اسم ولدي وتريقت زوجي تعالوووو قولولي رأيكم

[رغوة كابتشينو]

حبيباتي

ان شاء الله اذا ربي قومني بالسلامة فكرت اسمي ولدي اسم حلو

فقمت بالبحث في فهرس الاسماء ورشحت 4 اسماء

فجر و كنان و رواف و زين

ثم طرحته ع زوجي العزيز <<<< وع فكرة هو يبي اسميه على ابوه بس أنا بغير

وقلتله ها وش رأيك بفجر قالي لا ظهر احسن !!!

قلتله طيب زين قالي موبايلي !!!

قلتله كنان قالي من فين تخترعي الاسماء !!!

ونوعا مااتقبل روّاف


الحين ابي رأيكم اسم روّاف حلو ولا لا ؟!

وعلى فكرة معناه من الرأفة ومأخوذه من اسم الله تعالى الرؤوف

[خجل*أنثى]

فجر بصراحه أحسه يغلب لإسم بنت أكثر من ولد...!!!
بس الأحلى بين الأسامي روّاف..
الله يتمم لك ع خير وتفرحي بشوفته حبيبتي..

[رغوة كابتشينو]

خجل أنثى

يسعدك ربي وانا كماااان مررررة عاجبني روّاف

وأحس اسم نادر

تسلمي لي ياعسل

[" قلب غيث "]

ابصراحه حبي انتي ولا اسم عجبني انتي تخيلي يوم يكبر
ايش اسم ابو زوجك ..

[وحشتني ايامك]

من رائي تسميه اسم يناسبه بكل مراحل عمره
عندك وليد,,فراس..انا سميت ولدي وليد

[الوعد باكر]

الرجال حلاهم عجيب غريب انا برضوه حامل وافكر اسمي لو كانت بنت خُزامى

عقدددددددددددددني ينطقه ويثقل حرف الخاء كرهت الاسم من كثر مايقوله ويثقل لسانه فيه

ولا يتريق ويقول ياخزامى جيبي ماء جيبي مناديل وشوفي عاد هههههههه

واذا كان ولد يبغى يسميه على اسم ابوه وانا مو عاجبني على انه اسم عادي ومتدوال بين الناس

ونفسي اسمي مشعل


<<< بعدت عن موضوعك ماصدقت احد يتكلم بنفس الموضوع


رواف مررررررره روعه وغريب على وزن نواف اذا الله كتب لك مولود بعده

الله يقوم الجميع بالسلامة :)

[فلسطينيه]

هلا اختي ان شاء الله تولدين بالسلامه يارب وتفرحي بشوفه البيبي بصراحه الاسماء اللي اخترتيهم في احلى منهم( عنان متلا احلى من كنان )اسم يزن كتيييييير حللو ,,مجد ,,لؤي ,,جود للبنت والولد

[رغوة كابتشينو]

ابصراحه حبي انتي ولا اسم عجبني انتي تخيلي يوم يكبر
ايش اسم ابو زوجك ..


اسم ابو زوجي محمد واخته سمت عليه

عشان كذا أنا ماابغى اكرر

هو مو كره في الاسم بالعكس مرره افتخر بخير الأنام

بس تخيلي كلهم محمد !!!

[رغوة كابتشينو]

من رائي تسميه اسم يناسبه بكل مراحل عمره
عندك وليد,,فراس..انا سميت ولدي وليد

أهلين ياعسل

أنا احب اسم فراس وأيام ماكنت في الثانوي

اختي جابت ولد وطلبتها تسميه فراس وسمته فراس

وأخوي اسمه وليد وبعد ولد اخوي الثاني سميه وليد

الفكرة بالنسبة لي مو بس الاسم حتى المعني مهم عندي

عشان يأخذ شي من اسمه

مشكورة على ردك ياقمر

[ام جيانا]

عزيزتي الله يقومك بالسلامه وتفرحي بمولودك

احلا اسم اخترتيه رؤف

بس لو تبحثي اكثر فيه اسماء اجمل

موفقه

[رغوة كابتشينو]

الوعد الباكر

خزامي <<< مرررررررة غريب اول مرة اسمع به

يلا ربي يتمم لك ع خير ويرزقك الذرية الصالحة

[~ L o l a]

الله يقومك بالسلامة.
صراحة حبيبتي وماحبيت والا اسم أحسها غريبة بزيادة.
مشكلة وحلاوة بعد أسماء الأولاد أنها ماتتغير
اقتراح عليك ( هشام - حسام - عزام - مهند - سعود )

[,, ام العيال ,,]

ياحياتي الله يقومك بالسلامه وتفرحي بمولودك

وصراحه انا مثل زوجك مااعجبتني الاسماء

لاتزعلين من الصراحه بس فيه اسماء جديده احلى

[* نور الهدى *]

بشوف اسم كنان احلى واحد فيهم

[رغوة كابتشينو]

يسلموووووو ياحلوات ع آرائكم

وعادي الناس اذواق

وانا خاطري اسميه روّاف ان شاء الله

ولو جاتني بنت تصير وريف

مشكورات حبيباتي

[Runy ..]

رواف أحـلى شي .

[فراشة الدواسر]

حبيبتي رواف حلو وفيه عندك اسم زايد وسلطان مره حلوين

[آية]

اسم رواف جميل و خصوصا معناه
لكن بما أنك أختي ذكرت اسم زين ما رأيك باسم مازن هناك تقارب بينهما في النطق و ربما يعجب زوجك
الله يتمم حملك بخير و يسهل عليك الولادة
تقبلي مروري المتواضع

[ام يزوني999]

احم احم ولدي اسمو يزن سمي يزن وابشري بسمايه ههههه بصراحة اسم رواف مررره حلو داخل راسي نفسي اسمي شكلي بسمي رواف بس زوجي يبغى يسمي تركي طفشني ماني عارفة ايش اسوي وع فكره فجر صديقتي اسم بنتها فجر الله يتمم حملنا يااااااااارب ويرزقنا الذريه الصالحة في اليله المباررركة يااااااارب ترزقني بنوتة يااارب نفسي بنت

[noona 28]

ههههههههههههههههههههههههه
يسعدك يارب والله دمك عسل
بالنسبة للاسماء زين احلاهم
فجر احسو اسم بنت اكتر
رواف ناعم ومولايق لولد
وكنان ماحبيتو

ان شا الله تلاقي الاسم المناسب

[جارة القمر]

بصراحة اسم رواف قريب من نواف ........انا حبيت اسم زين وكنان
موفقة

[NoNa roze]

اسم رواف كويس وجديد

[دروبك يالسهر]

بصراحه عاجبني اسم يزن

والاسماء اللي اخترتي حلوه

[راجيتن الله]

لاتزعلي

ولا واحد

انا اسم ابو زوجي عبدالله

وتدرين كم فيه من عبدالله

حوالي 8

وانا ولدي البكر عبدالله مع انهم 8

وانتي ماتبي تكررين وهو ماغير واحد

[موديلي احلي]

الله يصلحك ايش هذي الاسماء
مرررره معجبتني احسه ماتنفع للاولاد
الولد لازم اسمه ثقيل بس مو مره
وجهة نظر لا اقل ولا اكثر

[حساوية]

بصراحة ولا اسم عجبني

عندي اجل محمد احلى وهذا بالاخير شي راجع لك

[كان حلم]

رواف معناها اللي يخيط الفتوق والشقوق من الملابس وليس رؤوف من الرأفة
بس عموما هوه حلو بس خليه يسميه رؤوف احسن يعني تحوير يرضي الطرفين

[سيده اعمال ناجحه]

بصراحه زوجك معه حق كلها ماعجبتني واسم فججر احسسن للبنات مو للأولاد اذا كببر يجلسسوا يترقيووا عليه الاولاد فجوره فجوره بعدين يزعل واحس ان الاولاد ماتنفع لهم اسامي الدلع بعدين اسم رواف اش معناه احس ماله معنى والناس اذوواق بس انا ما تعجبني الاسامي الجديده اللي لخبطي حرووف ويطلع اسم

[>>>مصرقعه<<<]

الله يسهل عليك ويصخر زوجك << شوفي الاسم الي يناسب اسم زوجك في مطابقه الاحرف

ورواف <<احسه انثوي اكثر مدري <<تولدي بسلامه ياعسل

[بنت الطائف]

فجر عندكم اسم ولد ؟
عندنا بالطائف واهل امي بالرياض فجر مو اسم ولد فجر اسم بنت
يمكن عندكم غير الله اعلم
كنان لاتسميه مو حلوووو تذكريني في هندي مزرعة اهل زوجي اسم كنان

بصراحه كلهم مو حلوين احلا هم المميز فجر بس فجر اسم بنت مو ولد

[حلاوة جده]

فجر اسم انثى ياقمر
كنان مو حلو
رواف مو حلو نايف او نواف احلى
زين مو حلو قديم

[ARTS]

اعرف وحدة مسمية بناها رواف والبنت بالثانويه الان ملشاء الله

[غفوره]

اهلا ياعسل .. بالنسبه للاسمآء صراحه كلها حسيتها غريبه مدري هدا رأيي الخاص

اما بالنسبه لأسم محمد والله مررررررررره حلو وانا اتمنا اسمي محمد كل شي بالاسم حلو معناه و دلعو حماده مود مودي

بالنسبه لرواف مادري حسيتو مو مألوف لكن الاخوات ماقصرو ماشاءالله اقترحو عليكي اسمآء

بالنسبه ليا احب اسم محمد وباسل ومؤيد واياد

[عيون الفرح]

حـلو الاسم ...
بس انا محبه كثير ...hwaml25

[دنيا جديدة]

ول شي انشاء الله تقومي بالسلامة و يجعله خلف صالح بار
انا حبيت كنان و اسم يوسف كتييييييييير حلو
و مبروك

[angel2012]

اسم رواف حلو والله الله يوفقك ويبارك لك فيه