أبي أولد..شسوي..؟؟

[مرهفة]

السلام عليكم ورحمة الله وبركاته

كيفكم ياحوامل..


تعبت وانا انتظر هالولادة..من اول يوم دخلت التاسع وأنا أتأمل ان اليوم بولد واذا خلص اليوم اقول خلاص بكرا بكرا الولادة..ولا في فايدةhwaml15

صرت كله اشتغل واكرف واروح امشي لعل وعسى يجيني الطلق لكن دون جدوى<<متعوب عليهاhwaml02

وفي ليلة كنت رايحة احوس في السوق وتجيني نغزاااات قوية خلتني اتيبس مكاني ماقدرت اتحرك..قلت في قلبي شكلها ولادة ولادةhwaml03
واطلع من السوق واروح الممشى وامشي وامشي وامشي وارجع البيت على امل ان خلاص بولد لكن مااااااااااااااااااااافي فايدةhwaml17
انا خايفة ان يجيني الطلق وزوجي مهو يمي كذا هذي الوهقةhwaml5

ادعووووولي بتسهيل وتعجيل ولادتي قبل رمضان<<تحاتي..hwaml8

واذا عندكم طريقة حق تعجيل الولادة(طبعا كل شي بيد الله ومتى ماكتب لي ربي اني اولد بولد)بس لاني والله تعبت من هالكرشة الدعلةhwaml15

دعواااتكم

[حـنـيـن]

(وماكان الله معذبهم وهم يستغفرون)
الاستمرار بالاستغفار باذن الله بيسهل عليك
وانتي روحي راجعي الطبيبه احسن
لان اغلبية الي حوالي بنات عم وبنات خال وجيران وصديقات
ماجاهم طلق ابدا حتى بعضهم تنزل معم مويات وبعضم يفتح الرحم
بسس طلق ماكو
الدكتوره هي تحدد لهم يوم وتعطيها طلق صناعي

[Joana]

الله يسهلها عليكي......لا تستعجلي.....انا عن نفسي شربت

القرفه في ولادتي الاولى....وجا ني الطلق...و البعض ناسبهم الخروع...بس

انا ما ايده...اللي يناسبك ما يناسب غيرك...ادعي الله و استغفريه...و كلي رطب...

وخذي موية زمزم عليه شوي زعفران و اقري فيه و امسحي بيه بطنك...و كلها

تساهيل من رب العالمين...

[sashi]

انا والله زيك تعبت ونفسى اولد بس كل شىء وله وقته وادعى ان الجنين يتولد فى معاده اينكان فهو فى بطنك احسن واليوم الواحد عندك يكون اكتمل اكثر من انه يخرج الى الدنيا يارب كملهالنا على خير ويكون معاد ولادتنا قبل رمضان يااااااااااااااااااااااااارب

[لمعة الماسة]

ياعمري والله مابقى شي الله يهون عليك وتفرحينة بسلامتك

[ام رآما]

شوفي قلبي اشربي حليب مع عسل مو حليب بارد لا دافي ومع المشي اشربي عصير اناناس طااااااااااااااااااااازج مع قطع اناناس وكولي تمر هذا اللي جربتهم وولدت اول اسبوع من التاسع
ربي يسهل عليك ياقلبي ومتى ماربي كتبلك الولاده بتولدين ياعمري الله يعينك

[ام رآما]

نسيت اقولك خلي اي احد من اهلك يدهن بطنك بزيت الزيتون وتبخري من تحت انا سويت كذا وولدت في نفس اليوم

[أم عبدالرحمن السلفية]

خشي في بانيو نص ساعة أو أكثر مليان موية دااااافية و افتحي رجولك وحدة كتبت هـاطريقة في المنتدى من ثاني يوم ولدت

[فليك]

هلا عيوني
انا اللي ناسبني زيت الخروع - شربت منه بعد ساعتين جاني الطلق و ولدت
الله يكتبلك الساعه المباركه - من جد تعب والله :(
تقومي بالسلامه ياااارب

[مرهفة]

مشكوووورين ماااقصرتوا والله على ردودكم..

والحين شربت حليب وحطيت فيه قرفة لعل وعسى اولد..

دعوااااتكم..

وكل نصايحكم بطبقها الا زيت الخروع ماحب اشربه..احسه كريه

[جارة الحرم المكي]

يابنت الحلا هونيها وتهون وكثري من الدعاء والاستغفار والله انها العلاج

[رووووزالزمن]

كثري من اكل الرطب والمشي والله يهون علي وعليك يارب

[مرهفة]

يعطيكم ربي الف عافية على مروركم..

ونصايحكم عالعين وعالراس

[جروحي اخر همومي]

من قبل لايدخل التاسع وانا اسبح واتغطس بماء مايل للحراره تقطع ظهري من حرارت الما
والله اني اسبح في اليوم 3 مرات بالكثير
وبعد مادخلت التاسع
اكلت اناناس طازج على فكه الريق
وشربت خروع مع عصير اناناس
وشربت حليب مع حلتيت وزنجبيل
وشربت قرفه
ولا الم ولا طلق ولاهم يحزنون
ومحافظه على الدعاء والاستغفار بس سبحان الله
افكر اتبخر من تحت بحلتيت وش رايكم؟؟؟؟
وتعبت من كثر المشي انا الان داخله الاسبوع الثاني من التاسع ودي اولد قبل رمضان دعواتكم

[مرهفة]

الله يسهل ولادتنا يااااارب

[شموسه]

كثري مشي

واستغفري كل يوم 100 مره

ولا تنسين الجماع لو دور للولاده

وربي يسهل عليج الولاده