سبب نحفي شيل هم امي !

[مكبوتة]

بسم الله الرحمن الرحيم

السلام عليكم ورحمة الله وبركاته

اول دخولي هنآإأ ~

فانا من كثر المشاكل اللي في البيت صرت ما اعرف وين اروح او الى من التجي ..
وصرت لا اعرف العدو من الصديق ْ
وصرت اخاف من مستقبلي !!
تعرفون ناس تحبك بس ماتتمنى لك الخير ؟
للمعلومية: انا لست متزوجة وربما خاطبة ولا اعلم ؟ !!
والموضوع اللي بطرحةة حيرني كثير ولا لقيت لة حل نهائي~
وقلت ادخل واسجل لعل وعسى احد يفيدني~؟
المهم ادخل بصلب الموضوع !!

اكيد راح تستغربون من العنوان لاكن هذة الحقيقة وربي يشهد على ما اقول ~

ممكن اختصر او اطيل في البعض !!


ابي متزوج امراتان :
امي طبعآ الله يخليها لنا ويحرسها من العين
وعمتي اللي هي زوجت ابوي ّ~

في الحقيقة انا لا اعلم وش سبب زواج ابي بامراة اخرى مع العلم امي ماكانت تقصر علية بشيء ~
وابي قال بعظمة لسانة انا امي ماقصرت معة بشيء بس يقولون الرجال عيونهم زايغة ومايملى عينهم الأ التراب..

لاكن اللذي يقال ان زوجه ابي تزوجت ابوي عن طريق السحر ويمكن هذا الشيء اللي نشوفة يثبت ذالك ~

المهم ابي من يوم تزوج عمتي الى الان ماينام عندنا
ابي من يوم تزوجها صار لايعدل
ابي من يوم تزوجها يكرهنا مع العلم نحن نحبة كثيير
ابي من يوم تزوجها صار على اتفة شيء يظربنا مثلآ انا واخواتي الصغار لمن نلعب ونتهاوش ويشوف احد يبكي ماعندة الا الخيزران
والعقال لية ما ادري ..
صرنا نرفض التحدث معة كثيرآ طبعا غصب عنا مو برضانا
صار يمنعنا من زيارة الاقارب خصوصا خوالي وخالاتي!!
والله من كثر ما يحرمنا صرت انسى اسامي خالاتي وخوالي

بعكس عمتي يخليها هي وبناتها يروحون المكان اللي يبونة
ويصلون اقاربهم .. ولا يمنعهم ..
جايب لها خدامتين وسواق ~ ونحن لآ !!

تعرفون اب بالاسم بس هذا هو ابي !!

للمعلومية اللي يشتري مقاضي البيت ويصرف علي وعلى خواتي الصغار اخواني المتزوجين !!

~ انا ابي اعرف لية هو كذآ نفسي الاقي جواب
والله تعبت مخي ولا لقيت شيء اقسسسسم بالله اني صرت نحفانة مره مره من كثر ما اشيل هم امي؟

[احلى كرميلا]

انا لله وان اليه راجعون

والله مدري ايش اقول لكن سمعت عن بيوت كتييير كدا وماعرفت لها سبب

ماقول غير الله يسخركم لبعض ودام ما شاءالله عندكم اخوان متزوجين خلوه على راحته ابوكم خلي اخوانكم معاكم قد هم رجال ومرت ابوكم دام ماهي جايه صوبكم حمدالله براحتها اهم شي عليكي بأمكم واخواتك واخوانك واهتمي بنفسك واذا في مجال انك تدرسي وتتوظفي وان شاء الله تتزوجي كمان برجال يسعدكم وتنسى الهم ترى ماورى الهم الا الغم فكري بأشياء تسعدك انتي وامك واخواتك وابوكم الله يهدي وماينلام اذا كان الموضوع في سحر وخرابيط الله يهيدهم الناس والله والله في ناس حياتهم اتعس واتعس دام انكم بصحة وعافيه فكرو بشي افضل ولاتقربو جنب ابوكم وعليكم بالاستغفار ليل ونهار وادعوله ربي يهدي ويرجع لكم وحاولو تغيرو البيت وتغيرو طريقة معيشتكم للافضل دايما اضحكو وفرفشو لما تشوفوه حتى لو مو معاه خليه يحس انكم عايشين بخير وبكذا راح يجيكم ويحاول يعرف وش الي مغيركم كدا وكمان اجازة سوا حفلات نجاح وعزايم قضو الوقت بعدي عنو عشان يرجع يحس ان في شي فقدة لاتيأسو ابدا ابدا واهم شي انتي اهتمي بنفسك وبمستقبلك وانفعي نفسك الزمن دا لا اب ولا اخ ولا زوج تقدري تاخدي منهم حق ولاباطل
ادري اني طولت لكن حاسه فيكي وابغى اغير نفسيتك وابغاكي تكوني قويه وماتهمتي لشي يزعلك ويزعل مامتك

[((ام ليان))]

لا حول ولا قوة الا بالله
اصبري هذا ابوك ومالكم غنى عنه وادعي ربي ان يرجعه لكم والله اني استغرب من بعض زوجات الاب مو كلهم ليش يسوون وحده تسحر زوج ثاني علشان تتزوجه وثانية تعذب اولاد الاولى قصتك تذكرت قصة احمد الغامدي حرام والله حرام ما فكرت لو انهم اولادها هل ترضى
قولي الحمدلله ان عندكم اخوان متزوجين يهتمون فيكم وما يقصرون عليكم بشي
اسأل الله ان يرده لكم ويفرح قلوبكم ويصبر امك

[sweet moon]

لاحول ولا قوة الا بالله

حسبي الله على من كان السبب

اختي تتعبين نفسك ومابتغيرين شي للاسف

الدنيا دوراه ومصيرها عمتك تاخذ حقها طالت ولا قصرت

واذا على ابوك المصون يظل اب وش نقول

احترموه وبرو فيه وسلمو عليه كفايه عليه

عيشو حياتكم الحمدلله ربي مايخلي احد لحاله

سخر لكم اخوانك ماشالله

تنحفين وتتعبين وتتعذبين ومافي نتيجه تذكر

وامك مأجوره ان شاءلله

ختام الكلام ,,

لاتكدروا خاطركم وتعيشون بهم وحزن

وابوكم مبسوط وعمتك مبسوطه

اضحكوا وعيشو الدنيا بالحلو والمر

[mr00m]

لا حول ولا قوة الا بالله

الله يقلب سحرها عليها ويرجع لكم ابوكم

هذا امتحان من رب العالمين ومالكم الا الصبر والدعاء

والله يحنن قلبه عليك ويرجع له عقله يارب

كل الناس تتزوج 2 و3 و4

لكــن اذا السالفة فيها سحر وما يعدل

يصير ادعوله ربي يكشف عن بصيرته