حساب حركة الجنين وخصوصا بالأشهر الاخيرة

[خواطر2000]

الحمدلله على كل حال طفلي توفي وانا كنت حامل بالأسبوع 37 يعني نصف التاسع والسبب أني كنت ما احس بحركته وفكرت هذا شي عادي لانه الجنين كبر وما بقى له مكان يتحرك بس بعدين عرفت ان هذا غلط..وحابه اسأل كيف نحسب الحركات بشكل يومي وكل شهر كم لازم يكون عدد الحركات.. وان سأوافقك الحوامل يستفيدون وخاصة البكريات
*

[ام الحلووين]

الله يعوضك

[ام علاوي99]

جعله شفيع لك والله يعوضك خير

[موني الاموره]

الله يعوضك اما كيف تحسبي حركت الجنين ماعندي خبره بالموضوع ذا
بس الي اعرفه انو حتي لو كبر الجنين يتحرك بس علي خفيف فاذا ربي كتب لك حمل مره ثانيه اذا مره عليك يوم وماتحرك الجنين علي طول روحي المستشفي عشان تطمني

[روحي فدوة له]

الله يعوضك خير يارب

[اميرة الخيال]

الله يعووضك ياقلبي ..
ماعندي فكررره بس الحامل اول ماتتدخل التاسع كل اسبوع تراجع الدكتور عشان تتطمن ..
هذا اللي اعرفه

[هدوء انثى]

ياقلبي بالتاسع كل اسبوع زياره للحامل فكيف ماعرفتي الا متاخر
وحركة الجنين مو شرط حسابات المهم يتحرك
ويارب يعوضك كل خير

[خواطر2000]

شكرا لكل اللي ردت علي.. انا رحلت بآخر الثامن وقالت لي الدكتورة الماء قل شوي وبعدها بكم من يوم رحت لدكتورة ثانية وقالت لي كل شي اوكي والماي حول الجنين زين
وبعدها باسبوعين رحت لدكتورة وقالت لي كل شي اوكي من تجيك الام الطلق تعالي لنولدك
ومن بعدها بيومين ما حسيت بحركة الجنين فرحت اجيك وعرفت بوفاته