــرا لك ... لك مني أجمل تحية .
سموة الشوق
10-13-2009, 12:24 AM
ثقلنا عليكي يالغلا

الله لايحرمنا منك ومن خيرك
الغلا
10-13-2009, 04:53 PM
لا والله لا ثقلتو علينا ولا شي يا طيف

هذا شي قليل بحقكم وحق ليان

اليوم هي قالت لي انها يمكن تدخل للمنتدى

عشــانكم
الحب لك وحدك
10-13-2009, 04:59 PM
ياعمري عليها الغلا لاتخليها تعب حالها
اهم شي صحتها
تكفييييييييييييين اذا هي تعبانه لاتخليها تدخل
الغلا
10-13-2009, 05:05 PM
هو في حد يقدر عليها

يا الحب لك وحدك ,, والله الي براسها تسويه

حتى لو ان هذا الشي مضر لها بس عشان تسعد غيرها

عنودية هذي البنت بشكل ما تقدرين تتصورينه
shaikah.1
10-13-2009, 07:29 PM
فديتكم يا الغاليين

والله انكم أكثر من خوات

مشتااقة لكم حييييل

حفظكم ربي

سبحانه عساكم من الجمووع الي على النار يحرم تعذيبها

والله ما أدري شنو أقوول

والله كلامكم نزل الدمع من محجر عيووني

وان شاء الله راح أرد لكم هالشي بالأفراح

والله لا يوريكم مكرووه فيمن تحبوون

والسمووحة
الحب لك وحدك
10-13-2009, 07:39 PM
حبيبتي ليووووووووووونه
الحمدلله على سلاااااااامتك
وربي فرحاااااااااااااااانه حيييييييييييل لاني شفتك
طمنييني عنك يالغلا
انشالله انتي بخيييييييير
وربي لك وحشه ليان
shaikah.1
10-13-2009, 07:48 PM
فديتك يا الغالية يا الحب

انا الحمد لله زينة لأني شفتج يا الغالية

حفظك ربي
نعومه
10-13-2009, 07:52 PM
ياهلا والله ليوووووووووووووووووووووونه 00
الف الف الف الف الف الف الف الف الف الف الف الف الف الف الف الف
الف الف الف الف الف الف الف الف
الف الف الف الف الف الف الف الف
الحـــــــــــــــــــــــــــــــــــــــــــــــ ــــــــــــــــــــــــــــمدالله على السلالالامه
ياقلبي والله تعبنااااا عليك كثيرررر نحاااتيك بس الحمد لله الا خوات ماقصرووو في الدعاء
والله طررت من الفرررحه يوووم شفتك رااجعه سالمه معافاه الحمدلله
اهم شي سلالامتك والله يعوووضك ياااااااااااااااااااااااااااااااااارب
الحب لك وحدك
10-13-2009, 07:54 PM
اهم شي ليااان لاتجهدين نفسك
ارتاااااااااااحي ولاتشيلي هم شي
ترى الغلا قالت انك عنوديه
اتركي العناد عشان صحتك
shaikah.1
10-13-2009, 08:09 PM
ههههههههههههههههه

راح أذبحها

أفا عليك يا الحب عشانكم كل شي يهوون

بس لأني مشتاقة حييل لكم

دخلت عشان عيوونكم
shaikah.1
10-13-2009, 08:11 PM
تسلميين نعوومة يا الغالية

حفظك ربي
**سماسم**
10-13-2009, 09:11 PM
أأأأأأأأأأأأأأأأأأأأأأأأأأأأأأأأأأألف الحمد الله على سلامتك يالغاليه وماتشوفين شر
وإشتقنااالك موووت

http://www.alhnuf.com/members/19840-albums8-picture3686-%D8%B4%D9%88%D9%83%D9%88%D9%84%D8%A7%D8%AA%D9%87-7.jpg
**سماسم**
10-13-2009, 09:19 PM
وهذي لكِ بس لاتفتحينهاا

http://www.alhnuf.com/members/19840-albums8-picture3681-%D8%B4%D9%88%D9%83%D9%88%D9%84%D8%A7%D8%AA%D9%87-2.jpg

وهذي لك

http://photos.azyya.com/store/up2/080910010453iPIO.jpg
http://photos.azyya.com/store/up2/080910010500vEyl.jpg
http://www7.0zz0.com/2009/03/08/08/880950074.jpg
shaikah.1
10-13-2009, 09:23 PM
يسلموووو سماسم

ربي يحفظك

مشكوورة على الكاكاو غير القابل لللمس ههههه
maha el7seny
10-13-2009, 10:33 PM
الحمد لله على سلامتك يا ليان و انشاء الله ربي راح يعوضك خير لانو الله بيكرم كل انسان طيب و انتي طيبة و الدليل دعاء البنات لك في محنتك و قلقهم عليك لانك تستاهلين و بإذن الله الله يرزقني و يرزقك بالذرية الصالحة
سموة الشوق
10-13-2009, 11:08 PM
أهلين وسهلين

تو مانور المنتدى والله بطلتك ليووووووووووووووووونه


رديتي روحي يوم شفت كلماتك

الله لايحرمنا منك

ومن طلتك الغاليه

يابنات زغروووووووووووووووطه حلووووووووووووووووووه للغاليه


لوووووووووووووووووووووووولوووووووووووووووووووولووو وووووولوووووووووش


http://www.hozn.com/cardsm/4.jpg


والله ليتني قريبه من عندك كان الحين أنا عندك والله

حبيبتي ياليت تقرأين كتاب لاتحزن

ليتك قريبه

أهديكي هذا الكتاب القيم للشيخ عائض القرني

تراه حلو ويهون على الوحده الحزن والهم اللي بقلب كل حزين مهموم

ولله ماأعطى ولله ماأخذ

حبيبتي لاتخلي الشيطان يضحك عليكي إذا رأى دموعك

حبيبتي ربي والله يحبك
وأخذ جنينيك ليستقبلوكي على أبواب الجنه

إفرحي واصبري
إن الله مع الصابرين

وخلي أملك بالله كبييييييييييييييييييير
وتفائلي وانظري للدنيا بنظرة كلها أمل وفرح وسعادة
هنيئا لك
هنيئا لك
هنيئا لك
والله كلماتي ماتخلص إلين بكرة
والله من فرحتي بطلتك
تصدقين وربي شاهد على ماأقول
إني سجدت سجود شكر لله يوم خبرتنا الغلا بقومتك من الغيبوبه
وحمدت ربي على هالنعمه
آه ياليان مشتاقتلك حييييييييييييييييل

الله يحفظك ويرعاكي ويديم حبايبك حولك ويعوضك خير يارب............
ضوء القمر
10-14-2009, 01:30 AM
اسمحوا لي بأن أكون صديقة لكم بهالمنتدى النااايس ..
بالصدفة وانا اتصفح المشاركات لقيت هالسابجيكت ,,
وأثر فيني حيييييييل والله ..
وحابة اقول للأخت ليان : الف الحمدلله على سلامتك يالغلا ..
ومعوضة خير باللي فقديه وبأذن الله راح يكون لك شافع مشفع يوم الحساب ..
وتقبلي هذه الباقة وان كانت غير ملموسة ولكنهاا تعبر عن ما بداخلي من ود صادق لكِ يالغلاا ..

http://up.3ros.net/get-10-2009-v2gybdbj.JPG (http://up.3ros.net)

قد لا اكون تشرفت بمعرفتك ولكني اتقدم بهاا فهل تقبليني صديقة لك ياترى ..!!
غلا الشوق
10-14-2009, 02:46 AM
الحمد على السلامة ليونة
بصراحة فرحت اليوم دخلت المنتدى
بس لاتعبي نفسك واجد
سموة الشوق
10-18-2009, 08:23 PM
وينك يالغلا

كيف ليان ؟؟؟؟
والله لها وحشه كبييييييييييييييييييره

ماتنوصف
DoOodi
10-19-2009, 10:56 AM
الله يشفيها ويعافيها ياااااااااااارب ويعوضها في طفلها
:(
أم أكرم
10-19-2009, 03:32 PM
حبيبتي ليان رغم اني عضوة جديدة في المنتدى الا اني حبيت كل العضوات و حسيتكم اخواتي و ان شاء و لا وحدة يصيبها مكروه و الحمد لله على سلامتك يا غالية و الله يعو ض عليك بدستة اطفال ان شاء الله و كما نقول عندنا في الجزائر شدة و تزول
two 2
10-23-2009, 09:02 PM
لا حول ولا قوة الا بالله العلى العظيم الله يقومها بالسلامه
حوران الكاسر
10-30-2009, 01:14 AM
انا لله وانا اليه راجعون
الله يهون عليك ياليان وتقومين باالسلامه والله يعوضك اصبري واحتسبي
ام نضال
11-01-2009, 05:46 PM
اسأل الله العظيم رب العرش العظيم ان يشفيها ويعفوا عنها
وان يعوضها خيرا وان يجعل الابتلاء هذا فى ميزان الحسنات
وان تعود لنا بالسلامه
الوفا طبعي
11-01-2009, 06:03 PM
لا حول ولاقوة الابالله ...... فديتها ليان مع اني توني يديده بس وربي قصتها عورت قلبي حياتي ان شاءالله ربي يقومها بسلامه وان شاءالله راح تكون احسن عن قبل وربي يعوضها بهالطفل ...... وربي يصبر اهلها وربي يعينكم فديتها والله .......
mlaak al.lil
11-20-2009, 11:46 PM
لاحولا ولا قوة الا بالله
الله يشفيها ويعافيها وتقوم بسلامه يارب
اجر ونور يارب
الغلا
12-11-2009, 09:18 PM
مشكوورين حبايبي ع دعواتكم

وان شاء الله هي هتدخل عن قرييب

هي مشــــتاقه لكم وايد بعد

وفاقدتكم

.......

ووصتني اني اوصل سلامي للجمييع
**سماسم**
12-11-2009, 10:44 PM
الله يسلمها إن شاء الله من كل شر ..
و الله إشتقنا لها ووصلي لها سلامي و منتظرينها . وربي يحييج ويحييها ..
خفايا الروح
12-11-2009, 11:31 PM
الحمد الله على سلامتها ... وربي يعوضها خير ان شاء الله

ننتظر عودتها بشووووق ............
shaikah.1
12-11-2009, 11:32 PM
تسلموون خواتي ربي يحفظكم ويخليكم لغاليكم ومغليكم

لكم وحشه كبيرة والله ما تنوصف

وانا عاجزه عن شكركم صراحه

فدييتكم وخاصه طيف - وشوااقه - وعزيزه - والحب - سماسم - دلوعه الكون - وكل البنات

ما تقصرو وارد لكم اياها بالافراح ان شاء الله ^^
الحب لك وحدك
12-11-2009, 11:51 PM
اهليييييييييين فيك بين احبابك يالغلا
لك وحشه
وحشتينا موووووت ليونه كيفك
اخبارك طمنيني عنك
سموة الشوق
12-11-2009, 11:51 PM
هلا وغلا

تو مانور المنتدى

ربي يجعل أيامك كلها افراح
ويملؤها السعاده وين ماكنتي


والله لك وحششششششششششششششششششششه

ماتتصورينها


يالغاليه

الله يحفظك ويرعاك وينولك مرادك...
**سماسم**
12-11-2009, 11:56 PM
ليونه الحمد الله على سلامتج نورتي يالغاليه ..
shaikah.1
12-12-2009, 12:06 AM
تسلميين يا الحب يا الغاليه

ربي يحفظج

انا الحمد لله بخير دامك بخير

يا وجه السعد والنور والحلا وكل ماهو جميل
حنونه بزمن قاسي
12-12-2009, 12:16 AM
اللهم اني اسالك باسمائك الحسنى وبصفاتك العلي انك تعافي وتشفي اختنا ليان شفاء لا يغادر سقما
اللهم اني اساللك انك تعوضها عما فقدت وتجعلهم شفعاء لها يوم القيامه
اللهم ارحم صديقتها واغفر لها ونقها من الذنوب والخطايا كما تنقي الثوب الابيض من الدنس

اللهم اميييييييييييييين يارب العالمين وربي صدمه صدمه الله يعوضها ويشفيهاااااااااااااااا ياقلبي عليها طمنيني بلله
غلا الشوق
12-12-2009, 12:18 AM
هلا وغلا

تو مانور المنتدى


الحمد على السلامة
shaikah.1
12-12-2009, 01:45 AM
النور نووركم

فديييتكم
عزيزة النفس
12-12-2009, 06:46 PM
الحمد لله على سلامتك
وماتشوفين شر يالغلا
والله تو مانور المنتدى برجعتك
كنت ماليه جونا مواضيع وضحك وفرفشه
ادعي ربي ترجع الابتسامه لشفايفك
أميرة الأميرات
12-12-2009, 07:00 PM
حول ولا قوة إلا بالله العلي العظيم
اسأل الله العلي العظيم أن يشفيها ويكتب لها الشفاء العاجل
ويعوضها خير إن شاء الله
أم أديب
12-14-2009, 09:48 AM
لا حول ولا قوة الا بالله
طمنينا عليها
نولارا
12-14-2009, 01:22 PM
ربنا يقومها بالسلامه ويعوضها خير مما فقدت بفضله ونعمانه امانه تطمنينا عليها
منى
12-14-2009, 02:07 PM
الله يشفيها ويقومها بالسلامه
وترجع لكم بصحه وعافيه
منى
12-14-2009, 02:36 PM
الله يشفيها ويقومها بالسلامه
وترجع لكم بصحه وعافيه
مدام الهام
12-14-2009, 07:59 PM
لاحول ولا قوة الا باللة اللة يقومها بالسلامة ويعوضها خير
ام يزيد
12-19-2009, 08:21 AM
لله يشفيها يارب