للمتابعات في المركز الطبي الدولي بجدة [الأرشيف]

أم ح ــنونـہ

06-09-2011, 11:35 AM

يسلموووووو يا قلبي على الموضوع
انا اتابع مع الدكتوره هناء بدران اخصائية مصريه
طبعا رحت لها مره وحده للحين ويوم السبت رايحه تاني
والصراحه من اول مقابله الدكتوره والممرضه حقتها زي العسل
طبعا انا على التأمين وقالوا بس يوصل المبلغ 100 ريال ماراح تدفعوا شي
والحمد لله

marmoorti

06-09-2011, 12:56 PM

عزيزتي..
أنا كنت بتابع عند الدكتوره_سوسن عبد الدايم_
ماشاء الله دكتوره ممتازه بمعنى الكلمه و بالهااااااااااااا طويل عليكي وقت الولاده..
و إلى الأن ماشاء الله بتابع عندها...

الله يقومك بالسلامه..

sweety

06-09-2011, 10:12 PM

يسعد مساكم
انا اتابع عند الدكتورة سوسن عبدالدايم بصراحه ممتازه واخلاقها عاليه
ومازلت اتابع معاها

sweety

06-09-2011, 10:15 PM

ابسالك مرمورتي اذا صح اسمك
ولدتي عند الدكتورة سوسن ياريت تقولي كيف جاتك من اول ما دخلتي لحد ما ولدتي
ردي الله يسعدك

ام عبدالله 86

06-09-2011, 11:08 PM

الله يسلمك ياسوسو والله يعطيكي ساعة السلامة يارب
د.سوسن تقبل التأمين ولا لا؟؟

أم ح ــنونـہ

06-10-2011, 04:52 AM

ام عبد الله
الدكتوره سوسن عبد الدايم
انا سمعت انها تقبل التأمين

marmoorti

06-10-2011, 01:47 PM

عزيزتي سويتي..
الله يقومك بالسلامه يارب..
أنا أول مارحت المستشفى عشان أولد..شافتني الدكتوره المناوبه عشان تحدد ولاده ولا لأ..
و بس يتحدد إذا ولاده يتصلوا على الدكتوره..
أنا أول ماتحدد ولاده أتصلوا فووووووووورا على الدكتوره و كانت عندي بالصباح و صارت تجي كل شويه عشان تتطمن على الوضع..لحتى ولدت..

بس ماشاء الله بالها مررررررررررررررررررره طوييييييييييييييييل..

عزيزتي أم عبد الله..
الدكتوره سوسن تقبل التأمين..
و إن شاء الله الله يقومك بالسلامه..

sweety

06-10-2011, 02:17 PM

مشكورة مرمورتي
الله يجزاك خير
ام عبدالله انا عند الدكتورة سوسن عبدالدايم وتقبل تامين

أم ح ــنونـہ

06-10-2011, 11:46 PM

كيفكم يا كروشات
انا يوم الاحد بعد صلاة الظهر
رايحه للدكتوره هناء
عشان اشوف نتائج التحاليل
وان شاء الله خير
دعواتكم

ام عبدالله 86

06-11-2011, 04:55 PM

سوسو - مرمورتي - سويتي
تسلموا والله يسعدكم ويتتملكم على خير يارب

الله ييسر امرك ياسوسو ويطمن قلبك يارب
لاتنسي تطمنينا عليكي

أم ح ــنونـہ

06-11-2011, 07:37 PM

تسلمي ام عبد الله
بس ارجع بكره من المركز
راح اطمنكم ان شاء الله
دعواتكم ^^

سبحانك اللهم وبحمدك

06-12-2011, 10:53 AM

الله يسهلكم يارب وتولدو بالسلامه
دعواتكم ياكروشات اني احمل بهذا الشهر تعبت الانتظار
وانا من جده وعايشه في مكه بس باولد دايما بجده وبضل متابعه موضوعكم

أم ح ــنونـہ

06-12-2011, 05:12 PM

كيفكم يا حواااامل
انا جيت العصرمن عند الدكتورهـ
والحمد لله التحاليل سليمه وزي الفل
حتى دمي زاد كان 9 دحين صار 10 ^^
ووزني زاد نص كيلو بس ههههههه
وقالتلي انه لازم استمر على الحديد والكالسيوم وحبوب الفيتامين
ولما عرفت انه دمي -o اعطتني ابره
قالت بعد الولاده لو البيبي فصيلة دمه سالبه زيي ماراح آخد ابره
اما لو فصيلته موجبه ساعتها لازم اخذها تاني
والحمد لله على كل حال
وهاي آخر الأخبار :)

حرم الشريف

06-12-2011, 06:21 PM

أسعد الله أوقاتكم بكل خير وعافية

أنا من المتابعات الجداد في المركز الطبي وبما أني بكرية تساؤلاتي كثييرة
وألاقي بفضل الله بعض أجوبتها عندكم فبصراحة أنا فاتحة ملف في الأطباء المتحدون
وكان نفسي أتابع عند الدكتورة فاطمة النمر لسمعتها وأخلاقها العالية بس للأسف طلعت في اجازة
وحجزت ع البركة عند الدكتورة ناهد فاروق بس اتأخرت ع الموعد نص ساعة لظروف
المهم لقيت الدنيا زحمة وانا متخوفة فاتجهت بعدها للمركز الطبي وما شاء الله حسيت رغم خوفي انو كل شي اتيسر
طلبت الدكتورة سوسن وكان عندها زحمة فقالتلي الموظفة بأمكاني الحجز عند دكتورة غيرها ووإذا ما ارتحت عندها اقدر اغير
فحجزت عند سحر العيدروس وكأول زيارة حسيت براحة وحسيتها انسانة عملية بس برضوا متخوفة ومترددة مدري ليه؟
طمنوني يجزاكم ربي بكل الرضا علما بأني في الشهر الثامن , وتأميني كلاس a.

sweety

06-12-2011, 06:51 PM

هلا حرم الشريف
انا اتابع مع الدكتورة سوسن عبدالدايم
والمشكلة اجازتها في 26 -7
وانا لسى في اول التاسع يارب اولد قبل ما تروح لانها بصراحه ممتازه
واغلبية الدكاتره في هذا المستشفى ممتازين

حرم الشريف

06-12-2011, 07:54 PM

يا هلا فيك سويتي , إن شاء الله ربنا يطمنك ويسهلك ولادتك ع خير ويقومك منها بالسلامة .والجميع يارب,
طيب انتي ع التأمين حتولدي؟

ام عبدالله 86

06-14-2011, 07:09 AM

الله يحققك ياختي اتمنى الحمل دا الشهر انتي وصديقة عمري يارب وكل وحده تبغى تحمل
انا بقولك عن نفسي انا حملت بعد زواجي بسنة و4 شهور وقبل 8شهور رحت عند د.سلمي بغدادي وعملت تحاليل انا وزوجي وطلعت سليمة الحمد لله بعدها قالت ليا الدكتورة اعمل اشعة الصبغة للكشف عن انابيب فالوب و زوجي ماكان راضي اعملها لكن استخرت وعملتها وطلع عندي انبوب مسدود وقالت الدكتورة انسداد انبوب واحد يجعل نسبة الحمل 50 % المهم وطلعت من عندها وماعملت شيء وطلعت الحج ودعيت ربي في اماكن يستحب فيها الدعاء وكنت استغفر ربي والحمدلله ربي اكرمني بعدها

الحمدلله ياسوسو اتطمنتي على نفسك وعليه لكن حاولي تزيدي نسبة الهيموجلوبين ترى النسبة الطبيعية لازم يكون 13 والله يفرحنا بسلامتك يارب

هلابك حرم الشريف منورة الله يتتم لك ونفرح بسلامتك
من جد د.سحر جدية لكن انا ارتحت معاها خلتني اقول كل اسئلتي وهيا تجاوبني الله يسعدها مع اني كنت اخر وحده ادخلها لكن الولادة عندها وعند د.سلمي ب2500 تندفع كاش لهم ود.سما ناظر 4500 و 300 عند كل كشفية ود.حنان الشمراني قالولي مافي متابعة معاها في المركز لكن تجي تولد بس .

أم ح ــنونـہ

06-14-2011, 10:26 AM

^^
ان شاء الله ياقلبي
انا اخذت موعد مع الدكتوره
يوم 3/7 ميلادي طبعا
والله يجيب اللي فيه الخير

sweety

06-14-2011, 06:41 PM

مساء الخير
ايوه انا حولد على التامين يا حرم الشريف
بس اذا ابغى نفس دكتورتي الي اتابع معها هي الي تولدني ادفع 1500
واذا ما دفعت على حسب الدكتتور الي يكون موجود

حرم الشريف

06-15-2011, 04:01 PM

مساء الأنوار

أهلا سويتي , مشكورة يا عسل على ردك وربنا يسهلك كل أمورك .
الله يطعمك ياللي تتمني الحمل ويفرحك قريب .
النور نورك أم عبدالله ويفرح كل الحوامل ويقومهم بالسلامة يا رب , على كدا انتي ما شاء الله متابعة عند الدكتورة سحر ؟؟ صح .يعني تنصحيني أكمل عندها متابعة
علما بأني دخلت من أسبوعين الشهر التامن .
وصحيح زي ماقلتي واضافة سويتي أنو في حالة طلبتي عند الولادة استشاري بتدفعي 4000 وإذا اخصائي 1500 واذا الدكتورة سلمى أو سحر بتدفعي 2500
بس أنا بوكل أمري لله لأني بصراحة راح استخير عشان أخد أبرة الظهر ,
فنفسي أعرف مين الدكاترة اللي بيناوبو عادة في المركز ؟
وإن شاء الله راح اسألهم اذا رحت ع موعدي بس لو عندكم اجابة وخلفية يا ريت تجاوبوني , وربنا يسهلنا بولادة ميسرة من عندو .

ام عبدالله 86

06-16-2011, 06:55 AM

انا رحت عندها مرة وحده عشان دكتورة هبة ماكانت موجودة لكن ارتحت معاها وراح اخذ موعدي الجاي عندها وان شاء الله بكمل معاها.
والله ماعندي خلفية عن الدكاترة المناوبين لكن اتوقع انو ممكن يكون رجال ويقولولك مافي غيرو عشان كده انا ابغى اشوف دكتورة ممتازة عشان اكتب اسمها وتجيني وقت الولادة وان شاء الكروشات يفيدونا اكثر ...

حرم الشريف

06-16-2011, 08:24 AM

صباح الخير أم عبدالله
إن شاء الله ربنا ييسر لك ولكل الحوامل ويقومنا بالسلامة يا رب
مممم مشكلة لو كان المناوبين دكاترة رجال!!
طيب واعذريني ع سؤالي متى موعد ولادتك إن شاء الله ؟

sweety

06-16-2011, 02:33 PM

مساء الخيرات
انا سالت دكتورت ي لوكنتي في اجازه مين حيولدني قالت حوصي عليكي لاتخافي
افضل الدكاتره
بس انا مو مطمنه لاني مابغى رجال يولدني

أم ح ــنونـہ

06-16-2011, 08:05 PM

كيفكم يا حلويييين
آه والله الخوف رجال يولدني
لالالالالالالا ما ابغى لالالالا
واذا جا رجال يولدني لا سمح الله
راح اخليه يولدني قيصري هع
لأن الصراحه احسها صعبه لو يولدني طبيعي

ام عبدالله 86

06-17-2011, 07:06 AM

الله يسعدك وتسلمي عالدعوة الحلوة وربي يسهلك انتي كمان يارب
ياستي موعد ولادتي ان شاءالله 24- 11-2011 وهجري 28-12-1432

اما اذا روحت لهم وقت الولادة وقالوا دكتور الله يعين يا اني استنى الدكتورة تجي او اروح مستشفى ثانية ....
والله ياسويتي افضل الدكاتره عندهم لازم تدفعي كاش قولي 1500-2500 مقدور عليها بس اكتر من كده مشكلة
لاوالمصيبة اغلبهم سعوديين
سوسو ياعسل كيفك وكيف العروسة معاكي الله يعطيكي ساعة السلامة ويجعلك تولدي طبيعي عند افضل دكتورة يارب
طيب ماتعرفوا اذا كانت د.حنان الشمراني مناوبة واحد ولد معاها يندفع لها كاش ولا لا ؟؟

أم ح ــنونـہ

06-17-2011, 09:48 AM

سوسو ياعسل كيفك وكيف العروسة معاكي الله يعطيكي ساعة السلامة ويجعلك تولدي طبيعي عند افضل دكتورة يارب

هلا قلبي
انا بخير والحمد لله
وعروستي الحلوه بتتحرك كثير ما شاء الله
شكلها راح تطلع شقية هههههه
آمييييين يارب
تسلميييييي حبيبتي

حرم الشريف

06-17-2011, 03:44 PM

أهلن كروشاتنا الحلوات
ما شاء الله يا أم عبدالله ربنا يسهلك وييسر لك الأيام وتعدي وتولدي بالسلااامة
ع بالي حتولدي قريب ما انتبهت لشريط حملك .
عارفة زي ماقلتي مو مشكلة في دي الحدود ندفع بس أنا بفكر اخد أبرة الظهر
عشان كدا بفكر أكتر من مرة , وأنتو ايش تنصحوني ؟؟؟؟
وإن شاء الله راح اسأل دكتورتي واطمن أكتر لأني بصراحة ما أحب الهجولة من مستشفى لمستشفى وإللي خلاني اسيب المتحدون الزحمة والانتظاااااار
بصراحة الطبي أريح بكتييير
وكمان تقدري على حسب ما سمعت إنك تطلبي الدكتورة حنان الشمراني
وفيكي تسأليهم لما تروحي وتتأكدي بنفسك .
ربنا يسهل علينا بولادة ميسرة ويقومنا بالسلامة

sweety

06-17-2011, 06:15 PM

مساء الخيرات
انا كمان طلبت ابرة ظهر يا حرم الشريف والله يستر
والدكتتوره تقولي افضل لك
وانشاء الله ولادتي قريب وانا على التامين يعني مادفع كثير بس 1500 لدكتورتي

حرم الشريف

06-17-2011, 10:43 PM

أهلييين سويتي
الله يطمنك يا رب ويكرمك بولادة ميسرة وسهلة والجمييع ان شاء الله.
طيب مين دكتورتك يا عسل ؟؟
لأنو ابرة الظهر ما يشملها التأمين ؟

sweety

06-17-2011, 11:13 PM

الدكتورة سوسن عبدالدايم
وابرة الظهر يشملها التامين انا سالتها بكم قالت يغطيها التامين
وهي عادة ما تتجاوز2500

حرم الشريف

06-18-2011, 12:29 AM

طب كويس لأنو بصراحة لما سألنا المستشفى نفسهم قالولنا ايش اللي يشمل وايش اللي ما يشمل عشان كدا سألتك بس مدام قالتلك الدكتورة خلاص هيا أدرى ,وصحيح سعرها مايتجاوز الـ2500.
يالا ربنا يسهلها ليا ولك ولكل حامل .
وماتنسي تطمنينا عليكي وع النونو بعد ما تقومي بالسلامة

أم ح ــنونـہ

06-18-2011, 01:04 AM

والله ذكرتوني بإبرة الظهر
راح اسأل دكتورتي عنها
وهل يشملها التأمين ولا لآ
طبعا انا دكتورتي هيا هناء بدران

•.ღ˚نور˚ღ.*•

06-18-2011, 11:40 AM

سلام بنات ،، أنا ولدت بالطبي الدولي قبل 5 شهور
وصراحة مستشفى في قمة الروعة من كل النواحي وراقي في تعامله
وكل دكاترته ماشاء الله قمة الروعة والأخلاق
أنا كان دكتوري رجال استشاري وكلمة انسان محترم قليل في حقه
بس أنا تابعت معه مضطرة نظراً لوضعي وحالاتي
وولادتي قيصري لظروف خاصة،، ولاني طلبته هو مخصوص دفعت
4000 زيادة ع التامين :)
طبعا راجعت قبل خلال حملي بالاطباء المتحدون وسلمان فقيه
بس مثل الطبي الدولي ماشفت في المعاملة والأخلاق..

حرم الشريف

06-18-2011, 01:58 PM

أهلين نور , الحمدلله ع سلامتك .
صدقتي فعلاً الطبي الدولي بصراحة غيير تحسي أنو ما كأنك أصلا في مستشفى
ودا شي للنفسية مرررة طيب غير أنو الزحمة اللي نشوفها في المستشفيات الباقية شي يطفش بس هينا بجد الفرق واضح .
الله يسهلنا ويقومنا بالسلامة .

ام عبدالله 86

06-18-2011, 02:16 PM

الحمدلله على سلامتك يانور لكن ماقولتي لنا اسم الدكتور
واظنه خالد خداوردي

ام عبدالله 86

06-18-2011, 02:26 PM

صحيح المستشفى جدا مريحة نفسيا يكفي انو مافي زحمة هادا شيء مهم hwaml7
ومواعيد بعض الدكاتره مومضبوطه في دكتورة نساء رحت لها وموعدي كان الساعة 9 يعني بدايو الدوام والله ماذخلت عليها الا 10 ونص لا ولما دخلت تقول في بيشينس(مرضى ) قهرتني داك اليوم hwaml4
لكن من جد مواقف السيارات عندهم مشكلة ماقد رحت ووقفنا السيارة قريب من المدخل (((لما يكون موعدي في النهارhwaml15 عشان مااحب امشي في الشمس

أم ح ــنونـہ

06-18-2011, 05:32 PM

آه والله هالمركز رائع بكل النواحي
انا بس مشكلتي انه بعيد جدا عن بيتي
ربع ساعه عشان اوصل للمركز
وقلت انه لو حسيت بس اني راح اولد
حروح على طول على المركز
والله يعين

كحلوله

06-18-2011, 06:06 PM

مرحبا بنات ممكن اساله الولاده في المركز الطبي
بدون تامين بكم اتمنى الرد

حرم الشريف

06-18-2011, 06:46 PM

صحيح يا أم عبدالله تقدري تقولي ممكن يكون عيبها الوحيد مواقف السيارات
بس عادي محلولة ينزلك زوجك عند البوابة وتطلعي تريحي عبال مايلاقي موقف ويلحقك وفي الخروج نفس الحكاية يعني محلولة محلولة يا عسل : )
.
.

قيمة الولادة الطبيعية بـ(8500 +1000 مقابل فاتورة الطفل )
وقيمة الولادة القيصرية إذا كانت أول مرة بـ(15500+1500 فاتورة الطفل )
أما للمرة الثانية وأكثر فبـ(16500+1500 فاتورة الطفل )
طبعًا دي الأسعار محسب ما أفادوني لما سألتهم عنها بدون التأمين يعني مو من عندي ولا حسب ما سمعت .

•.ღ˚نور˚ღ.*•

06-19-2011, 06:22 AM

هلا حبيباتي حرم الشريف وام عبدالله
ربي يتمم عليكم بخير وتقوموا بالسلامة
أنا رحت موعد عادي قبل ولادتي بأسبوعين
وقالوا لي نولدك قيصري بنفس اللحظة وكان المفروض يسويها دكتور خالد خداوردي
بس أنا وزوجي طلبنا الاستشاري اللي متابعه معه من اول
دكتور رائد احمد وربي انو هالانسان قمة الأخلاق وماشاء الله عليه بس 3 دقائق وشفت
النونو بين يدي :) والحمد لله
وفعلا زي ماقالت حرم الشريف عيبهم الوحيد المواقف بس أنا دايمن انزل عند البوابة
واستنى زوجي نطلع سوا..

•.ღ˚نور˚ღ.*•

06-19-2011, 06:33 AM

وحتى زوجي مو مصدق انو شاف ولده بهالسرعة
وهو يكن لهالدكتور والمستشفى احترام مو طبيعي..
خصوصا انو صار لنا مواقف مع الاطباء المتحدون ترفع الضغط غصب
ودوم ع مواعيدي تكون دكتورة فاطمة بإجازة وحولوني ع وحده اسمها حمديه
كانت أخلاقها أعوذ بالله هي مرة وحده وبعدها تركت المستشفى
كان دوام زوجي شفت ليل طلع 8 الصباح ورحنا وع الانتظار ل12
وبعدين كلمنا المسؤول وقال لنا عندها ضغط بالمرض وعيادتها فترتين فانتظروا شوي
تخيلوا بنات انتظرنا ل4 ولما سألتها ع التأخير ردت باسلوب ينرفز ماني مسؤولة أشوفك
اولا انتي مش مريضتي وثانيا ملفك مو موجود!
ارتفع ضغط زوجي وتخانق مع المسؤول وهذاك يماطل ويهدي الوضع والملف ضايع بالعج
قل له زوجي بكرة بجي اسحب الملف وتوجهنا للطبي الدولي.. والحمد لله ع كل حال

>>>> قالت قصة حياتها ؛)

أم ح ــنونـہ

06-19-2011, 09:01 AM

ياقلبي يا نور
كلامك يريح ما شاء الله
الله يسهل علينا ونولد بالسلامه
وبخصوص ابرة الظهر
انا راح استخير قبل ما آخذها
والله يجيب اللي فيه الخير

•.ღ˚نور˚ღ.*•

06-19-2011, 10:18 AM

حبيبتي سوسو،، ربي يكتب لك اللي فيه الخير
ويتمم لك حملك ع خير ويهون ولادتك..
وربي يرزقك الولادة الميسرة باذنه تعالى..

أم ح ــنونـہ

06-19-2011, 10:57 AM

آميييييييين يارب
تسلمي ياقلبي ^^

ام عبدالله 86

06-19-2011, 11:25 AM

انا كنت ناويه اتابع في المتحدون لكن الحمدلله استخرت ورحت الطبي الدولي
ولما رحت المتحدون عشان استفسر اكتر طلع التأمين مايشمل دي المستشفى والحمدلله اصلا شفت الزحمة انفجعت ماشاءالله الحريم مرصوصين اللي جالس واللي واقف ذكروني بمستشفى فقيه ((السوق
تسلمي يانور على تجربتك الله يسعدك يارب

•.ღ˚نور˚ღ.*•

06-19-2011, 12:55 PM

ومن قال حبيبتي ام عبدالله ،، ولو حنا خوات ولبعض
وشي كرهني بالمتحدون التجمهر عند باب عيادة الدكتورة
كل وحده مخليه زوجها مرابط هناك،، وعيني عينك تجين من اول الصباح وناس تجي
متأخرة وقدامك تفوت قبل،، ياما ضيعت ايام كاملة والسبب كذا..

sweety

06-19-2011, 01:59 PM

مساء الخيرات
معليش على المداخله يعني نور لك 2اسبوع في التاسع وطلبتي يولدونك ووافقوا
انا ابيهم يولدوني بس انا ولادتتي انشاء الله طبيعي ابيهم يعطوني طلق صناعي
تتوقعين يوافقون

•.ღ˚نور˚ღ.*•

06-19-2011, 08:07 PM

بسم الله عليك سويتي ان شاء الله ماتشوفي اللي شفته
أنا ياقلبي صارت لي ظروف،، أمي توفت فجأة هذيك الفترة ربي يرحمها ويغمد روحها الجنة.. وكان لي متابعة عادية واتصل الطبيب علينا ثاني بعده بيوم ورجعنا المستشفى
وطلب مني اطلع للأشعة لانو شاك بحاجة.. وقال لي المشيمة شاخت وماعاد تغذي البيبي
والمويه حوله مرررة قليل بسبب نفسيتي وكنت منهارة لأن أمي توفت بالشرقية وانا هنا بجدة،،،، وعملي تخطيط وقال لي نبض البيبي ضعيف حتى مايتحمل طلق صناعي
و ع طول ولدوني...
فيا قلبي لا تستعجلي ع نفسك وع البيبي خذي وقتك انتي وياه
ويارب تتسهل ولادتك وتتم ع خير...

ام عبدالله 86

06-20-2011, 08:20 AM

الله يرحم الوالدة يانور ويجبر قلبك ويصبرك يارب ويجمعك بيها في جنات الفردوس ياكريم

•.ღ˚نور˚ღ.*•

06-20-2011, 10:52 AM

اللهم امين حبيبتي ان عبدالله
والله يرحم جميع موتى المسلمين..
ويلطف بحالنا وييسر أمورنا ويقضي حوايجنا يارب اجمعين..

sweety

06-21-2011, 05:51 PM

الله يرحمها ويغمد روحها الجنة
انا اسفه لاني رجعت لك المواجع
بس والله ودي اولد خلاص طفشت والمشكله زوجي بيسافر وانا لسى ما ولدت

•.ღ˚نور˚ღ.*•

06-21-2011, 06:29 PM

ياحياتي يا سويتي لا تستعجلي ع الولادة عشانك وعشان البيبي
كله تاخيرة وفيها خيرة.. أنا لما ولدت ولدي وربي الكل كان راحمه لانه جا زغنون
وزن كان 2 كيلو،، ولا أنا مانزل معي حليب كان ع طول ع الصناعي،، بس الحمد لله مع الايام صار ازين.. كل شي لحكمة من رب العالمين وقريب ان شاء الله تفرحي باحلى نونو..

sweety

06-21-2011, 07:06 PM

الله يسمع منك
كلامك صح الدكتوره ماتبغاني اولد الحين تقول لسع صغير
فيه احد متابع مع الدكتوره سوسن عبدالدايم

أم ح ــنونـہ

06-22-2011, 12:32 AM

كيفكم يا حوامل
خلاص كلها 6 ايام وادخل الثامن ان شاء الله
الشهر السابع مشي بسرعه ^^
وطبعا على طول حروح للدكتورهـ
وان شاء الله تطمني على البنوته
الله يتمم لنا على خير

ام عبدالله 86

06-22-2011, 05:07 PM

ماشاءالله سوسو تستنيني نروح سوا <<<<
انا عندي موعد للاشعة الرباعية يوم الاربعاء ان شاء الله مع فدوى وموعد المتابعة مع د.سحر عشان مالقيت د.هبة

أم ح ــنونـہ

06-22-2011, 05:36 PM

هلا ام عبد الله
ياريت اقدر بس خلاص اخذت موعد
ولازم ما اتاخر والا را اضطر اخذ موعد ثاني
انا موعدي في 3-7 ميلادي طبعا
والله يتمم لنا على خييييييير

ام عبدالله 86

06-22-2011, 07:33 PM

الله يسعدك كنت امزح والله
الله ييسرلنا يارب

أم ح ــنونـہ

06-22-2011, 08:00 PM

حبيبتي انت فديتك ♥
والله يتمم لنا على خير

حرم الشريف

06-22-2011, 09:19 PM

مراحب حلواتنا الكروشات , كيفكم إن شاء الله تمام يا رب .
نور ..تسلمي يا عسل على دعواتك الطيّبة , وربنا يرحم والدتك ويجمعك بيها في الجنّة إن شاء الله .
سويتي ..ربي يسهلها لك ويفرجها قريب إن شاء الله , كان نفسي أفيدك بس للأسف ما ربنا سهل اكشف وأتابع عند سوسن ودحين بتابع عند سحر.
.
.
أنا دخلت التاسع والسبت إن شاء الله حاروح المستشفى واطمن على حالي أكثر
دعواتكم يا عسولات ربي يفرجها عليّ وعليكم بكل يسر وسهالة
ويتمم ع الجميع بكل خير يا رب.

أم ح ــنونـہ

06-23-2011, 02:23 AM

حرم الشريف
مبرووك دخولك التاسع يا قلبي
والله يطمن قلبك ويتمم لك على خير

sweety

06-23-2011, 01:01 PM

بنات امس دفعت حساب الدكتوره علشان تجيني لما اولد
ويقولو اذا ولدتتي طبيعي تجلسي في المستشفى 3 ايام
حبيت افيدكم

•.ღ˚نور˚ღ.*•

06-23-2011, 01:31 PM

ما شاء الله سويتي ربي يتمم عليك هانت
من دكتورتك انتي؟؟
أنا بالقيصري دفعت 4000 للاستشاري زيادة ع التامين
وظليت من الثلاثاء للجمعة بعد العشا..

•.ღ˚نور˚ღ.*•

06-23-2011, 01:36 PM

مع دكتورة سوسن تو قريت كلامك باول بيج
مرت صديق زوجي بولادتها ال 2 عندها وتمدحها هي وهناء بدران
أخلاقهم عاليه وبالهم طويل ،، ربي يرزقك الولادة السهلة الميسرة يارب..

ام عبدالله 86

06-23-2011, 04:19 PM

الله يتمم عليكي حرم الشريف ويفرحنا بسلامتك وسلامتو يارب

ام عبدالله 86

06-23-2011, 04:20 PM

تسلمي سويتي انا على بالي يومين بس
كويس اعطينا خبر

deme

06-26-2011, 04:52 AM

اهلين بنات كيفكم
انا بتابع مع دكتوره هناء بدران
مشالله عليها طيوبه و حبوبه
بس ابى اعرف مين عاده اللي يكونوا منوبين هناك ؟
في احد عندو خلفيه ؟؟

أم ح ــنونـہ

06-26-2011, 05:49 PM

^^

والله يا قلبي ما عندي خلفيه
وزي ما قلتي الدكتوره هناء طيوبه مره :)
الله يتمم لنا على خيييييير

deme

06-26-2011, 10:49 PM

امييين يارب
بكره الصباح رايحه عندها ان شالله
وراح اسالها عن دا الشي

الحب الهادي

06-26-2011, 11:24 PM

انا في حملي الاول عند دكتور خالد خداوردي في فتيحي بس على الحظ في حملي الثاني عنده بس خرج من المستشفي راح عيادات الاندلسية

أم ح ــنونـہ

06-27-2011, 01:57 PM

انا بعد 4 ايام عندي موعد مع الدكتوره هناء
والله وحشتني بنوتي نفسي اطمن عليها
الله يتمم بخير وارجع بالأخبار الطيبه
دعواتكم

ام عبدالله 86

06-28-2011, 09:13 PM

يارب مانسمعي من الدكتورة الا كل خير وطمنينا عليكي ...
انا بكره موعدي وفي المغرب ان شاء الله <<<احسو مررره بعيد الله يصبرنا بس
عندي الالتراساوند مع د. فدوى بعدها المراجعة مع د.سحر
ماادري ليش خايفة لكن ان شاء اطمن عليه ويكون بألف خير

ام عبدالله 86

06-28-2011, 09:16 PM

deme (http://forum.hwaml.com/u24686.html) عرفتي مين يكون مناوب في العادة ؟؟؟
اذا عرفتي قوليلنا بعد اذنك

ام عبدالله 86

06-28-2011, 09:18 PM

ياحلوين معليش سؤال
المركز يقبل تأمين التعاونية بسأل لاختي ؟؟

sweety

06-29-2011, 12:34 AM

كيفكم عسولات
حبيت بشركم اني ولدت يوم الاحد 24-7 وجبت بنوته قمر
والحمدلله لحقت على الدكتوره سوسن قبل ماتروح اجازه طبعا اخذت طلق صناعي وطلبت ابره الظهر
عقيالكم يا رب

ام عبدالله 86

06-29-2011, 03:22 AM

ماشاءالله الحمدلله على سلامتك وتتربى بعزكم العروسة ان شاءالله

أم ح ــنونـہ

06-29-2011, 03:35 AM

كيفكم عسولات
حبيت بشركم اني ولدت يوم الاحد 24-7 وجبت بنوته قمر
والحمدلله لحقت على الدكتوره سوسن قبل ماتروح اجازه طبعا اخذت طلق صناعي وطلبت ابره الظهر
عقيالكم يا رب

ما شاء الله
مبرووووووك يا قلبي
والحمد لله على سلامتك
وتتربى بعزكم الامورهـ ^^
ننتظر الأكشن يا عسل عشان نستفيد hwaml7

تمنيت تفهمني

06-29-2011, 03:36 AM

ياحلوين معليش سؤال
المركز يقبل تأمين التعاونية بسأل لاختي ؟؟

ايوة يقبل تأمين التعاونيه انا والدة عندهم

وعلى الولادة ما اخذو ولا ريال

اما متابعة الحمل ياخذو

وان شاء الله اني افدتك

والله يسهل على جميع الحوامل ولادتهم يارب

أم ح ــنونـہ

06-30-2011, 04:17 AM

كيفكم يا حوامل
اخيرا دخلت الثامن والحمد لله
والله يتمم بخير :)

أم ح ــنونـہ

07-01-2011, 02:18 PM

كيفكم يا حوامل
انا في هم ما يعلم فيه غير رب العالمين
زوجي استقال من شركة فتيحي :(
وانا خايفه يلغوا التامين لأن زوجي استقال منها
وكانوا بدهم يخصموا حق التامين من الراتب
بس دحين خلاص زوجي استقال وانتهى الموضوع
وخايفه يلغوا التأمين اللي على مركز الطب الدولي
لأن لسه ما خصموا شي من راتب زوجي
لأن مارحنا المركز الا مرتين بس لما كنت في الشهر السابع
شو رايكم في وحده عندها فكره عن الموضوع ؟؟؟؟

أم ح ــنونـہ

07-02-2011, 05:14 AM

كيف الحوامل اليوم
انا راح اطلع من التجمع
لأني خلاص ما راح اولد في الطب الدولي
التامين حيتلغي للاسف
يلا الحمد لله على كل حال
والله يتمم لنا على خير
في أمان الله

ام عبدالله 86

07-04-2011, 11:50 PM

زعلتيني والله ياسوسو
لكن ان شاءالله خيرة لكي طمنينا عليكي ياعسل

أم ح ــنونـہ

07-05-2011, 06:45 AM

لا تزعلي حبيبتي عادي
خيرهـ ان شاء الله
وانا دحين بتابع بمستوصف الاقصى
عند دكتوره اسمها وفاء عبد اللطيف
طبعا هاي الدكتورهـ معرفه
وهيا اللي ولدت زوجة اخوي قيصري واختي طبيعي
وان شاء الله اولد عندها في مستشفى الزهرة طبيعي ^^
والله يتمم لنا على خير

ام عبدالله 86

07-06-2011, 08:23 PM

ان شاء الله ياغالية

غلاامي

07-07-2011, 12:59 AM

ياحلوات عند مين تنصحوني اراجع بالمستشفى انا اتصلت كلهم باجازة قلت خليني اشوف برمضان ان شاء الله امانه اللي سمعت عندكتورة كويسه تنصحني على فكرة انا تامين وابرة الظهر تدخل من ضمن التامين ولا لا

ام عبدالله 86

07-07-2011, 02:20 AM

معقولة ياغلا كلهم حتى د.سحر ود.ايهاب ؟؟؟؟

ام عبدالله 86

07-07-2011, 02:21 AM

سمعت عن دكتورة هناء ودكتورة سوسن انهم كويسين

حرم الشريف

07-07-2011, 10:16 PM

السلام عليكم روحمة الله ,
كيفكم إن شاء الله يا رب تكونوا بكل الخير والعافية ,
حابة أطمنكم ولله الحمد رحت موعدي الاسبوع الماضي مع الدكتورة سحر
وعملت ألترا ساوند مع الدكتور إيهاب ودا الاسبوع راجعت كمان
والحمدلله يارب كلو تمام ماعدا نسبة الدم نازلة شوي
إن شاء الله الاسبوع الجاي كمان عندي موعد بما إني خلاص دخلت التاسع من أسبوع ونص فربنا يسهلها ليا ولكل حامل يا رب .
.
.
سوييييييييييتي ..ألف ألف حمدلله ع سلامتك وربنا يخليلك بنوتك ويباركلك فيها
طمنينا كيف كانت ولادتكhwaml7 ؟
.
.
سوسو .. مبروك دخولك الثامن يا عسل , وربنا يكتبلك كل خير والله ماني عارفة ايش اقلك ع الخبرية : ( غير الله يسهل ولادتك وين ماكانت , وماتنسي تطمنينا عنك .
.
.

أم عبدالله ..وقت ما كنت بعمل الأشعة سمعت أنو الدكتور إيهاب راح يكون في اجازة لمدة شهر , بس الدكتورة هناء وسحر والله ما أعرف بس راح اتأكد إن شاء الله للاطمئنان وراح أخبركم .

ام عبدالله 86

07-07-2011, 11:30 PM

شكرا ياعسل لكن انا كان عندي موعد للاشعة مع د.فدوى وطلعت الاخت في اجازة شهرين hwaml4
وحجزت عند د.ايهاب اخر يوم في الشهر اما لو كان في اجازة هوه كمانhwaml17
المشكلة محد يسويها غير هادول الاثنين بس hwaml15

حرم الشريف

07-10-2011, 02:53 AM

لا شكر على واجب يا ام عبدالله ,
وفعلاً زي ماقلتي غير الاتنين دولا ماحد بيعمل أشعة ,
بس غريبة يعملولك موعد فوقت ماتكون مسافرة العادة يقولوا !!!.
ان شاء الله ربنا ييسر لك واطمنينا.

حرم الشريف

07-10-2011, 03:00 AM

بشريني أم عبدالله كيف متابعتك مع د.سحر؟

ام عبدالله 86

07-12-2011, 07:10 AM

والله ياغالية لسه ماعملت معها موعد ان شاء اليوم اتصل واحجز عشان طلبت مني اجيها بعد ماسوي الاشعة بيومين وموعد الاشعة يوم 29-شعبان
وانا امس اتصلت على المستشفى وطلع فعلا د.ايهاب في اجازة hwaml4اظن شهر وقالوا يمديني اسويها مع د.فواز ادريس وانا ماابغى مع دا الدكتور ماادري ليه ؟؟
وقبل كده لما كانت مع د.فدوى قالوا ممكن اي فنية تسويها لكي بكل بساطة hwaml4
لكن من جد انا ناوية اسوي لهم مشاكل hwaml17واشتكي عليهم لانو مايصير يعطوا مواعيد لخلق الله ولما نجي يطلعوا في اجازة وانا اجيهم من ينبع يكفي المشوار لحالوhwaml15

ام حبيبي

07-15-2011, 04:01 AM

مراااااااااااااحب كروووشات

ان شاءالله رااح اكون معاكم في التجمع

لاني بروح للطبي

وبسأأألكم عن دكتوره منال خرباج >>اتوقع كدا اللقب

لان ابغى هناء بدران مافي مجال غير في شوال اخد موعد >> ع الولاده

وانا في السابع لي اسبوع

ومنتظرتكم وياليت لو فيه دكتوررات غيرهم افضل تدلووني

مشكووورين وربي يتمم حملناا على خيرررر

حرم الشريف

07-16-2011, 08:09 AM

السلام عليكم ورحمة الله وبركاته
حابة أبشركم ولله الحمد ولدت بالسلامة يوم الثلاثاءhwaml7 .
وربنا ييسّرلكل الحوامل ولادتهم .

ام عبدالله 86

07-16-2011, 08:31 AM

حرم الشريف والله انك على بالي والحمدلله على سلامتك والله فرحتلك وتتربى /يتربى في عزكم يارب

ام عبدالله 86

07-16-2011, 08:34 AM

هلا ام حبيبي منورة ياعسل
وانا اول مره اسمع اسم الدكتورة ومن جد دهناء جدا زحمة في المواعيد عندك د.سحر ود.سوسن انا حاليا مع د.سحر وجدا مرتاحة الحمدلله

فيّ

07-16-2011, 03:43 PM

مساء الخير بنات

مبروك ماشاء الله للي ولدو

والله يتمم للحوامل

انا توني اكتشفت اني حامل

وحابه اتابع بالطبي

سمعت عن دكتورة عراقية بس ما اعرف وش اسمها

رشحولي دكتورة ممتازه بالتوليد وماعليها زحمة وخياطتها ممتازه وتقبل التامين

ام عبدالله 86

07-17-2011, 07:26 AM

اهلا فيَ منورة
ومبرووووووووووووووووووك الله يتتم لكي على خير يارب
والله ياعسل انا بكرية وبراجع عند د.سحر وماعندها زحمة لكن اذا الولادة معاها تدفعي 2500اذا كنت على التأمين ونفس السعر ل د.سلمى ود.منال الخرباش
دائما د.هناء زحمة والكل يمدحها لكن ماجربتها

فيّ

07-17-2011, 02:07 PM

طيب والدكتورة العراقية هيفاء اعتقد اسمها ما تعرفو عنها شي
ومين الدكتورات اللي ما ادفع ولاشي مع التامين

غلاامي

07-18-2011, 09:35 PM

يااخوات ليش ادفع والتامين يغطي الولاده يعني عشان ممكن تكون دكتورتي مو مناوبه وقت ولادتي

ام عبدالله 86

07-18-2011, 11:01 PM

والله انا اعطوني ورقة للي تبع التأمين وشركة ارمكو مكتوب فيها د.فواز -د.ايهاب -د.رائد -د.سوزان 4000 ريال
د.سلمى بغدادي - ود.منال الخرباش -د.سحر 2500
طبيب أخصائي 1500

سواء كان مناب او غير مناوب

لكن اسألي الاستقبال عشان تتأكدي افضل

غلاامي

07-19-2011, 07:00 PM

المفروض التامين يغطي مثلا بسليمان ولا بعرفان ماادفع ولاشي والطبي ليش ادفع والمستشفى بتاخذ من التامين قيمة الولاده اجل ايش استفدت على كذا بروح عرفان ولا سليمان يعني لاسمح الله لو رحت طبيعي وفجاه طلع قيصري ادفع 4000 الاف ليش وهو لازم يكون مناوب دكتور اخصائي ودكتوري استشاري للحالات الطارئه اجباري بروح اسال واشوف

ام عبدالله 86

07-20-2011, 09:53 AM

غلا امي انتي روحي اسألي وقولي لنا .....
انا هادا الكلام قالتي هوه موظفة في الاستقبال (الدور الثاني -النساء والولادة )

أم ح ــنونـہ

07-22-2011, 11:53 AM

كيفكم يا عسولات
وحشتوني ^^
انا اليوم زوجي قال انه ممكن ما يكون التأمين ملغي
وراح يتصل ويتأكد من الشركه
واذا التأمين ما زال شغال راح اولد ان شاء الله في الطبي الدولي
دعواتكم

ام عبدالله 86

07-23-2011, 09:32 AM

ان شاءالله ياسوسو الله يكتب لك اللي فيه الخير يارب

ايش محد يتابع غير اللي دخلوا بس ؟؟؟؟؟؟؟؟

فيّ

07-24-2011, 02:05 AM

سوسو الله يكتب لك اللي فيه الخير

اليوم من جد رفعولي ضغطي

دقيت ابي احجز عند هيفاء قالولي عن طريق السكرتيرة واعطتني التحويله
ساعه ونص اتصل يرد انسرمشين رجعت للحجز اقولهم بس ابي اعرف هي في ولا اجازة
قالت ما ادري دقي على استقبال النساء والولاده دقيت لين انهلكت محد يرد
رجعت طلبت من السنترال د هناء بدران حولني عليها دقيقتين وردت الدكتورة لنفسها
مره انحرجت واعتذرت لها وقلت لها انا كنت بحجز اعطتني تحويلة بصراحة ارتفعت بعيني
التحويله محد يرد رجعت للحجز قاللت لي فل لين رمضان ومانزل جدولها قلت لها طيب هيفا
عطتني تحويله ثانية وبرضو محد يرد بصراحة كرهتهم وش ذا التعامل
وليه محد يرد

دخت وانا اكتب تصدقون هالحوسه من قبل المغرب لين 9 وشي

الحين انا نفسيا ملت لهناؤ بدران لان الكل يمدحها والتزاممها عجبني بس ليش مالها سكرتيرة خاصة ..
هل هي اقل من هيفاء بعدين الانسر مشين حق هيفاء مو كل الايام تداوم ولا يكون دوام مو كامل وش قصتها ذي

طولت عليكم بس جد انقهرررررررررررت

ام حبيبي

07-24-2011, 03:28 AM

مراااحب

انا موعدي عند دكتوره منال الربووع وان شاءالله اقولكم اش الي يصيرر

وهنااء بدران شلت يدي منها لانها زحممه على طول وماتكون موجوده اغلب الاوقات تسافر كتييرر

والله يسهلكم

والله يعينكم ياارب

ام عبدالله 86

07-24-2011, 08:26 PM

معليش يافي دي الحركات تحصل كثير ....اغلب المستشفيات زي كدا
انتي اتصلي وحطي رقم 7 يردو عليك ...انا كده اسوي
لاوالمشكلة الى الان جدول رمضان مانزل زالله حسسوني كأني في جامعة الملك عبدالعزيز <ههه
ماادري عن دي الدكتورة والله

ام حبيبي طمنينا عليك ومن جد هناء جدا زحمة وكل ماابغاها الاقي اقرب موعد بعد اسبوعين او 3
الله يعيين

جوهرة الالماس

07-26-2011, 04:13 PM

سلاااام
حبايبي ودي اسالكم عن د :سحر عنها زحمة لاني باروح بكرة ان شاء الله انتظار
و ابغى اسال الانتظار عندهم يطول لاني لما كلمتهم ابغى احجزموعد قالت مافيه..

المشكلة اني في التاسع هل لازم اراجع والا اروح مستشفى ثاني وبس وقت الولادة اروح الدولي.

ياليت تنصحوني..

ام عبدالله 86

07-26-2011, 11:12 PM

صحيح المواعيد كلها فل مع كل الدكاترة لكن انتي اتصلي عليهم اخر يوم في شعبان واحجزي لان جدول الدوام ينزل في بداية الشهر ....والله يسهلك حبيبتي ...
واناولا مرة رحت انتظار .....

ام حبيبي

07-29-2011, 04:34 AM

مراااااااااحب

اخباركم ..؟؟

جيتكم كان عندي موعد مع دكتوره منال الخرباش وهي يمنيه استشاريه بس شكلها صغيير مو على انها استشاريه كان موعدي عندها الظهر ولما رحت عندهاا كان عندها عمليه فكانت مستعجله مرررررا وقالت لي اسبوع وتخلصي السابع وريتها تحاليل معايا من اول واخذتها وحطتها في ملفي .. وقالت لي سويتي اشعه للتشوهات الجنين وفحصه >>تفحص الجنين من والى << قلت لها ماسويت قالت لا دا لازم يتسووى مرتين في الثالث والسابع
واخذت موعد مع دكتور ايهاب هوو اللي يسوي الاشعه الله يعيني حيكون وحده الظهر الموعد في رمضان وبعدو بيومين اروح للدكتوره واجلس معها اكترر من اول

وسأألتهاا اذا التحاليل او الاشعه اسويها عندهم او برا قالت اللي يريحك لو تحسيها غاليه مو مشكله سويها برا >> وانا كاااش مو تأأأمين

وبس دا اللي صاااار معايا في الموعد

وان شاءالله الجااااي يكوون افضل وافضل

ويقوومنا بالسلامه يااارب

أم ح ــنونـہ

07-30-2011, 03:09 PM

كيفكم حبيباتي وحشتوني كتير
انا اليوم العصر عندي موعد مع الدكتوره هناء بدران
طبعا قلت اني ماراح اتابع عندهم عشان التأمين راح يلتغي
بس زوجي قلي انه ما التغى الحمد لله وراح اكمل مع المركز
انا دخلت التاسع اليوم بالسلامه الحمد لله
وان شاء الله لما ارجع من الموعد اقولكم شو صار
دعوااااااتكم

ام حبيبي

07-30-2011, 08:07 PM

مووووووووفقه سوسو وبشررريناا

أم ح ــنونـہ

07-30-2011, 10:08 PM

السلام عليكم
اااااه دوبي رجعت من المستشفى
ورحت طبعا لمركز الطب الدولي لقيت المواعيد والانتظار فلللل
واخذت موعد تاني يوم 16 اغسطس مع الدكتوره سوسن عبد الدايم
لأن الدكتوره هناء بدران حتسافر بعد اسبوع :(
واخدت الموعد وطلعت ورحت على الدكتوره تبعتي اللي كنت بتابع معاها
ودخلت وعملت لي تصوير وقالت كل شي تمام
والبنوته وزنها 2 كيلو و 400 جرام ^^
وراسها الحمد لله تحت بس مايل على اليمين شويه
وقالت لازم تنامي على جنبك اليسار
وقالت استمر على الحديد مرتين باليوم عشان دمي 10 ويعتبر ضعيف
ووصتني آكل كويس واقلل من المكرونه والارز
واكتر من اللحمه والعسل الاسود والتمر والفاكهه
وابعد عن الشطه والمياه الغازيه والشيبس
واشرب زنجبيل وميرميه عشان تسهل الولاده
وامشي كل يوم ساعه واعمل تمارين القرفصاء
خمسه الصبح وخمسه في المساء عشان الحوض
وقالت تعالي يوم 12 رمضان عشان اعمل لك كشف واقيس حوضك
عاد انا سمعت كده وخفت وقلت خلاص قربت ساعة الصفر هههه
وبسسسس هادا اللي صار معايا
وسوري طولت عليكم
والله يتمم لنا على خير

om LoLo

07-31-2011, 01:00 PM

gigjfijgjojj

om LoLo

07-31-2011, 10:58 PM

طيب ايش رايكم في سلمى بغدادي؟؟؟؟؟؟؟؟؟

وسحر عيدروس ؟؟؟ كيف هي اخصائية ولا استشارية

أم ح ــنونـہ

08-04-2011, 06:47 PM

كيفكم كروشات
زمااااان عنكم وحشتوني
المهم مافي وحده تعرف معلومات عن سوسن عبد الدايم
لأني راح اتابع معاها ان شاء الله

الفتاة الشقراء

08-06-2011, 05:04 AM

اللي متابعه مع صباح تقولي عنها
لاني ممكن اتابع معها لاول مره
وكيف تعاملها وقت الولاده ؟

غلاامي

08-07-2011, 01:31 AM

انا عندي موعد عند الدكتورة سوسن يوم 13 رمضان عشان اتابع معاها ياحلواات مين تابع معاها وكيف ولادتها

أم ح ــنونـہ

08-07-2011, 03:17 AM

انا ما راح اتابع في المركز خلاص
التأمين التغى :(
يلا الحمد لله على كل حال
اشوفكم على خير
في أمان الله

فيّ

08-09-2011, 05:16 AM

سوسو الله يكتب لك اللي فيه الخير يارب

بخصوص دكتورتك اللي تراجعي عندها عجبني كملامها

اساليها فين تولد يمكن تناسبك اسعارها

بنااااات انا فقمة الاحباط مو قلت لكم من فتره وانا ابغى احجز عند هيفاء يونس

ومافي احد يرد واخيرا ردو اليوم وقالت لي السكرتيرة ماتقبل تامين

طيب ابي افهم ليش هالتعذيب ليه من الاساس ما يكتبو او يبلغو لما ندق على الحجز

الحين انا حجزت عند دكتوره مها خرباش وشكل اسمها منال هههههههه

لاني دقيت وقلت لهم ابي اي احد قالو مافي غيرها ب 22 رمضان

اليوم رحت مستوصف تطمنت على البيبي وقلت شكلو الطبي رح ابدا فيه

بعد العيد وادق مباشره وصرت محتاره بين هناء بدران وبين سوزان عبدالدايم

والكل زحمة الحمد لله ياليت احد يعطيني رايه بلييييييييييز مليت

أم ح ــنونـہ

08-09-2011, 06:58 AM

^^

تسلمي يا قلبي
هيا ممتازه فعلا
وراح تولدني ان شاء الله
في مستشفى الزهرة
وبقولوا الولاده الطبيعيه فيه بـ 3000 ريال
والقيصري 6000 ريال
والله يكتب اللي فيه الخير

فيّ

08-09-2011, 07:30 PM

حلوه اسعارهم

الله يكتب لك اللي فيه الخير يارب

ها بنات مافي احد يرد علي بدكتوره زينه

فيّ

08-11-2011, 11:39 PM

محد رد :( علي

ام عبدالله 86

08-12-2011, 09:25 AM

فيً ماعندي خلفية عنهم والله شوفي سحر انا مره ارتحت لها ....

ام عبدالله 86

08-15-2011, 07:32 AM

اخيرا عملت المورفولجي الالتراساوند مه د. ايهاب وقالولي بنوتة

om LoLo

08-17-2011, 12:20 AM

في
في سوسن عبد الدايم وفي سوزان الكافي انتي مين قصدك ؟؟؟

انا مجربة سوزان كافي مرررة كويسة ونفسي تولدني تاني بس تاخد 4000 زيادة عشان الاستدعاء ..
وهناء بدران رحتلها مرتين مراجعة بس ما اعرف كيف ولادتها

انا احب الدكتورة اللي تاخد وتعطي في الكلام مو بس تستناني أسأل على كل شي ..

الله يسخرلي الدكتورة الطيبة والولادة السهلة ياااااااااااااااااارب ..

سلمى بغدادي ما احد يعرف كيف ولادتها؟؟؟؟؟؟؟؟ بلييييييز اللي تعرف عنها تقولي الله يخليكم ويسهلكم

ام عبدالله 86

08-18-2011, 02:11 PM

ام لولو
والله مااعرف ....الله يتمم لك على خير

أنت حلمي

08-18-2011, 02:54 PM

بنات أنا أراجع في الطبي الدولي اللي برابغ عند دكتوره فضه

ومن التاسع بنزل جده عند أهلي وناويه أولد في الطبي الدولي

وخاااايفه مره لأن أحس بطب فجأه ومدري مين اللي بتولدني

بس ملفي حيكون موجود عندهم

وكمان أنا بكريه يعني بموت من الخوف من غير شي..

أبي أسئلكم وش تنصحون بالنسبه للخياطه

عاديه ولا تجميليه؟؟

سألت دكتورتي تقول مافي فرق

ميرآ

08-19-2011, 02:35 AM

طيب معليش أنا بروح عند الدكتوره سوزان الكافي بجربها لاني عرفت أنها استشاريه

طبعا أنا بالسابع

وبراجع عندها وأنشاء الله أولد عندهم بس ماني عارفه الاسعار كيف فاللي تعرف ياليت

تتكرم وتقول لي بلييييييز

لأني مخيره بين عدة مستشفيات فأنا أتمنى أولد عندهم.

هدولا

08-19-2011, 05:38 AM

السلام عليكم
كيفكم يا كروشات انشالله طيبين
أنا حامل بكريه في الشهر التامن وأراجع في المركز الطبي عند دكتورة منال خرباش بس مره عليها زحمه ومراجعتي قبل يومين كانت في الطوارئ وحولوني لدكتور إيهاب خليل
المشكلة انو وقت ولادتي راح تكون د.منال في إجازة ومني عارفه اروح اكمل مع مين وأولد مع ايت دكتورة الله يستر بس..
ونفسي اعرف كيف نظام الغرف والأجنحة عندهم واسعارها واقدر أحجز مثلا من قبل الولادة ولا عادي وقت الولادة أقولهم أبغى جناح وكدا ياريت اللي تعرف تقوللي*

ام عبدالله 86

08-19-2011, 12:07 PM

انت حلمي -ميرا- هدولا
الله يتتم لكم على خير ويسيير الولادة عليكم ويهونها ياكريم
ماعندي خلفية عن اسألتكم والله
لكن اذا في تأمين سعر الغرفة يشمل التامين او جناح صغير (على حسب عضوة معانا هنا )واذا تبغي جناح اكبر وافخم تدفعي زيادة
انا بكرية في الشهر السادس واتابع مع د.سحر

فيّ

08-22-2011, 08:44 AM

أم عبدالله مبرووك البنوته عقبال ما افرح فيها انا كمان يارب

دكتورتك سحر مين وكم تاخذ للاستدعاء مع التامين ؟؟

ووش جنسيتها افكر ادق عليهم احجز الحين عند سوسن عبدالدايم بس

ما اظن الجداول نزلت

ام عبدالله 86

08-22-2011, 07:37 PM

الله يبارك فيكي يارب..دكتورة سحر عيدروس ..سعودية..وللاستدعاء ادفع 2500
والجداول على 29او 30 بالشهر
انا ان شاءالله الاربعاء عندي مراجعة لو تبغي اسألك عن شيء ؟؟؟

متى اتخرج

08-24-2011, 01:24 AM

السلام عليكم
حابه اسأل عن الكشفيات ماقبل الولاده والتحاليل هل داخله ضمن التأمين والا لا؟؟؟

والولاده عند هناء بدران او سوسن عبد الدايم ندفع كم غير التأمين؟؟

وايضا الغرفه من ضمن التأمين والا لا؟؟
والف شكرررر لكم ..

زوزوعليوه

08-24-2011, 03:51 AM

انا عندي موعد بعد 3 اسابيع عند الدكتوره سلمى البغدادي وانشاء الله ارد لكم معلومات عنها وانا طبعا تامين

متى اتخرج

08-25-2011, 08:24 PM

بليز اللي عنده معلومه يفيدنا

ام عبدالله 86

08-31-2011, 03:39 PM

متى اتخرج .....
كل شيء داخل ضمن التامين ماعدا الاشعة حقت الشهر الخامس اللي يطمنوا فيها على الجنين ب650 او 680 ماني فاكرة بالضبط
وهناء ب1500 وسوسن ب4000 على حسب ورقة من المستشفى والغرفة ضمن التأمين
لكن انتي اسألي واتأكدي افضل

متى اتخرج

09-01-2011, 04:24 AM

مررررره شكرا

الله يسهل عليك وتولدي بالسلامه

ام عبدالله 86

09-06-2011, 09:58 PM

تسلمي ياغالية

ام عبدالله 86

09-07-2011, 08:07 AM

كيف الدكتورة منال ؟؟؟؟؟

هدولا

09-07-2011, 09:13 PM

ام عبدالله انتي قصدك منال خرباش؟؟
ازا هيا والله أنا حسيتها مره طيبه وكويسة راجعت عندها كم مره بس في الولادة مادري كيف...أنا دحين في التاسع وماقررت أولد عند مين شكلي حاسيبها بالتساهيل عند اي احد والله يستر ادعولي بس تكون ولادة سهلة يارب

أنت حلمي

09-08-2011, 08:56 AM

ليش ع التأمين وياخذوا زياده

ام عبدالله 86

09-08-2011, 01:13 PM

والله مااعرف ياانت حلمي ....

ام عبدالله 86

09-08-2011, 01:16 PM

هدولا ...مافهمت ؟؟؟؟

هدولا

09-08-2011, 10:16 PM

ايش اللي مافهمتي حبيبتي ام عبدالله؟

ام عبدالله 86

09-09-2011, 08:56 AM

ياهدولا كتابتك مو عربي؟؟؟؟ تطلع رموز ؟؟؟؟

هدولا

09-09-2011, 06:21 PM

اما مو عربي من جد ليش طيب

ام الملاك

09-10-2011, 02:08 AM

بنات مين سوسن الدايم وفي اي مستشفى صراحه اعجبني مدحكم لها وانها تتحمل هاذا اهم شي ان بالها طويل لان انا اخاف من كل شي وخااصه الابره وباقي بكر الله يعين ويتتمم لي على خير يارب

ام عبدالله 86

09-10-2011, 07:28 AM

د.سوسن في المركز الطبي الدولي في جدة ياام ملاك

ام عبدالله 86

09-10-2011, 08:50 AM

مين يتابع مع د منال ؟؟؟؟؟

ام الملاك

09-10-2011, 04:42 PM

بكم الولاده عند سوسن في الطبي الدولي

أم عبدالرحمن السلفية

09-11-2011, 03:04 AM

خليك على هناء ان شاء الله ربي ييسر لك الولادة

استعيني بالله ولا تعجزي

09-11-2011, 09:39 AM

الدكتورة سوسن تداوم بالخاص بس ولا لها دوام ثاني ؟

بالجامعة ولا الملك فهد

؟

ام عبدالله 86

09-12-2011, 07:22 AM

ام ملاك - استعيني بالله
مااعرف بصراحة لكن اتصلوا على المركز ان شاءالله تحصلوا اجابة 026509000
ام عبد الرحمن تسلمي ياغالية والله يبلغك شوفة عبد الرحمن بخير وسلامة يارب

همسات قلبي

09-13-2011, 09:14 AM

بنات أنا توي عرفت أني حامل وماادري عند مين اتابع وفي اي مستشفى
اذا المركز الطبي قولوا افضل وحده بالها طويل

ام عبدالله 86

09-15-2011, 06:11 PM

مبرووووك ياهمسات الله يتمم لك يارب
لكن انا مااعرف والله لاني بكرية

جلنار2

09-20-2011, 04:35 AM

السلام عليكم ..

انا حابة افتح ملف في الدولي بكره ..

ايش الاجراءات اللي اسويهااا

الله يسعدكم

جلنار2

09-20-2011, 05:12 AM

استغفر الله واتوووب اليه

فيّ

09-22-2011, 01:10 PM

كيفك ام عبدالله بشري عنك

اخيرا رحت وكشفت سبحان الله من اول نفسي بهناء بدران بس

كل ما اتصلت مافي حجز وحجزت عند سوسن عبدالدائم على امس

بس كنت مره متضايقة من وقت الموعد 9 وربع المسا

عاد سبحان الله تعبت مره يوم الثلاثاء ورحت المستوصف بتطمن

واجلس انتظر 3 ساعات اول دكتورة قالو مريضه والثانية بعد طلاع الروح

قالو عندها عمليه بمستشفى طيب ليش هالاستهتار ليش مايعلمو الناس

تعبت وعصبت ورجعت البيت ونمت يوم قمت قالي زوجي نروح بكره الصباح انتظار المركز الطبي اذا حتى المستوصف انتظار بالساعات ننتظر بالمستشفى افضل

لانه ثاني مره ننتظر ساعتين بالمستوصف

المهم رحنا الصباح وقالو فيه بس منال خرباش وهناء بدران اخترت هناء

وانا وقافه تخيلو جت وحده قالت عندي حجز الساعه 10 عند هناء كانت الساعه

9 ونص وقتها قالو لها تدخلي 10 ونص وقعدت تنتظر جت عشره الا هم ينادو علي

انا فتحت عيوني مو مستوعبه ياحرام هي موعد ويدخلوني بوقتها

وحتى لما طلعت اللي بعدي ماكانت هي كانت وحده ثانيه

عرفت انه سالفت المواعيد نصب بنصب لا وزيادة على كذا

رحت الرسبشن احجز وحجزولي عند هناء عادي

ويالله لقيتلي كمان عشان كذا يوم نتصل نحجز يقولو مافي حجز

لانهم ماسكين على كلمة مانزل الجدول ماينزل الا اخر الشهر

وكيف والاستقبال شغالين حجز واحنا لسه بالميلادي ماخلصنا

قلت بعد كذا انتظار دام الحكاية قعده بقعده ......

نرجع لدكتورة هناء جدا عجبتني وارتحت لها وان شاء الله بكمل معاها

ام عبدالله بسالك الاشعة اللي ب 700 ريال اللي عند ايهاب هي الرباعية ..؟؟

ام ياسر منديلي

09-22-2011, 03:13 PM

أنا في الشهر التاسع وحولد في سليمان فقيه د.عفاف مين قد ولدة هناك

زوزوعليوه

09-23-2011, 03:29 AM

انا رحت موعدي عند دكتوره سلمى البغدادي قمه في الذوق والطيبه والله انها عسل ومحترمه وبالنسبه لابرة الظهر مين على التامين وشملها لانهم قالولي مايشملها التامين

فيّ

09-23-2011, 08:02 AM

زوزو الحمد لله انك ارتحتي

حسيت ماشاء الله عموما اغلب الناس تشكر بالدكاتره

صحيح في حالات نقد بس قليلة ولا بد منها باي مكان

بخصوص ابرة الظهر ماتشمل التامين من خلال كل قصص الولادة

اللي قريتها يكتبو انها ماكانت شامله ...

واسالي عن استدعاء الدكتورة لاني شكيت ان التامين مايشملة

انا طلبت من زوجي يتاكد ورفض قلي خلاص كل شي بوقته وان طلبو بندفع عادي

ام حبيبي

09-26-2011, 01:16 PM

مراااحب

انا بطلت ارووح للطبي الدولي ماارتحت لمنال مررا

وبولد في بقشان عند دكتوره نانسي مررا طيبه

ام ياسر صحبتي ولدت عند دكتووره عفااف مررا تمدحهاا وكل عيلتهم يولدو عندها
وكانت تقولي وقت الولاده انها كانت خايفه تقرا عليها الدكتوره وتطمنهاا

بس انا مارحت لان مواعيدهم مو حلوه وزحممممه مررا

وبس

والله يسهل علي وعليكم

هدولا

09-27-2011, 01:27 AM

والله غريبه أنا مره ارتحت لدكتوره منال خرباش حسيتها فاهمه شغلها كويس اما دكتورة هناء بدران ما عجبتني أنا وزوجي ما اعرف ليش حتى طلبت مني تحاليل مررررره كتير يمكن 9 تحاليل من غير سبب ولمن رحت لدكتورة منال استغربت قالتلي طلبت منك تحاليل وانت ما تشتكي من شي غريبة
المهم أنا مره طولت في حملي ودخلت العاشر والدكتورة قالتلي يوم الربوع اذا مافي طلق راح تعطيني تحاميل عشان أولد ولله ييسر ويسهل يااااااارب ادعولي بالفرج والله يفرجها على كل الحوامل يارب

هدولا

09-27-2011, 01:34 AM

زوزو و في بالنسبة لابرة الظهر التامين ما يشملها أنا سألت عنها مكتب علاقات المرضى وأعطاني كل المعلومات بالتفصيل وقيمتها 2500 وتكلفة الولادة الطبيعية 9500 للكاش
اذا في اي سؤال كمان محيركم قولولي وانا راح اجاوب انشالله *

ام عبدالله 86

09-27-2011, 09:32 AM

فيّ ..الله يطمن قلبك ياذوق ...
انا الحمدلله بخير لكن مالقيت موعد مع د.سحر واضطريت احجز عند د.منال والحمدلله لقيتها جدا فاهمة وتفهمني وقالتلي عن سكر الحمل وتسمم الحمل وارتفاع الضغط وان شاء عندي موعد معاها بعد اسبوع ..
وبالنسبة للاشعة مو الرباعية ..

هدولا الله يعطيك ساعة السلامة وييسر ولادتك ياكريم
بسألك عن الغرفة انتي شوفتيها وحجزتيها لكي ولو كان جناح يشمل التأمين ؟؟؟

مزن السحب

09-27-2011, 12:21 PM

بس يالغاليات كم سعر الكشف في المركز الطبي وكذلك الولاده

lulu24

09-27-2011, 01:53 PM

بنااااات انا جايى جديدة عجدة وبدي تساعدوني مين عندو فكرة عن الدكتورة هبة سليمان بالمركز الطبي الدولي يفيدني ؟؟!!!!!

هدولا

09-27-2011, 05:21 PM

حبيبتي ام عبدالله أنا ما شفت الغرفة ولا حجزتها بس الغرفة تكون مع بكج الولادة عبارة عن جناح صغير اقل شي يعني اما الباقي في جناح تنفيذي وفي سويت غرفتين وتلاتة غرف وفي جناح ملكي بس اتوقع انو لازم تدفعي زيادة حتى لو تامين
وسعر الولادة الطبيعي 9500 والقيصري 17000 للكاش
بس أنا مو قاهرني غير رسوم استدعاء الدكتورة عشان تولدني دكتورة منال ب2500 والاستشاريين ب4000 والله كتير وما يشملها التامين

هدولا

10-02-2011, 10:41 PM

السلام عليكم يا حوامل كيفكم انشالله طيبين يارررررب
أنا ولدت الحمدلله وكانت مغامرة بصراحه ما أنساها كانها فيلم هههههههه وجبت بنوته زي القمر الله يحميها ويحفظها يارب ويرزقكم كلكم ذرية صالحه يارب
واللي ولدتني دكتورة منال خرباش ربي يسعدنا دنيا واخره مررررره أخلاقها حلوة وعسل وصبرت عليا مره كتير الين ولدت طبيعي وكانت معجزة عشان الحبل السري كان ملتف على البيبي مرتين وكان يسحبها لفوق بس الصراحة الدكتورة ممتازة بمعنى الكلمة وانصح بيها بقوووووووة واللي تروحلها تقولها هديل تمدحك بقووووة خخخخخخخخخخ
وانشالله عقبال ما تفرج على كل الحوامل يارب ياكريم*

Um 3zooz

10-03-2011, 04:40 AM

هدولا حمدلله على سلامتك

والله طمنتيني الله يسعد قلبك

انا بالتاسع لي 8 ايام واراجع عند دكتورة منال

وعملت لها استدعاء طبعا بس ما قد سمعت احد حكاني عنها

ياليت تزيديني تفاصيل متى رحتي لها ؟؟ وكم كان دمك وقتها وكيف خياطتها ؟؟

ويجزاك ربي كل خير

هدولا

10-03-2011, 07:07 PM

أهلين حبيبتي ام عزوز الله ييسر ويسهل ولادتك يارب ويكتب لك ساعة سلامة
والله ماتصدقي قد ايش حسيت انو ربنا يحبني وخلاني أولد عندها وانا عمري ما سمعت عنها حتى الاستدعاء ما عملتو الا قبل الولادة بيوم تخيلي أنا اصلا ما جاني طلق ودخلت العاشر وقالتلي لازم نسويلك تحريض ولادة وحددت لي يوم وماشالله صبرت عليا وقت طويل وحتى الخياطة حسيتها ممتازة واشتغلت بذمة صراحة بس عشان أنا اول مره فما اعرف كيف احكم على الخياطة بس انشالله انها كويسه
وشي تاني أنا اخدت إبرة الظهر اللي ريحتني مررررره مو على قد ماكنت خايفة منها بس الحمدلله اللي ساعدني

ام عبدالله 86

10-04-2011, 07:19 AM

الحمدلله على سلامتك ياهدولا ويتربى بعزكم ان شاءالله
انا جدا ارتحت ل د.منال وطلبتها وقت الولادة (استدعاء)
الله يطمن قلبك ياهديل قولي امين ..
ممكن سؤال يسمحوا بدخول الزوج وقت الولادة ؟؟

ام عبدالله 86

10-04-2011, 07:28 AM

هدولا متى عملتي الاشعة الرباعية ومع مين ؟؟؟

هدولا

10-04-2011, 07:12 PM

الله يسلمك حبيبتي ام عبدالله ويقومك بالسلامة وتولدي أحلى وأسهل ولادة يارب وبالنسبة لسؤالك ايوة يدخل زوجك معاكي أنا دخل معايا زوجي وماما كمان مساكين الله يعطيهم العافيه والله مره حزنوني من الساعة 9 صبح الى 11 ليل جلسو معايا على كراسي ولا عرفو يرتاحو بس الحمدلله ليلة وعدت بسلام
اما الاشعة الرباعية ما عملتها والله ما اعرف ايش الفرق بينها وبين الثلاثية ؟؟*

**ام الشباب**

10-04-2011, 09:46 PM

حبوبات حمد لله على سلامه اللي ولدو والله يقوم الباقين بالسلامه يارب
كنت حابه اعرف انا ما عندي تامين صحي هل المستشفى عندهم برنامج متابعه وايش السعر اذا كانت الولاده قيصريه
ومشكوره

ليناا

10-05-2011, 01:38 AM

يابنات الله يسعدكم تنصحوني بمين لاني حروح افتح ملف عندهم ؟؟

ليناا

10-05-2011, 01:39 AM

انا عندي تامين

ليناا

10-05-2011, 01:44 AM

الحمدالله ع سلامتك ياهدولا وتتربئ بعزك قوليلى كيف خدمتهم بالغرف؟والنظافه والتعامل ؟

هدولا

10-05-2011, 03:12 AM

ام الشباب ياقلبي في عندهم برنامج متابعة للولادة الطبيعية 11500استشاري و10500 اخصائي اما القيصرية 18500 استشاري و17500 اخصائي ويشمل على خدمات كتير تقدري تشوفيها اذا رحتي المستشفى
وبالنسبة لكي يالينا أنا كتبت عن دكتورة منال بس في كمان دكاترة كويسين غيرها ويمدحوهم زي سلمى بغدادي وسحر عيدروس وسوزان الكافي وفي الرجال أنا مره دخلت عند دكتور رائد مرررره ياناس عليه طيب ودمه خفيف وحسيتو شاطر كمان
وأما الخدمة والنضافه الصراحة مره ممتازة وتعاملهم مره حلو كلهم كانو طيبين ودائما يضحكولي انتي روحي وانشالله راح ترتاحي زي ما ارتحت
وأي سؤال كمان أنا في الخدمة يا حبايبي*