انا محتارة ... =( شيروا علي ...

[أنفاس]

سلام

شخباركم ؟؟

بنات انا في حيرة من امري ..
صارلي سنة و5 شهور من اتزوجت سويت الفحوصات من متابعة تبويض
وتحاليل هرمون وكان كل شيء اوكي بس هرمون الحليب مرتفع مرة 22 ومرة 24
والحمدلله اعتدل باستخدامي القسط الهندي .. وزوجي عمل التحليل وطلع سليم الحمدلله .. يعني حاليا احنا الاثنين سليمين ..
رحنا لدكتور استشاري وقال لو احنا مستعجلين ع الحمل بيوصف لي كلوميد .
وبصراحة انا مترددة اخذه لان قرات عن اثاره الجانبية وخفت ..غير انه ينعطى
للي عندهم ضعف تبويض .. وانا الحمدلله ..التبويض عندي تمام وحجم البويضة 24,1 ملم .. بس الدكتور يقول لزيادة فرص الحمل ..
وانا هالشهر شريت لي جهاز متابعة التبويض كلير بلو وناوية استخدمه.

شيروا عليي الله يخليكم ..هل ينفع اخذ الشهر الجاي كلوميد لو ماصار حمل هالشهر او لا ..؟؟

[rwan]

ربى يرزقنى ويرزقك بالحمل السليم المعافى

[أنفاس]

الله يسمع منك يارب

[سمار]

عزيزتي انا أستخدمت كلوميد بس كان عندي ضعف بالمبايض وهرمون الحليب
وعادي ماصار شي بس أعرف كثير بعد ياخذونه على أساس يحملون بتوأم وهما عندهم عيال فأتوقع أنه عادي جربيه شهر وخلاص وشوفي وبإذن الله ربي يرزقنا ويرزقك الحمل هالشهر يارب

[أنفاس]

سمار

يعني مازاد وزنك ؟؟ واستفدتي عليه ؟ لان الي عرفته انه يسبب فرط تبويض وتكيسات للي تبويضهم سليم ؟؟

[وردة الأحساء]

حبيبتي ليه أنتي سليمه وتبحثين عن علاج ممكن يضرك ويسبب لك أثار أنتي في غنى عنها؟؟؟؟

صبري يعني طالما سليمه لا تستعجلين أكيد ربي يفرحك ...

لو كنت مكانك بالصراحه مارح أسوي شيء

[أنفاس]

والله ياغناتي ماابحث عنه .. الدكتور قال بيعطيني اياه وانا متحيرة لان مومحتاجته
ولهالسبب جيت اسال عنه ..

[حوريه السعوديه]

توكلي على الله واستخيري أول وبعدها أستخدميه مره وحده أذا حصل حمل الحمدلله وأذا لا

لاتستخدميه مره ثانيه لأن كثره أستخدامه تسبب تكيسات والله يرزقج بدونه أمييييين

[أنفاس]

مشكورين خواتي ع الافادة