ماحب الحليييييييييييييييييييييييب..!

[خيوط ملونه..]

بنااات انا ماحب الحلييب . .>.< اذا شربت شربته مره باليوم بس ..مع اني حامل بس ماقدر
بالنسبه لـ .. الكليسيوم سمعت انو اللبن فيه كاليسيوم بعد
شو انواع اللالبان المفيده للحامل ..
وشو رايكم بلبن اب ولبن راوبي لاني احبهم ^,^
اللي ماا تعرف اتمنى ترفع الموضوع hwaml10

[manou10]

رمضان كريم
وان شاء الله البنات يفيدوك

[**سماسم**]

اللبن فيه كالسيوم وهم الروب (الزبادي) لاكن الدكتوره مره قالتلي الأفضل شرب الحليب وإذا كنتي ماتحبينه أضيفي له نكهات مثل الكاكاو الفراوله والموز ..
والله يتمم حملج على خير ويقومج بالسلامه يارب
,,

[الريمـ]

انا مع البنات لازم تشربين حليب عالاقل 4 اكواب في اليوم
او تقدرين تنوعين بين اللبن واللبنه والجبنة والقشطة والزبادي
او تضيفي نكهات للحليب
وكمان فيه حبوب الكالسيوم بس هذي لازم تستشيري دكتورتك فيها
والله يسهل عليك يارب

[فليك]

هلا عيوني
ب صراحه حتى انا ما اقدر اشرب الحليب :(
بس بعوّض نفسي بشرب اللبن
موفقه يارب

[مرموره]

حبيبتي اذا حييل صعب عليج فاللبن مفيد والزبادي بس عالاقل لاااازم حبوب الكالسيوم تلتزمين فييها

[أإأم ع‘ـــزُوـوزُ]

فيه الزبادي بس مافي افضل من الحليب ضروري تشربينه لك ولجنينك إذآ تحبينه تغصبي على الاقل كاستين بالصبح والمساء

وفيه بعد حبوب كالسيوم اذا كان عندك نقص بالكالسيوم وهذا يأثر عليكي وعلى جنينك


الله يسهل عليكي وتولدي بالسلامه ....

[أم الوليد 123]

لازم حليب ياقلبي

[كل الحلى]

ضرووووري تشربين حليب والحامل تحتاج 1200 ملجرام من الكالسيوم يوميا
حطي معاه فواكه مثل المانجو والا الفراولة وإلا التمر
بس ضروري تشربينه حاولي تغصبي عشان اللي ببطنك