تكفون ساعدوني وفكروا معي

[متى ياحلم تتحقق]

السلام عليكم حبيباتي
رحت لدكتورتي ثاني يوم دوره وشافت تحاليلي قالت كل شي سليم الحمد لله
طبعا التحليل اللي شافته هرمون الحليب والغده لان عندي كسل..المهم
عطتني كلوميد حبتين باليوم من اليوم الخامس للتاسع وباليوم ال 13 من الدوره اخذ ابره تفجيريه ويصير الجماع 3ايام ورى بعض؟؟؟؟؟؟؟؟؟؟؟؟من غير اشعة متابعة تبويض ولا شي؟ بس قالت لي اذا ماصار حمل تعالي نحلل زوجك
وش رايكم اتبع تعليماتها ولا اروح لطبيبه غيرها....علما بان دكتوره غيرها الشهر اللي فات قالت معاك تكيسات
ولاحظت دورتي هالشهر قليله هي بالعاده 2 غزيره و3 خفيف لكن هالمره يوم ونص غزيره بعدين وقفت
واخذت خلطة عيون وليد ودهنت بطني بزنجبيل وزيت ومانزل شي
اخاف اطبق كلامها ولو كان فيه تكيس يزيد؟اوو تكون البويضه لسه صغيره واخذ تفجيريه على الفاضي...
تكفون الله يسخر لكم ويسهل امركم علموني وش اسوي ويارب اللي ترد علي يعطيها ربي لحد مايرضيها ويرزقها رزقا ماتعده الللهم امين ..انتظركمhwaml11

[آح ـــسآس]

مادري ي قلبي بس اذا انتي مو مرتاحه لها روحي لوحده غيرها وعيدي الكشف الله يرزقك من واسع فضله اللهم امين ويقر عينك بشوفة ضناك اللهم امييييييين

[حنين خالد]

مادري ياقلبي ...
انتي اول شي توكلي على الله واستخيري
وبعدين من رائي تابعي معها الى نهاية الشهر
او كم شهر اذا مانفع غيريها
الله يرزقك بالذريه الصالحه عاجلا غير اجل
يارب
يارب
يارب

[Mقمة البرااااائهM]

هلا اختي تاخذين ثايروكسين؟؟كم النسبه؟؟

[ana4122009]

لا طبعا حبيبتى ما تاخدى ابرة تفجيرية من غير متابعة تبويض كيف اصلا بتحدد يوم الابرة التفجيرية من غير ما البويضة توصل لحجم مناسب ومش تبدأى تاخدى ادوية قبل تحليل زوجك ، انصحك تغيرى الطبيبة ، ربنا يرزقك ويرزقنا جميعا بالذرية الصالحة ان شاء الله

[في صمتيے..گلام]

اختي لازم فيه متابعه بالاشعه انا مانزلت بويضه هالشهر وبعدين زادت كم ابره منشطه ونزلت بويضه وحده بس لازم متابعه غير الدكتوره افضل .. موفقه بأذن الله تعالى ..

[التفاحة البيضاء]

توقيت الكلوميد صحيح
بس باقي الكلام لا
الجماع مايصير ورى بعض يفضل يوم و يوم حتى تعطي فرصة للحيوانات انها تلقح البويضة
وبالنسبة للابرة لا تاخذيها بدون متابعة تبويض
أصلا الدكتورة كيف تقول لك خذي إبرة وهي ماشافت نتيجة الكلويد
و هل في بويضة حجمها مناسب أو لا
و حتى لو كان في بويضة مناسبة مو لازم تاخذي الابرة
لان الابرة بتزيد نسبة الحمل بس لانها بتفجر الكيس اللي على البويضة
و الجسم اصلا يقوم بالعملية من نفسه
بس البعض تاخذ ابر ضمان عشان ما تطلع اكياس

[ام الليثين]

اختي من رأيئ ان اتغيرين الدكتورة احسنلك لان كلامها مو منطقي وان شالله الله يرزقك ويرزقنا بالذرية الصالحة امين

[سمار]

شكل ماعندها سالفه لازم المتابعه بالسونار للبويضه وين عايشه ذي والله شكلها شاريه الشهاده ومبتلينا فيها بس قولي وينها وبأي مستشفى وأسمها على ماتتورط أي وحده ثانيه فيها
غيريها وروحي عند وحده الناس تمدحها وسمعتها كويسه في هالمجال