المساعد الشخصي الرقمي

مشاهدة النسخة كاملة : من تفضلين يذهب معك عند موعد ولادتك؟

حاملة قيمي
10-05-2009, 07:19 AM
بصراحة انا جدا تعبني التفكير بالموضوع هذا

احد ينصحني اروح بروحي طبعاًزوجي معي

واحد يقول الأفضل تاخذي ام زوجك او امك اواختك يعني ضروري

يروح معك احد!!!!

وانا امي ما تتحمل فيها ضغط الله يكتب لها العافية

وام زوجي عووووودة الله يطول بعمرها

انا بكريه .. وحييييييييييييييييل خااااااااااااايفه

شنهي مشورتكم يا خواتي الغاليات..
دلوعه عبدالله
10-05-2009, 07:29 AM
انا نفس حالتك


امي خوافه بشكل غير طبيعي


وام زوجي ماهي فاضيه ماغير شايله الشنط ومن بلد الى بلد ^_^


وما عندي خوات كبار انا اكبر وحده


ومحتاره مين يروح معي
الشوق عطري
10-05-2009, 08:19 AM
طيب خدي حماتك اخت زوجتك اذا تقدر
او خالتك اخت امك و اي احد مقرب اليك
والله يسهل عليكم يارب
الحب لك وحدك
10-05-2009, 09:55 AM
انا عني رحت لحالي ولا كنت بكريه
امي متوفيه وام زوجي مو فاضيه لي فاضيه لبنت اختها لانها زوجة ولدها الكبير
وانا لي الله ورحت على الله ماعني ماكنت اعرف وش هي الولاده واخواتي بعااااااد عني بعدين محد راح يفيدك اللي بيروح معك بس الطوارئ بعدين يصعدونك فوق عشان الولاده انتي لحالك واللي معك بيقولوا لها روحي البيت مالك لازمه
صدقووووووني لاتعبوووون امهاتكم معكم وانشالله اكون افدتك
حاملة قيمي
10-05-2009, 10:34 AM
وااااااااااااااااااااااااااااااو

دقات قلبي زادت لما قلتي يصعدونك فوق

حسيت با الموقف

يارب سهل ..يارب سهل ..ياااااااااااااااااااااااااارب
نعومه
10-05-2009, 11:08 PM
حتى انا والله بس قاعده اقراء مت من الخوووف وانا اتخيل المنظرررر
الله معااااااااااااااانا يااارب
والمسهل رب العااالمين
بس المفروووض الزووج يكوون جنب زوجته بس بعض المستشفياااات ممنوووع
الدخووول
والله محتتااااااااااارين
والله يسترر
ام ريتال
10-05-2009, 11:58 PM
قسم بالله دموعي نزلت يوم قلتوا يصعدوني فووق

يااربي متى يروح هالخوف احس اقلقت كل اللي حولي بخوفي ..


انا عن نفسي رحت مع اختي يوم ولادتها وما استفدت شي انتظرت بالأستراحه الين انقص ضهري

وباللأخير رجعت البيت وماقدرت اوقف معاها ولا اساعدها بشي ..


فنصيحتي لكم خلوا اهلكم يرتاحون في بيوتهم واذا ولدتوا انشالله فيه زوجك يتصل فيهم ويبشرهم ..
shaikah.1
10-06-2009, 08:22 PM
احسن شي تاخذين زوجك معاك

واذا محد فاضي من أهلك

اخذي صديقة لك معك

صج انه ما راح يفيدك

لكن على الأقل تكون نفسيتك مرتاحة ان معك احد

على الأقل وانتي تولدين

انا بكرية نفسك وبالولادة راح آخذ زوجي معي

وما راح أقول حق امي الا بعد الولادة

لأني امي عندها الضغط

وهي تتوتر بمثل هذي المواقف

واحسن من يكون معك هو الله عز وجل

فعليك بالدعاء يا الغالية

وان شاء الله تتيسر عليك الولادة

وما يكون هذا عائق عليك

والسموحة

واذا ما عندك احد يجي معك أفا عليك انتي تدللي ::أنا أجي معك ههه*_*
راجيه ربها
10-06-2009, 09:57 PM
معي الله سبحااااااااااااااااااااااانه وتعاااااااااااااااااااااااالى
ام ريتاج
10-07-2009, 05:38 AM
انا رح اخذا امي فديته الله يخليه لنا نشاء الله لان رح تكون اول حفيد لها ونشاء الله ياجي بسلامه دعواتكم
**سماسم**
10-07-2009, 08:30 PM
أنصحك تروحي لحالج لان إلي بتاخذينهم معك راح تسويلهم قلقل وغير كذا حتى أنتي تشيلي همهم
أحسن شيء بروحج أنتي وزوجك ..
والله يسهلها عليكن يارب ويقومكن بالف سلامه
سماء الحب
10-08-2009, 11:48 PM
الله يسهل عليكم

انا عن نفسي ما احب يجي معي احد

والله يوفق الجميع

تحياتي
رهف العواضي
10-11-2009, 01:57 PM
امي عندها الضغط والسكر بسسسسسسسس إهي مصرة انها تجي وياي لانها تتوتر لا دريت اني روحت اولد ......

والصراحة ما في مجال اروووح من وراها لانو بناتي الصغار لازم احطهم عندها ...............وين اوديهم ؟؟؟؟؟
حاملة قيمي
10-11-2009, 10:37 PM
ربي يكون بعونك
ما تخليهم مع ابوهم
الله يسهل علينا وعليك
ام ريتال
10-11-2009, 11:01 PM
يااااربي خلاص تعبت من الحمل

متى يجي هاليوم ولو يبغون العائلة كلهم يروحون معي ويزعجون العالم ماعندي مشكلة هههههه

بس ابي اولد وارتااااح ..

الله يهون علي وعلى جميع بنات المسلمين آآآمين ياااارب ...
ام التوت 2009
10-16-2009, 12:07 AM
انا بالغربه وما عندي احد غير الله وزوجي ورحت انا وزوجي والحمد لله ما احتجت احد
فجر
10-16-2009, 10:49 AM
والله يابنات انا مثلكم كنت اول ولاده ماخليت احد ماراح معي زوجي وامي واخواتي واخوات زوجي وخالتي ام زوجي العائله كلها وبس عذبتهم وانا اخذون غرفه الولاده وكلهم قاعدين منهارين تعرفون البكريه تتطول شوي امي طاحت عليهم من الخوف ومغثه وحاله
بس الحمد لله بحملي الثاني حلفت ما اخذ احد ولا اعلم احد وخليت زوجي يودينني المستشفى ولما قالو راح نطلعك فوق يالله اتصلت على زوجي وقلت جيب شنطة البيبي وامي معك
والحمد لله اول ما وصلت كنت ولدت بالسلامه وريحتهم من الخوف والانتظار وان شالله ابسوي نفس الشي بولادتي هذه الله بس يسهل علينا يارررررررررررررررررررررررررررررررررررررررب
حاملة قيمي
10-16-2009, 12:57 PM
هههههههههههههههه

ضحكتيني يا ام ريتال يا معودة ربي

حطة لك بيوم محدد وراح يخرجه بيوم محدد

الله يهون علينا جميعا

اسعدني مروركم ..ام التوت..وفجر
فروشه
10-17-2009, 03:17 PM
انتي وزوجج وبس

الأفضل لج :)

واخذي معاج ماي زمزم

لما تتعسر ولادتج قوليلهم يمسحون على بطنج
حاملة قيمي
10-17-2009, 04:13 PM
فروشه

تسلمين قلبو على المرور العطر
two 2
10-18-2009, 08:15 PM
المسئول الاول والاخير هو الزوج

مش يعمل عملته ويقول روحي مع الوالده هههههههههههههه hwaml17

هيهات لابد هو اللي يقف معي في هذا اليوم

وخلي الحريم الكبار حرام يتعبون
أم أروى
10-09-2010, 10:09 AM
حبيباتي أنا لحد الان بيروح معي زوجي واحتمال أمه لأن أمي ماتتحمل تتعب بس أنا ناقمة على مستشفياتنا اتوقع زوجي مايدخلوه بحس بغربة تخيلوا كادرتمريض طول بعرض يتفرج عليك واذا احتاج الأمر ممكن يدخل دكتور بدل الدكتورة وزوجك مايدخل ممنوع وشهالتناقض
انا مرا تعبانة من هذا الموضوع نفسي بنتي تطلع للدنيا واحنا كلنا مع بعض مرا قرفانة.
somia
10-09-2010, 10:28 AM
أنا باذن الله باخذ زوجي وأخت زوجي لانها دكتورة وممكن ان استطاعت امي المجيء باخذها معاي
((*بــريــق ألــمــاس**))
10-09-2010, 12:29 PM
أنا بمنطقة بعيده عن أهلي بس عندي أهل زوجي لكني حلفت يمين ماأولد إلا عند مامتي
الله يخليها ورحلتي الأربعاء إن شاء الله وبصراحة مرت أخوي قالت أروح معك بس أنا رفضت
أنا خواااااااااافه حيل ولازم امي أرتاح نفسيا مع إني ماودي تدخل وقت ولادتي لأن المستشفى اللي بأولد فيه يسمحون بها الشي بس أنا ماودي تدخل لأنها تعبت لما دخلت مع أختي لكن كلهم
يقولون وقت الالم والخوف ماراح تفكين يدها يااااااااااااااويلي
فإنت شوفي إذا تقدري تروحي بالحالك يكون أحسن لك ولاتتعبي أحد والله يسهل
غنوجة زوجها
10-09-2010, 01:26 PM
بولادتي اول مره رحت مستشفى قوى الامن ومن حسن الحض ما فيه سرير وانا مفتوح الرحم اربع سانتي
وحولوني للمواساة
الله لايوريكم خوووووف وتوتر ونزل ضغطي
افكر لو اولد بطريق هههههههههههه وش دراني احسبه بيطلع الحين
وكلمت امي وجت يا حياتي عليها
وام زوجي كانت بسوق واتصل عليها ولدها وقالها وجت المستشفى
وبعدين حولوني قسم العمليات قيصري
ما شفت احد فيهم الا بعد ما طلعت من العمليه
حتى زوجي ما دخلوه
وبعدين طلو شوي وراحو خبركم انا نايمه وما يبون يزعجوني
قصة حياااااااااااااااااااااااااااتهاhwaml7

الفايده واختصار كلامي بكلمتين بس
لا تاخذين احدhwaml03
توتاn
10-09-2010, 01:34 PM
انا ما انصحك تاخدي ام زوجك معاكي
خدي امك اختك خالتي عمتك بس ام زوجك لا
~~لحن الحياة~~
10-09-2010, 02:42 PM
راجية ربها معاك حق الله سبحانه وتعالى معاك
وخدي حدا من اخواتك او اخوات زوجك
بالسلامة يا قلبي
آلاء
10-09-2010, 04:12 PM
انا الصراحة ما بتمنى انو يكون معي من بعد الله
الا امي ويا رب تيسرلنا
هدب دمعه
10-09-2010, 04:30 PM
انا عن نفسي مافكرت بالمووضوووع بس اتمنى ان زوجي يدخل معااايه بالغرررفه لانني بكريه

ع الاقل اطمن انوو فيه احد معاايه وواااقف بجنبي
I ♥ Mom
10-09-2010, 05:17 PM
احسن شي كل وحده وزوجها
والام او احد الاقارب ماله داعي قد مايتوترون ويخافون
تخلي زوجها يجلس عندها ويقرا عليها
واذا قربت طلعة الراس تخليه يطلع ..
مو حلو الرجال يشوف تفاصيل الولاده هههه
الله يهون عالجميع
eli87
10-09-2010, 06:07 PM
نصيحة مني لاتاخذين زووجج معاج راح تندمين في بعض ريايل مايحبون وراح طيحين من عينه انا سامعة عن رفيجة اختي ندمانه وهذه الشى مو صح ريلج يشوف ولادتج وانتي كيفج حبيبتي وانشالله تولدين بسلامة
جولييت
10-09-2010, 07:46 PM
انا راحت معاي امي الولاده بس مادخلوها خلوها فالاسعاف وقالولي تنييم وعقبها قيصري ولادخلو معاي احد

حبيبتي على حسب المستشفى اذا بلوس يمكن يدخلون اما الحكومه لاااااا
دودي الجميلة
10-09-2010, 07:49 PM
مرررراحب
انا عن نفسي باخذ زووووجي وبس
Almasah
10-10-2010, 02:39 AM
أتمنى أتمنى أتمنى أهم شيء يكون زوجي متواجد معاي
بس مايدخل غرفة الولاده ينتظرني براااا مابيه يشوفوني وانا أولد
اذا صارت أمي ولا أم زوجي معاي أوكي ماعندي مشكله
هذا مثلاً لو ولدت عندهم
يمكن يجيني الطلق وانا بيت اهلي مثلاً بس ياخوفي مايكون زوجي معاي
بس أنا حيل ودي يكون معاي أولد هني بدمام ماعليه بعدين نروح بيت اهلي
قولوا يارب يسهل علينا
قمر ماجد
10-10-2010, 03:26 AM
احسن شي تروحين لحالك
مع زوجك طبعا
كيآن آنثى
10-10-2010, 06:32 AM
عوافي على الموضوع الروعه ..
انـآأ افضل امــي تكون معي وقت الولاده وزوجي برى هههه
لان سمعت عن كثير دخلوا ازواجهم معهم وقت الولاده وصار زوجها يتقرف منها حتى بعد الولاده ^_^
سبحانك اللهم وبحمدك
05-18-2011, 08:12 PM
انا جامعي زوجي وامي واخت زوجي واختي هههههههههههههه بس بالخير بغرفه الولاده دخلت لحالي وتعسرت الامور ودخلت قيصري وطبعا تنويم كامل وماحد يدخل معك
بس مستحيل اول بمكه باذن الله في جده جنب اهلي
ام النوني
05-18-2011, 10:20 PM
انا أخذ اختي الله لايحرمني منها وكانت معاي بكل لحظه لأني كنت حاجزه غرفة ولاده خاصه وتقدرين تدخلين 3 من اهلج,,
حكاية روح
05-18-2011, 11:43 PM
أنا عن نفسي ماراااح أخذ احد معي الازوجي بس مايدخل معاااااي
واثقة الخطى
05-18-2011, 11:43 PM
لالالالا بصراحه مابي احد بكون لحالي ومعي ربي


تحياااتي لك
آتنفس آنفاسه
05-19-2011, 12:27 AM
بروح مع زوجي فديته ان شاء الله ...
آتنفس آنفاسه
05-19-2011, 12:34 AM
ماعليكم من اللي يقول زوجها ينقرف منها كثير من اهلي ازواجهم دخلوا معهم والحمد لله حياتهم سعيدة ماشاء الله لآنه ماراح يشوف الولادة بيكون جالس جنب زوجته وعلى قولتهم اهم شي الزوج يكون جنب زوجته وقت الطلق .. الله يعيين ويسهـــل
شمايل بنت الدمام
05-19-2011, 12:34 AM
لهدرجه تخوف الولاده يممممممممممه مت خووف

افكر بنج كامل ويطلع المولود وانا اصحا من البنج والناس حولي
فدوى عيونه
05-19-2011, 01:36 AM
انا مابي حد عندي غير زوجي وبس

واذا طوووولت يمكن اتصل ل امي .. وما ابي ام زوجي لانها وايد تتكلم عن ولادات حريم عيالها ..

بعدين الي بيكونون عندي فالولاده شو بيسوون ؟ بيسهلون ولادتي ؟ ولا بيخففون الالم ؟

مابيسوون شي غير التبصبيص ههههه

عشان جيه مابي غير زوجي
الامل القريب
05-19-2011, 02:56 PM
انا بكريه وبصراحه ماابي احد معاي غير زوجي وبيكون برى بعد والله يسهل عليك وعلينا يارب
أم عبدالرحمن السلفية
10-04-2011, 07:54 PM
ح أكلم أختي و زوجي معايا إن شاء الله......
الصمت عشقي
10-04-2011, 08:16 PM
امممممممم انا عن نفسي عااادي
ودي يكون زوجي معي
بس بحكم دوامه مااتوقع انه بيوديني المستشفى
لانو مااشوفه الا خميس وجمعه
بس اذا كنت بيت ابوي يمكن ابوي وامي يودوني او اخوي وامي
واذا كنت بشقتي يمكن خالتي
مع انو ودي اكون بيت ابوي

وانا متوكله على ربي بكل شيء
واللي ربي كاتبه لي يامحلاه
اهم شيء اولد بالسلامه واشوف جنيني بصحه وسلامه وبلا زياده او نقصان
<<< ادري قلت قصة حياتي بس هذا الي بقلبي
عذبة الروح..
10-05-2011, 05:13 PM
يممممممممممه حتى خيال اخاف اتخيييل ... يارب سهل لنا ومرر هذا اليوم على خييير ..
أنا ابغى امي .. ما اتخيل نفسي من غير أمي بهذاك اليوم ..
hwaml93hwaml93hwaml93
حـ العين ـور
10-06-2011, 04:46 PM
بيروح معاي زوجي وامي بس اكيد ماراح يدخلون لان ممنوع
!راما!
10-06-2011, 05:19 PM
ماافي احد رح يفيدكم غيررر دعائكم
امما انكم تاخذون اهاليكم
ترا ماله داااعي بيسون رجه علا غيررر فايده
عن نفسي ولت ثلاث مرات وبكل ولادة معي زوجي بس
لله يسهل علا كل حاااامل يا رب