طاولة الغيار و استحمام البيبي في جده

[r4m]

سلام عليكم حوامل ^^

انا بجهز للبيبي وانا بكرية

بس بدور علي اماكن ومحلات لبيع طاولة الاستحمام والتبديل في جده

وهادا بعض من اشكالها

http://forum.hwaml.com/imgcache2/hwaml.com_1306055262_421.jpg

http://forum.hwaml.com/imgcache2/hwaml.com_1306055263_725.jpg

ياريت لو في وحده اشترتها او تعرف مكانها تدلني بليز ^^ عندي بس شهر ادور عليها


وفي نوع يجي يشبه لطاولة الكوي يعني الارجل من الاسفال تكون عكس بعض اكس يعني وبينهم رف واحد لاغراض البيبي

وهادا اكتر نوع ادوره لانو اقلهم مساحه خصوصا لبيتي الصغير

وربي يسعدكم

[رينآد]

خيه آني لقيتهآ بكل فروع
سنتر بوينت ومذركير .. يعني آكيد بتحصليهآ هنآك .
/
والله يسسهل علينآ

[r4m]

شفتها في سنتربوينت

بس غاليه علي انو البلاستك اللي فيها كانو رخيص بصراحه
فقلت ادور واسالكم علي اماكن تانية

الان عرفت عن مذركير راح اشوفو بصراحه هوا فوق ميزانيتي لانها محدوده
بس بشوف ويارب تتيسير الامور

لو في مكان او محلات جمله او عاديه ياريت تبلغوني بنات جده

[r4m]

اليوم فجاه لقيتها عند نبيل العيسائي في حراء
طبعا كم شكل عندو
والي زي الصورة فوق
قالي سعرها 450
مدري اكتر يعني قولي 500

ماخدتها سعرها مرة كتير علياا وعليها
علي انو للامانه البلاستك حقها مرة كان كويس وجودته عاليه عكس الي في سنتربوينت
ومازلت ادور وابحث
وياريت الي تلاقي تبلغي والله يجزيها بدعيلها

[سكاكر77]

مذركير

والله يتمملك على خير

[nsx]

حبيبتي الحقي نفسك دحين سنتربوينت عامل تخفيضات انا اشتريتها 350 من اول اكيد دحين ارخص وأنا اخدت الي معاها البانيو

[~ درر ~]

مذركير وسنتر بوينت تلقس منها كثير

[ام اسكندر]

مذر كير
ايكيا
رد تاق<< الحقي تخفيضاتهم
ماني متأكدة من سنتر بوينت>>> الحقي التخفيضات

[r4m]

ان اس <<مافيا اقلب اللغه خخخ
لقيتها في سنتربوينت الان علي 250 او 200 بالتقريب علي حسب الموديل طبعا وكلها فيها بانيو
انا البانيو اهم عندي من طاولة التغير العاديه طبعا

بس ابغي اشوف لو في محلات تانية امكن احصل سعر اقل عشان ميزانيتي ماتكفي وتسمح لسه باقيلي حاجات كتيرة ماجبتها

درر
رحت مذركير ماحصلت عندهم .. شكلو يبغالي ادور فرع كبير
بس اتوقع مذركير سعرو بيكون مو مناسب ليا مدام سنتربوينت طلع ع 250 اكيد هوا اكتر

بس الله يعين حادور اليومين دي ماحصلت باخد حق سنتربوينت لو قدرت
انا كنت اتمني احصلو في محلات جملة

[مرهفة حس]

فكرة الطاوله حلوه لتغيير
طيب وين تنحط
باي مكان اشوفها في سنتر بوينت ومذركير
ان شاء الله تلقينها بالسعر الي يناسبك وتبلغينا
موفقه

[ام تميم 66]

روحي مذر كير كبير ويكون رئيسي وان شاء الله تلقين يا الغلا,,,

[r4m]

مرهفه
هيا طاولة تغيير +استحمام يعني بانيو الطفل
فلازم تكون في الحمام
انا للامانه حمامي صغير فالظاهر بخليها بالمطبخ لانو جمب الحمام وفيلو مكان خخخخ
لو مازبط امري لله بحشرها بالحمام بس بعد الاربعين عشان صعب اضيق علي نفسي
ولو لقيت بسعر مناسب حاقلك يا قلبي


ام تميم
شكرا اختي : )

[r4m]

مالقيتها للان
في احد لقاها عند الجمله ؟

[ناردين]

حبيبتي انا اشتريتها يوم الخميس اللي من تحت زي الاكس وبرف واحد مشمع
و6 رفوف جانبيه والبانيو وطاولة التغيير
الحلو انها خفيفة وتتطبق وخامتها ورسمتها مره حلوه
اخذتها من سنتر بوينت ب215 ريال آخر حبه من اللون الوردي
وفيه لون قوي ماكان مخفض ب269 لانه مو آخر حبه
وفي موديلات اغلى انا ابدا ماكان على بالي اشتريها
بس بصراحه عجبتني ذاك اليوم واول مره القاها بذا السعر
موفقه

[r4m]

شكرا ناردين

انا ابغاها لون محايد ماحب وردي او ازرق والله يسهل شكلو مافي غير ابو سنتر بوينت

مارح أيأس بفضل ادور لحد اقرب ولادة بعدها اشتري خخخ

[r4m]

سبحان الله العظيم

محد لقاها للان ؟ ^^ نفسي اشتريها بس مابدي استعجل علي سنتربوينت خصوصا الي ابغاها وتتطبق لونها مو حلو عندهم

[MhAwI]

انا داخله مزاجي ان شا الله راح اشتريها لان بطفلي الاول مااخذتها لكن هذا بأذن الله راح اخذها
موفقه ان شا الله تلاقي السعر المناسب

[r4m]

ان شاء الله تحصليها اختي

وربي ييسر علينا يارب ويرزقنا عشان نجيب كل شي للاطفال

[ميلاد حلم]

888888888888888

شدي حيلك ودوري عليها واذا لقيتيها لاتنسين علمينا
وفعلا لو تاخذين لون محايد يكون افضل عشان تستفيدين منها اكثر

يارب تلقيها .........

[r4m]

ان شاء الله بس لسه مالقيتها وماسرت اقدر انزل السوق كتير

الي تحصلها تقولنا

[كالشموس أشرقي]

يا عسل تخفيضات سنتر بوينت بتخلص يوم الجمعه الحقي عشان لو رجعت لسعرها الاساسي ما راح تلاقيها اقل من 400 ريال

[r4m]

طيب لو لي نصيب فيها حاشوفها
نفسي اجيب شي حسب ميزانيتي بالجمله

وشكرا اختي عالنتبيه