من يذكر منكم أيام الليلام ~~~

[بنت الريف]

الليلام

http://forum.hwaml.com/imgcache2/hwaml.com_1303913141_756.jpg

هو باكستاني .. يحمل قطعه قماش كبيره ( وعاده ماتكون شرشف ) ويغطي بها بضاعته
وينتقل من مكان الى آخر .. من بيت الى بيت .. من منطقه الى منطقه .. والربح عنده 300 %
من البدو وسكان المناطق النائيه بالآخص ..!

بضاعته تكون منوعه : اقمشه + العاب + ملابس اطفال + ملابس كبار + ادوات منزل + نعول + مسدسات ماي وبأسعار جدا مناسبه .. وماكان يزعل حد .. تبيه يرخص بيرخص ..!

بس على ايام زمان .. كان الليلام يعاني من عقده وحده ..!
اذا سمع كلمه بلديه .. يلم بضاعته ويركض كـ الحصان من الخوف ومرات يزخونهم
ومرات يشردون وتلقاه مايتوب لازم يرجع ثاني يوم .. الآمور طيبه ..!

على آيام زمان كنا نعتبره السوق المركزي للمناطق النائيه .. كان موفر عبىء كبير
على سكان المناطق النائيه .. لان زمان المعظم ماعندهم مواتر .. وسيرة السوق
تكون في السنه حسنه ومره وحده .. بس الليلام كان المنقذ على تلك الآيام .. يونسنا
ببضاعته ..!

لين اليوم اتذكر الآغنيه المشهوره لهم .. وكنا من نسمعهم نطلع نربع نبا انوقفه
انشوف شو عنده ..!

( كنت اخذ سيـع اكثر شى وضمان مايدخلهن الماي واذا دخلهن الماي حط الساعه فوق السطح
وخل الشمس تضربها لين ينشف الماي من داخل والامور فالسستم )

الليلام كـان كـ المحل المخالف المنتقل الغير مرخص .. ومع ذالك تلقى البعض يسجل عنده حساب
ويوافق ويروح ويرجع ويعطونه حسابه ..!

اشتقنا لآيام الليلام .. ولآيام البساطه .. ولآيام الرخص .. وعدم رفع الآسعار ..!

الليلام = بضاعه ممتازه + رخص فالآسعار + يعطيك ضمان قرنتي بالكلام وبدون فاتوره
ويكون عند العهد ..!





http://forum.hwaml.com/imgcache2/hwaml.com_1303913139_760.jpg

[سلمى*]

يعطيك العافيه ما فهمت هذي حكايه ولا حقيقة
ههههههههههههه

[**سماسم**]

يالله أمس جدتي تحكلي عنه وعندهم يسمونه الدواج وفيه كذا أسم له لاكن هذا الأسم شد أنتباهي أكثر ..
وكانت بضاعته متنوعه ورخيصه وأصليه وهم كانو الحريم زمان يبيعن عليه أشغالهن اليدويه أو أنه هو يبيعها لهن وإذا جاء المريه الجايه يعطيها المبلغ
طرح رائع معبق برائحة الماضي الجميل
بنت الريف
الله يعطيج العافيه وماتقصرين
,,

[العاااالي مستواها]

سلمت يدج بنت الريف حسيت اني اشوفه الليله

عندنا يسمونه الدواج مثل سماسم فعلا كنا نموت من الفرحه اذا شفناه لانه يبيع الحلاوه والالعاب والعرايس حقت البنات

ربي يسعدج وينولج الي في بالج ياقمررر

[جنا المدينة]

معلومة مفيدة اول مرة اسمع عن الاسماء هادي...سلمت اناملك

[بنت الريف]

يعطيييكم ألف عاااافية ع المرور ياحلوووووين~

[ام تميم 66]

يعطيك العاافية يا الغلا,,,

[عزتي ماهي غرور]

يووووووووووووووهـ زمااااان زمااااااان والله أذكرهـ

ونص ( عفش ) أمي يعني تجهيز فرحهاااااا

عند أمي صحون ولا أحلى من أيام زواجها من عند ( الدواج ) وللحين لاقوة إلا بالله كأنها إصدار

هالسنة ( عيني منها ) ودي فيها بس مو بحاصلي ( أمي تفرط بواحد من أخواني ولا فيها )

الله عليكـ يابنت الريف أياااااام صج حلوووووة وياليتها تنعاااااد

طرح مميـــــــــــز سلمت أناملك