بنات جدة يدخلوووو بسرعة

[so0ofo0]

السلام عليكم ورحمة الله وبركاته
بنات اللي تعرف محلات في جده ابغى محلات الاصفهاني حق لبس النفاس والبيبي فين الاقيها في جده بالضبط بلييز محتاجتو ضروري
الله يسهلها اللي ترد واللي ماترد يارب يسهلكم ولادتكم وتفرحو في اطفالكم يارب
ردوووووو لاتنسوني
شكرا لكم

[سلافتي]

ان شاء الله البنات يفيدوكي .. انا دخلت لاني من زوار جده قلت اساعدك لكن ماعرفت اللي قلتي عليه

[so0ofo0]

ربي يسعدك تسلمي ياقمر

[so0ofo0]

سبحان الله

[so0ofo0]

حرام عليكم 25 مشاهدات ولاوحدة ترد

[ام عبدالله 86]

ماقد سمعت بيه بصراحة ...المعذرة

[تاريم]

انا مااعرف الا الاصفهاني بس مو متأكدة من الاسم حق الانجري اللي بسوق لمساآآت بس ماادري اذا هوقصدك عليه او لا لوحته لونهاآ أخضر

[~ درر ~]

حبيبتي عندك واحة الجلابيه ونعومي عندهم ملابس نفاس وعندك مذر كير عندهم
بجايم للرضاعه مره خطيره

[دموع الورد 2]

في مجمع الشرق محلات لانجري وحق النفاس والبيبي
مقابل العيسائي للكلف
بس المحل الي تقولي عليه اول مره اسمع فيه

[MOOR BAZZAR]

ومين مايعرف الاصفهاني ):

بس دا من قبل 20 و25 سنه يعني اتعب اقلك قدييييييييييييييييييييم

بس محلاتهم قفلت من زمااااااان

كان لهم محل كبيييير جنب مستشفى دكتورخالد ادريس (حي العماريه) بس دحين سار محل

تياب اظن..

ومحل تاني قدام الحديقه الصخريه في (حي الشرفيه)

ومحل تالت في مركز الحياه اللي قبل مسجد الملك سعود (طريق المدينه الطالع)

بس كلهم قفلو من زماااان

اعتقدكان صاحبها واحد لبناني

بس عن جد هيا ديكا القمصان والانجري اللي عليها القيمه

دحين عندك البترجي في حراء وجده الدولي

واحه الجلابيه

نعومي

المشاط

دا اللي اعرفهم