نخيتكم يابنات ساعدوني؟

[بنت الاجـــواد]

السلام عليكم ورحمة الله وبركاته

هلا وغلا بكل من دعست هووون

بدخل بالموضوع ع طول

بنات انا توهقت وحطيت حناء فرد الاعشاب السوداء

ولها الان بشعري سنه مو راضيه تروح

شعري كان كثيف وحلو مو جعد
والان صار ضعيف وكأنه محترق

ابغى الحناء تروح من شعري كيف؟؟

من عندها خبره او تجربه وراحت منها او طريقه اتخلص من الحناء وربي توهقت مدري شنو اسوي


ساعدوني واللي بتساعدني لها مني دعوه بظهر الغيب

[sweet moon]

حنه سوده قصدك ؟؟

طيب يااختي جربتي تصبغين عليه وتغيرين لونه

او جربتي الزيوت

تمحي اللون تدريجيا

انا كنت مدوامه على الحنه العاديه

من يومي صغيره وكبرت شوشتي لونها احمر على بني >> لون شياب

وصرا ازيته يوميا والحين رجع اسود ^^

[بنت الاجـــواد]

هلا حبيبتي


اي اقصد الحنه السوده
ماينفع اصبغ فوووقها لانه بيحترق وبيطيح كله
ولا ينفع اسحب الفرد راح يتدمر اكثر
يسلمو حبيبتي ع طلتج

ان شاء الله من جربتها تفيدني ربي يسعدكم

[كل الحلى]

حبيبتي أنا عندي طريقة تزيل الحناء من الشعر عطتنياها كوافيرة

وخلال 4 شهووور راح تزول الحناء على طول

وهي عبارة عن بيضة ومايونيز وعسسل طبيعي >> لاااااازم طبيعي

وإذا ماعندك بلاش العسل بس مايونيز وبيضة

تخلطيهم وتحطيهم بشعرك مدة ساعتين إلى 3 ساعات

وتلسين فوقهم كاب بلاستيك وبعدين تغسليه

وتسويها مررره بالأسبوووع

وتشوفي كيف راح تشيل الحناء من شعرك شيل

أنا مارضت تصبغ لي إلا لما سويتها وبعد 4 شهور صبغت لي وطلع الصبغ روووعة

جربيها وأدعي لي أنا وياها

[بنت الاجـــواد]

اهلين حبيبتي

من صج تروووح؟.
الكل قال لي لاتحلمين تروح من شعرك الا اذا قصيتي شعرك مثل الولد
وربي مسببه لي وسواس هالحنه السوده

للي ماتعرفها هذي صورتها
http://forum.hwaml.com/imgcache2/hwaml.com_1306106061_983.jpg



وحاولت بشتى الطرق اشيلها من شعر راسي مو قااادره
وربي تحطمت
ان شاء الله راح اجرب اللي قلتي لي عليه
وان شاء الله تروح من شعري
لاني بجد خاطري اصبغ شعري لان شعري فيه شيب
وصعب اصبغ وفي راسي هالخلطه
والمشكله احااااتي كثيبر عندنا زواج بنت عمي ع العيد ان شاء الله

وربي لو تروح من راسي لا اجلس ادعي لك طوووول العمر انتي مع الكوافيره
ربي يسعدك ويوووفقك ويحفظ لك غاليك

[كل الحلى]

جربيها ياقلبي وإن شاء الله ع العيد بتكون رااااايحة

وبتدعين لي إن شااااء الله

[بنت الاجـــواد]

الله يسعدج يارب دنيا واخره
ان شاء الله راح اجربها والف شكر لج حبيبتي
دعواتي لج ياقلبي بظهر الغيب تستاهلين كل خير

[أمـ وسامـ ..]

ماعندي خبرة لكن حبيت ارفعه لك حبيبتي

[بنت الاجـــواد]

يسلموووووووووووووو ربي يرفع مقدراك

[سموة الشوق]

طيب لو شعرك طويل قصي اللي تحت اللي فيه الحنه

وتريحي بالك

وجربي الخلطة لأن مكوناتها طبيعية وزينه للشعر يالغلا


ودائما رطبي شعرك بحمامات الزيت

تنشط الشعر وترجع حيويته وتطوله لك

والتالف تشيليه بقصة حلوة تناسبك

[بنت الاجـــواد]

هلا بك ياقلبي

اي شعري متوسط الطول
والان الصبغه تزلت بس مو واجدبس جزء بسيط
لو اقص شعري بيكون القصه قصة ولد
وانا ماحب القصات القصيره
لو ع الاقل نازله الصبغه الين نص ظهري كان قصيت الين الصبغه
يالله ربي كريم ويطول شعري
مشكوره حبيبتي ع طلتك