ساعدوني انا في ورطة

[جنة حياتي]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
مرحبا على الجميع كيفكم ان شاء الله تمام
طبعا كالعادة انا مالي غيركم انا والله مررة مقهورة
زوجي بكرة مسوي عزومة وذبيحة وعازم ابوه واخوانه وعمانه واولادهم
وانا ماعندي اخواني كبار ولا شي بس اني اشتهيت يعزم باابا بكرة وموراضي وقلت له عشان خاطر عين تكرم مدينة وعشاني خاطري وموراضي يقتنع ايش اسوي والله مو هاين عليا انو بابا مايجي كيف اقنعه

[أم أصيـــل]

ياقلبي إنتي والله تراها مو كذا تجي,,
إذا ترضينها على أبوك تراه مايرضاها على نفسه ,,
خلي عندك عزة نفس وماعليك فيه,,
وإذا في مشكله المفروض يحلها مع أبوك لحاله مو قدام أهله عشان الإحراج....

[جنة حياتي]

لا والله مافي لامشكلة ولا شيء بس انا ماني عارفة ليش مايبغى

[خجل*أنثى]

اذا كان فيه اسباب شخصيه حاولي تلطفي الجو وتقربي وجهات النظر..وإذا مافي شي يمكن هو يبغااهاا لأهله بس..حاولي بأسلووب حلوو معااه مو بزعل ونرفزه والا نكد..واذا برضوو مااقتنع طنشي مره ولاتكثري كلام معاه وطلب..هو راح يحس ع نفسه ويحس انه حركته مالها داعي..

[سمار]

عزيزتي أكيد فيه شي خاص بأسرته وحب يجمعهم عنده والإ أكيد كان عزم أبوك ماهو غشيم ومايفهم في الأصول يمكن فيه مشكله يبون يحلونها أو يتناقشون فيها وبعدين مو حلوه يجي أبوك وهو معزوم بالغصب يعني مو برضا صاحب العزيمه حتى لوهو زوج بنته
أكيد ماترضين لأبوك خلاص أنسي وفكري وش راح تسوي على العشاء وأعزمينا حنا حريم ماراح يعارض لا بنجلس معاهم ولاشي علشان نسمع وش بيقولون
أقول لايكون عمك يبي يعرس ويخاف لخالتك تدري انتبهي

[جنا المدينة]

اذا كنتي متزوجة من فترة بسيطة عادي في بعضهم بالاول ما ياخد راحته مع اهله في وجود احد من اهللك ,,,,,هوا صح انتي معاكي حق بس ايش راح تسوي كلميه كمان مرة وبهداوة ودلع واذا ما رضي ما بإيدك شي طنشي.....

[جنة حياتي]

مشكورة لكل اللي ردوو عليا
وسويت زي ماقلتو لي وكلمتو بهدوء ودلع ومن داه الكلام
قالي كلام بس انا مااقتنعت ولا باي شي بس سكتت عشان خلاص ماراح ارضاها لا ليا ولا لبابا بس انا يعني مو هاين عليا وبس ... انا افكر اكلمو بعد العزومة اقوله مااتوقعت ومن داه الكلام وبس
للمعلومية انا ليا سنة و3 شهور متزوجة وزوجي مررة يقدر ويحترم اهلي مررة مررة بس انا مستغربة من داه التصرف

[كل الحلى]

أنتي المفروض من البداية ماقلتي ليه أعزم أبوي
لو يبي يعزمه عزمه من دون مايقول لك
وصراحة رده ماله داعي المفروض تقديرا لك يعزمه
لكن اللي صار صار فأنتي لاتوين نفسك زعلانه ولايحزنون

بس أنتبهي في المره الجاية

[همس الرووح ~]

طيب وش سبب العزيمهـ ..؟

يمكن يبون يتكلمون بأمور خاصهـ فيهم ..؟

هي صح الحركهـ مالها داعي .. حطيت نفسي مكانك

وتنرفزت ْ~ْ

اعرفي السبب الأول .. واذا مافيهـ سبب عائلي

لاجتماعهم .. وقتها يحق لك تاخذين بخاطرك

بس لا تبينين لهـ .. عامليهـ بجفا وتغيري معهـ شوي

يمكن يحس وقتها ... مممم

مااادري بس من جد تصرفهـ يحير !

[سيدة الغرام]

ياحياتي يمكن زوجك عندوو اسرار او يبي يجمع اهلووو خاص يعني
مايبي يمكن احد عادي ياقلبي تصير والله في كل مكان لاتضغطين عليه يمكن يابي يجمع اهلووو عزيمه خاصه ولاتزعلي ياقلبي انا ياعمري صار عزيمه عزم اهلوووو عزيمه خاصه واخويه كان معايه في نفس المنطقه من رغم مو متزوج ماكلمتووو ولاشي لكل يفاهمها يمكن مسوي عزيمه خاصه فا خلي على راحتووو ترى مو حلوو اذا جاء ابوكي بالغصب لاتحرجين نفسك زي ماقالت لكي

[Om KHaled]

خليه براحته ,انسي الموضوع...

[حياتي انا]

ياحبيبتي خلاص لاتصري عليه
ممكن عند ظرف او موضوع بينه وبين
اهله وهو اكيد عارف الاصول
يعني لو كان في مجال يعزم ابوكي
كان عزمه وما قصر

[فليك]

يا قلبي عليكي
من جد والله صعبه و اكيد الوحده تتمنى اهلها بجمعاتهم
بس انتي خليه يعزم اللي يحب و بعد فتره سوي عزيمه و اعزمي اهلك فيها
يعني مثلك مثله بس لاااا يحس ابدا انك بتعامليه بالمثل
وضحي نك على نيتك و حابه تعزميهم و بكدا ح تنبسطي
الله يوووفقك ياااااارب

[ام مرزوق]

شوفي حبيبتي يمكن يبغى يجتمع مع اهلة وبس وما يبي احد معاهم لا تزعلي وسوي عزيمتك
ومرة ثانية يسوي عزيمة لاهلك هذا اذا كان يقدر اهلك ويحبهم
انا زوجي يسوي عزيمة لاهلة مرة والاهلي مرة ونا مازعل وعادي عندي

[جنة حياتي]

مشكوورة لكل اللي ردوو عليا
على العموم العزومة صارت وانتهت خلاص
وقمت بواجبي على اكمل وجه عشان خاطره طبعا
وبعد العزومة رسلت له رسالة وقلت له فيها انو انا ماني زعلانة
بس خاطري مكسور وحاز بخاطري حركتك معايا .. ماقال شي بس احس انو زعل وانا اشوف انو مافيها ولا شي

[فلسفة الحب]

خليه يحس شوي انك زعلانه وحاز بخاطرك ....
واذا مافهمك السبب اللي ماعزم ابوك عشانه يحق لك تزعلي ....