طلب مساعده من معلمات المدارس الاهليه

[اميره بكلمتي 2]

السلام عليكم يابناات
الله يسعدكم ياارب حبيت استفسرمنكم وياليت ماتبخلون الله يرزق كل من ترد بوظيفه
انا اختي انقبلت في مدرسه اهليه تدرس الصف الاول الابتدائي
لمادة لغتي
بس انها محتاره يابنات هل تروح والا لا
طلبوها توقع عقد معهم
وتراها اول مره تدرس مادرست من قبل وماتعرف شروطهم ولاعقدهم وش بيقولون فيه
هل يحددون الراتب لها من خلاله قالولها الراتب 1500
قبل نزول قرار الملك بزيادة رواتب الاهليه
بس مادري الحين هل القرار يشمل المدارس الابتدائيه بعد والابس ثانوي ومتوسط لاني سمعت انه مايشملهم بدى التلاعب عاد hwaml15
عشان كذا سالتكم يابنات هي محتاره هل تروح والا تستخير الله
لان اللي مرددها بعد هو هل تنحسب لها خبره في هالمدرسه وتدخل بالمفاضلات التعليميه لان شهادتها بكالوريوس.

اللي عندها معلومه تفيدنا وتفيد البنات الله يوفقكم يالغوالي
ولاتطنشووون موضووعي بليييييييز يابنااااااات
وبايش تنصحوني اقلها اذا راحت توقع العقد معهم

انتظركم بفارغ الصبر حبيباتي والله انها في حاجة للوظيفه وخلوها على الله.؟

[اميره بكلمتي 2]

ومازال الانتظار جاريااا

يابنات تراني مو فاتحه حديقه تتمشون ولاتردون علي ههههههههههههههههههه
لحد الان 10 مشاهدات؟.

تعالو قولو اي شي

[اميره بكلمتي 2]

استغفر الله بس؟؟

[اميره بكلمتي 2]

وينكم يابنات معقوله ماتعرفون شي؟
لاحول ولاقوة الا بالله

[كل الحلى]

ههههههههههه من جد ضحكتيني بفاتحة حديقة

عموووما ياقلبي أنتي خليها تقرأ العقد وتشوف وش تنص عليه البنود
وعلى أساسه توافق وإلا لا

وإذا على الخبرة إي تنحسب لها حبيبتي

وقرار الملك شمل جميع المدارس الأهلية بجميع مراحلها
أما إذا تلاعبوا فهذا منهم

وإذا تبين رأيي خليها تتوكل على الله وتدرس عندهم شيء أحسن من لاشيء
وفي النهاية تآخذ خبرة رآح تستفيد منها أول في طلبات التوظيف
وثانيا إذا درست بعدين في حكومية إن شاء الله إلا تصير قد تمرست وعرفت
وش تسوي

والله يوفقها يااااااارب ويكتب لها اللي فيه الخير

[اميره بكلمتي 2]

الله يسعدك ياكل الحلى
والله انك اسم على مسمى فديتك

جعلها في موازين حسناتك يالغلا
وتسلمييييييين على ردك حبيبتي الله يوفقك ياارب

[كل الحلى]

نسيت أقول لك حبيبتي

شوفي المدرسة إذا مامشت على قرار الملك من ناحية الراتب
لازم يتم تبليغ وزارة التربية والتعليم عنها
لأن أي مدرسة ماتتبع قرار الملك يتم شطبها من لائحة المدارس

وخليها تحتفظ بصورة من العقد عشان لو كان منافي للقرار تبلغ عنهم

[اميره بكلمتي 2]

ابشري ياقلبي
تسلمين على التنبيه
بقول لاختي لاتكتب عقد من دون ما تاخذ صوره منه
ولاتوقع عليه حتى تستفسرعن كل شي
الله يسعدك يالغلا ويرزقك يارب