استشاره اكل التمر ؟

[ويبقى الامل مادامت الحياه]

سوال للحوامل الحلوات

هل اكل التمر في الشهور الاولى مضر؟ بصراحه حاسه الم اسفل ظهري وفي رجولي بعد ماكلت تمر. معقوله هو السبب ياليت الي عندها فكره ترد علي وجزاها الله خير والله يهون على الجميع

[**سماسم**]

التمر مفيد وما أظن أنه مظر للحامل بالعكس كل إلي أعرفهم من يوم يحملون إلين يولدون وهم ياكلون تمر والحمدالله ماصار لهم ولا لأطفالهم شيء ..
وربي يثبت حملج ويتممه على خير ويقومج بالسلامه انتي ونونو
,,

[ويبقى الامل مادامت الحياه]

ان شاء الله اشكرك ياذوق وربي يقومك بالسلامه

[qatar eyes]

والله مادري حبيبتي بس الدكتوره منعتني منه قالت مسوين دراسه ا ن يسسب انقباضات رحميه وانصحتني اكله في التاسع ان يعجل ويسهل في الطلق والولاده

بس مادري اهلي ياكلونه ويقولون عادي احنا متعودين عليه فترة الحمل ..

احترت من اصدق ..

الله يثبت لج حملج ويخلصج على خير حبيبتي

[ياليت القى جواب]

والله انا ذحين في التاسع وفي بدايه حملي توحمت عليه بس قاعده اكل فيه والحمدلله ماصار لي شي

[الهنوف 2011]

مدري بس احسه عااااااااادي

[الاميره دودي]

وانا كمان الدكتوره قالت لي اذا سبب لك مغص اتركيه ولا تستخدمينه لانه يسبب انقباضات بالرحم ، علشان كذا يوصون الحريم اللي بالتاسع انهم يكثرون منه لانه يسهل الولاده ...

[اشتياق]

والله مدري بس انا بشهوري الاولى
واكل تمر حتى احيان اكله مع سمن بري
عادي احس انه يعطيني طاقه وقوه

[~ درر ~]

انا افطر كل يوم 7 تمرات لاازيد ولا اقل بالعكس التمر
يزيد وزن الجنين ويفيده ويفيدك لانه في كل الفيتامينات والمعادن
وخصوصا اذا شربتي معاه لبن

[لينوو"]

الدكتوره قالتلي وانا في الشهر الثاني كلي عادي بس لاتزيدي عن خمس حبات في اليوم

[مرهفة حس]

ماتوقع التمر فيه جميع الفيتامينات كلي وعليك بالعافيه

[اغليك يا الجنوب]

ما اعتــــــــــــــــــــــــــــقد

[ابنائي حياتي]

التمر مفيد وفي جمييع انواع الفيتامينات والعناصر الغذائية
بالنسبة للحامل حسب الحالة
يعني مرة اخوي تاكله من اول حملها للاخر وما شاء الله ولادتها سهلة
يوميا تاكل 21 تمرة
عن نفسي اكلت اول الحمل وعادي ماصارلي شي
اكلت حوالي 15 تمرة بيوم
بس وقفتو عشان عملت عملية ربط عنق الرحم بسبب الولادة المبكرة
بس ناوية ارجع اكلو لاخلص الشهر الرابع ان شاء الله على خير
لانه بالمنطق غذاء النساء ايام الرسول صلى الله عليه وسلم كان اكثرو التمر بما انه هو الموجود دائما

[أإأم ع‘ـــزُوـوزُ]

الأفضل تاكلينه بالشهور الأخيره إن شاء الله

والشهور الاولى مايسبب ضرر بس نصحيه عدم الاكثار منه ...

الله يسهل عليكي يارب .....

[عانيت بسكات]

انا اللي اعرفه ان الرطب اللي يسهل الولادة حتى مذكور في القرآن الكريم
بس انواع التمر الثانية ما اتوقع منها ضرر

[تناآآهيد العتب]

اللي سمعته ان التمر يفتح الرحم
والا ليش ينصحون فيه بالشهر التاسع
انا لما اكلت منه نزل مني دم
يعني بطلي