الدوام والرضاعه

[ام حكوم]

السلام عليكم ورحمة الله وبركاته

ياااامهات ابي حل انا اتمني ان الله يكتب لي وارضع ابني بس الحين خلصت الامومه وراح ارجع اداوم ودوامي طويل ومتعب شوي مين تداوم وقدرت تكمل رضاعه بليز سااااعدوني واكتبو تجاربكم بليز وشكر

[must]

هلا حبيبتي ام حكوم ..اما ولدت من اول ابريل وداومت في 11 مايو
طوال فترة الامومة وانا اشفط الحليب من ثدي وارضع من الطرف الاخر واضع في الفريزر لان الحليب يبقى صالح في الفريزر لمدة ست أشهر وبهيك لما داومت ثابرت ع الشفط والخدامة تعطي بنتي رضعة بغيابي وبشغلي اخذت ساعة رضاعة ارجع بكير للبيت وبهيك حتى خلص دوام المدرسة وانا الحين قاعدة مع بنتي وبرضعها من صدري

[ام اسكندر]

الله يعينكم
انا ما اشتغل
بس اعتقد لو كنت اداوم ح اشفط واخزن بالفريزر

الله يسهل لك يارب

[ريآنهـ..!]

هلا ام حكوم

ما اقول الا الله يعينك ويعنا على الضيقة

والله عذاب لما يتجمع الحليب بصدرك وانت بالدوام

لكن الحمدلله من بعد ولادتي للأن وانا ارضع طبيعي

جلست 60 يوم بعد الولادة وبعدها رجعت للدوام

اول يوم تعذبت عذاب الله يعلم به ما رجعت الا صدري زي الحجر

ما اقدر احركه من الأألم وطبعا بعد ما ارجع يصير الحليب متجمع اشفطو

واحطو بعلب معقمة واجمدو بالفريزر

وطبعا ما راح تستغني عن الصناعي لانو الحليب

ما يعود كثير زي اول عشان البيبي ما يرضع ع طول

وانا بالاربعين كنت اعطي بنوتتي صناعي كم رضعة باليوم عشان

لما ارجع للدوام تصير متعودة عليه

والحمدلله الحين عمر أمورتي 8شهور تقريبا وارضعا الأثنين

ودوامي تعب وهلاك وكرف ووقفة طول اليوم خخخ

والله يساعدنا يارب ويرزقنا برهم

[ام اسكندر]

وحشتيني ياريانهـ<<<
السموحةمن صاحبة الموضوع

[ام مرزوق]

شوفي حبيبتي عوديها على الرضاعة الصناعية وقت الدوام واذا جيتي لاتعطيها الا صدرك
علشان تتعود ------------موفقة ------------

[Water Lily]

أنا بعد مثلك مب عارفة ايش اسوي بعد اسبوعين بداوم وولدي ماكمل ثلاث شهور ،،، بس مثل ماقالوا لك الاخوات مافي الا الشفط

[soul of love]

طيب كيف طريقة التخزين؟؟
ولما اطلعها من الفريزر اخليها على درجة حرارة الغرفه ولا كيف؟؟
وشنو نوعية الرضاعات اللي استخدمهم واخزن فيهم؟؟