اعاني من تورم الاطراف ..ماهو السبب ..؟

[kyot]

مرحبا .. كيف الحال .. اخواتي اتمنى احد يفيدني لاني ملاحظه من الشهر الثالث وانا اعاني من انتفاخ اليدين والقدمين هل هو طبيعي ؟؟
سالت الدكتور تقول طبيعي احتباس سوائل hwaml10
ياليت اللي مرت بحالتي تفيدني وشكرا لاني مره قلقانه hwaml96

[عزيزة النفس]

كلام الدكتوره صحيح
احتباس سوائل
مريت بها الحاله بكل عيالي
وزياده عليه ما اشرب مويه كثير
والوقفه الطويله ماهي كويسه
الله يهون عليك

[قلبيــ مدينهــ]

وأنا اعاني من هذي المشكله ومتعبني التورم وصايره ثقيله بس اشربي مويه كثير والله يشفينا جميعا !!

[kyot]

مشكورين طمنتوني بس احيان احس بالام في المفاصل ماادري هل بسببه ؟

[عزيزة النفس]

كلما زاد حجم البطن بتحسين بتعب بالظهر والمفاصل
ولكن كل هذي تهون دام الجنين بخير

[kyot]

مشكوره عزيزه على الرد سلمتي

[Mamy Mirza]

انا نفس الشي , حاليا انا نهاية التالت و من اول احس يديني و رجولي منفخين , ومرة احس بثقل بس احس بدريييييي على الشي دا ههههه لانه في ولدي كنت اخف مدري عاد , و الحرقان متعبنيييي الحمدلله بس

[دلع]

المشهور عند الناس ان التورم عادي من احتباس السوائل طبعا المعلومه صحيحه بس فيه اسباب ثانيه منها زيادة البروتين في البول في ناس تسميه زلال وطبعا خطير والدكاتره اذا اكتشفوه على طول يولدوا الحامل لانه لاسمح الله يسبب وفاة الجنين..الشي الثاني ممكن يكون بوادر جلطه لاسمح الله..
اللي تحس بكذا تروح للدكتوره الامور هذي مافيها تهاون..وصارت لناس مقربين مني..

[kyot]

مامي نورتي

دلع يارب سترك الله يحمينا والله خايفه المشكله دكتورتي مستهتره ماخده اجازه من فتره بروح

لغيرها واتطمن مشكوره على الافاده

[نآيآ]

انا كذا من بعد رمضان كنت اوقف كثيـر واجهد نفسي بدت رجولي تتورم وللحين باقيه
بس لما سئلت الدكتوره قالت طبيعي من الوقفه وحجم الطفل زاد
حتى والله مانام الليل مرات من الالم بس ان شاء الله كل شي بآجـره
والله يهون علينآ

[ocean of memories]

انا صار لي تورم وانتفاخ زيك وعملوا لي تحاليل بول وقالوا عندك املاح وعطوني مضاد وخف التورم وقالت لي لسى بدري التورم لمن يكون من الثالث الين السادس
اما من السابع الين التاسع اذا مافي املاح طبيعي
خليهم يعملوا لك تحاليل بول وانتي بكرامه احسن

[samra27]

حاولي تتمشي واشربي ماء كثير هيك قالتلي دكتورة
الله يقومك بالسلامة