زوجي بعد الحادث ..

[sweet moon]

طبعا القصه للأخت ام خلف

لقيتها كاتبتها بالقسم العام وطالبه المساعده في قصتها

فسويت لها موضوع

عشان تقرا الردود وتقتنع

تقول الاخت ام خلف
_______________

انا في قلبي شي مضايقني للحين اعاني منه وهو زواجي بعد زواجي باربع شهور صار لزوجي حادث وهو رايح العمل طبعا عمله بالجبيل حادث اليم بسببه زوجي فقد الذاكره 9 شهور مايعرف من انا وقتها كنت حامل لي 4شهور بخلف حبيبي وتم في المستشفى شهرين ولما طلع صدمني بكلمه يقولي انشالله اللي في بطنك يكون ولدي انا بموت من هالكلمه لكني عذرته لانه فاقد للذاكره ومش عارف وش يقول طبعا البركه في اخوه الكبير لانه يكرهني وده يشوف الموت ولا اخوه ياخذني طبعا زوجي قبل الحادث كان رجل ولا كل الرجال لكن بعد الحادث صار رجال ثاني مااعرفه الحين الحمدالله رجعت لها ذاكرته تذكر انه عنده زوجه ثانيه وولد يجيني بس اسلوبه تغير احسه صار يكره الدنيا بس يفكر بالموت ولما اجلس معه دائما يردد انا افكر بالاخرة وبس كان الحادث اللي صار له صحاه من غفوة كان عايشها احس اني عايشه معه بجسد بلا روح مليت لما اقوله خلنا نطلع نسافر نتعشى نتغدا مثل اول بالمطاعم يقولي ماابي احس كرهت كل شي وافكر اطلب الطلاق احسه كبرني 20 سنه قدام قولولي وش اسوي وهذه قصتي

[sweet moon]

في البدايه

الحمدلله على سلامة زوجك من الحادث المروع

ثانيا : اختي الطلاق مو حل ابد لمشكلتك

زوجك مر بتجربه صعبه جدا

حادث مؤلم + فقدان ذاكره + رجوع من جديد للحياه + عقبات + نفسية مضطربه

ومو بالسهوله انك ترجعين زوجك الرجال المثالي مثل قبل

ومو بذيك الصعوبه كمان

لكن محتاجه صبر وجهد

في البدايه وقفي مع زوجك في جميع حالته

حاولي تغيرين شوي من روتينه

حاولي تغيرين من جو البيت

حسسيه بوجودك دايم بقربه

اضافه الا ان دايم يفكر بالاخره

اكيد كانت علاقته مع ربه مو مره

ومع الحادث صحصح وتدارك نفسه

وقرر يغير من حالته فتلاقينه يفكر كثير وسرحان كثير

واختي الله لايلوم اللي يلومه مر بتجربه مريره

لو احنا بمكانه كنا بنفس حالته

لكن اصبري عليه وعلى تغييره وتكيفه من جديد مع الحياه وادعي له

والله يسعدك بحياتك

[خلوني على صبري]

يااختي هذا زوجك لازم توقفي معاه في السراء والضراء بعدين انتي ليش مانتي مقدره الوضع الي هوا فيه زوجك شاف الموت بعيونه ومو كل واحد يفوق من غيبوبه الا بفضل الله وتقوليله نروح نسافر ومطاعم الحين هوا كره ماللذات الدنيا ويبقى يسوي شي للاخره هوا الان في فزع وخوف ساعديه على ذلك من الخروج ببطئ ولا تكوني مستعجله قومي معاه لصلاةالليل وقيامه حسسيه ان الدنيا بخير وان الله كريم اكرمه انه يعيش لسبب هوا وحده سبحانه يعلم موتقولي افكر اتركه ليش تتخلي عنه ماهمك صحته هذا ابتلاااءخليه يتصدق يتسامح اويطلب السماح اذا ادركتي انه ظلم لعله سبب لشفائه وبما انك الزوجه الثانيه هذا الي فهمته ساعديه على العدل بينكم حتى يرضى الله عليه واسأل الله ان يشفيه ويعود مثل ماتتمنين فقط بما يرضي الله

[ام خلف]

والله العظيم اني صابره والله الشاهد علي اني صابره ومسلمه امري لرب العالمين واقفه معاه واحاول اطلعه من الجو اللي هو فيه واقوله الله تعالى امرنا بطاعته لكن ناخذ نصيبنا من الدنيا مانجلس كله مهمومين اقوله احمد ربك ربي اراد لك الخير انك تتوب قبل الموت غيرك ماتوا وهم على معصيه مايتقبل كلامي ويطلع من البيت لدرجة انه صار مقصر معي بواجباته كل عند زوجته الاولى وانا وولده ولا شي من اهتمامه وين تبوني اصبر وين

[حمرة الورررد]

حبيبتي الله يعينكم ليش ماتراجعو دكتور نفساني يمكن يقدر ينصحكم وتعرفو كيف تتعاملو وتتصرفو

تقبلي مروري

[عقد لؤلؤ]

والله يا أختي الدنيا كلها بلاءات ولازم الواحد يصبر

اللي ما تصبر مارح تعيش كل ما شافت شي قالت أبى الطلاق

وبعدين هو زي ما قالولك الأخواتمر بموقف عصيب فلازم توقفي معاه يعني

لما جا يتزوجك وافقتي عليه فمعناته تصبري معاه على الحلو والمر

وهذاا بلاااء من الله زي ما قلتلك ولازم الصبر

وأنت حاولي معاه وتعاليله بالأسلوب الحلو

مو هجوووووووم في الحوار أكيد حيتنرفز ويخرج من البيت

وألبسيله وأتشيكي وخليه يشوفك حلوة قدامه وأكيد حيرجعلك هذا

بس بعد الحادث أكيد لسه مو مصدق أنو عايش فاصبري عليه

والحلول كثيرة والحياة معاه مو مستحيلة وإن شاء الله حيرجع زي ما كان وأحسن

وأنت أدعيله أن ربي يصلحه ويسخره لك ولولدك

والله يسهل أمرك يارب

[sweet moon]

ام خلف يالغلا

احنا مانصحناك لانك مقصره

او لانك انسانه مو مقدره وضع زوجك

انتي انسانه طيبه وماقصرتي مع زوجك

واخت حبيبه واحنا نصحناك عشان مانبيك تهمين

نبغاك تواصلين محاولاتك

ان شاءلله بتنفع مع الايام

وكلميه عن نفسك قولي له لي حقوق عليك

اعدل بيننا انا انسانه لي قلب واحس

وان شاءلله اهو يتعدل

وانتي لاتضيقي خلقك

عيشي حياتك زوري صاحباتك

اقراي واكتبي ومارسي هواياتك

تمشي واطلعي وغيري جو

وطمنينا عنك

[ام خلف]

الله يجزاكم خير كل من قرا موضوعي ورد هذا انا والله اطلع مع صحباتي واهلي ومغير جوا بس وضع زوجى متعب نفسيتي اتمنى له الشفاء العاجل يارب يارب يارب

[sweet moon]

الله يشفي زوجك اسأله بإسمه

ويرجعه مثل اول رجال الرجال

[ام خلف]

ههههههههههههههههههههه فديتك والله

الله يعطيك العافية قلبي على الاهتمام

وجعلك دوما نور يضيئ في هذا المنتدى الاكثر من رائع

دمتي بود

[sweet moon]

ايه كذا ياام خلف اضحكي جعل دوم تضحكين

الدنيا ماتسوى نبكي ونزعل ونفوت الايام واحنا حزينين

والحمدلله احنا احسن بكثير من غيرنا

وهاذا من واجبي اهتم واتابعك لانك بالنسبه لي اخت

دمتي بسعاده

[اغليك يا الجنوب]

الحمد لله على سلاامته والله يسخره لك ويرجع احسن من اول

[O R Ċ H I Đ]

من رايي ولاتفكرين فيه ولاتطلين الطلاق
روحي وفرفشي واستانسي وووسعي صدرك ولاتهتمين لهالموضوع
واذا الله كاتب انه برجع بيرجع ان شاء الله
انتي لاتضايقين خلقك ياعسل ولاتهملين ولدك وخليه يستانس ويااك
والله يسعدك ويهنيك يارب

[جنا المدينة]

كلام البنات مضبوط 100% زوجك نفسيته تعبانه واللي شافه اكيد مو قليل خلى عنده اضطرااااب في نفسيته ,,,شويه شويه عليه ومع الايام بيتحسن ان شاء الله شوفي زوجته الاولى كيف بتعامله وليه بيرتاح هناك وسوي مثلها واقراي في النت عن الامور النفسية واللي مرو بصدمه كيف يتخطوها وخلي هالشي تحدي بينك وبين نفسك انك تساعديه يرجع زي اول واحسن وكل شي بيد رب العالمين سبحانه وتعالى....لا تيأسي.

[ام خلف]

يالله يارب تفرح خواتي بالشي اللي يتمنونه يارب يارب يارب ومشكورين على كل من رد واهتم بموضوعي ومو غريبه على عضوات هالمنتدى الراقي وعلى راسنا صاحبه المنتدى

[نيهال]

و الله يا أم خلف كتير تأثرت معك و حطيت نفسي في مكانك و الله صعبه بس خلي إيمانيك ب الله كبير ما بعرف شو أحكي البنات كفوا و وفوا بس إذا أحتجتي شي لحن أخوات و طمنيني عنك كل فتره و الكل هون عم يدعيلك الله يسخر لك زوجك أمين يارب العالمين.

مع تحيات أختك نيهال.

[ام مرزوق]

اصبري علية ودعي الله انة يرجعة مثل ماكان
وحاولي انة يختلط مع الناس لعلهم يقنعونة
وينصحونة بان هذا ليس نهاية الدنيا

[فلسفة الحب]

الله يشفيه ويعوضك عن اللي فات ...
اصبري اختي مابعدالضيق الا الفرج مسألة وقت ويرجع كل شي طبيعي ....
دعواتك ....

[واشوقاه لمن يراني ولااراه]

يمكن زوجته الاولى وقفت بجنبه وساعدته عشان كذا اهملك
*

[همس الرووح ~]

واللهـ قصتك مثل قصهـ ابوي اللهـ يحفظهـ

بس والدي مش حادث

جلطهـ خفيفهـ ع عصب العين واثرت جزئياً على

نظرهـ

والحين شوي شوي رجع لهـ نظرهـ وصار يسوق والحمدللهـ

يعني بدون شلل ولا شي

وصار يردد نفس الكلمات

انا انتهيت / الدنيا مافيها شي يفرح / ودي أبكي

وربي تعبت من حالتهـ تعبت احاول فيهـ واردد لهـ

نفس عباراتك .. يبهـ احمد ربك ما صادك شلل تراك

احسن من غيرك .. بس نفسيتهـ جدن سيئهـ .. والحين

ندور شيخ .. آآآآآآآآآآآآآهـ يا يبهـ وين كنت وكيف صرت ..!!

الحمدللهـ ع كل حال

آسفهـ لو طلعت عن الموضوع بس بقولك شي

انتي بالبدايهـ سايريهـ .. يعني اضغطي ع نفسك

وكلميهـ بالمواضيع اللي هو يحبها

حتى لو عن الموت والآخرهـ معليش قلبو .. تحملي

وعقب اسحبيهـ لموضوع التقصير معك وكذا

بس مو من اول يوم

يعني اصبري فترهـ عقب سايسيهـ وهو اكيد رح يرتاح

لك لانك تتكلمين بأشياء يرتاح بالكلام عنها

اللهـ يرجعهـ لك مثل ما كان وافضل .. وربييييي

حاااااااسهـ فييييييك

ويرجع لي والدي الغالي مثل ما كان ياااارب

ويهدّي سركم ويسعدكم ياااارب ~

آسفهـ ع الاطالهـ !

[العمر لحظه]

ياقلبي الله يصبرك بصراحه حاولي يتعالج واذا ماقدرتي تصبرين ترى الحياة مرة وحده ليش النكد

يصحى يعيش حياته مو يموت وهو حي واذا جاه اكتئاب ساعدية يتعالج واذا مانفع شوفي انتي اذا تقدرين تعيشين باقي حياتك مو واحد مو معاك وعايش بدنيا ثانية

[جارة القمر]

الله يشفيه ويسخرله لك...........
اكيد هو يحتاج لفتره ليستعيد حياته وشخصيته
والله اعلم كم هذه الفتره
اقترحي عليه الرقية الشرعيه ...........
الله يوفقك

[كادى نايف]

الله يصبرك طولي بالك وواسندي زوجك ولاتكثرين عليه العتاب بيمل

[>>>مصرقعه<<<]

يا الله قطعتي قلبي <<< الله يشفيه عاجل غير اجل يــــــارب

[حبيبة تيتو]

الله يشفيه ويعافيه ويسعدك ويصبرك
والله الواحد بيحصله حاجات هايفه بتقلب كيانه اما جوزك مر بحادث حياة او موت وربنا نجاه ممكن يفضل كده وقت طويل
بس انتى اصبرى ومتلحيش عليه انه يخرج من حالته بسرعه الواحد بيحتاج فتره انه يتأمل اللى حصله
وكمان انتى خلى بيتك جو حلو وقعدتك مريحه من غير نكد ولا طلبات ولا خروجات ولا حاجات يعنى اهتمى بوجوده معاكى وبس
وربنا يسعدك يارب

[شوق وحنين]

اختي اقترحتي عليه رحلة عمرة؟
جوفي وقت مثلا يوم الجمعة شغلي على الصلاة في الحرم وقولي له ما اشتقت حق هالمكان؟ ما خاطرك نغتسل بماي زمزم؟ ما خاطرك تمسك ستار الكعبة؟ صار لنا هالكثر ما رحنا.. يعني كذا..

[نيهال]

أختي طمنينا عنك

[تــوفي]

ربي يشفي زوجك وان شاءالله هالحادث خيره من رب العالمين واهنيك على صبرك ياام خلف