فطريات اللسان !

[بذخ~]

السلام عليكم ~
:
اخواتي ياليت اللي عندها خبرة تفيدني ..
ابني عمره 5 شهور الله يحفظة قبل فترة طلعت بلسانة فطريات ومرة تضايقه وطول الوقت يعض لسانة
رحت للدكتورة وكتبتلي جل استخدمة 10 ايام ..
استخدمته لكن للاسف مافي اي نتيجة .. وصاير ما يرضع كويس !

كيف ممكن تروح ؟ وايش سببها ؟

جزاكـم ربي كل خير (:

[نسمة المساء]

وعليكم السلام
حبيبتي الفطريات هي نوع من الجراثيم ما بعرف كيف تأكدت الدكتورة إنو إلي عند طفلك فطريات أو لأ بس لحتى تتأكدي انتي في عدة اشارات الأولى والأهم هي إنو يكون الأبيض إلي على اللسان دائما موجود مش بس لما يرضع لأن وقتها بكون هاد بس لون الحليب والأهم إنو لما تحاولي تشيليها بفاين مثلا بتروح وبصير مكانها أحمر وممكن يبين زي نقط دم مكانها على اللسان
العلامات التانية هي تغير في براز طفلك وعلى الأغلب بصير عندو اسهال والعلامة الأخيرة هي إنو صدرك بوجعك لما يرضع منو البيبي
هلا العلاج حبيبتي أول شي النضافة فإذا كنتي بترضعي منك دائما اغسلي صدرك وايديكي قبل كل رضعة و حافظي على صدرك دائما نظيف والأهم يكون جاف لأن الفطريات ما بتعيش إلا على الرطوبة أما الأدوية فالمفروض إنو ابنك ياخد مرهم للفم وانتي مرهم لصدرك وكمان مرهم لمؤخرة طفلك أجلكم الله حبيبتي أنا دكتورة و بجاوبك عن علم لكن ما رح أكتبلك أسماء المراهم لأني لا أتحمل مسؤولية غيري من الأطباء وأخشى تكون دكتورة الطفل بتعرف عن وضعو أشياء أنا ما بعرفها وأضر طفلك أكتر ما أفيدو لهيك بنصحك ارجعي لدكتورتو أو أي طبيب تاني بتثقي في وخلي يشوف الحالة ويتأكد انها فطريات وإسألي عن المراهم إلي ذكرتها والله يشافي طفلك آمين

[بذخ~]

الله يسعدك ويبلغك امالك حبيبتي ..
انا جربت بقطعة شاش امسحها لكن االبياض ما يروح ويصير زي الكتل علي لسانه ..
ورضاعته مش زي اول ..

[ام اسكندر]

ولله ماعندي فكرة
انا الدكتورةجابت لي زي المضاد الحيوي سائل امسحه ع لسان ولدي بقطنة
بس الحمدلله راحت

الله يشفيه لك يارب

[بذخ~]

جزاك الله خير ام اسكند
ممكن تفيديني بإسم المضاد ؟

[شموسه]

ريانست

دواء مضاد للفطريات انا اجربه على اطفالي وبعد يومين يروح ان شاء الله

3 مرات فقط لا تكثرين

عباره عن نقط سائل

ربي يشفيه
حاولي ان محد يبوسه على الشفايف

لان الطفل ماعنده مناعه ....

[نسمة المساء]

[quote=بذخ~;1273236]الله يسعدك ويبلغك امالك حبيبتي ..
انا جربت بقطعة شاش امسحها لكن االبياض ما يروح ويصير زي الكتل علي لسانه ..
ورضاعته مش زي اول ..

مزبوط حبيبتي بذخ لأن الفطريات صعب تكشطيها لكن لما تنكشط بتصير مكانها زي ما وصفتلك ...
والله حزنتيني عليه المسكين شوفي يا عمري أنا إلي أعرفو إنو المرهم لازم يكون دكتارين أو نستاتين ولازم تحطي منو على حلماتك كمان ضروري كتير بعد الرضعة وطبعا بعد ما تغسلينهم وتجففينهم .... لكن مرة تانية أنصحك بالله عليك اسألي طبيبك قبل ما تعطينه أي مرهم لأن ترى المراهم المضادة للفطريات الها آثار جانبية ... الله يشفيه يا رب وترى لا تخافي الفطريات ما بتخوف أبدا بس علشان يا حرام رضاعته ضعفت أنا حزنت عليه

[بذخ~]

جزاك الله خير شموسة ..
ربي يسعدك

[بذخ~]

نسمة السماء .. الله يسعدك ويجزاك خير
ايوة اللي استخدمته " دكتارين " وللاسف تخف وترجع مرة ثانيه تزيد وتنتشر في سقف الحلق واللثة ..
طيب يا عسل ابغي اسألك نفس الدكتارين احطة على الحلمة ولا في شئ خاص للحلمات ! سامحيني تعبتك معايا

[ام اسكندر]

جزاك الله خير ام اسكند
ممكن تفيديني بإسم المضاد ؟

ما افتكر اسمه غاليتي سامحيني

الله يشفيه لك يارب

[نسمة المساء]

نسمة السماء .. الله يسعدك ويجزاك خير
ايوة اللي استخدمته " دكتارين " وللاسف تخف وترجع مرة ثانيه تزيد وتنتشر في سقف الحلق واللثة ..
طيب يا عسل ابغي اسألك نفس الدكتارين احطة على الحلمة ولا في شئ خاص للحلمات ! سامحيني تعبتك معايا

الله يسامحك ولو احنا أخوات وإذا في أي اشي بقدر أساعدك في أنا جاهزة على طول ...
حبيبتي مادام على وصفك الأول انها ما بتنشال بسهولة وبتكتل وهلأ بتحكي انها كمان منتشرة بكل الفم تقريبا صرت متأكدة انها فطريات
وما دام الدكتور وصفلك الدكتارين ممتاز إذا بتقدري تعطي بدون خوف منو
هلأ المهم تلتزمي بالعلاج بالحرف :
بعد كل رضعة ضروري ادهني فم طفلك كامل في أي منطقة فيها بياض وبعدين بتقومي حبيبتي بتغسلي صدرك كويس وبتنشفي مزبوط وأنا بنصحك بالفاين لحتى تكبيها لأن الفطريات ممكن تتكاثر على المنشفة لو ضلت رطبة بعد ما تنشفي فيها وبالتلي ما استفدنا كل ما غسلتي ونشفتي بترجعيهم مرة تانية... بعد التنشيف ادهني حلماتك كمان بالدكتارين وأي مكان بتعتقدي إنو فم ابنك الله يخليلك إياه لمسه ...وبدك تستمري على العلاج مدة 10 إلى 14 يوم بدون انقطاع لأنو خلال 3 أيام ممكن تشوفي إنو البياض راح لكن احنا ما بنقدر نشوف أبواغ صغيرة (هي زي البيوض بالنسبة للفطريات )وهاي الأبواغ لو ما استمريتي على العلاج لنهايته رح ترجع تفقس وتتكاثر من جديد وكأنك ما استعملتي العلاج... أما في حال إنو شفتي بعد مرور 3 أيام وانتي ملتزمة تماما بالعلاج ما في تحسن لازم تراجعي الطبيب مرة تانية يمكن العلاج مش مناسب لطفلك...
نسيت شغلة مهمة إذا كنتي بتعطي حليب صناعي لازم خلال فترة العلاج تغسلي الرضعات مزبوط والأهم تغليهم مزبوط بعد كل رضعة ... وطبعا أكيد ما بدك توصية غسلي ايديك منيح بعد ما تغيريلو الحفاضات الله يكرمك لأن الفطريات بتنزل مع البراز ...
يعني خلاصة الحكي النظافة والجفاف أهم شي والله يعافيه وبوسيلس إياه عالخدين وطمنيني بالله عليكي لما يطيب حبيبي بالسلامة إن شاء الله