خائفه طمنوني (لتهاب البول وصديد بنسبة أعلى من الخمسين)

[عمة رورو]

اخواتي انا بالشهر الخامس معي إلتهاب بول وصديد وصل نسبته فوق الخمسين اعطتني دكتورتي مضادات بس ماراح بس خف المغص شوي اللحين معاي افرازات مزعجه من شهر الدكتورره تقول ان ما فاد لازم ترقيد للالتهاب بس رفضت خايفة مع العلم اعطتني مثبتات من الشهر الثالث بس وضع الجنين حلو اللحين ارجوكم الي عندها خبرة تطمني وهل الترقيد افضل؟

[~ درر ~]

دامها قالتلك ترقيد اسمعيها
لاتاخفي مشكلتك اهون بكثير
والمفروض الوحده او ماتفكر تحمل تشيك على نفسها من الالتهابات
والدم
ان شالله خير اهم شي استمري على العلاج ومابك الا العافيه

[عمة رورو]

الف شكر اختي درر ان شاء الله تولدين بالسلامه بس وين الردود

[سما روحي]

مرحبا اختي
بسالك مااعطتك فوار لاني انا بحملي الاول صار معي التهابات
واعطتني فوار
وحبوب واسبوع اكلهن والحمدلله راح والمغص راح بعد
الله يقومك بالسلامه انا اقول روحي ولوحده ثانيه احسن وتتطمنين

[تناآآهيد العتب]

اللي تقوووول الوحده ماتفكر تحمل الا لما تشيك على نفسها من الالتهابات
والله انا دايما تعالج منها مااادري وش السبب مع اني اهتم كثير اشرب ماء كثير المنطقه دايما نظيفه
وحتى زوجي سوى تحليل عشان ابي اتاكد اخاف هو اللي ينقل لي طلع مسكين مافيه شئ سليم
يعني والله انا من تزوجت وكل شوي اروح اتعالج عشان الالتهابات
لكن الحمد لله ربي ييسر امورنا

[**سماسم**]

ضروري يالغاليه تعالجين الإلتهابات قبل الولاده وربي يكتب لج الشفاء منها ويتمم حملج على خير ويسهل ولادتج
,,

[عمة رورو]

مشكورات اخواتي والله ماادري ويش اسوي اعطتني نوعين مضاد بس مافاد والله مهتمه بنفسي واول حمل لي وخايفه عند الولاده تضر الجنين سويت مزرعه بس طلعت سليمه والتحليل العادي التهاب ما ادري وين الصح اختي سما لا ما اعطتني فوار بس مضاد بس اللحين مستمرة على الماي خايفة على الجنين من كثر المضادات بس شكل الترقيد هو الحل الاخير دعواتكم

[كيداهم]

انتبهي تراها تسبب الولاده المبكره مع تمنياتي لك بالشفاء والسلامه

[عمة رورو]

مشكورورره اختي كيداهم ما مخوفني الا الولادة المبكرة

[كراميش]

عليك بقهوة الشعير مفيدة لصديد البول