السونار في الاسبوع 15 يبان؟

[نظرتي كلها امل]

مرحبا كروشات
عساكم بخير كووولياتكم
اممم عندي سؤال وياليت احد يجاوبني قبل لااستعجل بالتنفيد
احد منكم عرف جنس البيبي في الاسبوع 15 (الشهر الرابع)
في رايكم لو سويت سونار راح اقدر اعرف ولا انتظر بعد كم اسبوع؟؟

[واثقة الخطى]

لا تستعجلين اختي انا في الاسبوع ال15 وقال لي الدكتور مو باين تعالي بعد اسبوعين


تحياااتي لك
واااثقة00

[أم ميوري]

وانا بعد الحين في السابع ومن الرابع يقولوا مو باين مابين احكومي والخاص يعني انتضري شوي

[نونه2011]

اذا الي تروحين له حكومي اصلا ممنوع انهم يقولون لك جنس الجنين ريحي نفسك كلامي عن تجربه واذا خاص انشالله يبين انتي وش خسرانه على الاقل تطمنين عليه حتى لو مابين


تقبلي مروري لك مني اجمل ود

[ام الخير]

في ناس تبين وناس لا ..!انا بالنسبه لي الى السادس بدايته وقالو مو باين بس اعرف بعضهم عندهم بان والله ما ادري جربي شوفي على الاقل تطمني ع البيبي
واذا بين قو لي لنا وفرحينا معاك وانتي نفسك في ايه عشان ندعيلك

[رياح الورد]

انا عن نفسي سويت سونار الاسبوع الي طاف كان علي 4 شهور و اسبوع .. و قالت لي الدكتوره مو امبين ..
بس يختلف من وحه لي الثانيه .. رفيجتي بأخر الثالث عرفو شنو..
بس نطري شوي لو تسوين سوننار بالخامس احسن و ان شاء الله يبين ..

[qatar eyes]

انا في الاسبوع الـ16 بين معاي .. انا سمعت في الـ16 او بداية الخامس يبين بسس على حسسب شطارة الدكتوره لو قدرت تحركه وتفتح ريله بيبين معاج ..
الله يثبته لج ويرزقج الي تتمنينه

[غلاه يكفيني]

انا نفس الحاله توني داخله الرابع .. وماادري هل بيبين ولا لااا ..
على كل حال انا عندي موعد سونار بتاريخ 10 من الشهر وان شاء الله ربي يسهل اموري ..

[أم ح ــنونـہ]

انا رحت في الخامس وما بان لأنه كان مسكر رجوله
بس يوم السبت موعدي ان شاء الله
ححاول اعرف ولد ولا بنت والله يجيب الخير

[*لميندا*]

اختي انا في حملي الاول والثاني بان في الاسبوع ال17 و18 انتظري اسبوعين وان شاء الله يبان معاك
حتى مثلك فيالاسبوع 15 ان شاء الله بعد اسبوعين اروح اشوف

[نظرتي كلها امل]

شوووووووووكرا حبايبي والله يسهل عليكم ياااارب جميعاااا

[ام حسين الدار]

خيوه ابد ماكو صبر اف كل مني حمستك وراحت عنك هع هع والله ماباقي شي وتعرفي واني اقولك اول وحده ولد لان خلص موسم البنات هههههههههههههه
الله اسهل عليش وتقومي بسلامه يارب ياكريم

[العمر لحظه]

الله يريح قلبك ويرزقك بالطفل السليم المعافى الكامل الخلقه اللي يقر عينك

[ام انس المصريه]

اختى لو السونار ثلاثى الابعاد يبين ان كان ولد او بنت

وربنا كريم

[رونق الروح]

انا الاسبوع13 قالت شاكه لانها دكتورة خبرة والاسبوع16 قالت متاكده واكدتلي كمان الاسبوع الي فات24