ما ادري هل انا بهدم بيتي بهآالكلمه ؟؟!!

[بدرالبدور]

بسم الله الرحمن الرحيم
السلام عليكم ورحمة الله وبركاته

كيفكم بنات

الله يستر عليكن انامتزوجه من 7 شهور تقريبآ
وزوجي بعيد عن العايله مره
سالني بالشهر الاول قالي احلفي بالله انك ماتحبين احد قبلي
وانا انصدمت من سؤاله قعدت ابكي
وانا بصراحه كنت ع علاقه مع واحد استمرت شهرين وانتهت ومحد كان يدري عن هالعلاقه
قلتله وقال هو خطبك وكذبت عليه وقلت ايه واهلي ارفضوه لانه موب موظف
كل هالشي صار وانا قاعده ابكي زي الطفل
وحلف لي انه ينسى الموضوع ابد ولايفتحه لي
وانا احب زوجي حييييييييييييل وندمت اني قلتله بس انا قلتله لاني ابي اصير واضحه بحياتي
والى يومكن هذا وانا ندمانه قد شعر راسي اني قلتله
ع انه يحبني ويموت فيني وانا اموووت فيه
وانا حاليآ حامل بالشهر الخامس

سوالي هو
هل انا غلطانه لما قلتله ؟؟!!

احس اني بهدم بيتي لاني قلتله
ومن ذيك اللحظه ماجاب طاري
بس انا احيان التفكير يذبحني
شسوي
انا ما اقول لاحد ابد ولاحد يدري عن هالسر
تكفوون يابنات ساعدني قولن اي شي يخفف علي التفكير
انا عمري 22 سنه انصحوني اعتبروني اخت او بنت لكن

ادري اني اخطيت بهالشي بس والله موب بيدي
من سالني قعدت ابكي زي الطفل

يارب ساعدني يارب وانسى هالسالفه
تكفون لاطنشون

يارب يستر على اللي ترد ويحفظهآ ويرزقهآ من حيث لا تحتسب

[يازين الصبر]

ياقلبي وسعي صدرك بس ياعمري انتي غلطتي لماقلتي له بس اهم شي خلي عندك ثقه ثقه وسوي نفسك انك بريئه وصدق انك ماتعرفين وموو حقت خرابيط عشان مايشك خليك واثقه لاترتبكين وتفكرين بالسالفه خلاص انسي واذ فاتحك بهالموضوع خلي عندك برود لاتعصبين وانسي

[●•• ShąhǿǾǿĎ ••●]

اممممممممممم حلوه الصراحه مااعتقد سويتي شي غلط بس كان المفروض محلفته كم بنت يعرف قبلج خخخخخخخ علشان اصير وحده بوحده لاتهتمين قلبي اذا زوجج انسان واعي راح يفهمج مو غلط الانسان يحب قبل لايتزوج انسان ثاني المهم يخلص للشخص الي ارتبط فيه.

الله يسعدج وويوفقج بحياتج ويرزقج الذريه الصالحه اميييييييين يارب

[بدرالبدور]

الله يجزاكن الجنه
ويحفظلكن غاليكن

وربي ارتحت من كلامكن

بس انا خايفه من تفكير زووووووجي ؟؟!!

انتظر البقييييييييييييييييييييييه

[خجل*أنثى]

بصراحه غلطتي ,,بس خلاص دامه ساكت لاتجلسي تفكري وتعطي الموضوع اكبر من حجمه..عشاان ماتلفتي زوجك دامه نسي..خلاص هي كلمه وطلعت ..
وحاولي بأسلوبك وطريقتك وحبك تحتوي زوجك ..
لاعاد تطري له الموضوع حتى لو تلميح..
والله يتمم حملك ع خير ويسعدك بحيااتك..

[بدرالبدور]

خجل ..

الله يجزاك الجنه ويفتح لك باب الخير

[جمره غضى]

ماشاء الله
واضح ان زوجك عاااااقل ومتفهم الامر
وعند وعده لانه ماعاد جاب طاري الموضوع ....

خلاص انتي لاتفكرين في المااااضي انسيييييييه
وخلي تفكيرك في حياتك الحاليه وفي النونو اللي جاي بالطريق


ولاتنسين الدعااااء يا قلبي
حطي في قوقل دعاء تسخير الزوج
وانسخيه والصقيه في مجلد جديد على سطح المكتب
وكل ما فتحتي النت وجاء وقت استجابه الدعاء .... افتحي المجلد واقري دعاااااء التسخير
يعني بين الاذان والاقامه ... اخر الليل ... يوم الجمعه ....الخ


وان شاء الله ربي يريحك ويطمن بالك

[جريحة المحبه]

انتي قلتيها قبل الزواج خلاص حبيبتي مايقدر يشك بك حاليا لاانك دخلتي بذمته

بعدين كل الشباب والبنات نفس الحكايه شغل مراهقه وطيش فالوظع فري

لاتوسوسين كثير حتى لو انتي منكره يوم سالك بيكذبك بيقول معقوله مراهقه مالها ماضي

تحياتي القلبيه

[رَسـمتڪَ حــِلّـِم ♥]

انتي بيدك تنسيه السالفه وتحسسيه بحبك وانك مالك غيره ولا تفكري بأحد ثآني


وزي ما قالوا البنات لا تلفتي انتباهه لانه بيشك حلو انه نآسي خلاص قفلي ع السالفه وانسيها ..


ربي يكتبلك الخير ويسخركم لبعض

[حياتي انا]

صراحه سواله غريب بس انتى لاعاد تجيبي
طاري الموضوع وحسسيه بحبك واهتمامك فيه
الله يوفقك ويسعدك

[احساس أنثى]

لا حبيبتي ليش غلطتي الي عملتيه صح .. هادي علامات الحب حيعرف زوجك انك بتحبيه لأنك ما خبيتي عليه ..

وبعدين لا تندمي الا اذا زوجك دايقة مادام زوجك متفهم والحمد لله ليش تتضايقين ..
طبيعة جنس حواء يفكروا كتير لكن صدقيني جوزك ولا على بالو مادام الحب موجود

وكل بنت منا تمر بهيك امور ... يعني الحمد لله زوجك متفهم وخلاص انسي وعيشي حياتك مع زوجك ... وربي يتمملك حملك يارب

[sweet moon]

خذوها نصيحه للجميع

بعض الازواج لما يسال حبيتي احد او عرفتي احد قبل

فهي وحده من ثنتين

يإن بيعرف زوجته كان لها سوابق لان هو له سوابق واجده

واذا عرف بيهج ويتركها

والثانيه

انه بس يبي يعرف وممكن تحز بخاطره شوي بس

مايأثر على العلاقه الزوجيه

لكن هنا ايش موقفنا لما يتوجه هالسؤال لنا

انتي كزوجه اذا مالك سوابق حتى لو بالغلط

فتجاوبي عادي لا ماعرف ومستحيل

واذا كان لك معرفه او سالفه قبل الزواج حتى لو بالغلط

وتبتي عنها

لاتقولين لأحد حتى لو زوجك

ولا تقولين بصارحه وبكون صريحه

الصراحه في هاذي الامور وخيمه

وهزه ثقه وكسر بالخاطر

اذا ربي تاب عليك وستر ماله داعي احد يدري خليها بينك وبين ربك


والنصيحه الثانيه

لاتسالين انتي كمان

هل لك سوابق وخرابيط

الاسئله هاذي من الاساس الافضل ماتنسئل

سواء من الزوج او الزوجه

اهم شي الوقت اللي انتم فيه مع بعض

لاتنبشون الماضي

وشوفوا حاضركم مع بعض

لان الاجوبه صدقوني تبقى بالقلب
________________________________

اختي صاحبه الموضوع

النصيحه اللي فوق لاتتأثري منها

وانتي خلاص صار اللي صار

لاتعطين الموضوع اكبر من حجمه

زوجك لو مايحبك وانسان فاهم وعاقل

ماكان نسي الموضوع واستمرت حياتكم

فاانسي انتي كمان

واستمري بحياتك لاعد تفكرين وتعدمين نفسيتك

ويكفي انك حامل يعني النفسيه المكتئبه وكثره التفكير مو بصالحك

[#عيــ الجوريه ــون#]

خلاص الي فات مات ،،والشيطان هو يوسوس فيك ،،

تعوذي منه ،،وأثبتي لزوجك إنك تحبينه بتصرفاتك معه،،،وإنك تبتي الى الله قبل يتزوجك ،،

وإنتبهي إذا سأل مثل هاذا السؤال مره ثانيه ،،

الله يسخره لك ويوفقك ويقومك بالسلامه ،،

[شمايل بنت الدمام]

المفروض الماضي ماله دخل فيه لانه ماكنتي ع ذمته له دخل يوم دخلتي بذمته
بس دامه مافاتحك بالموضوع ليه انتى شايله بقلبك وتحاتين خلاص .. انسى السالفه
ولا كن شي صار والله يتمم حملك ع خير والبكي مو زين لصحه البيبي ..