المساعد الشخصي الرقمي

مشاهدة النسخة كاملة : استفسار عن مستشفي الملك خالد بحفر الباطن

حلمي طفل يناديني
05-11-2011, 04:23 PM
بسم الله الرحمن الرحيم


السلام عليكم ورحمة الله وبركاته

الله يخليكم ويسهل عليكم ولادتكم من تعرف عن مستشفي الملك خالد بحفر الباطن

من ناحيه الولادة ومن احسن دكتورة او دكتور والله محتاجه مساعدتكم بعد الله

انا بكريه ولاعندي احد بالحفر وخايفه والله .....

الله يسهل ولادتي ويقر عيني اااامين ياربي
نسمه الليل
05-12-2011, 12:51 AM
اهلين اختي...
الله يسهلك وييسرلك ولادتك يارب
انا نفسك بكريه بس سالتلك يقولون المعامله ماعليها طبعا الدكتورات كوكتيل في مصريه اسمها كمليا هاذي اللي سمعت عنها
فيه مستشفى خاص اسمه نور خان سمعت ان خياطتهم مضبوطه واهتمامهم حلو
والله يتمملنا ويتمملك على خير يارب
حلمي طفل يناديني
05-14-2011, 07:36 PM
الله يجزاك الف خير ويسهل علينا وييسر الامور
ريم الفلاء
06-26-2011, 08:19 PM
ماانصحك ابمستشفى الملك خالد
انا اهلي بالحفر بس بولد بالرياض واروح لهم
لان بنت عمي ياحرام الدكتور عطاها طلق صناعي وراح البيته
البنت انفجرت عندها المثانه وسوولها عمليه طلعو الجنين
وخيطو المثانه والجنين بالحضانه مايدرون اذا يعيش او لا
لانه شرب البول والبراز
ولها الحين والده عشرين يوم وتعبانه حيل ياقلبي
ماانصحك لا بنور خان ولا خالد كلهم وربي يخوفون
ريم الفلاء
06-26-2011, 08:20 PM
ونور خاااان ولدو مرت ولد عمي المره ياحرام ورمت وصارت بنفسجيه
والولد مات على طووووووول ماادري وش سووو لها
واول ماادخلت ولدوها عمليه مو طبيعي ماعندهم ذمه وربي
بدون نك
09-12-2011, 07:04 PM
والله انا زيك متوهقه اولد بالحفر ولا بحايل

طيب روحي لرفحاء يمدحون مسشفاهم
snickers66
09-25-2011, 04:38 PM
يا أمي خوفتوني
أبغى اولد عند أهلي بالرياض بس يمكن اولد بأي وقت
الله يستر وأكمل الشهر ع خير