ساعدوني في غرفة نوم بنوتاتي

[نبع الكوثر]

السلام عليكم ورحمة الله وبركاته


مرحبا بكم جميعا
واخيرا ببدا افصل غرفه الى بناتي
طبعا شفت جاهزين وعجبوني كثير بس احب اسوي تفصيل عشان نفس دوقي ونفس احتياجي واقوى وابيها لهم على طول مابي بين فترة اغيرها

فقررت اني افصل لهم وبما ان شقتي صغيرة ولاعندي مخزن ولا مكان احط فيه ااغراض ابي غرفتهم يكون فيها كلشيء

فالدولاب ابيه كبير وفيه خزانه
والسرير ابيه فيه دروج تحت بس ابي يكون فيه حواجز لان بنوتاتي لسى صغار ويتقلبو في نومهم بس ابي الحواجز تنشال في المستقبل

وابي تسريحه مو كبيره واجد بس ابيها مشتركه فيها كرسيين ومرايه ويمديهم يدرسو ويصفو كتبهم فيها
بس ابيها صغيرة ومرتبه
والكراسي يدخلو فيها عشان لاياخدو حيز
والكمدينه بعد ابيها حلوه ومميزة

وباقي لاشياء ماتهمني

فكرت اسوي سرير ابو طابقين بس غيرت رايي ابي غرفه زي ماقلت دولاب كبير وسريرين وكمدينتين صغار او وحده كبيره وتسريحه مشتركه
اتمنى تساعدوني لان التفصيل ياخد في حدود الشهر وانا ابيها في العيد واب بعدها بشويات مليت من نومتهم معي في الغرفه
ساعدوني في الصور اهمشي التسريحه لان مو عارفه اصمم لها شيء

المشكله لون الغرفه بيج وبني وماقدر اغير الصبغه
وانا ابي افصل الخشب بني غامق بس ابي المفرش والستاره والزوليه والاشياء الثانيه ابيها فوشي و وردي فاتح اش رايكم؟؟

[°• ღ لمسة فن ღ •°]

مرحبا أختي..

حلو تعملي سراير تفصيل..أنتي أطلبي فيها سدات سحب للتخزين..

وهذي حواجز جاهزه موجوده عند هوم سنتر ومحل الأطفال..ممتازه وتنشال في أي وقت..تقدري تثنيها لتحت وهي مكانها عشان ينزل البيبي..وترجعينها بسهوله بالضغط على الجوانب.....

http://forum.hwaml.com/imgcache2/hwaml.com_1311769629_468.jpg

وخلي ديزاين التخزين تحت نفس ديزاين تصميم الغرفه...

http://forum.hwaml.com/imgcache2/hwaml.com_1311769630_713.png

http://forum.hwaml.com/imgcache2/hwaml.com_1311769630_521.jpg

بكمل بعدين..

[°• ღ لمسة فن ღ •°]

وفيه حركه حلوه سرير بسريرين,,الاول عادي وتحته سحب سرير ثاني ممتاز للغرف الصغيره..

شوفي

http://forum.hwaml.com/imgcache2/hwaml.com_1311772616_803.jpg

اما عن الكمدينوا مش لازم 2 فقط 1 بين السريرين

الستاره رووومااانيه انظف

http://forum.hwaml.com/imgcache2/hwaml.com_1311772608_419.jpg

وهذي عدة طرق للتسريحه

http://forum.hwaml.com/imgcache2/hwaml.com_1311772611_134.jpg

http://forum.hwaml.com/imgcache2/hwaml.com_1311772611_398.jpg

والسجاد وزعيه متناثر مثل هالديزاين

http://forum.hwaml.com/imgcache2/hwaml.com_1311772607_892.jpg

وحلو اللون الفوشي في الغرفه,,ولوتصوريلي الغرفه بعرف انسقلك اكثر,

[نبع الكوثر]

شكرا اختي بحاول اصور لك الغرفه بس حاليا معفوسه بصور لك زاويه منها عشان تعرفي الالوان

[نبع الكوثر]

هذا جدار الغرفه

http://forum.hwaml.com/imgcache2/hwaml.com_1311839370_992.jpg (http://www.0zz0.com)

وهذا السقف
http://forum.hwaml.com/imgcache2/hwaml.com_1311839371_140.jpg (http://www.0zz0.com)

وهذي الارضيه
http://forum.hwaml.com/imgcache2/hwaml.com_1311839371_451.jpg (http://www.0zz0.com)

[نبع الكوثر]

مقاس الغرفه 3وربع في 4وربع

الجدار الى فيه الباب والى في وجهه هم الاكبر والجدار الى فيه المكيف والنافده والى في وجهه صغار

انا ابي الجدار الى فيه النافده يكونو فيه الاسره طوليه ووصطهم لكمدينه

والجدار المقابل اليه يكون فيه الدولاب

والجدار الى مقابل الباب ابي فيه التسريحه المشتركه

بس ابي الدخل اللون الفوشي مع الوردي الفاتح في الستائر والزل والمفرش واستكرات في الجدران
بس مو عارفه كيف
ابي ستاير ومفرش فيهم اللون الفوشي مع البني بس ماعندي مديل معين
ابي المساعدات من الى

[°• ღ لمسة فن ღ •°]

أختي نبع الكوثر الدولاب الكبير اللي شفت صورته في موضوعي السابق..

فيه أمكانيه تحطينه..على يسار الباب,,يعني الجدار اللي فيه الباب..يفضل مايكون في الوجه..

حبيبتي السجاد قلتلك خذيه فراشات ونثريه يعني خذي 5 سجادات قطع صغيره ونثريهم في الغرفه..نفس الصور اللي قلتلك عليها في هالموضوع والموضوع الثاني..

والتسريحه..خليها ..أول ماتدخلين من الباب ..ولا على اليمين ولا على اليسار..

الله يبااارك فيج..

أهم شي موضوووع الملصقااااات أنتبهي له..

وشكرا"..

[نبع الكوثر]

اي بس لو سويت كدا ماراح يكفي الى سرير واحد بس وهو موجود سريرين

[Almasah]

الغرفه مقاسها ممتاز مو صغيره بنظري
والمفرش مو شرط يكون فيه داخل اللون البني
اخذيه فوشي مورد او مشجر وخداديات مثلا مقلمه والستاره ايضا مقلمه
فوشي _ برتقالي _ أخضر عشبي _ أحمر يعني خلي الألوان تدخل بكل فرح لغرفة البنات

[نبع الكوثر]

شكرا على الردود

ايوه الماسه الغرفه مو صغيرة بس الدولاب كبير مايصير في الجدار الى ورى الباب لان ماراح ينفتح الباب الى اذا الباب سحاب لازم بيصير جنب الباب وبكدا وين احط الاسره انا في بالي احطهم في الجدار الى فيه المكيف والنافده كل واحد هي زاويه ووصطهم كمدينه

بس اذا حطيت الدولاب في احد الزوايا
فلازم يتغير اماكن السرر
وراح تبين ضيقه بيروح الوسع كله

الغرفه لسى مافيها باب تنصحوني احط الدولاب ورى الباب واحط باب سحاب الى الغرفه؟؟؟

[Mقمة البرااااائهM]

هلا نبع الكوثر,,ياختي لازم هالدولااااب؟؟حرام مايناسب البنات..فصلي دولااااب وردي للبنات

فصليلهم زي هالدولاب مناسب لغرفة نومهم زاويه وكمليه بطاولهة دراستهم نفس نظام الفنادق,,

http://forum.hwaml.com/imgcache2/hwaml.com_1312014985_570.jpg

[Mقمة البرااااائهM]

اوكيه حطي باب سحاااااااااااب حلووووووووووووو

[نبع الكوثر]

شكرا قمه انا عاجبني الدولاب زاويه بس المشكله انا افكر الى المستقبل ولو جات بنت ثالثه ماراح يصير في مكان الى سريرها

وهذا الدولاب موجود ومافي امكانيه اني افصل دولاب جديد
فبفصل بس السرر حاليا وابي الخشب يكون بني غامق والمفرش هو الملون

وعلى فكره بنوتاتي لسى صغار الكبيرة عمرها سنتين و7شهور
والصغيره 8شهور

ابي افصل غرفه لهم واخليها لهم على طول مو مستعده بعد كم سنه اغيرها

وشكرا لك حبيبتي

[Mقمة البرااااائهM]

حرام يختي ....يحتاجلهم أسره حلوه ويحتاجلهم تلفزيون بلازما تعليق..يشوفون قنوات الأطفال..

خلاص صوري الغرفه للأخت لمسة فن صوريها بكل زواياها..والله ماقصرت حليلهااااا

[نبع الكوثر]

صح كلامك حرااام اني اكون سعوديه وماملك قيمة غرفه اجهزها الى بناتي غير عن باقي الشقه الى لسه مو مئثثه رغم صغر حجمها
الحمد لله ربي
الله يجيب الخير

المهم
انا ماايد يكون تلفزيون في غرف النوم واصلا حتى العابهم برى الغرفه اللعب ممنوع في غرفه النوم

وانا عندي لهم مثل هدا الدولاب دولاب صغير ادراج ومرايه وقافيه وكمدينتين وتسريحه يعني الغرفه كامله ماعدى السرر ناقصين فبفصل لهم سرر بني

بخلي الثريه والابجوره والمفارش وردي او فوشي الى الان محتاره اي درجه اخد ومحتاره في مديل الستاره
وعلى الجدران انا من زماااااان شريت استكرات كبيره على شكل ورود وفراشات بلسقهم في الجدران والدواليب؟؟؟

وبحط حزام وردي في الجدار انشاء الله تناسب الغرفه وتصير حلوه

بس ابي مديلات ستاير ومفارش الله يوفقكم
لان احتمال انا الى اخيطهم

لما انتهي من الغرفه انشاء الله بصورها اخذ رايكم فيها

[Mقمة البرااااائهM]

ساااامحيني أختي....

الله يرزقج من حيث لاااتحتسبين يالغااااليه....

ويبااارك فيج وفي عيالج وزوجج يااارب...

وكل عام وأنتي بخير..

[نبع الكوثر]

شكرا حبيبتي
وانت بخير

[جنا المدينة]

الوردي مع البني ما احس انه حلو خليكي على الفوشي ولو يكون معاه اخضر عشبي يطلع خطيييييييييير انا غرفة بناتي زي غرفتك صغيرة فصلت قبل شهرين غرفة لهم السرير اللي دورين وعلى شكل حرف تي ومن الجنب سلم ادراج والجنب التاني كمان ادراج والسرير اللي تحت عرضه 120 بينامو فيه مع بعض واللي فوق للمستقبل ان شالله ولونه خشبي فاتح مع برتقالي ودولاب 4 درف وتسريحة وكمودينة وصبغت الجدار اصفر كلفتني 3500 بس طلعت حلوة على السعر هادا ما توقعتها كده وجبتلهم مفارش اصفر في برتقالي في بيج والستارة مقلمة اصفر وبرتقالي.موووووووووووفقه.

[جنا المدينة]

حبيت اقولك اني مستقبلا لو حبيت اغير لما يكبرو البنات ممكن اشيل السرير اللي فوق مع الادراج في الجنبين لانه مفصول عن السرير اللي تحت وافصل سرير تاني كمان 120 .

[نبع الكوثر]

ايوه انا كان تفكيري اسوي كدا كمان
سرير طابقين ينفصل بس بناتي لسى صغار انهم ينامو فوق
قلت بفصله حاليا وبعدين اركبه ادا كبرو
بس الى يجو طابقين عادته خشب مضغوط
وانا ابي خشب وطني
ولمى اسال مايفصلو ينفصل لازم لازق فيه
احسه خطير عليهم
وانا ابي اعودهم ينامو كل وحده في سريرها

مابيهم ينامو مع بعض

[Almasah]

السريرين مفصولين أأمن للأطفال من السرير العلوي

وبالنسبه للباب اذا لسه ماركبتيه ركبي سحب نوبروبلم
وربي يحفظ لك بنوتاتك الأمورات

انا شايفه بإيكيا مفارش لسرير الوانها ناريه
احمر برتقالي ودرجاتهم
على شكل مستطيلات طواليه
بس رهيييب

وشوفي هذا المفرش
http://forum.hwaml.com/imgcache2/hwaml.com_1312332030_826.jpg

من ايكيا وكل اللي موجود بصوره من ايكيا بعد

[نبع الكوثر]

ااااااااااه عورتي قلبي حبيبتي نفس المفرش الى في بالي خزنته وراويته زوجي بس ماكنت ادري من ايكيا
وانا صار لي3 اسابيع انتظر زوجي يفضى عشان نروح ايكيا اوكي حلو انشاء الله اشوفه
رغم ان نفسي انا الى اخيط لهم المفرش والستارة

شكرا حبيبتي

[مستقبل]

هلا نبع كوثر واخيرا حبيبتي جهزتي غرفه لبناتيك الله يهنيكم والله وحشتيني مررررررر كيفك وكيف بناتك

[نبع الكوثر]

اهلا حبيبتي مستقبل

لسى ابي اجهزها
بس مدري متى اخلص منها
ههههههههه

انا امنيحه والبنات كمان مناح
تسلمي حياتي

[عقد لؤلؤ]

الله يوفقك حبيبتي ويسر أمورنا أجمعين يارب