حوامل هل انا طبيعيه

[تعبت أستناك]

بسم الله الرحمن الرحيم

كيفكم جميعا

توني مخلصه بكاء لمن خطر ببالي اجي اكتب لكم وقفت بكاء حسيت احد بيسمع لي برغم امي واخواتي مايقصرون بس طفشتهم اكيد

انا حامل بالرابع ومن دخلته صار تجيني نوبات بكاء وعصبيه غريبه

خصوصا على زوجي ولمن اعصب عليه مرة اقعد ابكي مقهورة عشانه ليش اسوي فيه كذا

اصلا هو مايقعد بالبيت ولاجلس نكدت عليه وهو قالها اكثر من مرة

صداع معاي ومشاعر ملخطبه والم ف بطني يجي ويروح

احس اني مو تمام

حتى الوحام خف بس ما راح

حبوب الكالسيوم لازم اخذها بامر الدكتورة بس لمن اخذه استفرغ على طول واسناني قامت تتعب

مدري احس اني ضايعه نومي سيئ جدا كله كوابيس والم وكسل ومدري شقووووووووووووووول لكم لاني مصدعه

[الصدر الحنون]

وعليكم السلام
حبيبتي لاتحاتين والظاهر انج بكريه ترا هالشئ طبيعي جدا وحمل عن حمل يفرق
انا نفسج حاشتني بعد النسات نوبة غضب صرت ما اتحمل كلمه لامن زوجي ولا اهلي مالي خلق احد
واحيان اقعد ابكي من غير سبب وكل شوي عيني تدمع
لاتحاتين ياقلبي هذا بسبب الهرمونات هونيها وان شاءالله بتفرج

[Mقمة البرااااائهM]

حبيبتي ....كل هرمونااااااااااااااات جسمج تغيرت طبيعي هذاااا الشعووور بس أنتي سيطري عليه لاتخلينه يسيطر عليج يالغاااليه.....

زوووجج ماله غيرج ..ومالج غيره....

لميييه بحنااانج وعطفج....لاااااتكرهينه فيج وفي تصرفاااتج.....

فكري يااا أختي

وترى الشيطااااااااااان له دوووووور كبييييير حاااط ريل على ريل مستانس باللي يصيرلكم....

الله يفرج همج.....

[أطياف الأمل]

والله ياقلبي اللي مريتي فيه والله مريت فيه الشهر اللي راح
أنا لدرجه إني بطلع من شقتي من البكى ويمسكني لمى يجون أخواني بيأخذوني أحس قلبي بيطلع
أحس إني كارهه زوجي تجيني أحلام من أنوم على طول وكل الأشخاص ماأعرفهم بس يخوفوني
بس الحمد لله راح زوجي جاب لي سدر وأتروش فيه بالصبح وعند المغيب ودائم أشرب ماء زمزم مقري فيه وأقراء الأذكار بعد صلاه الفجر وبعد صلاه المغرب بس والله ماأكذب عليك اليوم الأول أول ماتروشت وقريت الأذكار الأحلام كثرت وهو صدقيني الشيطان جاب لي الوسواسوثاني يوم الحمد لله نمت زين وثالث يوم كذلك واليوم الرابع وحسيت بالعافيه وحسيت بإنشراح الصدر ولا كملت بس المفروض إني مكمله 7 أيام
صدقيني تراء الشيطان أعظم من المرض الله يعافيك يارب وسامحيني على الأطاله

[صدفة عمر]

::


ي قلبي طبيعي اللي يصير لك ونوبات بكى طبيعي

وممكن الوحم يستمر معاك للبداية الخامس

بس الكالسيوم مرة موهم غيري نوعة خذي حبات صغيرة

او اكسري الحبة جزئين وابلعيها بس استمري علية وكمان الحليب

واذا انتي من النوع اللي تستسيغي الخليب خذي حليب الحوامل

وطبعا حبوب الدم فروز كمان لازم تاخذيها بس لاتجمعي كالسيوم مع

حديد لا صباح كالسيوم ومساء حديد واذا حابة تسمعي نصيحتي

خذي لك اوميجا 3 كويسة لك والنونو بس استشيري دكتورتك قبل

هي عبارة عن زيت السمك


::

[شموسه]

ياحياتي حتى انا جتلي
بس حاولت اختم القران علشان ارتاح والله ارتحت

وغيرت جو مع زوجي حاولت نطلع ونتمشى واخذنا كم يوم في فندق حسيت نفسي بشهر عسل جديد خخخخ

لا تخافين انتي طبيعيه ههههههه

اشفيج اضحكي وارقي نقسج كل يوم وحطي سورة البقرة 3 مرات في اليوم

وشوووووووووووووفي

[فليك]

يا قلبي عليكي
كلو طبيعي لانو هرمونات جسمك ب تتغير و في روح ب تنخلق داخلك

شوفي ترا كلو وهم - انتي اتكلمي مع نفسك انك تموتي ب زوجك
و انك بس تبغيه جنبك و بس تبغي تنامي معاه - والله انك ح تلقي نفسك بدون شعور دا كلو يصير

و فترة الحمل روووووووعه لانها فتره قليله و بعدها تعيشي طبيعيه
اكسبيها و دللي نفسك و زوجك و لا تقصري معاه - بعد كم شهر ح ينحرم منك 40 يوم

خليه ياخد راحته معاكي هالفتره ولااااا تنكدي ع نفسك و تزعلي نفسك
انا ب حملي البكريه ما صدقت اني اولد - بس دحين قلت رح اكسبها لانها فتره و تعدي

روقي و حاولي كل يوم تقرآي سورة البقره
ما في شي يستاهل - خصوصا مع زوجك لااااا تقصري معاه

الله يقويكي و يديكي العافيه ياااارب

[صفاءٌ ونور]

اختي الله يرد عنك كل سوء إن شاء الله

الوضع طبيعي وزي ماقالولك البنات كله من تغيرات الهرمونات بس انتي هدي نفسك وحاولي تكثري من الاستغفار وذكر الصلاه على محمد وآله اقري قرءان او حتى اسمعيه
انا توني بالثاني ومزاجي احيانا يتغلب اصير مو طايقه نفسي بس الحمد الله بفضل القرءان امورك تصير تمام خلي قناة السعوديه الأولى على طووول شغاله حتى وقت النوم بالليل بصوت خافت هالشئ بريحك كثير
وشوفي ياقلبي هذي بعض الاغذية
التي تؤثر على الحالة النفسية بشكل ايجابي
يساعد على اشاعةالهدوء النفسي والعصبي : التمر

يحسن المزاجويشعرالانسان بالسعادة والعافية :الثوم

ينيرالقلب ويحبس الشيطان والوسوسة اربعين يوما : الرمان

يساعدعلى الاسترخاء والراحه : الخبز الاسمر

يذهب الغم :العنب

يرقق القلب ويدمع العينويذهب الكبر :العدس

ينير القلب ويشدالعقل : الخل

يفيد في تنمية الذكاء وهدوءالاعصاب : الخيار

يساعدان علىازالة التعب والكابة: البرتقال والجريب فروت

لهتاثير في الحد من الاكتئاب : السمك

يزيد فيالعقل، تركه والاكثار منه مفسده :اللحم


شربه يشيع الهدوء النفسي ويزيل الانقباض والتوتر العصبي : الدارسين والزنجبيل


يزيدالذكاء : العسل

بس حاولي لاتكثري من الدراسين والزنجبيل والتمر والعسل في بدايه الحمل لانه يحرض الرحم

إذا صرتي بالتاسع ماكو مشكله

اتمنى اكون افدتك وربي يفرج عنك وتولدين بالسلامه وتقر عينك بشوفتك للمولد بصحه وعافيه

[أم عبدالرحمن السلفية]

كلنا كنا كذا ... مخاصمات و هواش لدرجة أن زوجي يجلس يضحك عليا وانا أعصصصصصب مرة .. بس عدت على خير الله يصبر زوجك و من جد لا تحطي ه الأفكار ببالك فترة وتعدي

[نجوم السحر]

يا خويتي مثل حالتك والله والحين انا بالشهر السابع ونفس الشي ما تغيرت

عصبيه على زوجي بشكل لا يطاق لدرجه انه مل مني ومن مزاجي المتقلب

حتى يوم طلعنا نجهز للبيبي المفروض نرجع فرحانين واحنا رجعنا كل واحد ما يبي يكلم الثاني من العصبيه اللي فيني

الله يكون بالعون ويصبر ازواجنا علينا يارب

[تعبت أستناك]

ياقلبي عليكم والله ماتوقعت الردود بتكون كذا

للاسف كنا ناوين نغير جو ولكن صار بالعيله حاله وفاة وتعرفون العزيات لكن ربي بيسهلها وبوقف مع اهل زوجي هالفترة وبدعي ربي في وقتها يعديها على خير ويسهل اموري

اتمنى هالشي مايزيدني كابة وعصبيه لان سلايفي فيهم قيل وقال الله يعين ويسهل

[n70]

حبيبتي .. حبوب الكالسيوم تسوي ترسبات في الكلى .. اشربي بدالها كاسين حليب .. هذا مو كلامي هذا كلام الدكتور طاهر الصباغ

[تـوووجي]

الله يساعدك انا بعد توني في بدايه الحمل وكله حاسه بضيقه
حتى البارحه جلست ابكي من غير سبب واتهم زوجي اقوله كله منك لأن ماعندي سبب شقوله بس تالي تعوذت من الشيطان وصليت على محمد وآل محمد
والحمد لله عدت

[آية]

السلام عليكم و رحمة الله و بركاته

عادي أختي الغالية لا تتعب روحك و تتعب زوجك هذا وحم مازال معك و انت طبيعية جدااااااا
و أنا أيضا كانت تأتيني نوبات بكاء بحرقة شديدة بدون سبب لدرجة أني في أحد أيام الجمعة و أنا أتناول طعام الغذاء "الكسكس المغربي"مع أهل زوجي فجأة فاضت عيوني بالدموع و تركتهم و ذهب لغرفة وحدي و أجهشت في البكاء فترك زوجي الطعام وجاء ضمني و عاد بي إلى المائدة و الكل يسألني عن سبب البكاء لم أجد ردا سوى أني لا أعرف..ردت أخت زوجي و قالت إنها "تتوحم"
مع العلم أختي تعبت أستناك أنا في شهري الخامس الله يتتم بخير

تحياتي لك أختي و أسأل الله أن يحفظ ما في بطنك و تسعدين بقدومه إن شاء الله

[اسومه القموره]

خخخخخخخ طبعا انا بكريه وخاشه على التاسع وربي اني اتذكر نفسي اول الحمل لما اقرأ كلامكم
يالطيف الطف بكيت بكاء موب طبيعي ولا اتحمل ولاكلمه لامن اهلي ولا من اهل زوجي حتى زوجي لو يقول لي سمي بالرحمن بكيت وبس اعصب منه لا واللي يزيد الطين بله اذا سافر او راح الدوام اجلس ابكي علييه خخخخخخخخخخخخخخخخ بس هاذي كلها مع الهرمونات والله استمريت كذا الى الشهر السابع وعقب الحمدلله صرت اقرأ القران واستغفر والحمدلله رب العالمين

[عشق الطفولة]

الله يعينك و يخفف عليك بس الجأي لله و ادعي ان ربي يخفف عليك و يريحك و اكثري من قراءة القرأن و الاستغفار و ان شاء الله بترتاحي يا قلبي

[تعبت أستناك]

الله عليكم وربي انكم تشرحون الصدر

امس قعدت ابكي عليه لاني غلطت عليه وقالت لي امي اعتذري منه ووضحي له بعدين قلت لها ماقد قلت له ولايعرف اني ابكي لازعلته

يمكن اكون قايله له قبل ونسيت معاد ادري ههههه

الله يعين على المخ

المهم بالليل قلت له كلام قال شفيك قلت لاتحسبني ماحس فيك وان ماعندي احساس بس غصب عني ودمعت عيني وهو ولا كلمه

الرجال وصل حده مني الله يعديها على خير يارب

[jorri sham]

يا قلبي عليكي
والله شكلك تعبانة كتير
عادي حبيبتي مع تغيير الهرموناات بتتغير النفسية اكيد وبتصير الوحدة حساسة كتير ..
بس انتي طوولي بالك وحاولي انك تهدي نفسك وتنظمي نوومك واختاري ساعات نومك بالليل مشان راحتك وراحة الجنين
واقراي قران والله بهدي النفس ,,
والوحام اكيد رح يخف مع مرور الحمل ..
مووفقة يا اختي والله يهددي بالك وبالنا جميعا

[يارب رزقك]

الشكو لله بس ياريت انا الي اسوي مشاكل زوجي هو اكبر مشكله من يوم حملت وهو كل يوم مشكله كانو هو المتوحم مو انا بس صبر جميل والله المستعان
اتوقع الي مسيطر عليك وعلى .زوجي. الشيطان بس انا اقرى البقره يوميا واشغل المجد قران واكثري من الاستغفارلان الشيطان يبغى يثير الفتنه بيني وبينه بس وكلت امري لله وانا حملي صعب اي عصبيه يمكن ياثر على حملي حتى الاكل مايبغى ياكل معايه الحمدلله على كل حال

[شجون انثى]

حبيبتي انتي من النوع الي بتستمر اعراض الوحام عندك للخامس ويمكن السادس او السابع.
اقرأي قرآن ، واقري سورة الم نشرح لك صدرك كل ما حسيتي بضيق
وانتبهي على زوجك ، وحاولي ما تضغطي علية اكثر من كذا
انا اتذكر ان اخوي كان بيتزوج على زوجتة وعرف وحده عليها خلال اشهر حملها لانها مرت بنفس الي مريتي فية وكانت على طول ضايقة لما ضيقتة بس الحمد لله امي منعتة.
المهم انتي كل ما يجي زوجك اقري الم نشرح لك صدرك وكلي حبة شكولاتة اوعصير ليمون ، واطلبي منة يتفهم وضعك.
واللة يوفقك ويتمم لك على خيررر

[عبيروتالية]

عادي جدا الي تحسي فية انا في الشهر السابع اي شي يبكيني لو من اولادي الصغاربس نصيحة تناولي الفيتامينات مو كويس علشان البيبي ياثر في نموة وهي فترة وتعدي

[جداويه مغتربه]

ياقلبي طبيعس جدا لما تهدي فهميه انه وحام الظاهر متوحمه عليه

بالنسبه للكالسيوم لازم بعد اكل ويكون مو مع الحديد بوقت واحد


على فكره باذن الله بس تدخلي الخامس بيخف البكاء انا كنت مكتئبه الان نوعا ما افضل

[حبك صالحني]

العصبيه في والبكا في الحمل طبيعي جدا اسالي مجرب الحمدلله بس

[نوتيلا]

الله يعينك بس طبيعي حبيبتي لان نفسيه الحامل تتغيركلها شهور وتعدي والله يتمم لك ولي بخير

[تعبت أستناك]

الله يجزاكم خير

الان احس بضغط لاني تعبانه وعندي تدريب

الله يساعدني

الكالسيوم مرة ماقدر ابلعه وش السوووووووووووووووووووووووووووووووواه