احذروا أحذروا أحذروا فتره النفاس ترى صارت لأختي

[شجن1111]

بنات أحذري جدا من فتره النفاس لأنها فتره جدا حساسه
وجسم المرأه بيكون ضعيف وعرضه لأي شئ لاقدر الله
أختي ولدت بتوأم مشاءالله لكن مسكينه مالحقت تفرح على طول تعبت بالمستشفى
كانت رايحه للحمام الله يكرمكم وطبعا لابسه قميص الرضاعه فقط وشبشب من غير شرابات وراسها مكشوف تقول وأنا رايحه حسيت البرد اللي لف راسي ( طبعا التكييف شغال في المستشفى 24 ساعه )
المهم رجعت لسريرها والله يابنات ماكملت ساعتين إلا حست بصداع وألم في راسها وبعدين فجأه وجهها لف صابها أبو الوجيه إذا كان تعرفوه (مرض يصيب الوجه ويصبح غير متابق ) جوها الدكاتره وعملو لها تحاليل وكل شئ ولاسو لها شئ خرجوها طبعا بعدين عرفنا أنه هذا المرض علاجه شعبي موعند الدكاتره
جلست المسكينه تتعالج منه قرابه ال9 شهور ونفسيتها سيئه وموداريه عن بناتها ولاتبي تقابل زوجها عشان مايشوف منظرها بالحاله هذه لحد مارجعت لطبيعتها وبعدها حرمنا نتعرض لأي تيار هواء أو نخفف ملابس وقت النفاس
حبيت أنقل لكم قصتها عشان تنتبهو وبالذات البكريات واللي ماعندها خبره
لاتستهيني وتشوفي أنها حاجات مالها داعي أو حاجه عثى عليها الزمن وأنك أنتي بنت اليوم أو تهملي وتاخذي الموضوع أنه غير مهم لاتخسري صحتك أو بيتك بسبب عناد أو جهل , كلام الحريم اللي يكتب عن فتره النفاس والعنايه على جميع النواحي من مأكولات وأعشاب ومشروبات وإهتمام \ صحيح 100%
واتمنى لكم دوام الصحه والعافيه

[rose]

مشكورررررررة بس مو شرط صراحة مو مستوووووعبه فكرة ان النفاس ماتتحمم ماعرف كل ووجه نظرررررررررره يمكن اختك ماهو من البرد لايكون سكوها بعين عشان توام
وهذا اللي تقولي عليه يجي معروف من العين والزعل ماهو من البرد يا اختي

[ام عبدالله 86]

احنا عندنا لازم تكون لابسه الطرحة او مسفع على طول

[حسايف]

يعطيك العافيه يا الغلا

[شموسه]

جزاج الله خير

صح كلامج

بنت عمي صارمثلهاا وشفت بيد المطوعه تقرى عليهاا وتتدوس على وجهاا ولازم تغطي وجهااا وتقعد في الحوش

تعبت بس هي جاهاا بعد 3شهور
هي كانت تسبح وتلبس خفيف

لو تسبح وتلبس شي دفاهااا كان ماحصلهااا

اهم شي تدفي نفسهاا بالفتره هاذي لان اي هواء يدخل في جميع مناطقهااا راح تتاذي بعد سنين

من سقوط الاسنان الام في العمود الفقري

الصداع الدايم

الدوالي

وكل شي تتوقعينه يارب يحفظنااا

انا بولادتي الاخيره كنتالبس خفيف واسبح لان فيني حساسيه وفوق هاذا كنت منفسه بشقتي وكنت اكشخ علشان زوجي مايشوف حالة التعب اللي فيني

ااه والحين عواااااااااااااااار بعمودي الفقري وخصوصا الشوكي تعبت منه

اسال الله ان يشفيهااا ومشكوره على النصيحه ياعمري

[حبيبت حبيبي]

الله يشفي اختك يار ب ويا ررب يحمينا ويحمي المسلمين والمسلمات

[فرحة الدنيا]

الله يشفي أختك يارب ,يحمينا من هالأمراض
يعطيك العافيه ع تنبيه

[عبير 99]

الله يجزاك خير
اي والله لازم ننتبه

[شعاع الشمس الدافئ]

بارك الله فيك اختي وجزاك الله خير على النصيحة
والله يحفظ لااختك بناتها ويجعلهم صالحين بارين

[منو الزهراني]

الله يحفظنا من كل شر ...
ويشفي اختك ...وجزاك الله بالجنه عالتذكير لان الاغلب الحين تحت المكيفاات ولابسين خفيف ..الله المستعااان

[moon-flower]

الله يشفيها يارب ويبعد عننا الشر

[حسنا]

الحمد لله على سلامة اختك بس يمكن عين الله يستر من عيون البشر لاحول ولا قوة الا بالله

[أخفي غلآه]

الله يششفيهآ يارب ... وترآ ابو الوجيه هذآ اسسسمه موب بسس للنفآس
لآ هو يجي اي احد يتعرض لتيآر بآرد أو يجلسس في وجه التكييف أعرف كثير جآءهم وهم مآكآنوآ نفآسس وعلآجه التدليك ..

[snickers66]

الله يشفيها ويوفقها ... تسلمين ع الطرح

[ام عفارى]

احنا انسميه "ابو مبرقع" الله يجيركم يخلى الوجه ينسحب عل جنب واحد
اذكر بنت جيراني ضربها كانت طالعة مسبحه في الصيف وراحت للمكيف ع طول
وصابها هالمرض . لان حرارة الجسم تختلف عن الغرفة

[ام محمـــــد]

الله يحمينا وجميع المسلمين هذا براااد لفحة هواء معروف يجي للجميع نساء و رجال

[فتاة الزهور]

يعطيك العافية ع الطرح القيم ياعسل والله يشفى جميع مرضانا يارب..

ومعاك حق بهالمعلومه المهمه لازم الوحد فينا تهتم بنفسها بهالفترة
أنا مامريت فيها لاني حامل بأول مولود وربي يسهل عليا وع جميع الكروشات
بس أنا بشوف أمي لما تعاتب اخواتي فترة النفاس وتنصحهم ....!!!
عشان تبتعد عن الهواء وتغطي شعرها بطرحها
وبعد الاستحمام تدفئ جسمها بصراحه مافي احلي من خوف الأم ع بنتها..
الله يسهل علينا جميعا يارب ويساعدنا ويكون بعونا فترة النفاس يارب

[!راما!]

جزاك لله خير

[ام مرزوق]

الله يشفي اختك يار ب ويا ررب يحمينا ويحمي المسلمين والمسلمات

[ودي اسمع كلمة ماما]

انا الاحظ ان امي من لمن كنا صغار دايما تقول لنا لا تتسبحوا و تطلعون بالمكيف على طول او تتعرضوا لهوا بارد فجاه حتى ايام الدورة يقولون لبسي اشياء دافيه خصوصا الجوارب واشربي اشياء دافيه واعتقد اللي بالنفاس و الحامل المفروض ينتبهون لها الشي اكثر واكثر

[القمر مغرور]

الله يجزيك خير مشكوررره ع النصيحة

[لن أيئس]

جزاك الله كل خير على التنبيه
وجعلها في ميزان حسناتك ..

اسأل الله العلي القدير أن يشفي أختك ويشفي مرضانا ومرضى المسلمون

فعلا كلامك صح 100%

[سيدتي]

المعلومه معروفه لازم ما تتعرضين لاي هواء قوي وانتي متسبحه حتى لو مو نفاس

[أم عبدالرحمن السلفية]

الله المستعان والحمد لله على سلامة اختك ,,,

[فلسطينيه]

اللهم عافنا في ما ابتليت فيه غيرنا يارب العالمين.. الله يشفي اختك يارب ويبعد عنها الاذى وبارك الله فيكي ع التنويه وفي هالزمن كل شي جايز

[دلع]

فعلا هذا المرض يجي من البرد خاصة اذا كان الشخص مبلول
زميلتي صار لها نفس الشي..
والله يهديهم المستشفيات دايم غرفهم بارده في الصيف والشتاء..
يلا اهم شي انها طابت ..حمدلله على سلامتها