ليه يا زوجي ... ليه

[حبيبة جاسم]

السلام عليكم خواتي ...
ما ادري اذا اللي باقوله مشكله او فضفضه بس ابي رايكم خواتي لاني و بصراحه ماقول ابدا مشاكلي لاهلي او خواتي و صديقاتي وهذي قاعده عندي عشان ما تكبر مشاكلي او تطلع اسراري خارج البيت
زوجي مهما اسوي له و مهما اقوله من كلام حلو و اجيب له من هدايا او مفاجات
ما يهتم فيني ... و لا كاني اسوي له شي .. بالعكس يفتعل المشاكل عشان يتهاوش معاي .. اذا اقوله كلام حلو ما يقولي .. اجيب له هدايا ما يجيب لي .. اسوي له مفاجات البس له و يوميا اغير ستايلي ..لا تعليق .. اطبخ له بنفسي حتى فطور الصبح اجهزة له و ملابسه انا بنفسي ارتبها و ابخرها ... ابد و لا كاني اسوي له شي
ما يقولي كلام حلو و لا يحسسني اني غير عن الحريم ...يعني مثال مرت حماي مطنشه لزوجها و مع ذلك زوجها يمووووووت فيها مع انها ما تسوي له شي من اللي انا اسويه لزوجي .. بشهاده الجميع ماتكشخ و لا تهتم و كل شي على الخدامه و يحبها و يبين لنا كلنا انه يحبها و مايرفض لها طلب
والله العظيم يا بنات ما اقصر مع زوجي في اي شي ... بس ابي احس انه يحبني ابد ما يعبر عن مشاعرة وكل ما اطلب منه شي كله لا لا لا .. عشان يرفع ضغطي
ابد ما يمدحني مهما اسوي له و مهما اكشخ له ... وعمرة ما عطاني هديه باي مناسبه مع اني ما اخلي عيد و الا يوم ميلاد او يوم زواج او حتى بدون مناسبه الا اهديه
ولا حتى يعزمني على مطعم والا فندق ... ابد ولا شي
اهله احطهم على راسي من فوق الكل يحبني و يحترمني لاني اوجبهم واهديهم و اساعدهم دوم
بنات فيني اكتئاب فيني حزن في داخلي ما ادري ايش اسوي انا ابي اهتمام ابي كلام حلوو ما ابي يزعلني بدون سبب لاني ما اسوي اي شي يزعله
بس ابي حب و حنان و اهتمام ... هذا طلبي ... ماادري ايش اسوي قولوا لي يابنات قولو لي

[حبيبة جاسم]

7 قراوا الموضوع و لا تعليق و لا نصيحه لي ايش اسوي

[حبيبة جاسم]

لا اله الا انت سبحانك اني كنت من الظالمين

[:: Galaxy ::]

حبيبتي طيب كيف تعامله عموماً معك ؟؟
لأن في بعض الرجال يترجمون عواطفهم بشكل مختلف تماماً عن التعبير بالكلام أو الهدايا

[((عاشقة الورد))]

حبيبتي لا تزعلي حالك في بعض الرجال كدا هوا اكيد بجلبو بحبك شوفي نظرات عيونو لك

[ورد الفل]

انصحك اختي تصارحينه عندما يكون هادى وتوضحين له الشي اللي مضايقكي..... كمان هذا حل ثاني ....اكتبي له رساله وضعيها عند جواله قبل مايصحى من النوم واكتبي في الرساله زوجي حبيبي الله يسعدك لا تحرمني من حنانك ومن عطفك و من اهتمامك فيه ......... وعاد انتي اكتبي كل اللي يخطر في بالك ان شاء الله ربي يوفقك

[شذها غير]

زي ماقالت لك الاخت ورد الفل .. الله يسخر زوجك لك ويعينك

[sweet moon]

اختي

كل اللي كتبتيه ليه ماتقولينه له

او ليه ماترسلينه له بالحرف

شوفي ايش بتكون رده فعله

ليش ماتصارحينه بالموضوع هاذا

وتعرفين منه الاسباب

هاذا انسب حل

ياتصارحيه بالموضوع

او اللي كتبتيه هنا ترسلينه له على المسن او ,, الخ

وهنا بتعرفون تتفاهمون

[#عيــ الجوريه ــون#]

وعليكم السلام ورحمة الله وبركاته

جربي الطنشيه ،،يعني تخففين من بعض تعاملك معه مو مرررررره طنشينه في كل شي،،
وجربي معه نفس إسلوبه ،، لأن البعض مايشوف حركاته وعيبه الى تتطبق قدامه ،،


والله يسخره لك ويهديه ـ

[مرهفة حس]

انااحس ان الحوار يحل المشاكل اساليه تحبني
طيب يه جاف معي وشوفي ردة فعله
الله يسخر ازواجنا يارب

[ريم الفلاء]

اختي شوفي لك يوم يكون فيه رااايق ومستعد يسمع لك
فاتحيه بالمووضوع وتكلمي بالي ابقلبك
الرجال يجهلهم بعض الامور والله يسهل لك امرك
ويسعدك

[حبيبة جاسم]

شكرا لردودكم يا بنات ... بس ما خليت ما قلت له .. ما في فايده
يقول انا كذا .. و ماراح اتغير ... وكل اللي اسويه له من واجباتي وان الله بيحاسبني اذا قصرت
يقول ماعندي هالحركات (( يقصد الرومانسيه )) واذا بيسوي لي حركات بيكون غصب عنه
ويقول انه مش مقصر معاي ماديا .. ودايما يقول احمدي ربك في رجال يضربون حريمهم و انا ما اضرب و في رجال يحرمون حريمهم من اهلهم و انا مااحرمك و في رجال يبخلون بالفلوس و انا ما ابخل عليك بشي ... قلت له انت بخيل بالكلمه الحلوة بالاهتمام ماابي فلوس ابيك انت تكون قريب مني .. يقول انا قريب (( يقصد انه قاعد جنبي .. يستعبط ))
اضطريت اقارنه باخوة كله يمشي مرته و دايم يفاجئها بسفرة والا فطور في فندق و الا هديه و الا ورد و دايما اخوة يفتخر بمرته و يظهر حبه لها قداامنا مع اني احسن منها في كل شي بس ما احصل اي اهتمام من زوجي يوم اقوله عن اخوة يقول اخوي ثوررر خديه مرته مشيته على كيفها ... مع انها تحترمه و تحبه واهوبعد (( الله لا يغير عليهم ))
احس بيأس منه ... اكتئاب .. عطوني رايكم يا بنات

[ورد الفل]

بس حابه اقولك انا مقارنه زوجك بغيره ليس حل للمشكله بل تزيد من المشكله و انصحك ياختي بدعا ء والا ستغفار فهو حل للهموم والمشاكل......................... الله يوفقك ويسعدكي مع زوجك ياختي

[مﻺآڎ أڵڕۅڅ]

حبيبتي ماعليه تحملي
وصاارحييييييييه بكل شي يضايقك
لاتكون رسسسميه بينكم الرجل مايحب الرسميه الزياده
وربي يوفقك يارب

[تناآآهيد العتب]

هلا حبيبة جاسم
بصراحه موضوعك اغلبيه النساء يشتكين متل مشكلتك
لكن راح اضرب لك متل
مرة اخوي وضعها مثل وضعك تمام
وصبرت عليه وتتكلم معاه وتقوله ابي حنان ابي كلام حلو ابي اهتمام
المهم هو مطنش
لكن سبحان الله بعد 3 سنوات تغير واحد ثاني صار يحبها ومايرضى عليها ابد
فانتي اصبري وادعي واحتسبي

[ام كيمو]

بالعكس انصحك ما تتحاوري معاه ابدااا
تغيري بكل بساطه
لا تهديه هدايا لا تجلسي معاه كثير قومي بواجباتك الأساسيه فقط بصمت ولا تطلبي منه اي ثناء او مديح
بالمقابل هو راح يحس ويسأل نفسها ايش فيها هذي تغيرت ؟
استقلي بنفسك الرجل لا يريد امرأه ملاصقه له وكتاب مفتوح واضح ، على النقيض تماماا يريد امرأه غامضه مليئه بالأسرار حتى يشعر بالتحدي في فك لغزها .

[ام كيمو]

شكرا لردودكم يا بنات ... بس ما خليت ما قلت له .. ما في فايده
يقول انا كذا .. و ماراح اتغير ... وكل اللي اسويه له من واجباتي وان الله بيحاسبني اذا قصرت
يقول ماعندي هالحركات (( يقصد الرومانسيه )) واذا بيسوي لي حركات بيكون غصب عنه
ويقول انه مش مقصر معاي ماديا .. ودايما يقول احمدي ربك في رجال يضربون حريمهم و انا ما اضرب و في رجال يحرمون حريمهم من اهلهم و انا مااحرمك و في رجال يبخلون بالفلوس و انا ما ابخل عليك بشي ... قلت له انت بخيل بالكلمه الحلوة بالاهتمام ماابي فلوس ابيك انت تكون قريب مني .. يقول انا قريب (( يقصد انه قاعد جنبي .. يستعبط ))
اضطريت اقارنه باخوة كله يمشي مرته و دايم يفاجئها بسفرة والا فطور في فندق و الا هديه و الا ورد و دايما اخوة يفتخر بمرته و يظهر حبه لها قداامنا مع اني احسن منها في كل شي بس ما احصل اي اهتمام من زوجي يوم اقوله عن اخوة يقول اخوي ثوررر خديه مرته مشيته على كيفها ... مع انها تحترمه و تحبه واهوبعد (( الله لا يغير عليهم ))
احس بيأس منه ... اكتئاب .. عطوني رايكم يا بنات

أكبر غلطه تتركبيها في حياتك انك تصارحي الزوج بمطالبك ، غلط ياعزيزتي
أبدا لا تطلبي منه أي شيء كوني ذكيه وخليه ينفذ كل اللي تتمنيه بدون اي طلب منك .
الذكاء مو انك تقومي بالواجبات المنزليه وتهديه كم هديه ؟؟؟؟؟؟؟؟؟؟
الذكاء مو انك تكوني طيبه لدرجة السذاجه بعيد عنك ؟؟؟؟
الذكاء مو انك تكوني ضعييفه ويهزك كلامه وافعاله لدرجة انك تبكي وتولولي بعبارات غير مناسبه مثل ليش ماتعاملني مثل فلان ليش فلان احسن منك ليش انا اسوي لك انت ماتسوي لي ؟؟ الرجل يكره المصارحه بالمشاعر ووضعه في موقع المقارنه بين اقرانه وخصوصا الشرقي . وهذا يضخم مشكلتك بدل حلها .
الذكاء ليس في اتباع الزوج وملاصقته وكثرة سؤاله ومناقشته .

الذكاء في تعاملك نظرتك مشيتك أسلوبك ضحتك غضبك دمعتك استقلالك صمتك في الوقت المناسب حديثك في الوقت المناسب ..
الذكاء في غموضك و قوتك ..
في البدايه لا تساليه عن سبب تعامله تخلصي من هذا الاسلوب نهائيااا
لا تعطيه أكبر من حجمه حسسيه انه انسان عادي جدا واعطي نفسك الاولويه قبل اي شخص آخر لأن الرجل عندما يرى تقديرك لذاتك ينحني في قرارة نفسه احتراما لك .
لما يدخل البيت مثلا بعد العمل قدمي له الغداء بصمت بعد الترحيب بدون بوسه او اي كلام حلو ممكن تكتفي بقول ( هلا حبيبي الغداء جاهز ) حاولي تتغدي قبله ولما يتغدى اجلسي في نفس الغرفه حطي رجل على رجل قومي ظهرك اقرأي جريده او تابعي التلفزيون اعتبريه مش موجود .. ولا تساليه عن أي شيء
وهكذا بس مو مره تزوديها هههههههه حاولي توضحي له استقلالك بالافعال بدون اي كلام .
لما يزعلك في شيء أعطيه نظره حاده بصمت بدون بكاء نهائيا لاتوضحي له ضعفك وابعدي عنه بدون اي مناقشه بعدين استغلي الوقت المناسب لما يجي يراضيك وناقشي بهدووء وكلام موزون مثلا ( والله انا يافلان ما ارضى هالشيء ترضى اني اعاملك كذا ؟؟؟ ولاتكثري كلام ) وبكل كبرياء وثقه وجديه خصوصا في حركاتك جلستك ونظرتك وحركة يدينك .. بعدها ممكن هو يراضيك بطريقة الرجال التقليديه اللي هي الجنس ، تقبليها ولاتناقشيه بعدها ابدا .. وهكذا خلي ايامك تحدي واقرأي كثير في كتب تطوير الذات والفراسه وطوري مهاراتك في التعامل صدقيني حتتغير حياتك الى الابد .. القراءه ثم القراءه ثم القراءه ياعزيزتي ..

[سآآآرونة]

واللة انا من راي اختي ام كيمووو

خففي اهتمام وعيشي حياااااتك لاتخلينه محورها

[((*بــريــق ألــمــاس**))]

أم كيمووووووووووو كلامها درر

كوني غاااااااامضه وواثقه

البعض يقول (( بعض الرجال مثل الكره إذا رميتي به على الحائط يعود لكي )) خخخخ

اثقلييييييييييي شوي وتغيري عليه فجأه مو بالتدريج ولا تسوي إنك زعلانه

لا بالعكس إضحكي واستانسي بس لاااااا تدلعيه ولا تقولي كلام حلو

خليه يحس شوي

الله يوفقك يارب.....

[اغليك يا الجنوب]

احكي معه وصارحيه
الله يسخره لك

[ملح الوجود]

حاولي انك تناقشينه وقت مايكون زوجك هادئ....وان شاء الله ربك بيحلها ولا تنسبن الدعا ان ربي يسخر لك زوجك ويهديه ويحنن قلبه عليك... وربي يووفقك

[رونق الروح]

سبحان الله انتي كانك انا وزوجك كانه زوجي نفس المشكله ومافي حل
الله يخر لنا ازواجنا

[فدوى عيونه]

انا زوجي مثل زوجج .. وصارحته كم مره ودوووووم يقووللي انا جيييه

هذا طبعي هذا اسلوبي وهاي طريقتي ..

وهو بالفعل هذا اسلوبه وصعب يتغير الا بمرور الايااام كنت اقول يمكن اموت ومايهتم

يوم يوميين وبينسى

بس صار واجهضت وطلع كل مشاعره هذيك الفتره والله مافارقني فالمستشفى 5 ايام كان مايبي حد ينام معاي بالمستشفى لا امي ولا امه كان يبي يتم هو بس

والله انا استغربت .. واستغربت اكثر لما طلعوني من غرفة العمليات وكان يصيح

ماكان يهتم لزعلي ولا غيره

كان كأنه قلبه من حجر ..

بس عرفت انه انسان وفي وفعمري مابحصل حد يوقف جنبي ويحبني مثله

ومن ساعتها كبر فعيني وما قمت انتظر منه كلمه حلوه او هديه او غيره ..

وصدقيني بيصيرلج موقف مثلي وبتحسين

وعلى فكره ترا هذيلا اصحاب الشخصيه الشماليه الشرقيه

[فديت قلب حبيبي]

نصيحتي لك ياحلوه انك تحتسبين عند الله ولاتنتظري مقابل منه وصدقيني الا مايجي يوم ويحطك فوق راسك وحماتك هذي الا مايجي لها يوم ويتركها زوجها ....

[ورده بين ايديه]

البنات ماقصرو
فيه رجال مايحبو يبينو مشاعرهم
وانتي اجلسي معاه وصارحيه

[أنثي لاتتكرر]

الحياه الزوجية شدي وارخي طنشششششششيه واهتمي بنفسك بهوياتك بعدي عنه شوي بيفقدك او صارحيه وفجري القنبله ولاتخلي شي بصدرك احسن ما الشيطان يكبر السالفه براسك وعموما يا قلبي نادرا الرجال يبين مشاعره نصيحه مهمه لااااااااااااتقارني حياتك بحياة غيرك راح تتعبي ولما تسوي شي لرضاء زوجك احتسبي تعبك عندالله والله يعوضك وعليكي بدعاء وان مثللك اهديت زوجي اكثر من هديه ولامره جابلي شي بس عندي أمل بستنى الله يحنن قلبه عليك

[حبيبة جاسم]

شكرا يا بنات على ردودكم ... يعطيكم العافيه
بس صارت مواقف ثانيه بيني و بين زوجي ... فقدت بعدها الامل في انه يتغير
الله يهديه و يهدي ازواجكم .. امين

[~قموووره~]

عجبتيني ياام كيموو وانا رائيي من رائيها الرجال مايمشون الا بالعين الحمره ههههه
<<<<ناويه تقلبي على زوجها خخخخخ

[سديم الليالي]

هاااااااااااي كل رجال تختلف طريقة تعبيرة عن الحب او الاهتمام
انا وعن تجربة احس ان الرجال كل ما رميتي نفسك عليه ودلعتيه بزيادة يمل ويحس ان هو هاد المعتاد كل يوم
بنصحك خفي من اهتمامك فيه حسسيه ان انتي الك كيانك وجوك الخاص بينيله ان عندك اهتمامات بالحياة وبينيله ثقافتك وعلمك
خديها قاعدة(عودي زوجك اد اعطاكي حب وحنان اعطيه)الحياة اخد وعطى

[همسه حنين]

وعليكم السلام ورحمة الله وبركاته

جربي الطنشيه ،،يعني تخففين من بعض تعاملك معه مو مرررررره طنشينه في كل شي،،
وجربي معه نفس إسلوبه ،، لأن البعض مايشوف حركاته وعيبه الى تتطبق قدامه ،،


والله يسخره لك ويهديه ـ

انا مع الراى ده جداااااااااااا

[مفاهيم الخجل 2]

طنشيه وخله يحس باللي كنتي تسوينه له ولاتتركين الكشخه ابدااا

[حلوة البنات]

حياتي اهتمي بالامور الجنسيه

يمكن هو يهتم بهذي الامور و تفكيره بس بهذا الشيء


ابتكري اشياء جديدة بالجنس و اللحس


و الا انك تطنشيه يا عمري


انا زوجي شبيه من كذا بس تعدل شوي

لان لاحظته اذا دلعته في الجنس يضبط معي

او احيانا اذا طنشته يضبط معي


عاد انتي شوفي زوجك ايش ينفع معه

[منال الروح]

انا اقولك له ماتعاملينه مثل مايعاملك
يمكن يحسسس ع نفسه شووي
الله يكوون في عوونك

[ضجيج خيبه]

الله يهديه ويسخره لك ان شاء الله

مثل ماقالوا البنات كل شي يجي بالحوار اساليه ليه وعن كل اللي يضايقك

وترا اغلب الرجال كذا جفاف عاطفي من ناحيه الكلام لكن تدل افعاله انه يحبك

[أم ترتيل]

حبيبتي معلومه اسمعها من زمان اذا تهتمين واااااايد في الريال يطنشج جربي تطنشية وجوفي الحل واكيد عنده مشكله , ليش ماتصارحيه يمكن فيه شي او خاش عنك شي او مو عاجبة شي

[السيدة الصغيرة]

اهمليه اسبوع وشوفي وذا سالك قولي له عن عدم اهتمامه فيك ......
والله يحنن قلبة لك .......

[أخت السحاب]

ياقلبي الله يصبرك ويهوون عليك

احتمال ان زووجك من النووع اللي مايحب الاهتمام المبالغ فيه يعني يحس انه محيط حياتج انتي كلها هو فقط
وبكذا مستقووي وشايف نفسه ولا يعبرج باي شي

شووفي ياقلبي ماراح انصحج نصيحه مادري راح تفيدج او تضرج لان النفسيات والشخصيات تختلف من شخص الى اخر

في عندج في منتديات بلقيس كثير مقالات ومشاكل تشابه مشكلتج وتحلها الدكتوره ناعمه الهاشمي وهي انسانه معرووفه بحل هذي الانواع من المشاكل شوفي المنتدى وحاولي اذا قدرتي تتواصلين معاها شخصياا وباذن الله ماتقصر معك بالحل

الله يسخره لج ويحنن قلبه عليج ويحفظكم لبعضكم يالغلا

[مملوحة الوصآيف]

طنشيه وعامليه مثل مايعاملك ترى وربي يرجع لانه بيحس بالقهر من معاملتك ولو صارحك او شفتي تغير في حركاته للاحسن لاترجعي على طول خليك ثقيله عاقبيه لحد مايعرف قيمتك وقيمة اهتمامك له .. والله يسخره لك ان شاءالله ويوفقكم

[ولائية]

حبيبتي ...

في رجال نوعهم جاف إذا تكشخ ليه زوجته يفرح لكن ما يعبر عن شعوره تجاهه , انا زوجي نفس الشي لكن اعرف انه فرحان بدونما يقول لي شي

وإذا اطبخ ليه طبخه جديده أنا الى أسأله شو رايك ونفس الشي دايماً أسأله شو رايك بملابسي والحين الحمد لله صار يقول لي رايه بدون ما أسأله

الشكله ان البنات حساسين ويهتمون بالعاطفه عكس الرجل ,, يعني لازم نتأقلم ونعودهم على الرقه ونعلمهم كيف يتعاملو معانه

والله يساعدك ..

[ام مرزوق]

انا اقول لك طنشية ثم طنشة ثم طنشية
تراة راح يشتاق لجمالك ولي طبخك والاهم
ملابسة لتطلعينها من الدولاب ولاتجهوين الفطور
ولاتشريلة هدايا لا تعطينة اهتمام بالمرة
ثم راح تشوفين النتيجة راح يسالك ليش منتي مثل قبل ويش الي تغير
قولي لة المثل بالمثل انت ماتهتم انا بعد ماهتم كني قاعدة اسوي للحائط
عطني اهتمام اعطيك اهتمام اشترلي هدية اشريلك هدية تمشيني في كل مكان
اسويلك كل الي نفسك فية يعني وحدة بوحدة

[Lo0l]

حبيبتي اسمعي هالرابط والله راح يفيدك كثير وراح تدعيلي http://m.youtube.com/watch?v=oYnW8UiYvTw

[جنوني فنوني]

ما ادري اش اقووولك بس سوووي زي ما الاخوات قالووو صارحيه ..

واذا ما نفع طنشيه لانووو امكن الشي الي تسوويه تشووفيه اهتمام

بس امكن هوا يشووفه خنقه او مبالغ فيه ..

في بعض رجال كدا ما يحب الحرمه الخفيفه او الي عواطفها زايده.


الله يسخرلك زوجك يااارب