من صار فيها جدري وهي حامل او صار لاحد من قرايبها ؟؟

[سمو الاميره]

ياخواتي اكتب لكم ويعلم الله الالم اللي اعانيه خاصه ان الدكاتره رفضوا يعطوني اي شي يخفف الالم لانه مضر علي وانا اللحين بنهاية الشهر السابع وانا خايفه من اللي اسمعه ان الجدري يسبب تشوهات للجنين .وبالذات ان حركة الجنين صارت نادره جدا وبالاول ماشاء الله ماتعدي اثنيه الا واحس فيه
وانا لليوم اسبوع حراره وتوه امس بينت فيني الحبوب واليوم جدا تالمني والله اني مانمت للحين وحاسه انه بيغمى علي من الضيق التنفس والالم ساعدوني الله يجزاكم خير وش الحل ؟

[فوق مستواااك]

الله يشفيك يالغلا .... والله صاب مرت ابوي قبل 3 سنين تقريبا ..وكان شديد وتنومت بالمستشفى اسبوع كامل وزياده ع كذا صابها (ابو وجه معه)) ((وجهها صار ملتف وتعاجت بالتدليك الكهربائي))

وماشاء الله جابتلي اخوووو مثل القمررررررررررررر.. ومافيه الا العافيه ..

تطمني يالغلا.. والله يفرحك بشوفته سليم معافى ياااااااااااااااارب

[سمو الاميره]

يعني اروح المستشفى اترقد وش ممكن يسوون لي ؟؟ اذا اصلا كل مارحت يقولون مانقدر نسوي لك شي والجدري منتشر عندي شكل فضيع حتى بالمنطقه الحساسه وفروة راسي وحلمة صدري وتحت لابط باماكن صعب تحتمل انا جدا متالمه ساعدوني

[فوق مستواااك]

ياقلبي.. روحي للطواري وقولي مااقدر اتحمل ((زي ماسوت مرت ابوي)) اساسا لما يشوفون قد ايش منتشر يقرورن لك تنويم ..بس مايعطونك شي ماعدا مرهم حق الجدري ... والله يعيينك ويشفيك يااااااااارب

[أم رنيم وسديم]

الله يشفيك حبيبتي لا تخافي يسبب تشوه في الشهور الاولى اما في الشهور الاخيره بإذن الله ماراح يجيك شي .. حاولي تلبسي ملابس قطنيه خفيفه حتى مايكثر ..نسيت اقولك زوجت اخوي جاها وهي حامل في الشهور الاخيره وجابت ولد بسم الله عليه مافيه شي ...

[التفاحه الحمراء]

انا اختي
جاها وفي الشهر السابع
مثل ماقلتي
مارضو يعطونها شيئ
وانتشر في جسمها بشكل موو طبيعي

وجابت ولد اللهم صلي على محمد وعلى ال محمد زي القمر مافيه شيئ

[سومااا]

ياخواتي اكتب لكم ويعلم الله الالم اللي اعانيه خاصه ان الدكاتره رفضوا يعطوني اي شي يخفف الالم لانه مضر علي وانا اللحين بنهاية الشهر السابع وانا خايفه من اللي اسمعه ان الجدري يسبب تشوهات للجنين .وبالذات ان حركة الجنين صارت نادره جدا وبالاول ماشاء الله ماتعدي اثنيه الا واحس فيه
وانا لليوم اسبوع حراره وتوه امس بينت فيني الحبوب واليوم جدا تالمني والله اني مانمت للحين وحاسه انه بيغمى علي من الضيق التنفس والالم ساعدوني الله يجزاكم خير وش الحل ؟


حبيبتى ما تخافي

اللى يخوف الحصبة فقط

اما الجديري

لا

وكمان انتى ما شاء الله عديتى فترة الحمل الصعبة

لا تخافى والله

[سمو الاميره]

الله يوفقكم ويسعدكم ريحتوني ماتشوفون شر ولا الغوالي