ابي فزعت الحريم شورو علي

[جود الشوق]

السلااااااااااااااااااااااااااااااااااااااام عليكم ورحمة الله وبركااااااااااااااااااااته

كيفكم بنات اخباااركم

مدري والله من وين ابتدي وشقول

متضااايقه وضيقتي داخلي اخليهااا دايماااا ما اشكي لحد

ماعندي الا اخوي الصغير في الجامعه علية قلبه شكله بيكره الزواج بسبتي

قلت لازم اقول لبنات مثلي يفهموني افهمهم ينصحوني يشورون علي يعلموني اذا انا غلطانه حساسه اي شي

مالي الا الله ثم انتم

مشكلتي هي اام زوجي يعلم الله اني معتبرتها مثل امي ابديهااا على نفسي في المشاوير وكل شي لكنت طالعه مع زوجي ودقت تبي شي نكنسل الروحه على شانها

وقوله معليه ذي امك اولى مني

المهم ماحس انهااا معتبرتني بنت لهااا ماتنزل نفسهااا لي ابد

اعطيكم مثال وانتم احكمو

لصرت تعبااانه فوق وتدري من ولدهااا اني تعبااانه ماترقى تشوفني ولا ترفع جوال وتسأل مت ولا حيه

مثال ثاني لصااار ولدي تعباان (عندي ولد واحد عمره 8 شهور) ماكاني امه تدق على ولدهااا وتساله هااخبااره وتواسيه احسن مواساه وتسكر وانا جالسه جنبه ماتقول

عطني امه اكلمها اهون عليهااا اواسيهاا بسؤال عنه الله وكيلكم ماتقول وهذا اكثر شي قاهرني بصراحه ودايم يتكررر ومتى مانزلت عندهاا سألتني عنه ماتعب نفسهاا

مثال ثالث انا وزوجي وسيعين صدر لجينا نطلع ناخذ الاولي والتالي معانا طبعا امه وخواته وعيالهم ونكرمهم من والى وسوي كل شي وناكل ونشرب وطول الجلسه

وطول الجلسه هذا كلامهم (الله يوسع صدرك بالعافيه ياولدي والبنات ياخوي الله يكثر خيرك )ومدح للولد وانا اللي تعبانه ومسويه كل شي مجحوده الله وكيلكم والله ماتقول

الله يعطيك العافيه يابنتي الله يسعدك ماقصرتي ماتقول هالشي امانه هذا مايقهر لين ينزلون من السياااره وهم يمدحونه وانا ساكته ومنطمه مافي الا وحده منهم الله حق دايم ماتنساني وتقول

قدامهم الله يعطيك العافيه ياااخوي انت ومرتك ماقصرت الله يعطيهااا العافيه الله يوسع صدركم بالعافيه اهي اللي تبرد قلبي

هذاا ولا شي من الاشياء اللي قااهرتني بصراحه

والبقيه جااايه بعد مااسمع ردودكم

تكفون علموني ونصحوني شورو علي تعبت والله

[حياتي انا]

ياحبيبتي اجرك ان شاء الله
محفوظ عند رب العالمين
لمن تسوي لهم شي ابتغيه لوجه
الله ولا تستني منهم الشكر

[جود الشوق]

مشكوره حياتي انا على الرد

ان شاء الله اني بحتسبهاا لله بس ياعمري الناس لناااس فماا بالك ذولي اهل

طيب وش رايك في السؤال عن ولدي مو لي حق في السؤال عن ولدي

والله يعطيك العافيه على الرد

ابي افضفض ورتاح

[شمايل بنت الدمام]

انا نفسك بالظبط ..

بس خلاص اللي مايسويلي قدر عنده ليه اسوي له قدر عندي ..

لها مني كل احترام و بوسه ع الراس وانا داخله وطالعه وبس ..

لا تضيقين خلقك ولا شي ..

[كل الحلى]

ماعليك منها خلاص
سلمي عليها وكيفك وش أخبارك وبسسسسس
ولاعاد يشوفون منك لو ضحكة
وخليك معهم رسمية ولاتتدخلين في أمورهم الخاصة
عطيهم الوجة اللي يعطونك
ولاتقهرين نفسك عشان أي أحد عسى عمرها هي وبناتها ماحبوك ولا شكروك
شكرهم لاراح يزيدك ولاراح ينقصك

[حوااء]

انا اوافق راي0 حياتي انا0 ماعليه صبري عليها بكره تحس بك وتكبري بعينها
ويمكن هي شديده ماتبغى تتنازل لوحده من سن بناتها ماتعرفي الي بقلبها ربي يوفق لكم

[جود الشوق]

والله يااا اختي ياااشمايل صرت اسوي مثل ماقلتي

لا وزيدك من الشعر بيت ماتكلمني الا اذا بقت من ولدهاا شي ومارد عليهااا بالجوال

تقولي اشفيه مايرد علي قوليله اني ابيه الحين اصير انا حلووه

حاولت اقلبهااا في نفسي وقول لا يمكن هي ماتكلمني دايم ماتبي تزعجني بس مادخل هالكلام مخي ابد

الله يعطيك العافيه يااعمري

[جود الشوق]

تسلمين ياااعمري كل الحلى الله يصبر قلب كل وحده تعاااني مثل ماعاني

[شمايل بنت الدمام]

الله يصبرك هم كلهم كذا بس انا عرفت ليه هي تسوي معاي كذا

عشاني مو من العائله مرت ولدهم الثانيه من العائله يحبونها حب مو صاحي

بس يالله اهم شي عندي رضا زوجي واهلي والباقي والله ماطقيت لهم خبر ..

[جود الشوق]

تسلمين حواء ياااعمري الله يصبر كل من يعاني

[دلع الانوثه]

يقلبي عليك
مالك الا الصبر
تحملي
واهم شي علاقتك مع زوجك
وخليك معها مثل ماانتي اعتبريها مثل امك
فيها اجر وراح يعوضك ربي

[جود الشوق]

حاسه فيك ياااعمري ياااشمايل الله يعين قلبنا بس لتنااا من الناااس اللي تهتم بنفسهااا وبس كان
ماااتعبنااا

[جود الشوق]

تسلمين ياااعمري دلع الانوثه ماابي من اللي اسويه الا رضى الله علي ثم زوجي محبتهم من محبته والله

اسفه عمري دلع ماقدرت افتح الرساله

[جود الشوق]

تسسسسلمين لي دلع الانوثه ياااعسل

[أم لنو]

طيب أنت ليه تأثرين على نفسك لناس ماتحترمك وتسأل عنك بمعنى تحبك من صميم
عيشي حياتك بس ماله داعي تشيلينهم وتودينهم خلاص خلك بزوجك وولدك وحياتك شوفي نفسك
عشان بعدين ماتتأثر نفسيتك وتحزنين خلك فحالك سلام وعليكم السلام كيف حالكم طيبين وبس خلصنا الدنيا ذي الطيب يوطونه ولا يطقون له حساب

[sweet moon]

اختي

كلن يعمل بأصله وطيبة قلبه

لاتكوني ترجين من احد الشكر والعرفان

انتي طيبه وقلبك ابيض

فخليك بنفسك والاجر محفوظ عند ربي

وهم بسلامتهم انتي سويتي اللي عليك

[جود الشوق]

ياعمري انتي يااام لنوو ماتتصورين وشكثر اني ارتح بكلامكم

ولا كله على باللي اني ماخذه الامور بحساااسيه زيااده عن اللزوم

ماايحس فيك الا اللي مثلك اكيد

تسلمين ياااعمري

[جود الشوق]

sweet moon

تسلمين ياااعمري والله ياختي كرهت شي اسمه طيبه

سويت لهم قدر من البدايه والله يعين

ومااايحس بالطيب الا طيب مثله ابصم بالعشر

وتسلمين

[أم أصيـــل]

ياااااااابنت الحلال,,
إسمعيني>>>>قصدي إقري كلامي عدل
أم زوجي كذا ودفشة ترمي بالهرجة وتسوي حالها بريئة,,
ولاتشكر ولاتحمد,,
لكن عرفت أداويها بالطناااااااااااااااااااااااااااااش
وصرت ماأنزلها كثير يادوبك بالنادر
وإذا نزلت تجلس تسولف كأنها أول مرة تقابلني
وليش ماتجين ومدري وشو وأنا بس أثقل عليهم
وإذا ركبت بالسيارة وهي معانا أسولف مع زوجي
كنها مخفية لأنها قبل تسوي فيني كذا
تحسبني مفهم كلامها ودقاتها,,,
وأهم شي زوجك وصدقيني إذا شلتيهم من راسك
بترتاحين وعلى فكرة هذي مو مشكلة عشان تزعلي عمرك وتنقهري
تراها لعب بزارين ههههههههههه
والله يهديك ويصلح بالك...

[السيدة ماجدة]

اختي وسعي صدرك مو انتي معتبرتيها متل امك عداكي العيب
خلص اسالي عليها لوجه الله اهتمي فيها بس لاتستني منها شي وخلي عملك لله حتى اذا ما سالت على ولدك الله يخليك الو انتي وابوه هذا المهم من سال شكرا ومن لم يسال شكرين
انتي مبينة قلبك كبير وحنونة وحساسة لاتخلي حساسيتك تنغص عليكي حياتك متلي نصيحة كبي وراكي وخلي حساسيتك لزوجك وولادك الله يخليلك ياهون يارب ويعطيكي على قد نيتك

[اه صبرك ياقلبي]

الله يعينك حاااااااااااسه فيك والله

[جود الشوق]

ياااااااابنت الحلال,,
إسمعيني>>>>قصدي إقري كلامي عدل
أم زوجي كذا ودفشة ترمي بالهرجة وتسوي حالها بريئة,,
ولاتشكر ولاتحمد,,
لكن عرفت أداويها بالطناااااااااااااااااااااااااااااش
وصرت ماأنزلها كثير يادوبك بالنادر
وإذا نزلت تجلس تسولف كأنها أول مرة تقابلني
وليش ماتجين ومدري وشو وأنا بس أثقل عليهم
وإذا ركبت بالسيارة وهي معانا أسولف مع زوجي
كنها مخفية لأنها قبل تسوي فيني كذا
تحسبني مفهم كلامها ودقاتها,,,
وأهم شي زوجك وصدقيني إذا شلتيهم من راسك
بترتاحين وعلى فكرة هذي مو مشكلة عشان تزعلي عمرك وتنقهري
تراها لعب بزارين ههههههههههه
والله يهديك ويصلح بالك...

عمررري انتي والله ام اصيل

الله يعين قلبناااا اعجبتني (لعب بزااارين ) ايه والله انك صااادقه هههههههه

الواحد المفروض يسوي اللي عليه لوجه الله وبس مايترجى شي من احد انااا خلاص

قررت اني اسوي الشي ولا اسأل احد الاهتمااام

عمررري انتي والله انتووو حبيباااتي ياااحوااامل

[جود الشوق]

اختي وسعي صدرك مو انتي معتبرتيها متل امك عداكي العيب
خلص اسالي عليها لوجه الله اهتمي فيها بس لاتستني منها شي وخلي عملك لله حتى اذا ما سالت على ولدك الله يخليك الو انتي وابوه هذا المهم من سال شكرا ومن لم يسال شكرين
انتي مبينة قلبك كبير وحنونة وحساسة لاتخلي حساسيتك تنغص عليكي حياتك متلي نصيحة كبي وراكي وخلي حساسيتك لزوجك وولادك الله يخليلك ياهون يارب ويعطيكي على قد نيتك



عمررري انتي ياااماجده

شكلك مثلي خلاص انا قررت اني اسوي كل شي لله وبس ماراح ادووور اهتماام من احد

ياااعمري انتي والله

والله كلامكم خفف عني الشي الكثييير

تسلميييين لي

[جود الشوق]

الله يعينك حاااااااااااسه فيك والله



اه صبرك ياقلبي تسلمييين ياااعمري

الله يعين قلبنااا

والله خففتووو عني الشي الكثييير

تسلمييين

[((*بــريــق ألــمــاس**))]

حبيبتي أهم شي رضا زوجك والله العظيم

وأكييييييييييد زوجك ملاحظ تعاملهم ومقهور بس خليك طيبه بحدود

وبتكبرين بعينه صدقيني

ياشييييييييخه طنشي أهم شي أهلي وزوجي واللي مايحبني ماأحبه لهم عندي الاحترام بس

طنشييييييييييي ترتاحين وخففي زياراتك

[Mلاك]

الله يعينك ياقلبي ويصبرك
والله يحننها عليك

[●•• ShąhǿǾǿĎ ••●]

لاتصبرين عليها ولا شي انا خوات زوجي حقققققققيرات جذي بعد اخر وحده تزوجت والله زوجي الي هو اخوها مطنشها ولاكان بيشتريلها هديه ولا شي قمت انا قلت بسووي معاهم خير وقلتلها بشتريلج هديه انا واخوج والله الضحكه شقت حلجها اهي وخواتها hwaml03يوم صارت الهديه بايدها ماتحجى الا تقول هديتي من اخوي ويابلي مادري شنو ولاقالت لي حتى مشكورهhwaml15 امهم نفس الشي اذا سويت شي مايعتبرونه مني من ولدهم hwaml4نصصصصصيحه طنشيهم موشرط تغضبين رب العالمين عامليهم نفس مايعاملونج ولاتسألين عنهم الا بالمناسبات وطلعاتج مع زوجج هذي من حقج ليششششش رزة الويه ويييعع قطيعه الحمدلله والشكرhwaml4 سالفتج بسيطه سوي نفس اختج << لاتعطينهم ويه وعامليهم ببرود جذي بيعرف كل واحد قدره وقيمته لاتنزلين نفسج حق انسان مايستاهل كرامتج فوق كل شششششي <قرقت وايد تعبت ابي اتحجى بعد فيني حره عليهمhwaml4

[لون البحر]

ههههههه لا لا تسمعين كلامهم بيخربون بيتك
حبيبتي انا ما اجامل بصراحه الامر تافه لا تكبرين الامور يمكن هي ما تعرف تتكلم بعدين اهم شي زوجك شايفك ما قصرتي ويعرف في قرارت نفسه انه انتي تبيضين الوجه خليك زي ما انتي واذا حسيتي انك بتطقين من القهر قولي وانا مالي مدحه ترا سويت كذا وكذا وعلميهم خلي الي على قلبك على اللسانك اشين شي يكون بينك وبين اهل زوجك سوى فهم هذا اشين شي انتبهي اخوي طلق زوجته بسبب خلفاتها مع امي انتبهي خليك ذكيه لا تخسرين زوجك

[مملكة الحب]

هلا حبيبتي . لا زم هالمعاناة بس مع مرور الوقت كل شيء يتغير

إنت حاولي تبدي لها اهتمام وتهادينها وإذا ماسألت قولي لها وش دعوه ياعمه ليش ماتسألي علينا يعني امزحي معها وجربي ماراح تخسري شيء
وصدقيني مع الوقت بتتغير وبتصير تعزك وتهتم فيك .
والله يوفقك يااارب

[يازين الصبر]

طنشيهم ياما بتشوفين والله لو تعطينهم عيونك مايقدرووووووووووون ويمسكون الزله وخواتهم وبناتهم حلال عليهم انا سافرت معهم شفت شي مو طبيعي غيره لو نطلع المستشفى جريمه الله يبعدنا عنهم

[عوسه]

حبيبتي الزم ماعليك زوجك

واذا ع الخرجات لاتسوين معاك الا قهوتك وكفايه عليك التمر لا تاخذين شي معك

اللي يعجبه يعجبه واللي ماعجبه بكيفه

قولي تعبانه قولي اي شي
ولا جيتي تخرجي مع زوجك سوي اللي خاطرك فيه

وخليك ثقيله موضروري كل شوي عندهم

وخلي ولدك عندك لو ما اشتاقولك بيشتاقوله

ولو اتصل احد منهم عليك لا تردين قولي الجوال بعيد عني

ولا نزلتيلهم في السنه حسنه خليك زي ماقالو البنات خفيفه سلام خفيف
ولا تسولفي كثير

وسوي انك مشغوله وارجعي بيتك


عندك اهلك صاحباتك تعرفي ع الجيران وانبسطي وشيليهم من راسك

وعامليهم برسمييييييييييه جدا كانهم ناس اول مره تشوفينهم

وبالتوفيق

[ام لياان]

مثل المشكله احترت معهم. ماادري وشلون ارضيهم لدرجه ودي. اطلع من المدينه بكبرها بس ادعوا لزوجي تجيه وظيفه بعيده عنهم

[ريح المسك]

اسمعي مني وبسسسسسسسسس وتشوفي كيف الفرق >> تراي مجربه وعانيت مثلك
ماكنت اطلع لهم الا وزوجي معاي بحجة اني اخليه يجلس مع اهله >> وجات ع راسي
وكنت اقوله اعطي اهلك من اللي تشتريه للبيت واشياء كثيره اسويها لهم بس هم مايدرون عنها لأن اللي يقدمها لهم ولدهم >>> فهم يحسبون ولدهم ورى كل هذا الشي
ولما تصير مشكله بينهم وبين ولدهم >> يقولون اني انا سبب هالمشكله بس مايقولونها في وجهي لكن من وراي واشوفهم مقلوبين علي كثير بس ما يقولون شي >> في نظرهم ولدهم طيب وما يجي منه الا كل خير لأني ما كنت ازورهم الا ناااااااااااادراااا وهذا ((((اكبر خطأ))))
فغيرت نظامي عشان اسلم من شرهم واكسب ودهم >>> الحمدلله هم طيبين لكن مع الزن والكلام يولد الحقد والكره وانا ما ابغى هالشي
صرت اروح لهم ومعاي صينية حلى او مالح واجلس اسولف واضحك معاهم >> قبل كنت انا وزوجي الحين لوحدي >>> فيه فرق طبعا
وكانوا مثل اهل زوجك مايتصلون علي اي شي يبغونه يكلمون ولدهم وانا كأني مو موجوده
وانا شفتهم كذا وسويت مثلهم اي شي ابغاه منهم اكلم زوجي ما اقولهم خخخ >>وهذا بعد خطأ ثاني
صرت اناديهم لبيتي >> ما كانوا يجون عندي
وصرت ارسل لهم من طبخي كل يوم وزياراتي لهم كثرت واهم حاااااااااااااااااجه اركز على ام زوجي اداريها اكثر من بناتها >> البنات ما اركز عليهم اهم شي الأم
واذا شفتها تعبانه اقوم فيها من والى واهتم فيها >> والله العظيم صارت تقولي ياحبيبتي
واذا جاتني أحلف عليها تجلس عندي واتحايل عليها وتعالي شوفي وش سويت في بيتي >> اذا غيرت شوي في البيت
واذا رحت السوق اشتري هديه وأعطيها بنفسي واقول (( شفتها وعجبتني واشتريتها لك ياعمه )) >> ركزي على الثلاث كلمات لها سحرها في القلب
من قبل كنت اشتري لها ويروح ولدها يعطيها >> فهي تحسبها من ولدها
وشوفي الحين حياتي اتغيرت الحمدلله
انتي اهم شي لا تخلين زوجك واااااااسطه بينك وبينهم بعدي زوجك خليك انتي متواصله معاهم واذا ضايقوك بكلمه طنشي ولا كأنك سمعتي شي
وقبل كل هذا خلي تصرفاتك كلها لوجه الله

جربي طريقتي راااااح تكوني مبسووووووووطه في حياتك وادعيلي معاك

[ام الهادي]

بصراحة ريح المسك والبنات ما قصروا ربنا يعطيهم العافية

[جارة الحرم المكي]

ياحبيبتي احتسبي الاجر وعليك بالصبر والدعاء والاستغفار
بعد انتي حطي نفسك مكانها هي على بالها انك اخذتي ولدها من حضنها
الله يعين الشكوى لله كل واحد عنده همه