خواتي بمنتديات حوامل ..خايفه انصدم (تحليل الحمل)

[مثل العسل غلاكم]

السلام عليكم ورحمة الله وبركاته
اول شي ..انا عضوه جديده بالمنتدى ..من زمان ادخل هنا وتعجبني مواضيعكن مره
المهم : انا تأخرت علي الدورة أكرمكم الله خمسه ايام ..دورتي منتظمه كل 28 يوم والحمدلله .. وصار لي من جبت ولدي الله يخليه لنا يارب ثلاث سنين ونص وحاولت احمل بعد ولادته بست اشهر بس ماكو فايده على الرغم اني مااخذت ولا مانع أبدا"
ماخليت مستشفى ولا مركز علاج ولا مراخه ولا أعشاب ولا ولا ألا وأستخدمته ...
أخر شي دلوني ناس على حرمه هنا بالشرقيه تمرخ وتعالج..
قالي زوجي بوديك لها ..بس ماتحمست ..قلت له خلاص انا تعبت ..وعلى فكره زوجي كان عنده شوي تعب (بروستات- وحركة الحيوانات المنويه بطيئه ) المهم قال خلنا نجرب الناس يمدحونها وتعالج بإذن الله من أشياء كثيره ..
المهم اخر مره تعالجت كان قبل اربع شهور عند الدكتور (رضا الشمري ) بالرياض مركز (عجب العجاب ) بس مره تعبت من علاجه ومرضت وتنومت بالمستشفى ثلاث ايام من اللآم الكلى ..اظاهر اعشابه ماناسبتني ..بس بصراحه هو الوحيد اللي شخص حالتي على انها نظرة (عين وحسد )
المهم ماأطول عليكم ...
رحنا أنا وزوجي للمره هذي
بيت قمة التواضع ..تحتضنه مدينة عنك (بالشرقيه)
حرمه قمة الروعه ..والأخلاق ...
أقعدها المرض بسبب قدميها ..أرمله ..تربي أبنائها على ماتحصل عليه من تطبيب الناس .. تدعى (أم محمد ) ..
تدخل إلى قلبك من أول وهله ( والله اني كنت خائفه قبل ادخل عليها .. وغير متحمسه للعلاج ) ولكني ماأن دخلت عليها وتحدثت معها حتى أرتحت كثير كثير ..
...شرحت لها رحلة علاج الطويله والمتعبه من أجل الحمل ...
وبدأت تمس مواطن الوجع في جسدي المنهك وكأن يدها تشعر مابي من أوجاع ...ومرختني ....ألم شدييييد لا أستطيع أن أصفه لكم ..قالت بالحرف الواحد(يابنتي رحمك مايل مره : قلت لها :بس أنا مرخت قبل ....قالت : امرخوك مثلي ! ؟ قلت : لا
كانت تضغط على مكان الارحام وتعصرها فينعصر قلبي معه ثلاث ايام متواليه اذهب اليها ... وتمرخني ...
وقالت لي: لديكي نظره وحسد عندما كنتي حامل بابنك ...
وأعطتني عشبه مره جدا" تنظم الهرمون ,,,واعشاب وتبخيرات من أجل الحمل ..اما العين فقالت لي أسمعي رقيه شرعيه بانتظام ...
مشيت على كلامها ,,,واستخدمت علاجها انا وزوجي معا" كما أوصتنا وحتى التبخيرات ....(ملاحظه) : هذه السيده الفاضله ترى ماتاخذ الا قليل وتراعي حال الناس ....
المهم تميت شهر استخدم العلاج انا بديت معها الشهر اللي راح على اخر الشهر وجاتني الدورة يوم 16/6./1432..بعدها رحت لها وماسوت لي شي بس نصحتني بتكملة العلاج
الهم .... انتظرت الدورة تجي 13/7/1432 لان دورتي كل 28 يوم
الدورة ماجات! انتظرت الى 15/7 قلت يمكن حاسبه لنفسي خطا ... وبرضه ماجات ...واليوم لي رابع يوم متأخره وماشرفت ...أنا بالبدايه قبل موعدها بكم يوم احس نفسياتي زفت وعصبيه مره خاصه على ابني واشتهي اكل معين ولما اقوم من النوم او جلسه بسرعه ادوخ حيل وماااشوف وفي حراره بجسمي وخصوصا مفاصل ارجولي وثقل برحمي الايسر والام مثل الدورة بس على غير شوي يعني ماااغص ويخف شوي وبعدها يرجع ولما اجلس احس مثل الحصا بوسط رحمي مقدر اكندس اكثر ونفسي ضايق ولساني جاااف مره واعطش واروح الحماااام بكثره لدرجة الملل اما عن النوم فهو باستمرار وزوجي يقولي وش سالفتك مع النوم شكلك حامل ..
طلعت البارح الصيدليه واشتريت جهاز حمل منزلي
ولما جا الصبح وقمت حللت طلع لي خط واااضح وثاني خفيييييييييف يالله ينشاف ماتتخيلون وانا اسوي التحليل كيف اتنافض وارجف خايفه ..على الرغم اني واثقه بربي اني حامل لان عمر دورتي ماتتأخر ابد...بس شكيت قلت يمكن تأخرت من الاعشاب اللي استخدمها..
المهم خليت الجهاز ورحت عنه ....
وقلت لزوجي مشتهيخ كبده حارة بسندويتش طالع فيني وقال (ايييه بوادر حمل ) قلت لا انا بس مشتهيه مع العلم صار لي فتره لما اروح الدوام اشتري ساندويتش كبده حاره وأكون شافيه عليها مره ...
راح المسكين واشترى لي كبده واكلتها اليوم بكل استمتاع وتذوق ...
دخلت دورة المياة لقيت الجهاز ناظرته تخيلو وش شفت ؟؟؟؟؟؟؟!!!!!!





لقيت الخط اللي ماكان واضح (اصبح وااضح وينشاف ) مدري ليه على الرغم ان التعليمات يقول خمس دقائق يظهر الخط ..فرحت بصراحه وطرت من الفرحه بسسسسسسس خايفه..
مدري وش اسوي انتظر واحلل اختبار منزلي
او اروح المستوصف واسوي تحليل دم


خواااااااااتي افيدوني ........هل الأعراض اللي صارت لي ..صارت لوحده منكم

[:: Galaxy ::]

حبيبتي إن شاء الله بإذن الواحــد الأحـــد تكوني حامل
مادام دورتك متأخرة ،، على طول روحي حللي تحليل دم
دورتك متأخرة ونتيجة تحليلك موجب ضعيف ،، أتوقع يكون حمل بإذن الله
حللي وفرحينا يا الغالية ،،،

[فولة]

اللة يكتب لك الحمل ياربي
حللي دم وانشاء اللة حامل

[مثل العسل غلاكم]

تسلمين والله ارتحت من كلامك اخت جلاكسي
بس يعني ايش حمل موجب ضعيف

[من دار بومتعب]

عزيزتي

الله يرزق قلبك بالفرحة اللي تتمنينها ويرزقك بالحمل والذرية الصالحة

[الراقيه ستايل]

هلا حبيبتي رووحي حلللي دم وان شاااء الله اتبشرينه حاااااااامل وانتبهي ع نفسش

[مجاديف الزمن]

يااااااااااااااااااااااااااااارب تكوني حااااااااااااااااامل
الله يفرح قلبك ويرزقنا وياك الذريه الصالحه..
آميييييييييييييييييييييييييييييييييييين

[ام ايات]

الله يفرح قلبش

[هدوء انثى]

قصتك حمااااااس
طبعا حللي دم وبلا تردد
ولاتزعلين من اللي كاتبه لك رب العالمين
وانا واثقه انك حامل
ويارب يجبر بخاطرك
بليز اعمليه بسرعه وتعالي بشرينا في موضوع جديد

[روح الطفولة]

حبيبتي ان شا الله تكوني حامل يارب وياريت تبتعدي عن الكبده في اول الحمل لانها بتسبب الاجهاض اني مستبشره فيكي خير وياااارب تكوني حامل وكل محروم يارب

ربي لا تذرني فردا وانت خير الوارثين

[(دقةقلب)]

يارب تكوني حامل وتبشرينا امييييييييييييييييييييييييييييييييييييييييييييييين

[غربة روح]

بأذن الله حاااامل
روحي حللي دم
وخليك متفااااائله

[وريف~]

ياقلبي حامل يلالالالا بسرعة
حللي دم<< شفتي الحماس
الله يتمم امورك ع خير

[مثل العسل غلاكم]

مشكورررررين على مروركم الذي اعتز به

[لمسة دفا]

طيب وش صار معك يالغلا

[mrs.kattan]

يااااااااااااااااااااااااااارب تكوني حامل انشالله ربنا بيفرح قلبك حللي دم واطمني اكتر وتاكدي من الحمل

[غادة9]

الله يعطيكي يارب لحتى تحكي يارب رضيت

خلي املك بربنا كبير وربنا ما بنسى حدا

الله يجعلك من الحوامل يارب ويسعد قلبك وقلبك اهلك وقلب زوجك
انتي وجميع المحرومات
الله يعطيكم يارب

[مثل العسل غلاكم]

مشكورااااااات خواتي ولحد الأن مارحت واليوم سادس يوم لي وماجات الدورة بس اعراض الحمل احس فيه لان قبل حملت بولدي الوحيد ويارب يرزقني ويرزق كل محرومه ...

[جنا القمر]

الله يرزقك وان شاء الله يارب حامل والله يتمم لك على خير

[وريف~]

يا قلبي بشرينــــــــــــــا شو صار معاك

[امونه.~]

بصراحه قصتك جونان مع القراءه احس حالي متحمسه....بس ان شاءالله تزينيها بخبر حملك يااااااااااااااااااااااااااااااااااااااااااااااااا اااااااارب بس تكفين لاتنسينا من الدعاء والله محتاجينه .....

[*رحمه*]

ياااااااااااارب تكوني حامل و تيجي تبشرينا ، و ربنا يرزق كل المشتاقين بالحمل عاجلا غير آجلا يارب العالمين

[مثل العسل غلاكم]

صباح الخير........ كيف حال الجميع ؟


رحت المستوصف البارح ..... وسويت أختبار حمل دم ....بس لما دخلت على الدكتورة















انشغلت بملفي بيدها تقلب بصفحاااته وانا اعصابي رايحه فيها ......وارتجف (حرام عليها لو قالت لي اهون علي من حرق الاعصاب )

قالت لي :اسمعي ياأختي : كم عندك طفل قلت واحد بس قالت الله يخليه
وسقطتي قبل ؟ قلت لها: ايه والله سقطت بعد ماجبت ولدي حملت بعد ثلاث سنيين بس سقط
طيب ايش السبب . قلت مدري ؟؟؟؟!!!!
وهي تناظر صور فحوصات بالسونار قبل كم شهر ؟؟؟ راحت تناظر الممرضه والممرضة متوجمه بوجهها وتناظرها ..
قالت طيب يااختي ...تعالي لي بعد اسبوعين اسوي لك فحوصات لازم
قلت انا حاضر يعني مافي حمل يعني معاناة جديدة وفحوصات
قالت لازم نسوي الفحوصات هذي عشانك











وعشان الجنيين !!!!!!!!!!!!!!!!!!


مبرووووووووووووووووووك ياحبيبتي انتي حامل والله يبارك لك فيه






تخيلو شكلي وانا اسمع الخبر .....مااقدر اوصفه لكم !!!!!!!!!!!!


خرجت من عندها وانا ارتجف ومتلعثمه في الكلام الله يبارك فيكي الله يبارك فيكي يادكتورة ...وكانت تمثل علي هي والممرضه (يالله سامحتهم )


وأخيرا" بأنضم للكروشات وعقبااااااال يارب كل محرومه

[ام مؤيد28]

الفففف مبرووووووووك والله فرحت لك من قلبي

[مثل العسل غلاكم]

يسلموا ياأم مؤيد ربنا يرزقنا وياك

[نجمةالشرق]

مدام طلع لك خط ثاني اذن مبرووووووووووووووووك حامل

[وريف~]

هلا والله دايم ادخل موضوعك ابشوف أخبارك
ياحيااااااااااااتي الف الف الف الف مبروووووووووووووووك
الله يتمم لك امورك ع خيــــــــــــــــــر ويحفظلك ولدك يارب

[مجاديف الزمن]

الف الف الف الف مليوووووووووووووووووووووووووووون
مبرووووووووووووووووووووووووووووووووووووووووووك
الله يتمم لك حملك على خير ..

[تالييين]

الف مبرووووك ويارب يفرحك بتمام حملك وبشوفته وعقبالي يارب لاني مسقطة مرتين والحمدلله عندي اطفال وياليت ياقلبي ترسلين لي على الخاص عنوان الممرخة وصراحة اسلوبك الروائي رووووووووووووووووعة

[أ م ل]

من كلامك اعراضك كلها اعراض حمل
الله يثبت حملك وتقومي بسلامة

[أورجه البنفسج]

الف الف مبروووك الله يتتمم لك على خيررر دعواتك لنا...

[مثل العسل غلاكم]

لكل من وضع بصمة ناعمة على موضوعي ....أبعث له بورده جوريه

وعنوان الحرمة ماعندي لها رقم بس هي بالسعودية بالمنطقة الشرقيه ببلدة (عنك ) بكسر العين وفتح النون والله يرزقنا وأياكم الصحة والعافية يارب .......
وعلى فكرة انا لما كنت اروح لام محمد واجلس بالإنتظار (الصاله) كنت اسمع روايات تشيب الراس عن قصص المرضى اللي عالجتهم اصعبها قصة مرأة كانت مصابة بسرطان الثدي أجارنا الله منه وكان مقرر لها قبل ان تضع هذه المرأة الفاضلة يدها وتبدأ رحلة علاجها على يدها باسبوع فقط عن موعد عملية (إستئصال) حيث قامت بعمل حجامه للصدر وسحب كل الدم الفاسد والتكتلات من الصدر والذي كان قد تسرطن في صدرها وسبحان الله العظيم ذهبت المريضة للمستشفى وطلبت فحص اخر وكانت النتيجة دهشه وانبهاااااار كادر المستشفى ......وسئلوها (ماذا فعلتي )؟؟؟؟؟!!! أين ذهب الورم .... لا أثر له .... وانا سمعت بنفسي قريبة هذي المريضة تحكي القصه واكدتها لي ام محمد ...
قصص اخرى مثل طفل عمره اربع سنوات لايتكلم الا كلمات غير مفهومه ويطيل بنظراته الى الاعلى ولا يركز لمن يناديه وشصت حالته هذه الحرمه المعالجه بأنه فقط يرى مالا نراه (الجن ) وهم يشغلونه بذلك واكدت والدته انه تغير كثيرا بعد العالج ..
وقصص اخرى ...... كانت قصتي كما سردتها لكم من نجاحات أم محمد في العلاج

[فطومة1409]

الف مبروك حبيبتي ويا قلبي حصني نفسك وزوجك وولدك والله يحميكم ويتمملك حملك على خير ويفرح قلوبكم بالنونو يا رب

بس عندي سؤال وين مكان الحرمة الي رحتيلها بالضبط في عنك؟
ولا اي وسيلة اتصال عندها؟ حتى لو تليفون ثابت ابغاه ضروري اذا تسمحين

[جالكسي و الدنيا عكسي]

الف مبرووووووووووووك
الله يتمم لك شهورك ويسهلك ولادتك ..

دعواتك ....

[حِلمْ الأُمـوُمَـهـْ]

ألف مبرووووك حبيبتي ,,

ربي يثبت حملك ويقومك بالسلآمة ,,

دعوآتك لي بالذرية الصآلحة ,,

[أنـــ غير ـــا]

الف الف مبروك
ديري بالك على نفسك

[نَيرُوز]

الف الف مبروك ياقلبي وربي يثبتلك حملك يارب ويتمملك على خير يارب حبيبتي ادعيلنا الله يرزقنااااااااااا الحمل يارب قبل رمضان قبل شهر الكريم

تحياتي لك

[سوهان]

الف الف مبرووووووووك الله يثبته لك وتقر عينك بشوفته

[تفاحة حمرا]

آلف آلف مبروووووك ياقلبي
والله يتمم عليك بالخير
وعقبالي آنشالله آدعولي

[همس الجروح]

الف الف مبرووووووووك الله يثبته لك وتقر عينك بشوفته ويثبت حملي

[دلع سارة]

يا سبحان الله

قصتك طويلة والحلم تحقق الحمدالله ,,,ربي يثبت لك حملك ...ويسعدك دنيا واخره

ربي يحفظك من كل شر

[مثل العسل غلاكم]

الله لايحرمني طلتكم واللي سألتني عن عنوان الحرمه انتي بس روحي بلدة عنك ووصلي عن السوق التجاري مالهم وبالضبط عند جمعية البروأسألي عن أم محمد اللي تعالج الحريم واي احد بيدلك بيتها على نفس الشارعاما رقمها مو عندي ولا تتعبين عمرك حتى لو عندك رقمها مااااااترد روحي وبس وتستقبل من تسع الصبح لحد الظهر ومن ثلاث العصر لحد تسع مدري ثمان بالليل

[xRano0x]

ماشاءالله تبارك الرحمن ..
الف الف مليوووون مبرووووك عزيزتي الله يتمملك بخيييير
ويجعله من الذريه الطيبه المباركه
والله يرزقنا ويااااكم ويفرررح قلووبنا ونعيش هاللحظاااات ..

[مثل العسل غلاكم]

ماشاءالله تبارك الرحمن ..
الف الف مليوووون مبرووووك عزيزتي الله يتمملك بخيييير
ويجعله من الذريه الطيبه المباركه
والله يرزقنا ويااااكم ويفرررح قلووبنا ونعيش هاللحظاااات ..


تسلمي يالغلا