مستشفى الصادق بسيهات افيددددوني جزاكم الله خير

[n.moo]

يالييت احد يساعدني محتااره اروح اي مستشفى اتابع انا توني حامل وبكرريه
وسبق ونزلت موضوع عن استفسار لمستشفى الزهراء العام بالقطيف ومافي ردودا
ولحيين حابه استفسر عن مستشفى الصادق بسيهات الي عندها اي خبره عنه يالييييييييييت تفيدني

اي احسن دكتوره ؟؟؟
ومتى وقت دواماتهم؟؟
وبكم المتابعه؟؟
وعلى ايش تشمل
وكيف الولاده ؟؟ واهتماماتهم وبكم سعر الولاده ؟؟
ولو بتابع عندهم اروح ايش الي اقوله ليهم
وطريقة الدفع ؟؟
واد كان الدفع مقدم لا سمح الله صار شي في جنين بعدين مايرجعوا الي المبلغ ؟
ووقت الولاده اروح بورقه ولا كيف علطول الطوارئ


وجزاكم الله الف خير
ياليت تساعدوني
دعواتكم

[ورد القلوب]

اي احسن دكتوره ؟؟؟
الدكتورة زينب انا اتابع عندها واحسها تمام و يمدحوها في الولادة بعد
ومتى وقت دواماتهم؟؟
يختلف دوامهم شهر لشهر يعني ما في وقت محدد لانهم اربع دكتورات
وبكم المتابعه؟؟
المتابعة 1800 و الولادة بـ 2000
ولو بتابع عندهم اروح ايش الي اقوله ليهم ..
تدخلي عند الدكتورة و تقولي لها ابي برنامج متابعة للحامل وبعدين تعطيش الموافقة
وطريقة الدفع ؟؟الدفع يكون كاش

[n.moo]

تسلمي ورد القلوووب
الله يعطيك العافيه


وييييييييييين باااقي البناااااات!!

[شوكليته]

هلا اختي

الله يتمم لي ولك على خير ويقومك بالسلامه ياااارب

طبعا انا لي تجربتين في الصادق وبكتبهم لك كامله

حملي الاول ,,,

سويت تحليل حمل منزلي وطلع لي خطين يعني حامل ^_^

واحترت وين اتابع وبما اني ماعندي خبره ولا عندي اخت اكبر مني فـسألت اللي اعرفه بعضهم مدحو لي المركز الصحي والولاده في القطيف المركزي وطبعا بدووون تفكير استبعدت هذا الشي
وسألت عن الصادق ومدحوه لي بنات عمي وراح زوجي الى الاستقبال وسألهم عن برنامج متابعه الحمل والولاده اعطووه ورقه مكتوب فيها كل شي من زيارات وتحاليل واشعه وطبعا كان ضمن البرنامج تنويم لمده يومين بس الغرف مشتركه فيها سريرين واذا كان المولود ولد فالختان مجانا اواذا كانت بنت تركيب الحلق مجانا

وسعر البرنامج 2800 تدفع منها 1800 عند التسجيل و 1000 بعد الولاده

سجلت وسألوني حابه تتابعي عند من وبما ان بنات عمي مدحو لي عزه توكلت على الله واخترتها

وطبعا كااااانت رووووووعه في كل شي اسلوب وتعامل واخلاق حتى اذا كنت بركب السرير تمسك يدي وتساعدني وتنزلني وتدلعني خخخخ

كانت مررره تجنن بس عيبها الزحمه

واحيانا تحسيها تستعجل شووي

واعطتني رقم جوالها قالت لي اذا حسيتي بأي شي غير طبيعي دقي علي

وكنت اذا حسيت ببعض الالم حتى لو خفيف ادق عليها وتتطمني

ويوم بولد رحت تقريبا الساعه 4 رحت الطوارئ وقلت لهم طبعا اني مسجله في البرنامج واعطيتهم رقم ملفي
وطبعا ما كان فيه دكتوره فسويت استدعاء ( ندفع 200 ريال )
ونسيت ماقلت لهم ابي عزه وهم يوم سألو زوجي قال لهم اي دكتوره
فجاتني الدكتوره زينب وقالت لي تبين عزه اللي تولدك او انا توكلت على الله وقلت لها انتي

ركبوني فووق غرفه الطلق ومارضو زوجي يدخل معي وتضايقت واجد مع اني سألت الدكتوره تحت قالت عادي يدخل الغرفه فيها سريرين وكانت الدكتوره صبووره وااجد وتهدي الوحده وحنونه وهااااااااااااادئه جداااااااا

وعنااايه الممرضاات مررره حلوه يهتمو في الوحده

ووقت الولاده الدكتوره تهدي في الوحده وماتعصب ولا توتر الوحده ابد والممرضات اسلوبهم حلوو

وبعد الولاده عنااااايه واهتمااام كل شوي ينظفو الغرفه ويمسحوها

وفي اليوم ينظفو الجرح ويحطو عليه زي الضوء الحراري تقريبا 3 او 4 مرات ما اذكر بالظبط واول ما الوحده تظغط على الجرس يجوو على طوول واذا الوحده بتروح الحمام يمسكوها ويقفو على الباب والباب مفتوح طبعا

وارتحت وااااااااااااااااااااااااااجد عندهم من حيث الاهتمام والرعايه والنظافه


بس طبعا يوم بطلع دفعنا زياده تقريبا 900 سعر الاكسجين والابره المهدئه والتحاليل حق البيبي

حملي الثاني ,,

اتابع حاليا عند الدكتوره زينب لان تعبت اول مره عند عزه زحمممه بشكل غير طبيعي وانتظر بالسبع ساعات واكثر

بس الاسعار تغيرت الحين البرنامج كامل 3800 ريال وشالو الختان وتركيب الحلق المجاني

ومرتاااحه معها والحمد لله

والله يسهل علي وعليك يا غلاتي

طبعا الخياطه عندهم تجميليه

واي اسأله انا حاااضره وبالخدمه

[n.moo]

مشكووووووووره اختي شوكليته ماقصرتي ربي يعطيك الف عافيه
بس ليشش 900 ؟؟؟
ومو المفرووض تحاليل وكشف على البيبي تبع الولاده؟
وحق شنوو لاكسجيين؟؟

وكيف الزحمه على الدكتوره زينب لانو يوم لاحد بروح باسوي المتابعه وعندي اختباارات نهائيه وخايفه يضيع وقتي بس لازم اروح وصلت 7 اسابيع ولسه مابعد تابعت؟!!

وتنصحيني اروح الصباح او اليل >> عشان الزحمه؟؟؟

[رمال]

هلا حبيبتي ..أنا اليوم كملت شهر من ولدت ..وولدت في الصادق .,
كنت اتابع عند الدكتوره زينب مررره حليوه وهااادئه زي ماقالو لك البنااات وكنت ابي أولد عندها بس وقت الولاده ماكانت مداومه وطلبت إستدعاء بس للأسف ماترد على المكالمااات فولدتني الدكتوووره أمل بس ماعجبتني ..تخبص في البطن وقت الولاااده وتعصر البطن ومدري ايش تسوي ..بس الحمد لله ولدت وتسهلت الأمووور .,

أنا ولادتي والمتابعه وكل شي على حساب الشركة اللي يشتغل فيها زوجي ولاعندي أي فكره عن الأسعار .,
وانا سمعت إن أفضل دكتورتين عزه وزينب .,


والله يقومك بالسلامه يارب ,.

[n.moo]

مشكووره رمال وماقصرتي
ربي يعطيك الف عافيه

[شوكليته]

العفوووو اختي

حنا هنا لمساعده بعض يا غناتي

900 = 400 حق الاكسجين انا قريت في المنتديات انه يخفف الالم وبهذيك الحزه ومع حراره الالم طلبته وخلتني اوقع ورقه وياليتني ما طلبته ما استفدت منه شي بالعكس دووووخني بقووووه

وبقيه المبلغ مقسم بين الابره وبين تحاليل البيبي لان طلع عنده ابو صفار وخلوه يوم زياده عندهم ما اذكر بالظبط كم المبلغ

بالنسبه للزحمه انا حاليا ماصادفتني زحمه عند الدكتوره لان رقمي دائما 1 او 3

وطبعا الصباح الزحمه اخف

انتي اذا رحتي الموعد اهم شي اذا خلصتي من الدكتوره خلاص بتعطيك ورقه للموعد الثاني على طول روحي الاستقبال احجزي لك رقم واذا ما كان فيه بيقولولك اتصلي احجزيه بالتلفون عاد انتي كل يوم دقي لين تحجزي لك رقم قريب يعني 1 2 3 وان شاااء الله ما بتصادفك الزحمه

حاليا انا اشوف الزحمه عند الاشعه اخر مره انا رحت الشهر اللي راح فوووق 4 ساااعاااات انتظر مع ان رقمي 11 !!



وبالفعل مثل ماقالت رمال الدكتوره امل احسها مو ذاك الزود
انا بحملي الاول مره سويت اشعه وجات حاله ولاده للدكتوره عزه فجاتني وقالت لي اذا خلصتي روحي للدكتوره امل تقرا لك الاشعه
يوم رحت لها اعطيتها الاشعه قالت لي كل شيء تمام وانتي الان كملتي الشهر الخامس ؟؟!!
انا استغربت لاني كنت بالثامن مو بالخامس
يوم قالت لي كذا غسلت يدي منها وقلت لها هاتي الاشعه وطلعت هع هع


والله يسهل عليك الحمل والولاده والدراسه ان شااااء الله

[n.moo]

اختي شوكليته ماتعرفي قد ايششش بسطييييييني بردك المفصل
مع اني غيرت رايي عنه لمه في البدايه قلتي انه تجلسي 7 ساعات تنتظري
بس الحين لمه قلتي انه احجز واروح هنا انبسسسسطت زوجي مايجب الزحمه وقالي خلاص مانبي الصادق عشان بس قلتي فيه زحمه
ورحم الله والديك غناتي جعلها في ميزان حسناتك
وومشكووره وماقصرتي

[شوكليته]

العفووووووو اختي ما سووويت شي يا غناتي

واحب انبهك لنقطه ما كنت ادري عنها

يوم رحت اخر موعد جلست اسولف مع وحده هناك وكانت تتابع على حساب زوجها
واول موعد لها كانت عندها اوراق تحاليل تقول بتسويها في المركز الصحي اللي تبعهم في منطقتهم
سألتها كيف قالت بعض التحاليل غاليه وهي قالت حق الدكتوره تكتب لها ورقه بالتحاليل وهي بتسويها في المركز الصحي وببلاااش طبعا
وحتى الابر اللي تاخذها الحامل عاد ما ادري بأي شهر
قالت ان الابره في الصادق تقريبا 150 او اكثر فهي تخلي الدكتوره تكتب لها ورقه وتروح تاخذها في المركز الصحي

[n.moo]

اهااا ربي يعطيك العافيه خيتي
بس بسالك يعني مو اي تحاليل تشمل المتابعه؟؟
ولابر ؟

[شوكليته]

الله يعافيك اختي

فيه بعض التحاليل مو تبع البرنامج ممكن تطلبها منك مثل تحديد نسبه السكلسل اذا كان معك او كنتي حامله للمرض الله لا يقولها