هذي خطتي للحمل ..رايكم يهمني

[دلع الأحساء]

السلام عليكم

عمري 20 سنه ادرس بالجامعه باقيلي سنتين ونص واتخرج

عندي خطه لحملي وابي رايكم مأيدين او لا


انا من تزوجت الحين ماكملت سنه وصقطت 3 مرات

اول حمل كنت انزف وعندي اختبارات واروح الجامعه وعمره 7 اسابيع

ثاني حمل مافي نبض 9 اسابيع

ثالث حمل كان كل شي طبيعي بس سويت جماع ونزفت ونزل الجنين عمره 6 اسابيع

والحين الحمدلله يسون لي تحاليل اسباب اجهاض

اطلعت نص نتايج التحاليل وسليمه وعقبال النص الثاني انشاء الله

وقالي الدكتور اخذي فوليك من الحين لين اذا ناويه تحملين

ورحت لمراخه وقالت لي رحمك مايل حيل وسوته لي

بس الدكتور يقول الاجهاض ماله دخل في ملاين الرحم

المهم اخر اجهاض لي كان من شهر رجب يعني كملت الحين شهرين ولله الحمد

وفي محرم اكمل 6 اشهر

المهم

مادري انا ابي احمل طبعا بعد الست اشهر مو قبل لان ابي اريح عدل

وخااصه ماتهميت بزواجي بعدي عروس ومسقطه 3 مرات

وبما اني ادرس فاقررت احمل في وقت اجازه

والحين عندي اجازتين اجازه بيت السمسترين واجازة نهاية السنه

اجازت بين السمسترين تصير في شهر بيع الاول يعني شهر 3 1434يعني اصير خذت 8 اشهر من اخر اجهاض

والاجازه الثانيه في شهر رجب القادم 1434 يعني يصير اخذت 12 شهر من اخر اجهاض


مادري انا محتاره يعني الود ودي احمل في ربيع بس لفكرت فيها اشوف اني ابي ارتاح بعد وابي استانس في حياتي

صاير قلت لحملت بتسدح ولب اقوم وبنحبس في البيت <<كل ماذكر هالكلام اخاف ههه وقول لا ابي استانس لين اكمل سنه



بس لان اشوف زوجي احس وده بيبي وكله يحلم اني حملت


مع اني شبعته من الحمل حملت 3 مرات في سنه هع

بس يعني يبي حمل سليم وهيك شي


فايكسر خاطري واقول خلاص بس 8 اشهر واحمل

بس بعدين اغير رايي واقول ابي ارتاح بعد


والحين مادري محتاره

hwaml03

وش رايكم؟

[دلع الأحساء]

المشاهده 11

ومافي ردود

[همسه حنين]

سيبيها على ربنا واحملى عادى لو ربنا كاتب للحمل انه يثبت هايثبت لو حصل ايه حتى
بس بالنسبه لصحتك متهيالى تستني كام شهر لحد اما تبقى احسن علشانك وعشان البيبي يجي كويس وصحته تمام

[جالكسي و الدنيا عكسي]

انا معاكي في انك لازم ترتاحين كم شهر.. بس نصيحة لا تحددين سنة او 8 شهور خليها على ربك وانتبهي لنفسك لو صار حمل شكلك ما تتحملين شئ لحملتي يعني جسم يبالة راحة تامة وقت الحمل .....
الله يكون بعونك ويكتبلك اللي فية الخير ....

[تـوته]

الله يعوضك خير ان شاء الله ,,, وانا مع الاخوات انتظري كم شهر ترتاحين فيها
وبعدها توكلي على الله والله يكتب لك اللي فيه الخير .............

[رمش ساهي]

الله يعوضج الغالية ...

ربي يعوضج بالحمل السليم المعافى ...

[فليك]

هلا عيوني
فعلا كلام الاخوات الي قبلي - انتي بس توكلي على الله و صدقيني مهما رتبتي للحمل لو الله كاتبلك رح تحملي قبل او بعد
انا من بعد ولادتي الاولى جلست سنه و بعدين كنت حابه احمل و جلست 8 شهور بدون مانع و تمنيت الحمل بس ربي ما اراد الا بعد 8 شهور
و بعدها جبت ولدي و قلت خلاص ما ابي احمل الا بعد سنوات كثيره
استمريت على المانع الين سنتين و بعدها تفاجئت اني حامل >> طبعا من فوق المانع
اول زعلت بس دحين الحمدلله اقتنعت و راضيه بحكمة الله
يعني متى ما الله رايد لك الحمل رح تحملي
موووفقه يا غاليه - تحيتي لكي

[عليا لولو]

انا مثلك صارلي سنة ونص متزوجة واجهضت مرتين الحمدلله على كل حال
توكلي على الله الحمل رزق من ربنا مايجي بترتيب بس الافضل انك ترتاحي سنة كااااااااملة عشان الرحم يرتاح من الاجهاض
وربنا يعوضك يارب ويعوضني ويرزق كل محرومة

[دلع الأحساء]

مشكورين خواتي ع الردود الحلوه

وشوركم وهداية الله بحاول امانع سنه وان الله ارد احمل عقب السنه خير وبركه

[نرجسة]

ياااااااااااااااااااااااا وصلت متاخرة وردو عليكي ولقيت جوابك ..
طيب رح ادعيييييييييييلك ربي يرزقك ويرزقنا انا وكل منتظرة بحمل سليم معافى بدون زيادة ولا نقصان يارب

[جوري الجنوب]

ارقي نفسك مع كل حمل

[عيون حبيبي]

الله يعوضك خير ان شاء الله ,,, وانا مع الاخوات انتظري كم شهر ترتاحين فيها
وبعدها توكلي على الله والله يكتب لك اللي فيه الخير .............

[~ نوون ~]

قبل ماتفكري تحملي ان شاء الله فكري بالرااحه التامه والافضل تكوني باجازه لانو حراام اتعبي حالك وانتي حامل وخصوصي لانك اجهضتي قبل

تيب خدي بيبي اسبرين منيح برضوا للحامل

والله يوفقك ويعوضك يارب

[دلع الأحساء]

اخذته في حملتين لي بس مالله كتب

[يازين الصبر]

انا اقول توكلي على الله وحملي وارتاحي وعليك بالاإستغفار ولاتئجلينه توكلي على الله اذ بيثبت من ألله مو اذ اخرتيه اعرف ناس يثبت بعد اجهاضات متكرزه توكلي على الله ياقلبي

[تناآآهيد العتب]

ياحياتي بالبدايه ارتااحي شهرين تقريبا فوق هالشهرين
وبعدها احملي
وبعدين دايما تراجعين الاشهر الاولى انا عانيت ليما ثبت الحمدلله
وانتي لابد انك تريحي نفسك بس مو عاد دايما منسدحه

[سمار]

الله يكتب لك اللي فيه الخير
ويرزقنا ويرزقك الحمل السليم التام الكامل

[نغم]

سته شهور يا قلبي تكفي صدقيني وخصوصا أني أحسك ودك في بيبي وتحبين البيبهات أرتاحي سته شهور وفيهم لعبي بكيفك عيشي حياتك وسافري ويعدها أحمملي وأرتاحي الابع شهور الاولى لأنك مخطوره وبعدها رجعي عيشي حياتك

[دلع الأحساء]

تسلمين نغومه
والله وانتي الصادقه ودي في بيبي بس هم بعد ودي راحه

يعني 6 اشهر ماتكفي بنسبة اني اجهضت 3 مرات


يلا ماعليه السنه الجايه احمل

[ام شقاوه]

حبيبتي زوجك سوئ تحاليل واذا لا ...نصيحه خليه يحلل انتي نفس قصة حماتي وطلع المشكله من زوجها طلع عنده تشوهات بالحيوان بس كانت بسيطه فتعالج والحين هي حامل بتوئم وباقي لها شهرين وتولد ....مشاءالله

[دلع الأحساء]

حبيبتي زوجك سوئ تحاليل واذا لا ...نصيحه خليه يحلل انتي نفس قصة حماتي وطلع المشكله من زوجها طلع عنده تشوهات بالحيوان بس كانت بسيطه فتعالج والحين هي حامل بتوئم وباقي لها شهرين وتولد ....مشاءالله

لسى ماخلصات تحاليلي لخلصت وطلع كل شي سليم بخلي زوجي يحلل

[ياهمي خف]

الله يرزقك بالحمل السليم والطفل المعافى .. انا معك تأجلينه سنه عشان راحتك

[زهره الياسمين]

ياحياتي توكلي على الله وبعدين بنصحك نصيحه اذا حملتي علشان مايتكرر التسقيط
ريحي نفسك راحه تامه ولا تشيلي حاجه ثقيله انتبهي وخذي مثبتات من بدايه حملك وارقي نفسك

[دلع الأحساء]

تسلمين عمري

انشاء الله الحملة الرابعه اعمل كل احتياطاتي عشان مكرر الي حصلي