محتاجة مساعده في موضوع ولدي

[Water Lily]

اكتشفت من فترة قصيرة ان ولدي يعاني من ارتخاء في العضلات او الاعصاب في الشفاة فهي نازلة على طرف وجايه على جنب... وسبب هاي الشي من الولادة ...

حبيت اعرف اذا في وحدة كان ولدها او بنتها يعانون من نفس الي في ولدي .. وكيف عالجت هاي الشي ؟ ومتى طاب الولد ؟

انا عندي موعد بس في شهر عشره والصراحه باقي وايد فحابه استفسر من الاخوات الي عندهم نفس المشكله ..

والله يشفي اعيالنا ويحفظهم ويبعد عنهم كل سوء

ياريت الي عندها اي علم في الموضوع تفيدني ..

[شموسه]

انا اقول توه مولود ومايبين شي

وان شاء الله مافيه الا العافيه ياعمري

واذا انتي خايفه ومو مرتاحه وديه للطبيب الخااااااص

[Water Lily]

مشكورة حبيبتي على الرد
اكثر من دكتور أطفال شافه .. قالوا لي عنده ضعف في الاعصاب في طرف واحد من الفم .. بس للحين مارحت حق دكتور مختص اعصاب .. لان الموعد بعد شهرين .. =(

[كل الحلى]

أنا ولدي خالي كان عنده أرتخاء في أعصاب الجفن في وحدة من عيونه
من وقت الولادة وقالوا مانسوي له عمليه إلا إذا كبر يمكن سووها له وهو عمره 3 سنوات
والحين ماشاء الله مافيه إلا العافية
مع أن عينه ماكانت مفتوحه إلا شيء بسيط اللي يشوفه كأنها مقفله

ماعليك ياقلبي شي بسيط إن شاء الله وأتوقع الشفه أبسط من العين
بس أنتي لو تودينه طبيب أعصاب أحسن بيطمنك أكثر

[Water Lily]

أنا ولدي خالي كان عنده أرتخاء في أعصاب الجفن في وحدة من عيونه
من وقت الولادة وقالوا مانسوي له عمليه إلا إذا كبر يمكن سووها له وهو عمره 3 سنوات
والحين ماشاء الله مافيه إلا العافية
مع أن عينه ماكانت مفتوحه إلا شيء بسيط اللي يشوفه كأنها مقفله

ماعليك ياقلبي شي بسيط إن شاء الله وأتوقع الشفه أبسط من العين
بس أنتي لو تودينه طبيب أعصاب أحسن بيطمنك أكثر


مشكورة حبيبتي على الرد الي يطمن .. والحمد لله على سلامة ولد خالج ..
وان شاء الله خير ... انا انتظر موعد ولدي عند دكتور الاعصاب والي راح يكون بعد شهرين .. واتمنى يكون شي بسيط وهين

[أإأم ع‘ـــزُوـوزُ]

الله يشفيه يارب ....

ماعليكي الا الدعاء والاستغفار ...

[Water Lily]

يعطيج العافية اختي ..
والحمد لله على كل حال .. والله المستعان ..