استفسارعن المستشفى العسكري بالرياض

[انيقه]

بغيت اسال عن المستشفى العسكري بالرياض من قد ولدت فيه قريب او تعرف وحده اولدت فيه تعلمنا كيف كانت ولادتها لان راح اولد فيه وخايفه منها تكفون جاوبوني

[كل الحلى]

هلا حبيبتي

أنا ولدت فيه قبل شهر والحمدلله كل شيء كان كويس

طبعا عنايتهم مررره كويسة وتعاملهم مررره كويس

واللي تولد طبعا قابلة لكن إذا تعسرت الحالة يجيبون لك طبيبة وبعد ماتولدين على طول يخيطونك وخياطهم مرررره حلوووو

عناية بالطفل حلوووة صح يخلونه معك لكن إذا طلبتي ياخذونه للحضانة عادي ياخذونه

أكلهم كووويس

وبببسسسس


وأي سؤال يطري على بالك أسألي ياقلبي أنا حاضرة

والله يقومك بالسلامة يااارب أنتي والنونو

[انيقه]

الله يجزاك خير وماقصرتي بس بعد بغيت اسالك انتي راجعتي عندهم من اول حملك لان انا توني بديت اراجع عندهم وانا في الشهر الثامن واخاف مايستقبلوني لان سمعت الاولويه للمراجعات من اول الحمل هل صحيح هذا الكلام

[كل الحلى]

لا ياقلبي أنا مابديت أراجع إلا من السابع كنت قبل أراجع بخاص

وعادي معاملتهم لي زي أي وحدة مافي فرق

بعدين إذا كنتي تبعهم ومعك البطاقة الخضرا مايقدرون يقولون شيء غصب عنهم بيكشوفون

ويعاملونك مثلكل مثل غيرك لأن في شيء أسمه علاقات مرضى موقفتهم عند حدهم

[منوش2]

حبيبتي العسكري هي نفسها قوى الامن
لاني اراجع فيها وان شاء الله بولد فيها
اختي تولد فيها وتقول كويسه واذا صار عندهم زحمه ومافي مجال يولدونك يقولولك اختاري المستشفى اللي تبي تولدين فيها
قالو لاختي كذا وولدت في المواساه

[بدون نك]

مستشفى العسكري حلو مررررره وتعاملهم حلو
انا اختي ولدة فيه تقول يجنن

[انيقه]

الله يريح بالكم زي ما ريحتو بالي والله يجزاكم الف خير

[ياحبيبي يالله]

مستشفى العسكري غير مو هو نفسه قوى الامن
انا تبع العسكري مرررره حلو للحوامل