عندي استفسار عن الحبوب المثبته.

[ريم الحربي]

بسم الله الرحمن الرحيم
وعليكم السلام ورحمة الله وبركاته ...
كيف حالكم إن شاء الله دايم بخير ؟ ؟؟
حبيت أسألكم انا بالشهر السادس بالاسبوع الاول ومن اول شهر الى الى الشهر هاذ وانا استعمل الحبوب المثبته وخايفه من كثر الكلام اللي اسمعه انه يقفل الرحم ويأخر الولاده وووووو ....
والله خايفه من ذا الكلام ,,, اتمنى حد يفيدني ,,,احتريكم فديتكم ...

[na3ooma]

غريبة الدكتورة ليش وصفتها طول هالمدة ؟ هي تقريبا اول 3 اشهر وبالذات من الاسبوع 5 الى 9 لأنها فترة خطر , وللي نزل عليهم دم او حملوا بمنشطات

اهم شي تأكدي من دكتورتك , واذا رأيها تستمري استمري وتوكلي على ربك ولا تخافي اكيد عندها خبرة وخلفية عن الحبوب
الله يتمم لك على خير وتشوفي البيبي سليم معافى بحضنك يارب

[rose]

والله مرررررررة طويلة الفترة
زي ماقالت الاخت انا استعملتها بس اول 3 شهور ووقفتها
اتمنى تبلغي دكتورتك هل انت تحتاجيها او لا

[ريم الحربي]

يعطيكم العافيه ,,, بس كل مره اراجع عندها في موعدي تسأل مداومه ع الحبوب اقول لها ايه وماتقول خلاص وقفيه ؟؟؟
بس أبسألها في موعدي بعد أسبوعين ان شاء الله وأشوف وش تقول ,,, بس حبيت أسأل مجرب ولا أسأل طبيب ...

[الاميره دودي]

حبيبتي انا الدكتوره قالت لي استخدميه وقت الضروره ( 3 حبات باليوم اذا فيه دم ) و (حبتين باليوم اذا مغص ) وقالت الافضل ثلاث الشهور الاولى بس وعننننننند الضرووووره وانا الى الان استخدمها لانه جاني نزيف بداية الحمل وكل ما اسألها اوقف ولا لاء تقوولي براااحتك ,, والصراااحه انتي الان بالشهر السادس يعني ان شاءلله ماعليك خطر من الاجهاض ومولازم تيستخدمي المثبت والله انا خااايفه منه لانهم كثييييييييييير قالو لي يقفل الرحم وما تولدي غير عمليه ..والله اعلم
معليش طولت عليك ..
الله يسهل لك حملك وولادتك وللجميع

[اميرة بكلمتي]

انا أخذتها لين بداية الاربع ورحت قالت خلص وقفيها كل شي تماااام
روحي وتاكدي يقولون كثرتها مو زين

[لميندا]

غريبه لحد الان تاخذيها بس كم حبه فاليوم
والله يتمم لك على خير

[كبريا انثى]

والله انا اخذتها وطولت عليها فعلا تقفل الرحم والولاده تاخرت زودت على التاسع بعدين عملو لي طلق صناعي ماانصحك تطولي عليها

[ريم الحربي]

خووفتونــي ...
انا اخذها مرتين باليوم ,,, خلاااااااص انا اذا رحت لها هاي المره راح اقول لها اذا خلاص او لا حتى اذا قالت لا راح انا اوقفها ,,, وهي اعطتني اياها ع شان انا اول مره سقطت ومره صار حمل ضعيف وهاي المره الحمدلله ...اتمنى مايكون بوه تأخير واولد ع موعدي وطبيعي ان شاء الله ,,, والله يعطيكم كل اللي تتمنون ان شاء الله ويعطيكم العافيه ...

[qatar eyes]

انا لحد الحين مداومه عليه وحبتين في اليوم بعد
بنات طمنوني ليكون موب زين انا في الخامس

[ريم الحربي]

الله يكون بعونك qatar eyes انا ان شاء الله اذا جا موعدي راح اكلمها عن الحبوب واشوف وش راح تقول واجي اخبرك ...

[Ghaawe]

مرت اخوي بتوخذ الحبوب المثبتة للشهر التاسع وبتولد طبيعي بس الطلق صناعي ما بيجيها طلق من ورا الحبوب المثبيتة
الله يتمملك حملك يا رب

[ريم الحربي]

يعطيك العافيه ,,,آمين ويتمم حملك يارب ...وانا راح استشير الدكتوره بعد ...

[زوجي دنيتي]

شوفي حبيبتي الولادة تساهيل انا في حملي الاول اخدت ابر مثبتة كل خمس ايام مع حبوب الدوفاستون ولا كان عندي شئ يعن ماينزل دم ولاشئ بس الدكتور يقول اظمن المهم انا استمريت على الاب الين الرابع والحبوب الين السابع والحمدلله ولدت في الاسبوع الثاني من الشهر التاسع يعني في نصف التاسع والحمدلله طبيعي ولاطلق صناعي ولاشئ وكنت خايفة زيك المهم دكتورتك هي عارفة بحالتك خصوصاً انه كان عندك مشاكل الله ييسرلك الخير

[ريم الحربي]

خففتي من خوفي ياقلب خيتك ,,, وانا اول مثل ماقلت مسقطه وحمل ضعيف بس الحمدلله ,,,الله يعطيك العافيه ...

[الدلووعه]

ان شااء الله خير يالغاليه لا تخاافين
أنا بالساادس والدكتوره قالتي اكلهااا بس الحبوب هي (يوتوبار)
لان عندي مغص قالت ممكن يسبب لك ولادة مبكره عشان كذا اكل مثبت

[ريم الحربي]

لا حياتي انا اسم الحبوب دفستون ...والله يثبت حملنا ونولد بالسلامه يارب ...

[الدلووعه]

اي انا كان بشهر الاول الي الثالث دافيستون
بعدين قالت وقفيه وقبل اسبوع توني دخلت السادس وجاء معاي المغص
ووصفت لي يوتوبار
الله يسر لنااا

[ريم الحربي]

أهاااااااااااااااااااااااااا الله يسهل ,,,
تعالي حياتي والا بغيت اقولك ع انك تو دخلتي الشهر السادس انتي اخر يوم للدوره كانت متى ؟؟؟
لاني تو وحده من الخيات تقول انا بنهاية السادس بس باقي لي اسبوع وادخل السابع وانا حسابي تو دخلت السادس لي اسبوع ؟؟؟ فمدري اتمنى مازعجتك بقرقره حقتي ...

[زهرة البنفسج]

انا فعلا استمريت عليه للسابع بعدين تعبت مره بالولاده ومافتحالرحم الا بغيت اموت
انتي اسأليها واذا وضعك تمام وقفيها
الله ييسر لك

[الدلووعه]

لا عااادي قلبوووشتي
بس والله ماذكر ممتى اخر دوره
بس ولادتي على 8/10 هجري يعني بعد العيد بأذن الله
وانا بالاسبوع الثاني من السادس يعني الاسبوع 24
انتي بأي اسبوع ؟؟

[ريم الحربي]

حتى انا في ثاني اسبوع من السادس وولادتي في 21/9 رمضان ان شاء الله ؟؟؟ كيييييف تسذا ؟؟؟

[الدلووعه]

عيوني انتي بالاسبوع 26 بكره تدخلين 27
يعني 5 ايام ودخلين السابع
شوفي هنــــــــــــــا
http://forum.hwaml.com/t44078.html (http://forum.hwaml.com/t44078.html)

شوفي حبيبتي هذا الرابط حطي موعد ولادتك ويطلع لك باي اسبوع انتي
http://tickers.baby-gaga.com/pregnancy.php (http://tickers.baby-gaga.com/pregnancy.php)

أدعي لي ياادبدوووبه ,.,.,.,

[بصيص الامل]

انا اخذ مثبت عن طريق الابر ولمن سألت الممرضة لمتى اخذ هذا المثبت قالت اذا وحدة حامل بواحد لشهر 3 شهور واذا حامل بتؤم لشهر السادس
حبيبتى هالمرة تاكدى من الدكتورة لمن تروحين احسن والله يكمل لك بالسلامة

[حجابي عفافي]

مرحبااااااااااااااااااااااا
انا قبل هالمره حامل وصار معي نزيف وعطوني حبوب مرتين باليوم وابره كل ثلاث ايام وسقطت الله موكاتبه والحين انا حامل بنهاية الشهر الثالث والدكتوره تقول من تخلصين الثالث تتركينه بس اكل حبوب بس شكل الدكتور بقره مافي احد ياكل حبوب بالسادس وريحي نفسك لاتجهدين نفسك وعقبين اذا خايفه انه يقفل الرحم في ادعيه تسهل الولاده حماتي كانت تاكل حبوب ومثبت وولدت طبيعي ولدت الثاني مااكلت شي وولدت قيصري يعني مو شرط واللي كاتبه الله يصير وعقبين استودعيه الله الله يوفقكم ويسهل عليكم