بنات جده محتاجه ليكم ضروري بالله عليكم

[just baby]

السلام عليكم ورحمه الله وبركاته
ازيكم يا قمرات عاملين ايه
يارب تكونو بخير ان شاء الله
دلوقتي انا محتاجه ليكم اوووووي بجد
انا الحمد لله حامل في اخر الشهر الرابع ولحد دلوقتي متابعتش ومش عارفه اتابع فين
محتاره اوووووووووووووووي
بين
سليمان فقيه
او
الاطباء المتحدون
او
عرفان

فا عايزكم تقولو ايه الافضل ومين افضل دكاتره نسا هناك لو تعرفو (( دكتوره ))
واللي ولدت في اي مكان من دول او اتعرف حد ولد هناك ياريت تقولي تجربتها
وكمان
عايزه اعرف التخدير هناك والولاده بدون الم ايه نظامهم (( مش حقنه الضهر )) اقصد الكمامه والمسكنات
وكمان الغرف والرعايه لبيبي (( انا شوفت الغرف في سليمان فقيه لان ماما ربنا يحفظها يارب اتحجزت هناك 3 ايام بصراحه كانت نضيفه جداااااااااا ومنظمه ))
والخياطه

مستنيه ردودكم

[شموسه]

تم نقله لقسم المستشفى للافاده لكي

[أم عبدالرحمن السلفية]

ان شاء الله البنات يفيدوك .. الاطباء المتحدون في دكتورة كويسه حنان الشمراني لكن الافضل انك تروحي للمستشفى وتسألي

[P!nk tul!p]

عرفان ابعدي عنها مرره

معروفه سمعتها مو كويسه

وانا كمان زيك محتاااره بين فقيه والمتحدون
فقيه ولادتهم كويسه بس عيبهم مررره زحمه ومواعيدهم تتعب الواحد وغرفهم ونظافتها مو قد كذا
مو زي اول مع الزحمه اتغيرت


المتحدون نظافه واهتمام بس عيبهم مايتحملو او ينتظرو اغلب اللي يولدو فيها قيصري


ياليت اللي مجربه ترد عشان نستفيد

[كف السحاب]

السلام عليكم ورحمة الله وبركاته ..
انا عندي ولد والان حامل .. اتابع بمستشفى هالة بن لادن عند الدكتورة خلود رستم ..
دكتورة اقل ما اقول عنها مممتااازه ..
طبعا كنت في حملي الاول اراجع للشهر الثالث عند دكتورة قريبه في مستوصف الحي واحس ان كلامها جدا متنااقض وما ارتحت عندها ..
ودلتني بنت خالتي على الدكتورة خلود ..وبصرااحه ماندمت ..صح اني راجعت للشهر التاسع عندها وسافرت للولاده عند اهلي ..
بس بنت خالتي ولدت عندها 3 مراات وتمدحها في كل شي ..مع انها اول ماكانت في مستشفى هاله ..
بس كانت تروح لها وين ماكانت ..لان الدكتورة هي الاساس ..
اتمنى اكون افدتك ياقلبي ... لك ودي ..

[الله لايحرمني هالصوت]

وعليكم السلام ورحمة الله وبركاته
أنصحك بمستشفى الاطباء المتحدون خدمات فندقية روعه .
أنا أنصحك من واقع معرفتي الشخصية لمستوى الخدمات والنظافة والاهتمام ممتاز
ومن أفضل الطبيبات إللي أنصحك بيهم دكتورة حنان الشمراني
ممتازة والولادة معها أن شاء الله بدون ألم وبسهولة والدكتورة كثيرطيبوبة وأخلاق.
د\حنان من الطبيات إللى يهمها بالدرجة الأولي راحة مريضاتها وانوا تكون مرتاحة وماتتألم وخياطتها تجميلية .

[أم قصي]

السلام عليكم ورحمة الله وبركاته
الاطباء المتحدون مرره ممتازة يعني ماشاء الله الكل يمدح فيها
من حيث الاهتمام والعناية والنظافة وخدمات فندقيه
ويدخل معاكي أمك أو زوجك وقت الولادة
حتى غرفها الصراحة حلوة وكبيرة ومطله على البحر
ومن الدكتورات عندك الاستشارية د\حنان الشمراني
مررره طيوبة وأخلاق تحبيها وترتاحيلهامن أول زيارة .
والله يسرلك إللى فيه الخير

[غرودة]

الأطباء المتحدون وبس
أغلب الدكاترة كويسين بس كل وحدة واللي ترتاح لها

[فريدة بذوقي]

انا اشوف سليمان فقيه انا ولدت بولدي قبل 5سنين عند فاطمه العتيبي ولادة ميسرة وسهله من جميعه والكمااااااااااااام جونان وبمجرد مايخرج الراس تتخدرين تخدير كامل والان انا حامل واراجع عند سحر مولدي راااااااااااااااائعه وممتازة بس على قولت الاخت عيب سليمان فقيه الززززززززززززززززززززحمه ماكان في مستشفى ولادة غيرها في جدة زحمه فضيعه

[العمر لحظه]

لااله الاأنت سبحانك أني كنت من الظالمين

[..ام بدر..]

حبيبتي انا جربت فاطمة العتيبي بسليمان فقيه ممتازه وطيبه وحبوبه وخلوقه وخياطتها ممتازه وبحملي هذا ان شاء الله راح اولد عندها

بالنسبه للبنج بنجتني لمن طلع الراس مع انو فيه بنات قالو بنجتهم لمن فتح الرحم عندهم 7سم بس اتوقع عشان الضغط عندي كان عالي فما بنجتني بدري

غرفتهم وعنايتهم حلووه اليوم الثاني من الولاده اخذتني النيرس ودخلتني الحمام وحطتني في مغطس فيه ملح ولبستني الفوطه (الله يكرمكم)وحطتلي فيه المرهم وفي الليل نفس الشي رجعت مره ثاني وجلستني بالمغطس

وبالنسبه للبي بي عنايتهم كانت فيه ممتازه

مشكلتها الزحمه فانا الي سويته انو فتحت عندها ملف وانا بالثالث او الرابع ولا راجعت عندها الا بالتاسع بس عشان تعرفني وتعرف حالتي مراجعاتي كانت بمستوصف النزهه في شارع حراء عند الدكتوره سناء نحله

كمان في سليمان فقيه فيه الدكتوره سحر ملودي وبيمدحوها كثير

الاطباء المتحدون اسمع عن حنان الشمراني بس للامانه ماجربتها واعطيتك تجربتي عشان افيدك

اسفه ع الاطاله واي استفسار ارسلي عالخاص

[MOOR BAZZAR]

الاطباء المتحدون ممتااااازه زي ماقالو الاخوات الله يديهم العافيه
انا دكتوري حسان عبد الجبار اتعب اقول ممتاااااااااااااز الأدمي هادا
بس للأمانه دكتورات حريم مااعرف بس قد سمعت وحده ماادري اسمها بس لقبها اظن صفوت

[Smsh]

باختصر لك
فقيه عيبه الزحمه حتى ممرضاتهم صارو معصبين من الزحمه وعيبهم انه وقت الولاده لو ماكان دوام دكتورتك فيولدك المناوب يعني ماتجيك
المتحدون فخم وخدمات فندقيه بس ما اعرف احد ولد عندهم طبيعي يمكن فيه بس انا ماسمعت ساعه الولاده يطلعون لك شي وتولدين قيصري يعني احس دخلهم من القيصري
انا شخصيا بولدي الاول والان الثاني بالطريق اولد عند نورما في عرفان المستشفى كانه البيك من زحمته ويقولون عندهم اخطاء بس ولله الحمد انا شفت شي والدكتوره ممتازه جدا وبالولاده اذا طلبتها تجيك باي وقت بصراحه ماندمت ابدا على اختيارها
بالتوفيق