حزينه بحملي !!!!!!!

[عنود الحزينه]

سلام عليكم ورحمه الله وبركاته


اول شي مبارك عليكم الشهر والله يتقبل منا ومنكم ان شاء الله صالح الاعمال

انا عندي مشكله وان شاء الله ما تبخلون علي بالردووود تكفون نخيتكم والله اني متألمه من داخلي يا ليت احد يساعدني ويريحني من الهم والحزن لي انا فيه بقولكم سالفتي ولي عندها تجربه او سمعت على نفس القصه يا ليت لا تبخل علي الله يزاها الجنان ورضى الرحمن .....

متزوجه صار لي سنتين و5 اشهر وماصار نصيب يجونا عيال مع اني سويت فحوصات وكلها تأكد انه مافي اي شي يمنع الحمال

بتاريخ 10/8/2011 رحت سويت تحليل هرمون الحمل لان الدوره متاخره سويته بمركز النور الي بالهلال النتيجه ايجابيه والهرمون كان 1000 على كلام المختبر وانا قبلها بيوم سويت تحليل بالبيت طلع موجب بس قلت تحليل االدم ما يخربطون

المهم انه فنفس اليوم لي سويت تحليل الدم انا سويته الصبح على 11 ونص الظهر جاتني النتيجه طبعا فرحانه وحالتي لله عالمغربيات والا ينزل مني دم بس لونه وردي الله يعزكم وخفيف تم ينزل ولانها رمضان عقب االافطار رحت الطواري وتنقعت هناك سويت تلفزيون قالت لي لي هناك ما يبين شيب في كيس بس الهرمون لازم يكون 1500 وطالع علشان يبين انه في بيبي داخل كيس ومن يومها توقف الدم بس في افرازات بنيه مهب وايد بس على طول موجوده وعطوني موعد عقب اسبوعين اسوي تلفزيون على اساس الهرمونات تزيد امس رحت العياده الخارجيه علشان ااكد موعد التلفزيون وطلبت تحليل دم مره ثانيه النتيجه طلعت ان الهرمون 540 بس بس الممرضه قالت لي احتمال ماكان 1000 بالظبط نفس ماقالج المختبرومن حزتها وانا مب عارفه شسالفه ومب مقتنعه انه ما في يعني خلاص ما في حمال

تكفون لي عندها خبره ولاع ندها شي لا تبخلون علي بالمساعده ويوم الخميس برجع مره ثانيه اسوي تحليل الهرمون وبجوف اذا بيزيد ولا اقاع ينقص ....
ان اسفه على الاطاله بس على الاقل هني قلت لي بخاطري كله على امل تتفاعلون ويامشكلتي حرم الله وجيهكم من النار

[أم ريـم]

ما عندي خبرة حبيبتي بس حبيت ادعي لك بثبات الحمل والذرية الصالحة يااااااارب

[عنود الحزينه]

الله يزاج خير ام ريم الله يكتب لنا الخير ان شاء الله

[شمايل بنت الدمام]

لا تكدرين خاطرك حبيبتي ويمكن هذا اختبار من الله ومو عيب انك تطولين ما تحملين بسرعه
هذا شي مكتوب حبيبتي والله يرزقك الذريه الصالحه ويارب ربي يطمن قلبك ..

[FoOoFoOo]

ربي يكتب لك الحمل السليم المعافي حبيبتي..
وان شاء الله تكوني حامل وتفرحينا ياااااااااااااااااااااااارب..

[▂▃ سوسو القمر ▃▂]

اولا حبيبتي خلي ثقتك برب العالمين قوويه
وادعي الله يرزقك الحمل عاجلا غير اجل

انتي تقوولين الدووره متااخره
هذي لحاالها دليل علي حمل

شووفي انا ماعرف في خربيط المستشفياات
وتحليل والهرمونات
لا ترووحين لتحليل هالشهر بما انك ماشفتي شي غريب
وخليج بالبيت وادعي ربي واستغفري واحنا برمضاان والدعاء مستجااب بأذن الله
وبعدها رووحي حللي وشووفي وش يقوولون لك
بس الاكيد داام دوورتك منتظمه وتاخرت هالشهر ان شاء الله حمل

[دلوعه حياتوو]

الله يثبت حملك ويفرح قلبك امممممين يارب العالمييين

[▂▃ سوسو القمر ▃▂]

ع فكره مو زين الحزن والتفكير الواايد تنعكس ع نفسيااتك خلي ثقتك برب العالمين وانسي ساالفة الحمل

[عنود الحزينه]

مشكورين وما قصرتوو على اهتمامكم لا عدم ولا خلا ان شاء الله والله يتقبل منا ومنكم صالح الاعمال واخلص الطاعات كل لي اهتمت وردت علي هاي بروحه مساعده

اختي (قلب نوافي ) انا رحت وسويت تحليل دم وطلع فيه حمل بس نزل مني دم الله يعزكم فنفس اليوم لي حللت فيه وامس يوم سويت تحليل دم مره ثانيه قالت لي الممرضه هرمونج نسبته 540 قلت له بالمختبر قالو لي 1000 ليش صار 540 قالت لي اول شي لا تاخذين على كلامهم يمكن كان اقل فقالت لي نقطع الشط باليقين يوم الخميس بنسوي تحليل دم يديد وبنشوف

لي موترني انه في افرازات بنيه اللون للحين

طبعا انا مؤمنه بامر الله وقضاءه وعسى ان تكرهو شيئا وهو خيرا لكم بس الموقف صعب علي ....

الله يجزاكم خير على الاهتمام ودعواتكم بظهر الغيب فهالايام المباركه انه يثبته يا رب يا رب يا رب

[4يو]

والله ياقلبي ماعندي فكرة بس حبيت اقولك توكل على الله وان شاء الله ربي ماراح يكسر خاطرك وزي ماقالت مشرفتنا الغالية انتظري لمدة شهر وبعدين روحي شوفي وش يقولون

[نبع المحبة]

الله يرزقك الذرية الصالحة يارب

[خجل*أنثى]

ماعندي فكره بس إنتِ خلي ثقتك بالله كبيره..
وصدقيني كل مااكان الأمل والثقه والرضا موجود ربي مايخيب عبده..
أكثري من الاستغفار قد ماتقدري وتصدقي بنية ثبوت الحمل..
الله يفرح قلبك بالحمل السليم المعاافى ياارب ويثبته..

[ام جنى24]

اول شي مبروك الحمل ثاااني شي لاتخافين بس خذي حبوب تثبيت اسمها دافستون لان الافرزات بداية اسقاط وارتاااحي انا اول حملي نزل وبعدها بشهرين حملت واخذت تثبيت ويارب لك الحمد رزقت ببنوته
انتي توكلي على الله والحمدلله انك حملتي يعني فيه امل تحملي مره ثانيه وثالثه وعاشره بعد
لازم نفسيتك تكون كويسه وارقي نفسك يوميا واستودعي جنينك والله يتمملك على خير وتصير ام قريبا...... تحياتي

[روحي فدوة له]

الله يرزقك بالذريه الصالحه يارب

[بوكاهنتس]

و1:روجي المستشفى طوارىء يعطوكي ابر تثبيت وعيدي تحليل الدم الرقمي وحليلي كل يومين شوفي الهرمون يرتفع اوينزل وربنا يثبت حملك
زقولي حق الدكتورة تكتبلك دفستون وتحاميل تثبيت سايكلوجيست: وكلي خيار وتفاح من المثبتات وعند اللزوم ماء ونشا وتجنبي البهار والبصل والثوم...

[بوكاهنتس]

السلام عليكم ورحمة الله وبركاته يارب تكوني حامل بس لاسمح الله اذاكنت مش حامل احتسبي ذلك عندالله وتاكدي رح يرزقك خلي ثقتك بربنا كبيرةخبرينا شوصار معك يالغلا طمئنيناوكلة خير باذن الله

[عنود الحزينه]

السلام عليكم ورحمه الله وبركاته



جزاكم خير يا بنات يعطيكم الف عافيه على اهتمامكم بسالفتي

ان شاء الله ان يتبث يا رب ويثبت لكل حامل يا رب ويستجيب لكل من تدعوه للحمل
انه ولي وقادر على كل شيء

[زينة الحياة الدنيا]

سلامتك يا اختى والله يعوضك ويعوضنى ان شالله
انا كنت مثلك الهرمون كان عالى وبعين نزل وما كان الجنين واضح بالسونار وانتظرت اسبوعين يمكن يظهر ونزل عليه دم بنى لكن اتضح انه الكيس فارغ بدون جنين واعطانى الدكتور علاج لينزله والحمد لله

[من دار بومتعب]

عزيزتي الله يرزقك الحمل عاجلا وليس اجل وتوكلي على رب العباد واكثري من الاستغفار والصدقة وقراءة سورة البقرة بانتظام والله انها سر السعادة وقضاء حوائج امور دنياك اوبتعدي عن التفكير وان شاء الله رب العباد بيسر امورك الله يوفقك ويسعدك ويرزقك

[القمر مغرور]

الله يرزك ويرزق كل محروم من الذريه

[الصمت عشقي]

يارب تكونين حامل يالغالية
اولا توكلي على رب العالمين
وربي بيكتب لك اللي فيه الخير

ولاتصدقين كلام المستشفيات لانه كله خرابيط في خرابيط
انا بالشهر الاول من حملي كانت تقولي مافي نبض ووترتني على الفاضي
وكنت ادعي ربي اذا الجنين لي بيحفظه ربي واذا مو لي انا مؤمنه بقضاء ربي
والحمدلله في الشهر الثاني بان النبض
وع فكره كانت تقول انها شاكه ان الكيس فيه جنين
والحمدلله ع كل حال

المهم الحين انتي اذا كنتي شاكه روحي مستشفى ثاني
لان في مستشفيات تكون اجهزتهم قديمه ومايبين الجنين عدل

وربي يفرح قلبك ان شاء الله ويرزق كل محرومه ومحروم بالذرية الصالحة ان شاء الله
اللهم آآآآآآآآآآمين

[u_o_nly]

هلا حبيبتي يارب تكوني حامل ويثبت حملج رببي

انتي معليج منهم يمكن حمل لان انا بحملي الاولي ما انزلت علي الدورة

بس نزل بدالها دم اسووووود او افرازات سودة على بني ويوم حللت طلع حمل

انتي اصبري كم يوم لان الحمل مايبين على طوول في البداية

وانا انصحج تستخيرين الله وروحي حق د عدنان عبدالقادر انا اتابع عنده

تاخر حمل والحمد لله وبفضل من الله ومنته تم الحمل بعد 5 سنوات

وايه روحي لمريم سلمان جهازها احسن جهاز في قطر خلها تسوي لج سونار

ويارب تشوفينه وتفرحين فيه والله يتمم علي حملي يارب ويثبته

ويرزقج ويرزق كل محرومة بالذرية الصالحة عاجلا غير اجلا

[عنود الحزينه]

السلام عليكم ورحمه الله وبركاته

الله يحي ويبقي كل من اهتمت لقصتي ودعائكم اكبر فوز لي بس انا ما اقول الا الحمد لله على كل حال ولو اطلعنا على الغيب لاختارنا الواقع.....
ربي لك الحمد على كل شي

انا اليوم رحت عياده ثانيه وحللت وسويت سونار بس للأسف راح البيبي ماعاد في بيبي ماعاد في فرحه اليوم صياح من الساعه 8 ونص الين الحين وانا اصيح كل ما اذكر السالفه صار عندي نزيف ونل الجنين اللهم ارزقني الصبر وان احتسب لوجه الله والله يعوضني خير ان شاء الله ويعوض كل من فقدت ويرزق كل محرومه الذريه الصالحه

انه قادر على كل شيء بيده ملكوت السموات والارض

[عنود الحزينه]

هلا حبيبتي يارب تكوني حامل ويثبت حملج رببي

انتي معليج منهم يمكن حمل لان انا بحملي الاولي ما انزلت علي الدورة

بس نزل بدالها دم اسووووود او افرازات سودة على بني ويوم حللت طلع حمل

انتي اصبري كم يوم لان الحمل مايبين على طوول في البداية

وانا انصحج تستخيرين الله وروحي حق د عدنان عبدالقادر انا اتابع عنده

تاخر حمل والحمد لله وبفضل من الله ومنته تم الحمل بعد 5 سنوات

وايه روحي لمريم سلمان جهازها احسن جهاز في قطر خلها تسوي لج سونار

ويارب تشوفينه وتفرحين فيه والله يتمم علي حملي يارب ويثبته

ويرزقج ويرزق كل محرومة بالذرية الصالحة عاجلا غير اجلا

رحت عند قادسيه فديتج مدحولي مريم بس سبحان الله قادسيه بعد رفيجتي شجعتني ان اروح له ورحت وكدرت خاطري بس الحمد لله على كل حال الله جاب الله خذ الله عليه العوض الله يثبت لج ان شاء الله ويرزقج الذيه الصالحه ان شا ءالله

[بوكاهنتس]

السلام عليكم ورحمه الله وبركاته

الله يحي ويبقي كل من اهتمت لقصتي ودعائكم اكبر فوز لي بس انا ما اقول الا الحمد لله على كل حال ولو اطلعنا على الغيب لاختارنا الواقع.....
ربي لك الحمد على كل شي

انا اليوم رحت عياده ثانيه وحللت وسويت سونار بس للأسف راح البيبي ماعاد في بيبي ماعاد في فرحه اليوم صياح من الساعه 8 ونص الين الحين وانا اصيح كل ما اذكر السالفه صار عندي نزيف ونل الجنين اللهم ارزقني الصبر وان احتسب لوجه الله والله يعوضني خير ان شاء الله ويعوض كل من فقدت ويرزق كل محرومه الذريه الصالحه

انه قادر على كل شيء بيده ملكوت السموات والارض
pحبيبتي الله يعوضك بتوم صبيان يارب وماتقنطي من رحمة الله اعرف اخت في الله الي قالولها انتي عقييييم ومافي امل تجيبين عيال وربك عوض عليها ورزقها الذرية الصالحة بسم الله ماشاء الله وانتي حبيبتي مافيكي شيء بس المرة الجاية باذن الله خذي مثبت من اول الحمل على الاقل دفستون حبة الصبح وحبة المسى وروحي على دكتور شاطر من اول ماتطلع نتيجة التحليل وريحي حالك

[rubeta]

اختي ما تزعلي والحمد لله عكل شي انا صار لي متلك بالضبط كنت حامل 8 اسابيع وما كان في نبض عندي وخلوني اعمل فحص الهرمون اول مرة كان 34700 وبعد يومين عدتو كان نازل ل 19000 واجهضت الله يعوضنا خير يا رب عاجلا وليس اجلا