يا بنات ساعدوني ضروري

[أتنفسك عشق]

السلام عليكم
بنت اختي عمره شهر وعشر ايام فيها سخونه واحتقان بالحلق وزكمه ماتقدر تتنفس مسكر خشمها حطت فيها قطره مافي فايده ، ياليت اللي عندها علاج تقولي لان ودوها للمستشفى ولافاد معها شي ..
انتظر ردودكم .

[ليتني]

هلا اختي
ماتشوف شر ان شاء الله سلامتها
خليها تشفط حليب من صدرها وبعدين بالقطاره نقطه بكل الجهتين والله مفعولها حلو ماشاء الله

تقبلي مروري

[صدفة عمر]

::


ي قلبي تروح لدكتور ثاني غالبا الاطفال بهذا العمر عندهم هذي الحالة

بس لازم تاخذ اكسجين 3 مرات باليوم يعني تروح الطواريء

مافية افضل من الاكسجين وتاخذ دواء للاحتقان والبلغم وكمان مضاد حيوي

للشعب الهوائية لمدة يومين عيالي الاثنين كذا وسرت فاهمة اش اسوي

بدون طبيب بس طواريء واكسجين ودواء بعدين القطرات مضرة للطفل

تسبب له لحمية لاقدر الله ابعدي عنها لاتعطية قبل سنة

وربي يشفيها ي رب


::

[شموسه]

هلااا وغلاااا

انا بنتي مثلهاا ماخليتهاا كل شي جربته عليهااا مافات بس شي واحد فات معاهااا

تدرين شنووو

اله شفط بالبطاريه اخذتهااا من شركة الغانم

سهله وبسيطه تشفط وتجمع في غطاء وتشيلي الغطا وتنظفيه وتمسحينه وتركبينه وله تبديلات للانف بلاستيك ووحلوه ومريحه ولا بعد معاهاا الزر اللي تحت تظغطينه وتطلع موسيقى علشان ماتصيح

وكل ماتحطينه داخل انف اشفطي الزر اللي فوق

وللحين استخدم لهاا خشمهاا صغير حيل

غير عن حواتهاا
نفس اولدي عزوز

ولا تنسين في وحده ثانيه شفط بس عمودهاا طويل ويقث

اما هاذي حلوه

اسمهااا
petit
terrailln

وهاذي صورتي
حقت بنتي شوفيهااا




صدفه الكمام لازم تاخذه لانه يريح صدرهاا انا شريت كمام لبنتي واخف الكميه واعطيهاا وماصار معاهاا شي

وبنتي الثانيه فيهااا نقص في الاكسجين

واذا جانا العج

لازم الكمام احطه لهاااا

الله يشفيهم اطفالنا يكسرون الخاطر يارب يشفي كل الاطفال

[ام اسكندر]

الله يشفيها يارب
خلوها تنام بوضع شبه عمودي او بالجلاسة حقها عشان ترتاح
وعودوها النوم ع بطنها بس وانتو جنبها عشان لو انكتمت تعدلوها