ام الزوج هل هي الداء حقا؟؟

[ناديا]

ام الزوج هل هي الداء حقا؟؟

بسم الله الرحمن الرحيم

السلام عليكم ورحمة الله




الحماة
العمة
أم الزوج


تعددت الأسماء والأقاويل عنها .. حتى أصبح فتياتنا يكرهن كل أم زوج ..
بسبب ما سمعنه من أقاويل من أمهاتهم وأخواتهم وغيرهن..
حتى تكبر الفتاة على عداء بداخلها وفكرة خاطئة
أن كل أم زوج هي إنسانة تحاول زعزعة سعادتها مع شريك حياتها..
وتود أن تسلبها حقها في عيشة هنية ..
حتى تتوهم أن أم زوجها إن طلبت منها شيئا أو قامت بفعل شجار معها لموضوع ما
أن هذه المرأه تكرهها ولا تحبها وتبدأ برسم الأفكار السيئة..
وتتحول الحياة إلى معارك ومشاكل مابين المرأة وحماتها ..
ويكون الزوج بين الاثنين ..
لا يدري مايفعله .. أمه أم زوجته!..
حتى يَمل من شكوى زوجته المتكرر من أمه ..
ويفكر في قرارة نفسه إن زوجته هي سبب المشاكل ..
ويتحول العيش الهانئ إلى جحيم لكثرة المشاكل..



لكن بدل هذا كله كنا سنقدر على العيش بدون مشاكل..
لو تفادينا المشاحنات.. وحاولنا أن نعتبر أم الزوج هي أم حقيقية لنا..
جاريناها في كل ماتقوله وقلنا لها سمعا وأمرك ومعك حق..
قدمنا لها بعض الهدايا في مناسبات مختلفة..
ساعدناها في إعمالها .. وسليناها في وحدتها ..


ماذا سيحصل .. !!
هل سينقص منكِ شيئا .. !!


سمعت احداهن تقول


لو علمت أن النساء أن الطريق الأقصر إلى قلب الرجل المحترم
هو أمه الغالية لما حدثت مشاكل بين الزوجة وأم الزوج

أخواتي..
هنا أحب أن اعرف ارائكم بالنسبة لهذا الموضوع

وهل ترين أم الزوج كعدو أم كأم حقيقية.. .. .؟؟

هل حماتك ِ ( أم زوجكِ ) تتدخل بحياتكِ.. !!
وان كان لديكِ قصص عن معاملة أم الزوج سواء الجيدة أو السيئة
دعينا نتناقش بها .. ..
وماهي الأفكار والحلول لتكسبي أما جديدة .. ورضاء زوجكِ من بعدها .. !






بانتظار حبر اقلامكم

واكيد اكيد الحوار مفتوح للجميع ..}}

لكم شكري وتقديري ..

بانتظار مشاركاتكم الصريحه

[شموسه]

يعطيج العافيه

بس مو كل ام

احياناا الامهات يظلمون ابناهم
او زوجت ولدهاا وهو يشوف الام مخطا


وشكرا

[تهاني الرياض]

الأمهات يدخلون فحياة ابناءهم من باب الغيره لو كل بنت عطت ام زوجها ع قد عقلها وربي تعيش حياتها لانها فالاول والاخير حرمه كبيره أنا أم زوجي مااهتم لكلامها أخذه من باب المزح وهي اصلا قلبها طيب

[((ام ليان))]

حتى لو ام زوج قاسية على زوجة ولدها وتتكلم عليها وتتدخل في حياتها تسكت ما تسوي مشكلة معها والله انها ترجع وتحن عليها طبيعة الام حنونه متى تزيد ام زوج اذا حست ان زوجة ولدها لسانها طويل شوية

[جنا المدينة]

والله مو شرط انه تكون زوجة الولد لسانها طويل انا حماتي من اول سنة تزوجت فيها كانت تسمعني كلااااام فيا وفي اهلي ولا كنت ارد بكلمة اجلس اسمع وانا مذهووووولة لاني ما تربيت على كدة اسلوب ولا اعرف ايش اقول الان انا مقتنعه تماما انه ما في امل انها تحبني لو ايش ما اسوي لها لو حبتني اليوم تقلب عليا شهر ومو بس انا كل حريم اولادها ....
الله يعين بس.

[مرور سري]

مع احترامي لكل الي مكتوب

ولكن نادرا مانجد العمة او الحماه او ام الزوج طيبة

لو عندك مثل عمتي اتحدى تكتبي هذا الموضوع او حتى تقرية

وجميع الطرق والوسايل لاتفيد معها

وايقنت بان الحب من الله

الله يسامحها

امي غيييييييييييييييييييييييييييييييييييير

ما اقارنها باي مخلوق بها الكون مع احترامي لامه

[amooon]

المشكله ماهي في شخصية ام الزوج المشكله في مجتمعنا العربي ككل
دائماً الحماه عندها اعتقاد انه لها حرية التدخل في حياة ولدها وزوجته وان مهما تغلط فيها عادي لانها ام الزوج وياويلها تتكلم ولا ترد مرات توصل لاهانة الكرامه وسب الاهل تحسب الزلات وحده بوحده على عيال ولدها علشان تسمع امهم كلام وتجرح فيها وفي تربيتها لاولادها
ولو بس امه كذا ممكن الواحد يتغاضا و يكبر عقله ويقول مره كبيره
لكن المصيبه hwaml15ان كل ام زوج لها اتباع ومعاونين وهي تصير الزعيم حقهم hwaml12واقصد بكلامي
بناااااااااااااااتها
ودي الصراحه ارسل كلمه نصح لوجه الله لكل اخت زوج
انها تتقي الله في زوجة اخوها ولاتحاول تشعل المشاكل والنيران بينها وبين امها لان والله ان دعوة المظلوم ما بينها وبين الله حجاب وش تستفيد اذا دعت عليها المره والله ابتلاها في زوجها او عافيتها او عيالها

[فلسفة الحب]

مع احترامي لك اختي ولكلامك بس الواقع غير !!! ام الزوج في اغلب البيوت ماتكون زي ماذكرتي بالعكس تكون عكس اللي قلتيه 180 درجه مهما سويتي مايبين بعينها ولازم كل كبيره وصغيره تدري فيها واحياناًًَ لازم تتدخل !!!
ومافيه احد بالدنيا اقارنه بامي لان الام غير ... وانا ضد اللي يقول اعمله مثل امي واتحمل اهانتها وسبها ؟؟؟ ليش اتحمل من وحده ماهي امي ؟؟؟ صحيح ام زوجي لها مني التقدير والاحترام بس ماتحمل تتكلم علي .. وتتكلم علي بصفتها ايش ؟ كلنا سوا مااحد احسن من احد ...

[أم لنو]

أحسها طيبه مالي علاقة فيها بحكم إني فديرة بعيدة عنها أشوفها فالسنة مرة بس مو كل أم زوج تدخل أو متسلطة عندنا كلهم طيبين بس يمكن في غيرة بس ماتوضحها الله يهدي الجميع ويحنن قلوبنا عليهم ونحسهم مثل أمهاتنا

[((ام ليان))]

اشوفوا انا ما قلت انها تتكلم عليك وتسكتين لا كل وحده تحترم الثانية لا من ام الزوج او مرات ولدها الاحترام لازم يكون بينهم بس بعض الزوجات الله يهديهم يتضايقون من اهل الزوج لا يروح عند اهله اذا راح كل شويه تدق عليه خلاص تعال ليش يعني الام مالها حق في زيارة ولدها لها ولا تستقبلهم في بيتهم
انا اعرف وحده اذا جت ام زوجها عندها تقعد تسمعها كلام واذا بتنام عندها تخليها في غرفة صغيرة ولا تخليها تدخل المطبخ وتقفل على الاسطوانه علشان ما تطبخ وتقفل الثلاجة
ليش كل هذا لانها جتها زيارة الام من حقها تاكل من بيت ولدها وتاخذ من بيت ولدها زي ما تبغى لان هي اللي ربت وتعبت

[sweet moon]

نقاش حلو

وماشالله ماقصروا البنات بالردود

وطبعا وكل وحده على حسب اللي عايشته

يعني لاتكتبين تجربتك وتقولين سوي وسوي ولله انك تعيشين ملكه

ولا تقولي لو عاملتيها مثل امك كان وكان

كل وحده لها تجربتها في حماتها

والحماه تختلف من بيت لبيت

في الطيبه الودوده الخلوقه اللي تعاملك بنتها واكثر

وفي اللي يارب لاتغضب علينا .. لسانها سليط ومتبرء منها

ويعطيك العافيه على الموضوع

[ناديا]

انا مع بعض العضوات صراحه انا عطيتهم وجه واعتبرتهم اهلي لاكن كانت غلطتي والحين احاول اخلي العلاقه رسميه بيننا بس مافيه امل راي وراي الله يعين بس ..
مشكورات على المرور ,,

[كل الحلى]

بالنسبة لي انا ماعندي ام زوج
لكن أنا أفضل تكون العلاقة رسمية
لاتعدى حدودها ولاتتعدى حدودي
كذا راح يكون بينا أحترام
وهذي طريقتي مع اخوات زوجي مع انهم حاولو يدخلون معي في العميق
بس حطيت لهم حد وبعدها صارت علاقتنا سلام وكيف الحال وبسسسس

وهذي احسن طريقة عشام الوحدة تفتك من وجع الراس والاخذ والرد
في موال ام الزوج وخواته اللي ماينتهي

[مملكة الحب]

ليش كل هالتحامل على أم الزوج .

ليت كل أمهات الزوج مثل عمتي أم زوجي الله يحفظها ويطول بعمرهااا ياااارب

والله يابنااااات ماأباااااااالغ إنها تبدي حريم عيالها على عيالها ماترضى بالظلم وعند الأكل ماتسمعيها غير تنادي عليهم .

مالها دخل بأحد ولا تدخل بأحد وحالها حال نفسها وإنسانه عزيزة نفس الله يسعدها ويرضى عليها آميييييييييييين وياارب مايغير علينا والحمد لله اللي جعلها كذا معانا كلنا حريم عيالها .ومهما قلت ماراح اوفيها حقها هالإنسانه

مشكوووووره غلاي ناديا عالموضوع الراااائع مثلك

[زوجي سعدحياتي]

السلام عليكم
وكل عام وانتم بخير
والله ياريت كل ام زوجي زي ام زوجي الله يطول بعمرها
طيبه وحنونه وتحبني وانا اناديها امي من طيبتها احسها زي امي الله يحفظهم
يارب...

[اللؤلؤة اللامعة]

بصراحه تختلف الحموات من وحده لوحده واصابع اليد مو سوا يسلمووووووووا

[ام فهاد]

الله يعطيك العافيه ع هالموضوع
اما انا ولله الحمد ويشهدالله من تزوجت لي عشر سنوات وشوي
ماعمرام زوجي كسرت خاطري بنص كلمه
حتى قبل احمل دوم تصبرني وياويل زوجي يقولي شي
تسويله يوم ونص يوم
ودوم تعاملني احسن من بناتها
ربي يدوم محبته لي ولايغير علينا ويحفظه ويخليها لي وتفرح بشوفة ولدي اوبنتي

واكيد راح تستغربون وودكم تعرفون سرحبها لي
اول ماتزوجت ولدها كانت ماتمشي من حادث ووضعه سيئ كنت وقته عروس
كل ماتزورني وحده تقول جيبي شغاله وش حادك ع التعب
مافتحت اذوني لحد وقلت اكسب اجره واعتنيت فيها
وعاملتها مثل امي وكنت انوم فراشي جنب فراشه الااذ بغاني زوجي لبيتله
ورديت واستمرهالوضع 3سنوات وكنت اراجع فيها للمستشفى لين
استردت عافيتها وقامت تمشي
ومن يومه وهي الام والصدرالحنون لي
حتى بعض اوقات اقوله ع اسراري وكانت خير ناصح لي
ومااااااازااااااااااالت اطيب واروع وارق قلب محتويني ومفضالاني ع الصغير والكبير

والغالي لي انا بس برغم ان حريم عياله طيبات بس انا عندها غيييييييييير
بنات ترى ام الزوج مثل امك بس الذكيه تعرف كيف تكسبه بتعاملها وبالكلمه الطيبه
والذي نفسي بيده اني لومرضت اوبكيت تبكي معي
ولاترتاح ولاتهنى الا اذا شافتني سعيييييييده
ولكم تحياااااتي بااعطائي هذه المساحه

[عيون عزوز]

على حسب تعامل الزوجه بحسب وجهة نظري خليكي طيبه وعلى نياتك حتعقدري تكسبيها عامل الناس كماتحب ان يعاملوك<<هاذامبدأي بالحياه