ساعوني بعلاج لأبو وجه

[فجر المحبة]

السلام عليكم ورحمة الله وبركاته..ولو........
مساء الخير... الله يخليكم أمي جاها أبو وجه يسمى علميا( شلل العصب السابع) ومحتارة ماتدري وش تعالجه فيه...........
وتعرفون الناس كل واحد يجيب له طب فيه أحد يقول (الوطي: اللي هو يجيها أحد يعرف ويوطاها مع رقبتها برجله....ومحوا لنا واحد بالمجمعة مختص بهالشي ويعرف زين)
وثاني يقول(الفصد بس يقولون آلحين مافيه أحد يفصد,,وفعلا الفصد زين لأن أخوي جاه أبو وجه قبل عشر سنين والحمدالله نفعه بعد الله سبحانه.. بس توفى اللي فصده الله يرحمه)
وأحد يقول فيه واحد بالرياض إسمه النويصر يدلك بقطرة و3أيام وهو طيب وأخوي ساكن بالرياض ويقول لأمي بأخذك بكرا معي أوديك لمه
وأمي فيها ضغط وأخاف تأثر عليها القطرة..
طبعا أمي ناويه تاخذ جلسات تدليك بالعلاج الطبيعي عند مستشفى وقالوا لها بنعطيك إبر وهذا علاجه المعروف عند المستشفى وامي موافقة...بس كل من جاها دخل برأسها علاج فالله يخليكن إذا تعرفون أفضل علاج دلوني والله لادعيلكم...
أو إذا تعرفون أحد يفصد دلونا عليه أمي مرتاحه للفصد... وإذا أحد يعرف عن النويصر يقولي كيف علاجه...
آآآآآسفييين طولت عليكم بس والله أكتب ودموعي ع خدي أقول ليته فيني ولافيك يمه..........
الله يخليها لنا ويهون علي ولادتي يارب.....

[فجر المحبة]

نسيت أقولكم إن أمي"ربي يخليها لنا" لابسة نظارة شمسية ونقاب واللمبات مستحيل نشغلها عندها..بس ماأدري هل الجوال منه ضرر إذا كلمت فيه ... وهل الإزعاج يأثر عليها لأن عندنا عيال إخواني وماشاء الله قمة الإزعاج الله يصلحهم.......ردوا الله يخليكم....

[زهرة النرجس]

ربي يشافية ويعاافية من كل شر

[#عيــ الجوريه ــون#]

الله يشفيها ويعافيها يارب

طيب ماوديتوها المستشفى يعطيها أدويه أو ابره00

انا سمعت عن الي يوطي الرقبه بس ماصدقت قلت غريبه فيه طب كذا 0

اسالو النويصر هل فيها ضرر القطرة عليها ولا اذا مافيه ضرر تتو كل على الله
وبعدها سوي لها تدليك بزيت مقرؤء فيه 00

ماتوقع ان الجوال فيه ضرر بس ماتطول وهي تكلم 00
وعينها غطيها عشان ماتنشف ويصير فيها التهاب 00

وماعليها الى العافيه وطمنينا عليها 0

[متغليه لعيوني]

الله يشفيها ليكم يارب ويقر عينكم بشفاها انا ما اعرف شي عن هذا المرض بس اسمع عنه بس حبيت ادخل وادعي لا امك والله يحفظ امي وامك وامهات المسلمات والمسلمين جميعا يارب ويخليهم على راسنا بصحه وعافيه يارب

[من دار بومتعب]

اختي فجر المحبة ،،،
الله يطول لك في عمر الوالدة ويشفيها المولى عاجلا وليس اجل
غاليتي علشان مااكذب عليك والله اول مرة اسمع عن طريقة العلاج اللي ذكرتيها وابو وجة كثير يصيب كبار السن عندنا ودائما يروووووحون عند ناس يستخدمون الكي بالرغم اني ماحب استخدم هالطريقة بس عن جد كل الناس اللي تعالجوا تشافوا بفضل الرب واتباعهم الحمية حقت الكي ومن ظمن الناس الوالد الله يطول لنا بعمرة والطريقة الثانية العلاج بالابر وبعد زينة هذا اللي انا اعرفة قلته لك الله يشفي لك ميمتك ويقومها لك بالسلامة ويهون عليك اميييييين

[ارجوان الحفر]

الله يشفي امك ويخليها لكم يارب بيوم هالجمعه في ساعه الاستجابه آآآآآآمين يارب
وطمنيني عنها حبيبتي

[السامره]

انا سمت عنه والان بنت اختى جاها وتتعالج عند واحد يعالج
ويقرا واعطهازيت ومويه مقري فيها الله يشفيها ويشفى بنت
اختي

[دلع بنات]

ياقلبي عليكم
والله ماعندي علم بس حبيت ادعي لامك ربي يشفيها ويخليها لكم يارب وتقر عيونكم بشفاءها ياحي ياقيوووم

[اجمل ما خلق ربي]

انا جاني بس تعالجت بالابر والعلاج الطبيعي والحمد لله تحسنت خلال 10 ايام

الله يشافي امك ويخليها لك