نزول الدم في الشهر الثاني .. ساعدوني

[طُهر]

السلام عليكم ورحمة الله وبركاته

انا حامل لي 6 اسابيع ويومين في نص الشهر الثاني
نزل عليي دم شوي
ورحت المستشفى وقالت الدكتورة كل شي في مكانه وتمام
وعطتني ابرتين كل اسبوع لمدة اسبوعين
اخذت وحدة وباقي وحدة لسى موعدها
وكمان حبوب دافستون حبة مرتين في اليوم
وبعد 3 أيام ما وقف الدم .. مرة يخف ويرجع شوي مثل قبل
رجعت للدكتورة وشافت السونار وكل شي تمام زادت الجرعة
حبتين مرتين في اليوم ليما يوقف الدم بعدها ارجع ع حبة مرتين في اليوم

وانا خايفة ..http://forum.hwaml.com/images/icons/icon9.gif
ما عندي ألم طبعاً ولا شي
وبحملي السابق ما صار لي جذي

طمنوني من صار لها مثلي وتم حملها؟http://forum.hwaml.com/images/icons/icon9.gif

[غنى2011]

الله كريم حبيبتي انشاء الله يتمم حملك على خير

انا مثلك في بدايه حملي ضليت 6 اسابيع انزف ونزف قوي وانا الان في الشهر السادس

بس انتي لازم ترتاحين بالفراش وتخليكي ع الابر و المثبتات

وانشاء الله يثبت باذن الله

[فاقده الغالي]

دام كل شي تماااام
ارتاحي ثم ارتاحي نفسيا وجسديا

[تعبت اعاني]

الله يتمم حملك على خير ويبلغك شوفته ارتاحي وان شاء الله يوقف الدم

[سهام ساجدة]

اختي انا بعد صارلي كيفك ونا هلا بالثامن

واللي لازم تسويه انك ترتاحين راحة تامة وترفعين ارجلك
الله يكملك.

http://forum.hwaml.com/imgcache2/hwaml.com_1304342400_708.jpg

[مؤمنه بربي]

الله يتمملك على خيريارب ارتاحي بس ومايصير الاكل خير

[آية]

لا تقلقي أختي حالتك طبيعية ممكن يكون حمل غزلاني أو ربما يقف في حدود شهرك الثاني و إذا استمر معك في وقت دورتك تأكدي أنه حمل غزلاني مثل حالتي و أنا الآن في شهري الخامس الله يتمم بالخير لك و لي يار ب
المهم الراحة و لا تجهدي نفسك و بدنك
في انتظار سماع أخبار مفرحة عنك لك سلامي و تحياتي الخالصة

[جديده في تبوك]

ايوه بس في امور زي كدا لازم تراجعي الدكتوره

وترتاحي وهادا امر هام

[طُهر]

تسلمون حبيباتي
انا مرتاحة الحمدلله ولا اسوي حاجة
والدكتورة قالت كل شي أوكي
واليوم أخذت الإبرة الثانية

الله يتمم عليكم وعليي ياارب

[طُهر]

سلام بنات

اني طرحت اليوم
امس اخذت ابرة التثبيت الصبح
والمغرب نزل دم واجد وماادري اذا فيه شي لو لا لان كان في الحمام
وعقب ألمني بطني
وفي الليل زاد واجد وحسيت رحمي بينفجر
بالذات اليسار مادري ليش
وعقب طرحت
تقول لي الدكتورة يمكن نموه مو أوكي أو قلبه
وأني كنت حاسة انه فيه شي او انه مو اوكي من اول ما حملت مادري ليش
وكنت كله اوسوس

يالله الحمدلله يوم راح ولا عقب يصير فيه شي
الله يعوضنا جميع يارب
ويثبت حملكم ويسهل عليكم الولادة يارب

[أم عبوود]

يارب اتمم لكل حامل على خير ...

[شموخ شمر]

الله يثبت حملك وحملي
نفس حالتي انتي

[فراوله بالشوكولاتهـ]

انا بالاسبوع السابع من الحمل نزل علي دم


ورحت للمستشفى قالت كل شي وضعه طبيعي

قالت التزمي الراحه التامه ومافيه جماع

وتحاميل مثبته وللحين استخدمها

صحيح الدم وقف الحمدلله لكن الدكتوره قالت كملي لحد ماتخلصين الرابع نشوف ونحدد وضعك