المساعد الشخصي الرقمي

مشاهدة النسخة كاملة : فين القي تي شرتات حوامل في جده

hudhodh
06-26-2011, 05:28 PM
السلام عليكم ورحمة الله وبركاته
كيفكم اخواتي
حبيت اسئلكم لاني انا دوبي ساكنه جده
ابغى تي شرتات حلوه للحمل وطبعا نفسي تكون بصور اطفال بس صور حلوه مو شوه وسخافات
وبرضو ياليت اعرف فين القي البلايز الرسميه حقت خرجات وزي كذا
فديت حبيبي A
06-26-2011, 05:54 PM
حبيبتي نورت جدة بوجودك وشوفي ولا محل في جدة الا فية تيشرتات
حلوة
يمديك تروحي المولات الكبيرة وكمان الاسواق الصغيرة
روحي سيتي ماكس وسنتر بوينت واماكن كثيرة ياقلبي صدقيني ماراح تتعبي في جدة عن الملابس
ولو اعجبك تي شيرت وشفتيه صغير عشان الكروشة
لاتخافي اطلبي نفس التي شيرت بس مقاس اكبر عشان الكروشة بس وانحلت المشكلة
اقرب محلات فيها احلا ملابس

ويارب تنبسطي وانتي في جدة
حياك ياقمر
hudhodh
06-27-2011, 12:09 AM
تسلمي ياقلبي
بس تعرفي ايش المشكله
المشكله اني مررره كسوله يعني قدلي سنه ساكنه في جده وما احب ادور في السوق
يعني مررره احب احد يقلي روحي السوق الفلاني فيه محل اسمو كذا وكذا وكذا
ام ارجواااااان
06-27-2011, 12:49 AM
بالتووووووووووووووووووفيق
hudhodh
06-27-2011, 02:47 AM
ربي يوفقك يا ام ارجوان
فديت حبيبي A
06-27-2011, 10:03 AM
تيب اوك وين ساكنة بالضبط عشان اقولك اقرب سوق تروحيه
hudhodh
06-27-2011, 03:56 PM
عند النادي الاهلي
فديت حبيبي A
06-27-2011, 08:46 PM
يعني انتي ساكنة في التحلية
تيب في محلات كتييييييييييييير هناك ومن ارقى الماركات ماعرف ايش احدد لك بالضبط
واصلا صارت موضة اللي يلبسوها البنات
الكول والكيوت
زي البلايز حقت الحوامل واسعه وفضفاضه ومن تحت جينز ماسك< سكيني او زي البليون شربات هيلهوب.
وهناك في التحلية المولات والمطاعم والاماكن الراقية كلهاااااااااا جنب بعض
ماراح تتعبي
بداية من جدة مول وباقي المولات جنبه
ادخلي اي مول واسئلية عن محلات الحوامل اللي في المول وراح يقولك
فيرست بلازا اغلبه محلات اطفال وفيه كم محل ينفع للحوامل
وكمان في محلات على طول الشارع
ويلا خصصي يوم كامل ل السوق انتي وزوجك وروحوا وانبسطوا هناك
واجلسوا في الكوفيهات
والمطاعم
ماراح تملوا ابدا وانتي ساكنه في منطقة تجارية كبيرة ومهمة في جدة

بالتوفيق ياروحي
hudhodh
06-28-2011, 04:23 AM
مره شكرا ياقلبي تعبتك بكثر الاسئله :)
فديت حبيبي A
06-28-2011, 09:21 AM
عادي ياحلوة مافيها تعب ولاشي
لو ماساعدنا بعض محد راح يجي من برا ويساعدنا

حياك باي وقت واسئلي قد ماتقدري

تحياتي