نمو الجنين بطيئ .بالشهر الاخير

[حالة قلق]

السلام عليكم
حبيباتي بغيت أسألكم
انا الحين دخلت الشهر التاسع لي تقريبا 10 ايام
ووزن الجنين الحين كيلوين و 300 جرام ..
علما اني بولدي البكر لما انجبته كان وزنه كيلوين و 700
لما رحت للدكتوره قالت لي ان النمو بطيئ
بس مافصلت ولما قلت لها يعني شنو الحل قالت الحل عند ربنا ان شاء الله يزيد لمن موعد الولاده
ما ادري في احد مر بنفس حالتي؟
وهل الامر فيه خطر على الجنين؟
هي ماقالت شي وتجيب الهم هالدكتوره اسحب الكلام منها بالموت يطلع
ياليت تطمنوني

[اميرة الخيال]

تقريبا زي اخوي كانا وزنه قليل ..
لاتخافي ياقلبي ..لما تولدي بسلامه انت بيدك تزيده وزنه...

[!راما!]

اغلب الحريم يحصل معهم كذا عادي وشي طبيعي بس تولدين بسلامه ان شاء لله يزود وزنه ان شاء لله

[FoOoFoOo]

للاسف خيتي بكرية وماعندي اي خلفي عن الموضوع..
بس ماحبيت ادخل ولا ارد ولول بدعوة..
ان شاء الله يكون مافية الا العافيه وتولديه بالسلامة..

[شجون انثى]

وحدة اعرفها ولدت قبل 6 شهور
ولما ولدت طفلها كان وزنة 2كيلو و 500جرام
ومافية شي لاهو ولا امة
وذحين وزنة طبيعي
ماتقلقي

[فليك]

هلا عيوني
الحمدلله وزنه طبيعي جدا - لا تقلقي مافيه الا العافيه ان شالله
الله يقومك بالسلامه يارب

[ريميهـ]

حبيبتي وزنه طبيعي ان شاء الله وكثير من الاطفال ينولدون ووزنهم 2 كيلو

[مرموره]

حبيبتي طبيعي والي يكون وزن البيبي صغير تكون احسن للولادة واسهل وانشالله بعدين بيكبر ويزييد وزنه

[qatar eyes]

ماعندي خلفيه بسس الله يقومج بالسسلامه ويخليه لج يارب

[kokee]

ابني ولدته ووزنه كيلوين ونص والحين صار دبدوب من الكيكوز ههههههههه

[امل بعيد]

عادي حبيبتي يكبر في ارض الله ان شاء الله ماضر غيره والله يهون علينا جميعاو المسلمات

[نبع المحبة]

لا تخافي خيتوو وزن طفلج مرة حلو
يوم بتولدي بزيد بإذن الله

[مؤمنه بربي]

لاتقلقي ان شالله لما تخلصي التاسع بيكبر اكثر

[الخنساء82]

لا تخافي ما المهم وزن الجنين المهم صحته
وكلام الاخوات صحيح
الله يتمم على خير وتفرحينا

[العمر لحظه]

الله يقومك بالسلامة والوزن طبيعي ياقمر

[عشق الطفولة]

عادي بنت اخوي انولدت و وزنها كيلوين و 300 جرام نفس وزن ولدك الحين و بسم الله عليها طبيعية جدا و الحين وزنها ممتاز لعمرها الله يطمن قلبك و يقومك بالسلامة